nupur sharma

  • рмкрнВрм░рнНрммрмдрми рммрм┐рмЪрм╛рм░рмкрмдрм┐рмЩрнНрмХ рммрм┐рм░рнЛрмзрм░рнЗ рмХрнЛрм░рнНрмЯ рмЕрммрморм╛рмирмирм╛ рморм╛рморм▓рм╛тАж

    рмирнВрмЖрмжрм┐рм▓рнНрм▓рнА: рмкрнВрм░рнНрммрмдрми рмжрм┐рм▓рнНрм▓рнА рм╣рм╛рмЗрмХрнЛрм░рнНрмЯрмЩрнНрмХ рммрм┐рмЪрм╛рм░рмкрмдрм┐ рмЬрм╖рнНрмЯрм┐рм╕ рмПрми рмПрми рмбрм┐рмЩрнНрмЧрнЗ, рмкрнВрм░рнНрммрмдрми рмЕрмдрм┐рм░рм┐рмХрнНрмд рм╕рм▓рм┐рм╕рм┐рмЯрм░ рмЬрнЗрмирнЗрм░рм╛рм▓ рмЕрморми рм▓рнЗрмЦрм┐ рмУ рмУрмХрм┐рм▓ рмХрнЗ рмЖрм░ рмХрнБрморм╛рм░рмЩрнНрмХ рммрм┐рм░рнЛрмзрм░рнЗ рмХрнЛрм░рнНрмЯ рмЕрммрморм╛рмирмирм╛ рморм╛рморм▓рм╛рм░рнЗ рмирм┐рмЬ рм╕рморнНрмормдрм┐ рмжрнЗрммрм╛рмХрнБ рмнрм╛рм░рмдрм░ рмЖрмЯрм░рнНрмгрнНрмгрм┐ рмЬрнЗрмирнЗрм░рм╛рм▓ рмХрнЗ рмХрнЗ рммрнЗрмгрнБ рмЧрнЛрмкрм╛рм│ рмормирм╛ рмХрм░рм┐рмжрнЗрмЗрмЫрмирнНрмдрм┐ред рмПрморм╛рмирнЗ рмирнВрмкрнБрм░ рм╢рм░рнНрморм╛ рморм╛рморм▓рм╛рм░рнЗ рм╕рнБрмкрнНрм░рм┐рмормХрнЛрм░рнНрмЯрмЩрнНрмХ рмжрнНрммрм╛рм░рм╛ рморнМрмЦрм┐рмХ рмЯрм┐рмкрнНрмкрмгрнАрмХрнБ рммрм┐рм░рнЛрмз рмХрм░рм┐рммрм╛ рм╕рм╣ рм╕рморм╛рм▓рнЛрмЪрмирм╛ рмХрм░рм┐рмерм┐рм▓рнЗред рмПрм╣рм╛рмХрнБ рмирнЗрмЗ рмПрморм╛рмирмЩрнНрмХ рммрм┐рм░рнЛрмзрм░рнЗ рм╕рнБрмкрнНрм░рм┐рмормХрнЛрм░рнНрмЯ рмЕрммрморм╛рмирмирм╛ рморм╛рморм▓рм╛ рмжрм╛рнЯрм░рмХрнБ рм╕рморнНрмормдрм┐ рмжрнЗрмЗ рмирм╛рм╣рм╛рмирнНрмдрм┐ рмЖрмЯрм░рнНрмгрнНрмгрм┐ рмЬрнЗрмирнЗрм░рм╛рм▓ред

