missing

  • ପିହୁ ସମ୍ପର୍କରେ ସୂଚନା ଦାତାଙ୍କୁ ମିଳିବ 5 ଲକ୍ଷ

    ଯାଜପୁର: ବହୁ ଚର୍ଚ୍ଚିତ ପିହୁ ନିଖୋଜ ମାମଲାର ଦୁଇ ବର୍ଷ ପରେ ପୋଲିସର ତତ୍ପରତା ପ୍ରକାଶ ପାଇଛି। ପିହୁ ସମ୍ପର୍କରେ ସୂଚନା ଦାତାଙ୍କୁ 5 ଲକ୍ଷ ଟଙ୍କା ଦିଆଯିବ ବୋଲି ଘୋଷଣା କରିଛି ପୋଲିସ। ଏନେଇ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ପୋଷ୍ଟର ଜାରି କରାଯାଇଛି। ଯାଜପୁର ଜିଲ୍ଲା ବିଂଝାରପୁର ଥାନା ଅନ୍ତର୍ଗତ ମଧୁସୂଦନପୁରର ପିହୁ ଗାଁ ଦାଣ୍ଡରେ ଖେଳୁଥିବା ବେଳେ କେଉଁଆଡ଼େ ନିଖୋଜ ହୋଇଯାଇଥିଲା। ପରିବାର ଲୋକେ ଏହାକୁ ଅପହରଣ ବୋଲି ଅଭିଯୋଗ କରିଥିଲେ। ନିକଟରେ ଭୁବନେଶ୍ୱର ସ୍ଥିତ ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ ଅଫିସ ସମୁଖରେ ଧାରଣା ପରେ ପୋଲିସ ପିହୁକୁ ଖୋଜିବା ପାଇଁ ତତ୍ପରତା ପ୍ରକାଶ କରିଛି। ସେପଟେ ପିହୁକୁ ଖୋଜିବା ପାଇଁ ପୋଲିସ ଉପରେ ଭରସା ନାହିଁ ସେଥିପାଇଁ ଘଟଣାର ସିବିଆଇ ତଦନ୍ତ କରିବାକୁ ପିହୁର ମା ମୋନାଲିସା ଦାବି କରିଛନ୍ତି।

  • ଦୁଇଦିନ ଧରି ଛାତ୍ରୀଙ୍କ ମିଳୁନି ପତ୍ତା

    ଭୁବନେଶ୍ୱର: ବିଜେବି କଲେଜ ଲେଡିଜ ହଷ୍ଟେଲରେ ଛାତ୍ରୀଙ୍କ ଆତ୍ମହତ୍ୟାକୁ ନେଇ ହୁଲୁସ୍ତୁଲ ପୁରା ଓଡ଼ିଶା। ଠିକ ଏତିକି ବେଳେ ଉତ୍କଳ ସଙ୍ଗୀତ ମହାବଦ୍ୟାଳୟରୁ ଆସିଛି ଛାତ୍ରୀ ନିଖୋଜର ଅଭିଯୋଗ । ଦୁଇଦିନ ଧରି ସଙ୍ଗୀତ ମହାବିଦ୍ୟାଳୟର ଛାତ୍ରୀ ଶୁଭସ୍ମିତା ମଲ୍ଲିକଙ୍କ ପତ୍ତା ମିଳୁନି। ଏହାପରେ ହଷ୍ଟେଲରେ ଛାତ୍ରୀ ସୁରକ୍ଷାକୁ ନେଇ ଉଠିଛି ପ୍ରଶ୍ନ।

    ଉତ୍କଳ ସଙ୍ଗୀତ ମହାବଦ୍ୟାଳୟର ଛାତ୍ରୀ ଶୁଭସ୍ମିତା ମଲ୍ଲିକ। ଶନିବାର ୟୁନିଟ ୫ରେ ଥିବା ହଷ୍ଟେଲରୁ କଲେଜକୁ ବାହାରିଥିଲେ । ହେଲେ ସେବେଠୁ ଆଉ ପେରି ନାହାଁନ୍ତି ଶୁଭସ୍ମିତା। ହଷ୍ଟେଲ ରେଜିଷ୍ଟାରୁ ଜଣାପଡ଼ିଛି ଯେ ଶୁଭସ୍ମିତା ନିଜ ମାମୁଁଭ୍କ ସହ ହଷ୍ଟେଲରୁ ବାହାରିଥିଲେ। ହେଲେ ତାପରେ କୁଆଡ଼େ ଗଲେ ସେନେଇ କିଛି ବି ଜଣାପଡ଼ିନ। ଯାଜପୁର ବରି ଅଞ୍ଚଳରେ ଶୁଭସ୍ମିତାଙ୍କ ଘର। ହେଲେ ସେ ନା ଘରୁକୁ ଯାଇଛନ୍ତି ନା ହଷ୍ଟେଲକୁ ଷପରିଛନ୍ତି। ଏହାପରେ ପରିବାର ଲୋକ ଥାନାରେ  ଏତଲା ଦେଇଛନ୍ତି।ରୁଚିକାଙ୍କ ମୃତ୍ୟୁ ଓ ଶୁଭସ୍ମିତାଙ୍କ ନିଖୋଜ ସରକାରୀ ହସ୍ପିଟାଲକୁ ନେଇ ଅନେକ ପ୍ରଶ୍ନ ଛିଡ଼ା କରୁଛି।

    କୁଆଡ଼େ ଗଲେ ଶୁଭସ୍ମିତା? ସୁରକ୍ଷିତ ଅଛନ୍ତି ତ ଉତ୍କଳ ସଙ୍ଗୀତ ମହାବିଦ୍ୟାଳୟର ନିଖୋଜ ଛାତ୍ରୀ? ହଷ୍ଟେଲର ୱାର୍ଡେନ ଓ ସୁପରିଟେଣ୍ଡେଣ୍ଟ ଶୁଭସ୍ମିତାଙ୍କ ମାମୁଁଙ୍କ ପରିଚୟ ଯାଁଚ କରିଥିଲେ କି? ସରକାରୀ ହଷ୍ଟେଲରେ କେତେ ସୁରକ୍ଷିତ ଛାତ୍ରୀ? ବର୍ତ୍ତମାନ ଶୁଭସ୍ମିତାଙ୍କୁ ଖୋଜି ବାହାର କରିବା ପୋଲିସ ପାଇଁ ସବୁଠୁ ବଡ଼ ଚ୍ୟାଲେଞ୍ଜ।

    ପ୍ରଶାନ୍ତ ମଶ୍ରଙ୍କ ରିପୋର୍ଟ ନକ୍ଷତ୍ର ନ୍ୟୁଜ୍‌

Back to top button