muslim community

  • ମୁସଲିମ ଛାଡପତ୍ରକୁ ନେଇ ଜୁଲାଇ ୨୨ରେ ଶୁଣାଣି ପାଇଁ ତାରିଖ ଧାର୍ଯ୍ୟ

    ନୂଆଦିଲ୍ଲୀ: ସୁପ୍ରିମ କୋର୍ଟ ସୋମବାର ଦିନ ମୁସଲିମ ଛାଡପତ୍ର ମାମଲାକୁ ନେଇ ଆସନ୍ତା ଜୁଲାଇ ୨୨ରେ ଏକ ରିଟ ପିଟିସନର ଶୁଣାଣି କରିବାକୁ ତାଲିକାଭୁକ୍ତ କରିଛନ୍ତି। ରିଟ ଯାଚିକା ତଲାକ ଏ ହାସାନର ମୁସଲିମ ପର୍ସନାଲ ଲ ପ୍ରାକ୍ଟିସ ପକ୍ଷରୁ ଦାୟର ହୋଇଛି ଯାଚିକା। ଯେଉଁଥିରେ କୁହାଯାଇଥିଲା କି, ଜଣେ ବ୍ୟକ୍ତି ତାର ସ୍ତ୍ରୀକୁ ମାସରେ ଥରେ କରି ତିନି ମାସ ଧରି ତଲାକ କହିଲେ ଛାଡପତ୍ର ଦେଇ ପାରିବେ। ଓକିଲ ପିଙ୍କି ଆନନ୍ଦଙ୍କ ଦ୍ବାରା ଦାୟର ଏହି ଯାଚିକା ମୁଖ୍ୟ ବିଚାରପତି ଏନ ଭି ରମଣା, ଜଷ୍ଟିସ କ୍ରିଷ୍ଣା ମୁରାରୀ ଓ ଜଷ୍ଟିସ ହିମା କୋହଲିଙ୍କ ଖଣ୍ଡପୀଠଙ୍କ ସମ୍ମୁଖରେ ଉପସ୍ଥାପନ କରିଥିଲେ। ସେ ବେଞ୍ଚଙ୍କ ସମ୍ମୁଖରେ ମାମଲାର ଶୁଣାଣି ପାଇଁ ଅପିଲ କରିବା ସହ ଜଣାଇଥିଲେ କି, ସେ ୩ ଟି ତଲାକ ନୋଟିସ ପାଇଛନ୍ତି, ଯାହା ବର୍ତ୍ତମାନ ପରିବର୍ତ୍ତନ କରାଯାଇ ପାରିବ ନାହିଁ। ଏହା ପରେ ଖଣ୍ଡପୀଠ ୪ ଦିନ ପରେ ମାମଲାର ଶୁଣାଣି କରିବାକୁ କହିଛନ୍ତି।

    ଯାଚିକା କର୍ତ୍ତା ଅଭିଯୋଗ ଆଣିଥିଲେ କି, ତାଙ୍କ ସ୍ସାମୀ ଏପ୍ରିଲ ୧୯ରେ ସ୍ପିଡ ପୋଷ୍ଟରେ ପ୍ରଥମ ତଲାକ ନୋଟିସ କରିଥିଲେ। ଏହା ପରେ ପରବର୍ତ୍ତୀ ୨ ମାସରେ ସେ ଦୁଇଟି ତଲାକ ନୋଟିସ ପାଇଥିଲେ। ଏହାକୁ ଯାଚିକା କର୍ତ୍ତା ପକ୍ଷପାତିତା କହିଛନ୍ତି। କାହିଁକି ତଲାକ କେବଳ ପୁରୁଷଙ୍କ ଦ୍ବାରା ଦିଆଯିବ। ଏହି ପ୍ରଥାକୁ ସେ ପକ୍ଷପାତିତା ଓ ଅସମ୍ବିଧାନିକ ବୋଲି ଅଭିଯୋଗ ମଧ୍ୟ କରିଛନ୍ତି। ଏହା ଧାରା ୧୪, ୧୫, ୨୧ ଓ ୨୫ ର ଉଲ୍ଲଙ୍ଘନ ବୋଲି ଅଭିଯୋଗ କରିଛନ୍ତି।

    ଶିଳା ରାୟଙ୍କ ରିପୋର୍ଟ

  • ଆଜି ପବିତ୍ର ଇଦ୍-ଉଲ୍ଲ-ଜୁହା

    ଆଜି ହେଉଛି ମୁସଲମାନ ସମ୍ପ୍ରଦାୟର ପବିତ୍ର ପର୍ବ ଇଦ୍ଉଲ୍ଲ-ଜୁହା। ସମଗ୍ର ଦେଶରେ ପାଳନ ହେଉଛି ଇଦ୍ଉଲ୍ଲ ଜୁହା। ଇଦ-ଉଲ୍-ଫିତର ପରେ ଏହା ହେଉଛି ମୁସଲମାନଙ୍କର ଦ୍ୱିତୀୟ ବୃହତ୍ତମ ପର୍ବ। ଏହି ଅବସରରେ ଇଦଗା କିମ୍ୱା ମସଜିଦରେ ସ୍ୱତନ୍ତ୍ର ବ୍ୟବସ୍ଥା କରାଯାଇଥାଏ। ବିଭିନ୍ନ ସ୍ଥାନରେ ନମାଜ ପାଠ ହେବା ସହ ପରସ୍ପରକୁ ମୁସଲମାନ ଭାଇମାନେ ଆଲିଙ୍ଗନ କରି ଶୁଭେଚ୍ଛା ଜଣାଇଛନ୍ତି। ଘରେ ଘରେ ଛୋଟ ଛୁଆଙ୍କଠାରୁ ଆରମ୍ଭ କରି ବୟସ୍କ ଲୋକଙ୍କ ପର୍ଯ୍ୟନ୍ତ ଖୁସି ମନାଇଥାନ୍ତି । ଏହାସହ ମୁସଲମାନ ଲୋକମାନେ ନୂଆ ପୋଷାକ ପରିଧାନ କରି ନମାଜ ପଢିଥାନ୍ତି। ପରେ ଛେଳିକୁ ବଳି ଦେଇଥାନ୍ତି। ସେହିପରି ଦିଲ୍ଲୀର ଜାମା ମସଜିଦରେ ବହୁ ଭିଡ ଜମିଥିବା ଦେଖିବାକୁ ମିଳିଛି। ଏହାସହ ଦେଶର ବିଭିନ୍ନ ସ୍ଥାନରେ ଥିବା ମସଜିଦରେ ଶାନ୍ତି ଶୃଙ୍ଖଳା ରକ୍ଷା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି।
    -ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ

Back to top button