    рмкрнНрм░рмлрнЗрмЯ рморм╣рморнНрмормжрмЩрнНрмХ рммрм┐рм░рнЛрмзрм░рнЗ рммрм┐рммрм╛рмжрнАрнЯ рммрнЯрм╛рми рмжрнЗрммрм╛ рмкрм░рнЗ рмирнВрмкрнБрм░ рм╢рм░рнНрморм╛рмЩрнНрмХ рммрм┐рм░рнЛрмзрм░рнЗ рмжрнЗрм╢рммрнНрнЯрм╛рмкрнА рммрм┐рмнрм┐рмирнНрми рм╕рнНрмерм╛рмирм░рнЗ рморм╛рморм▓рм╛ рм╣рнЛрмЗрмерм┐рммрм╛рм░рнБ рм╢рм░рнНрморм╛ рм╕рнБрмкрнНрм░рм┐рмормХрнЛрм░рнНрмЯрмЩрнНрмХ рмирм┐рмХрмЯрм░рнЗ рм╕рморм╕рнНрмд рморм╛рморм▓рм╛рмХрнБ рмжрм┐рм▓рнНрм▓рнА рм╕рнНрмерм╛рмирм╛рмирнНрмдрм░ рмХрм░рм┐рммрм╛рмХрнБ рмЕрмкрм┐рм▓ рмХрм░рм┐рмерм┐рм▓рнЗред рмПрм╣рм╛рм░ рм╢рнБрмгрм╛рмгрм┐ рмХрм╛рм│рм░рнЗ рмжрнБрмЗ рмЬрмгрм┐рмЖ рмЦрмгрнНрмбрмкрнАрма рмирнВрмкрнБрм░рмЩрнНрмХрнБ рмирм╛рмирм╛рмнрм╛рммрнЗ рмнрм░рнНрмдрнНрм╕рмирм╛ рмХрм░рм┐рммрм╛ рм╕рм╣ рмирнВрмкрнБрм░рмЩрнНрмХ рмкрм╛рмЗрмБ рмжрнЗрм╢ рмЬрм│рнБрмЫрм┐ рмУ рмЙрмжрнЯрмкрнБрм░ рмЯрнЗрм▓рм░рмЩрнНрмХ рм╣рмдрнНрнЯрм╛ рмдрм╛рмЩрнНрмХ рмкрм╛рмЗрмБ рм╣рнЛрмЗрмерм┐рммрм╛ рмХрм╣рм┐рмерм┐рм▓рнЗред рмПрм╣рм╛рмХрнБ рмирнЗрмЗ рм╕рнЗрмдрнЗрммрнЗрм│рнЗ рм╕рморм╕рнНрмд рмЧрмгрморм╛рмзрнНрнЯрморм░рнЗ рмЦрммрм░ рмкрнНрм░рм╕рм╛рм░рмг рм╣рнЛрмЗрмерм┐рм▓рм╛ред рмЬрм╖рнНрмЯрм┐рм╕ рмПрми рмПрми рмбрм┐рмЩрнНрмЧрнЗ, рмкрнВрм░рнНрммрмдрми рмЕрмдрм┐рм░рм┐рмХрнНрмд рм╕рм▓рм┐рм╕рм┐рмЯрм░ рмЬрнЗрмирнЗрм░рм╛рм▓ рмЕрморми рм▓рнЗрмЦрм┐ рмУ рмУрмХрм┐рм▓ рмХрнЗ рмЖрм░ рмХрнБрморм╛рм░ рм╕рнБрмкрнНрм░рм┐рмо рмХрнЛрм░рнНрмЯрмЩрнНрмХ рморнМрмЦрм┐рмХ рмЯрм┐рмкрнНтАМрмкрмгрнАрм░ рм╕рморм╛рм▓рнЛрмЪрмирм╛ рмХрм░рм┐рмерм┐рм▓рнЗред

    рм╢рм┐рм│рм╛ рм░рм╛рнЯрмЩрнНрмХ рм░рм┐рмкрнЛрм░рнНрмЯ

  • рмирнВрмкрнБрм░ рм╢рм░рнНрморм╛рмЩрнНрмХ рммрм┐рммрм╛рмжрм┐рмд рммрнЯрм╛рми рмкрм░рнЗ рмнрм╛рм░рмд рммрм┐рм░рнЛрмзрм░рнЗ рм╕рм╛рмЗрммрм░ рмпрнБрмжрнНрмз

    рмирнВрмЖрмжрм┐рм▓рнНрм▓рнА: рммрм┐рмЬрнЗрмкрм┐рм░ рмирм┐рм▓рморнНрммрм┐рмд рмирнЗрмдрнНрм░рнА рмирнВрмкрнБрм░ рм╢рм░рнНрморм╛рмЩрнНрмХ рммрм┐рммрм╛рмжрм┐рмд рммрнЯрм╛рми рмкрм░рнЗ рмжрнЗрм╢рммрнНрнЯрм╛рмкрнА рм╣рм┐рмВрм╕рм╛ рмЬрм╛рм░рм┐ рм░рм╣рм┐рмЫрм┐ред рмПрм╣рм╛ рмормзрнНрнЯрм░рнЗ рмЕрм╣рмормжрм╛рммрм╛рмж рмХрнНрм░рм╛рмЗрмо рммрнНрм░рм╛рмЮрнНрмЪ рмХрм╣рм┐рмЫрмирнНрмдрм┐ рмХрм┐, рмПрм╣рм┐ рмШрмЯрмгрм╛ рмкрм░рнЗ  рморм╛рм▓рнЗрм╕рм┐рмЖ рмУ рмЗрмгрнНрмбрнЛрмирнЗрм╕рм┐рмЖрм░ рморнБрм╕рм▓рм┐рмо рм╣рнНрнЯрм╛рмХрм░ рмнрм╛рм░рмд рммрм┐рм░рнЛрмзрм░рнЗ рм╕рм╛рмЗрммрм░ рмпрнБрмжрнНрмз рмЬрм╛рм░рм┐ рмХрм░рм┐ рмжрнЗрмЗрмЫрмирнНрмдрм┐ред  рмжрнБрмЗрмЯрм┐ рм╣рнНрнЯрм╛рмХрм░ рмЧрнНрм░рнБрмк рмбрнНрм░рм╛рмЧрми рмлрнЛрм░рнНрм╕ рморм╛рм▓рнЗрм╕рм┐рмЖ рмУ рм╣рнЗрмХрнНрмЯрм┐рмнрм┐рм╖рнНрмЯ рмЗрмгрнНрм╣рм┐рмирнЛрм╕рм┐рмЖ рмнрм╛рм░рмд рммрм┐рм░рнЛрмзрм░рнЗ рмЬрм╛рм░рм┐ рм░рмЦрм┐рмЫрмирнНрмдрм┐ рмЖрмХрнНрм░рмормгред рмЕрм╣рмормжрм╛ рммрм╛рмжрм░ рм╕рм╛рмЗрммрм░ рмХрнНрм░рм╛рмЗрмо рммрнНрм░рм╛рмЮрнНрмЪ рмЕрмирнБрмпрм╛рнЯрнА рм╣рнНрнЯрм╛рмХрм░ рмЧрнНрм░рнБрмк рмжрнБрмЗрмЯрм┐ рм╕рм╛рм░рм╛ рммрм┐рм╢рнНрммрм░  рммрм┐рм╢рнНрммрм░ рм╣рнНрнЯрм╛рмХрм░рмЩрнНрмХрнБ рмнрм╛рм░рмд рмЙрмкрм░рнЗ рм╕рм╛рмЗрммрм░ рмЖрмХрнНрм░рмормг рмХрм░рмирнНрмдрнБред рмПрм╣рм┐ рмЧрнНрм░рнБрмк рмжрнБрмЗрмЯрм┐ рмжрнНрммрм╛рм░рм╛ рни рм╣рмЬрм╛рм░рм░рнБ рмЕрмзрм┐рмХ рн▒рнЗрммрм╕рм╛рмЗрмЯрмХрнБ рм╣рнНрнЯрм╛рмХ рмХрм░рм╛рмпрм╛рмЗрмЫрм┐ред  рм╣рнНрнЯрм╛рмХрм░ рмирнВрмкрнБрм░рмЩрнНрмХ рмШрм░ рмУ рмдрм╛рмЩрнНрмХ рммрнНрнЯрмХрнНрмдрм┐рмЧрмд рм╕рнВрмЪрмирм╛рмХрнБ рмЕрмирм▓рм╛рмЗрмирм░рнЗ рм╕рм╛рм░рнНрммрмЬрмирнАрми рмХрм░рм┐ рмжрнЗрмЗрмЫрмирнНрмдрм┐ред рмПрм╣рм╛рмХрнБ рмирнЗрмЗ рмЕрм╣рмормжрм╛рммрм╛рмж  рмХрнНрм░рм╛рмЗрмо рммрнНрм░рм╛рмЮрнНрмЪ рмжрнБрмЗ рм╣рнНрнЯрм╛рмХрм░ рмЧрнНрм░рнБрмкрмХрнБ рмирнЛрмЯрм┐рм╕ рмХрм░рм┐ рмЗрмгрнНрмЯрм░рмкрнЛрм▓ рм▓рнБрмХрмЖрмЙрмЯ рмирнЛрмЯрм┐рм╕рм░ рмЙрм▓рнНрм▓рнЗрмЦ рмХрм░рм┐рмЫрм┐ред

    рммрм┐рммрм╛рмжрм┐рмд рммрнЯрм╛рми рмкрм░рнЗ рмжрнЗрм╢рм░ рммрм┐рмнрм┐рмирнНрми рм╕рнНрмерм╛рмирм░рнЗ рм╣рм┐рмВрм╕рм╛ рмжрнЗрмЦрм╛рмжрнЗрмЗрмЫрм┐ рмУ рмирнВрмкрнБрм░рмЩрнНрмХ рмирм╛рморм░рнЗ рмПрмлрмЖрмЗрмЖрм░рморм╛рми рмжрм╛рнЯрм░ рмХрм░рм╛рмпрм╛рмЗрмЫрм┐ред рм╕рнБрмкрнНрм░рм┐рмормХрнЛрм░рнНрмЯ рмормзрнНрнЯ рмПрм╣рм┐ рммрм┐рммрм╛рмжрмкрнВрм░рнНрмгрнНрмг рммрнЯрм╛рми рмкрм╛рмЗрмБ рмирнВрмкрнБрм░рмЩрнНрмХрнБ рмдрм┐рм░рм╕рнНрмХрм╛рм░ рмХрм░рм┐рммрм╛рмХрнБ рмормзрнНрнЯ рмкрмЫрм╛рмЗ рмирм╛рм╣рм╛рмирнНрмдрм┐ред

  • рммрм┐рмзрм╛рмирм╕рмнрм╛рм░рнЗ рмирнВрмкрнБрм░ рмирм┐рмЖрмБ

    рмирнБрмкрнБрм░ рмирм┐рмЖрмБрмХрнБ рмирнЗрмЗ рммрм┐рмзрм╛рмирм╕рмнрм╛рм░рнЗ рм╣рмЩрнНрмЧрм╛рморм╛ред рммрм┐рм░рнЛрмзрнА рмжрм│ рмнрм┐рмдрм░рнЗ рмдрнБрмдрнБ рморнЗрморнЗ рмПрморм┐рмдрм┐ рмЪрм╛рм▓рм┐рм▓рм╛ рмпрнЗ, рммрм╛рм░рморнНрн▒рм╛рм░ рмЧрнГрм╣ рмХрм╛рм░рнНрмпрнНрнЯ рммрм╛рмзрм╛ рмкрм╛рмЗрмерм┐рм▓рм╛ред рмЖрмЙ рммрм┐рм░рнЛрмзрнА рммрм┐рмЬрнЗрмкрм┐ рмУ рмХрмВрмЧрнНрм░рнЗрм╕ рмнрм┐рмдрм░рнЗ рмХрмерм╛ рмХрмЯрм╛рмХрмЯрм┐ рмжрнЗрмЦрм┐ рмирнАрм░рмм рм░рм╣рм┐ рмПрм╣рм┐ рмжрнГрм╢рнНрнЯрмХрнБ рммрнЗрм╢рнН рмЙрмкрмнрнЛрмЧ рмХрм░рнБрмерм┐рм▓рм╛ рмпрнЗрморм┐рмдрм┐ рм╢рм╛рм╕рмХ рмжрм│ред

    рмкрнНрм░рм╢рнНрмирмХрм╛рм│ рмпрм╛рмП рм╕рммрнБ рм╕рнБрм░рнБрмЦрнБрм░рнБрм░рнЗ рмЪрм╛рм▓рм┐рмерм┐рм▓рм╛ред рм╣рнЗрм▓рнЗ рм╢рнВрмирнНрнЯрмХрм╛рм│рмХрнБ рмпрнЗрморм┐рмдрм┐ рм╣рм╛рмЗрмЬрм╛рмХрнН рмХрм░рм┐рмирнЗрмЗрмЧрм▓рм╛ рмирнБрмкрнБрм░ рмирм┐рмЖрмБред рммрм┐рмЬрнЗрмкрм┐рм░ рмкрнВрм░рнНрммрмдрми рморнБрмЦрмкрм╛рмдрнНрм░ рмирнБрмкрнБрм░ рм╢рм░рнНрморм╛рмЩрнНрмХрнБ рм╕рнБрмкрнНрм░рм┐рмормХрнЛрм░рнНрмЯ рмХрмбрм╝рм╛ рмнрм░рнНрмдрнНрм╕рмирм╛ рмХрм░рм┐рммрм╛ рмкрнНрм░рм╕рмЩрнНрмЧрмХрнБ рмирнЗрмЗ рмХрмВрмЧрнНрм░рнЗрм╕ рммрм┐рмзрм╛рнЯрмХ рмжрм│ рмирнЗрмдрм╛ рмирм░рм╕рм┐рмВрм╣ рморм┐рм╢рнНрм░ рмХрнЗрмирнНрмжрнНрм░ рмЙрмкрм░рнЗ рммрм░рнНрм╖рм┐рмерм┐рм▓рнЗред рмПрм╣рм╛рмХрнБ рмПрмХ рм╕рморнНрн▒рнЗрмжрмирм╢рнАрм│ рмкрнНрм░рм╕рмЩрнНрмЧ рммрнЛрм▓рм┐ рмЕрмнрм┐рм╣рм┐рмд рмХрм░рм┐ рммрм┐рмЬрнЗрмкрм┐рм░ рмЖрмнрм┐рморнБрмЦрнНрнЯ рмХрмЕрмг рмЬрм╛рмгрм┐рммрм╛рмХрнБ рмЪрм╛рм╣рм┐рмБрмерм┐рм▓рнЗ рмирм░рм╕рм┐рмВрм╣ред рмХрм╛рм░рмг рммрм┐рмЬрнЗрмкрм┐рм░ рморнБрмЦрмкрм╛рмдрнНрм░ рмнрм╛рммрм░рнЗ рмирм┐рмЬрм░ рм░рм╛рмЬрмирнИрмдрм┐рмХ рмПрмЬрнЗрмгрнНрмбрм╛рмХрнБ рмЪрм░рм┐рмдрм╛рм░рнНрме рмХрм░рм┐рммрм╛рмХрнБ рмпрм╛рмЗ рмжрнЗрм╢рм░ рмирм┐рм░рм╛рмкрмдрнНрмдрм╛рмХрнБ рммрм┐рмкрмжрм░рнЗ рмкрмХрм╛рмЗрммрм╛рмХрнБ рмХрм┐рмП рм▓рм╛рмЗрм╕рнЗрмирнНрм╕ рмжрнЗрм▓рм╛ рммрнЛрм▓рм┐ рмкрмЪрм╛рм░рм┐рмерм┐рм▓рнЗ рмЕрмжрм╛рм▓рмдред рмЖрмЙ рм╕рнБрмкрнНрм░рм┐рморнН рмнрм░рнНрмдрнНрм╕рмирм╛рмХрнБ рмзрм░рм┐ рмХрмВрмЧрнНрм░рнЗрм╕ рмХрнЗрммрм│ рмХрнЗрмирнНрмжрнНрм░рмХрнБ рмЯрм╛рм░рнНрмЧрнЗрмЯ рмХрм░рм┐рмирм╛рм╣рм┐рмБред рмкрм╛рм▓рмЯрм╛ рм░рм╛рмЬрнНрнЯ рм╕рм░рмХрм╛рм░рмЩрнНрмХ рмЖрмнрм┐рморнБрмЦрнНрнЯ рмП рмжрм┐рмЧрм░рнЗ рмХрмЕрмг рммрнЛрм▓рм┐ рмкрмЪрм╛рм░рм┐рмЫрм┐ред

    рмдрнЗрммрнЗ рмХрмВрмЧрнНрм░рнЗрм╕рмХрнБ рмЙрмжрнЯрмкрнБрм░ рм╣рм┐рмВрм╕рм╛рм░ рмирмЬрм┐рм░ рмжрнЗрмЗ рмХрм╛рмЙрмгрнНрмЯрм░ рмХрм░рм┐рмерм┐рм▓рнЗ рммрм┐рм░рнЛрмзрнА рмжрм│ рмЙрмкрмирнЗрмдрм╛ рммрм┐рм╖рнНрмгрнБ рм╕рнЗрмарнАред рмЧрнГрм╣рм░ рм╕рмжрм╕рнНрнЯ рмирмерм┐рммрм╛ рмирнБрмкрнБрм░рмЩрнНрмХрнБ рмирнЗрмЗ рмХрм╛рм╣рм┐рмБрмХрм┐ рмЧрнГрм╣рм░рнЗ рмЖрм▓рнЛрмЪрмирм╛ рм╣рнЗрмм рммрнЛрм▓рм┐ рммрм┐рм░рнЛрмз рмХрм░рм┐рмерм┐рм▓рнЗ рммрм┐рм╖рнНрмгрнБред рммрм┐рмЬрнЗрмкрм┐рмд рмирнБрмкрнБрм░рмЩрнНрмХрнБ рмирм┐рм▓рморнНрн▒рми рмХрм░рм┐рмЫрм┐ред рмЙрмжрнЯрмкрнБрм░ рм╣рм┐рмВрм╕рм╛ рмкрм╛рмЗрмБ рм░рм╛рмЬрм╕рнНрмерм╛рмирм░ рмХрмВрмЧрнНрм░рнЗрм╕ рм╕рм░рмХрм╛рм░ рмЗрм╕рнНрмдрмлрм╛ рмжрнЗрм▓рнЗ рмХрм┐ред рмХрм╢рнНрморнАрм░ рмкрмгрнНрмбрм┐рмд рмХрмерм╛ рмЙрмарм╛рмЗ рмХрмВрмЧрнНрм░рнЗрм╕рмХрнБ рм╕рморм╛рм▓рнЛрмЪрмирм╛ рмХрм░рм┐рмерм┐рм▓рнЗ рммрм┐рм╖рнНрмгрнБред

    рмирнБрмкрнБрм░рмЩрнНрмХрнБ рмирнЗрмЗ рмЧрнГрм╣рм░рнЗ рмХрмВрмЧрнНрм░рнЗрм╕ рмУ рммрм┐рмЬрнЗрмкрм┐ рм╕рмнрнНрнЯ рморнБрм╣рм╛рмБрморнБрм╣рм┐рмБ рм╣рнЛрмЗрмерм┐рм▓рм╛ рммрнЗрм│рнЗ рм╢рм╛рм╕рмХ рмжрм│ рмирнАрм░рмм рм░рм╣рм┐ рмжрнЗрмЦрнБрмерм┐рм▓рм╛ рмПрморм╛рмирмЩрнНрмХ рм▓рмврнЗрмЗред рмЧрнГрм╣рм░рнЗ рм╕рнНрн▒рм╛рмнрм╛рммрм┐рмХ рмЕрммрм╕рнНрмерм╛ рмлрнЗрм░рм╛рмЗрммрм╛рмХрнБ рмкрнНрм░рнЯрм╛рм╕ рмХрм░рм┐рмерм┐рм▓рнЗ рммрм╛рмЪрм╕рнНрмкрмдрм┐ред рммрм╛рм░рморнНрн▒рм╛рм░ рморнБрм▓рмдрммрнА рмкрм░рнЗ рммрм┐ рммрм┐рм░рнЛрмзрнАрмЩрнНрмХ рмкрм░рм╕рнНрмкрм░ рммрм┐рм░рнЛрмзрнА рмирм╛рм░рм╛рммрм╛рмЬрм┐рм░рнБ рмЕрмкрм░рм╛рм╣рнНрми рнкрмЯрм╛ рмпрм╛рмП рмЧрнГрм╣рмХрнБ рморнБрм▓рмдрммрнА рмХрм░рм┐рммрм╛рмХрнБ рммрм╛рмзрнНрнЯ рм╣рнЛрмЗрмерм┐рм▓рнЗ рммрм╛рмЪрм╕рнНрмкрмдрм┐ред

    рм░рмШрнБрмирм╛рме рм╕рм╛рм╣рнБрмЩрнНрмХ рм░рм┐рмкрнЛрм░рнНрмЯ, рмирмХрнНрм╖рмдрнНрм░ рмирнНрнЯрнБрмЬрнН..

  • рмпрм╛рм╣рм╛ рмЗрмЫрм╛ рмдрм╛рм╣рм╛ рмХрм╣рм┐рммрм╛рмХрнБ рмдрнБрмормХрнБ рм▓рм╛рмЗрм╕рнЗрмирнНрм╕ рмжрнЗрм▓рм╛ рмХрм┐рмП ?

    рмкрнНрм░рмлрнЗрмЯ рморм╣рморнНрмормжрмЩрнНрмХ рмЙрмкрм░рнЗ рмжрнЗрмЗрмерм┐рммрм╛ рмЖрмкрмдрнНрмдрм┐рмЬрмирмХ рмормирнНрмдрммрнНрнЯрмХрнБ рмирнЗрмЗ рмирнБрмкрнБрм░ рм╢рм░рнНрморм╛рмЩрнНрмХ рмЙрмкрм░рнЗ рммрм░рнНрм╖рм┐рмЫрмирнНрмдрм┐ рм╕рм░рнНрммрнЛрмЪрнНрмЪ рмЕрмжрм╛рм▓рмдред рмЧрнЛрмЯрм┐рмП рмжрм│рм░ рморнБрмЦрмкрм╛рмдрнНрм░ рмЕрмЫред рмХрм┐рмирнНрмдрнБ рмпрм╛рм╣рм╛ рмЗрмЫрм╛ рмдрм╛рм╣рм╛ рмХрм╣рм┐рммрм╛рмХрнБ рмдрнБрмормХрнБ рм▓рм╛рмЗрм╕рнЗрмирнНрм╕ рмжрнЗрм▓рм╛ рмХрм┐рмП рммрнЛрм▓рм┐ рмХрнЬрм╛ рмнрм░рнНрмдрнНрм╕рмирм╛ рмХрм░рм┐рмЫрмирнНрмдрм┐ рм╕рнБрмкрнНрм░рм┐рмормХрнЛрм░рнНрмЯред рмирнБрмкрнБрм░ рмжрнЗрм╢рм░ рмирм┐рм░рм╛рмкрмдрнНрмдрм╛ рмкрм╛рмЗрмБ рммрм┐рмкрмжред рм╕рнЗрмерм┐рм▓рм╛рмЧрм┐ рм╕рм╛рм░рм╛ рмжрнЗрм╢рмХрнБ рмХрнНрм╖рморм╛ рморм╛рмЧрмирнНрмдрнБ рммрнЛрм▓рм┐ рмирм┐рм░рнНрмжрнЗрм╢ рмжрнЗрмЗрмЫрмирнНрмдрм┐ рм╕рм░рнНрммрнЛрмЪрнНрмЪ рмЕрмжрм╛рм▓рмдред рморм╣рмЩрнНрмЧрм╛ рмкрнЬрм┐рм▓рм╛ рммрм┐рммрм╛рмжрнАрнЯ рмормирнНрмдрммрнНрнЯред рморм╣рморнНрмормж рмкрнНрм░рмлрнЗрмЯрмЩрнНрмХ рмЙрмкрм░рнЗ рмжрнЗрмЗрмерм┐рммрм╛ рмЖрмкрмдрнНрмдрм┐рмЬрмирмХ рмормирнНрмдрммрнНрнЯ рм▓рм╛рмЧрм┐ рммрм┐рмЬрнЗрмкрм┐ рмирнЗрмдрнНрм░рнА рмирнБрмкрнБрм░ рм╢рм░рнНрморм╛рмЩрнНрмХрнБ рмХрнЬрм╛ рмнрм╛рм╖рм╛рм░рнЗ рмнрм░рнНрмдрнНрм╕рмирм╛ рмХрм░рм┐рмЫрмирнНрмдрм┐ рм╕рм░рнНрммрнЛрмЪрнНрмЪ рмЕрмжрм╛рм▓рмдред рмирнБрмкрнБрм░ рмжрнЗрм╢рм░ рмирм┐рм░рм╛рмкрмдрнНрмдрм╛ рм▓рм╛рмЧрм┐ рммрм┐рмкрмжред рмирнБрмкрнБрм░рмЩрнНрмХ рмЯрм┐рмкрнНрмкрмгрнА рмЙрмдрнНрмдрнЗрмЬрмХ рмерм┐рм▓рм╛ред рмПрм╣рм┐ рмЯрм┐рмкрнНрмкрмгрнА рмкрм╛рмЗрмБ рмЖрмЬрм┐ рм╕рм╛рм░рм╛ рмжрнЗрм╢ рмЬрм│рнБрмЫрм┐ред рмЙрмжрнЯрмкрнБрм░ рмШрмЯрмгрм╛ рмкрм╛рмЗрмБ рммрм┐ рмирнБрмкрнБрм░ рмжрм╛рнЯрнАред рм╕рнЗрмерм┐рм▓рм╛рмЧрм┐ рмжрнЗрм╢рммрм╛рм╕рнАрмЩрнНрмХрнБ рмХрнНрм╖рморм╛ рморм╛рмЧ рммрнЛрм▓рм┐ рмирм┐рм░рнНрмжрнЗрм╢ рмжрнЗрмЗрмЫрмирнНрмдрм┐ рм╕рнБрмкрнНрм░рм┐рмормХрнЛрм░рнНрмЯред рмЧрнЛрмЯрм┐рмП рмжрм│рм░ рморнБрмЦрмкрм╛рмдрнНрм░ рмЕрмЫред рмХрм┐рмирнНрмдрнБ рмпрм╛рм╣рм╛ рмЗрмЫрм╛ рмдрм╛рм╣рм╛ рмХрм╣рм┐рммрм╛рмХрнБ рмХрмЕрмг рморнБрмЦрмкрм╛рмдрнНрм░ рмнрм╛рммрм░рнЗ рмжрм│ рм▓рм╛рмЗрм╕рнЗрмирнНрм╕ рмжрнЗрмЗрмЫрм┐ рмХрм┐ рммрнЛрм▓рм┐ рмкрмЪрм╛рм░рм┐рмерм┐рм▓рнЗ рмЕрмжрм╛рм▓рмдред

    рморм╛рморм▓рм╛ рммрм┐рмЪрм╛рм░рм╛рмзрнАрми рмерм┐рм▓рм╛ рммрнЗрм│рнЗ рмЯрнЗрм▓рм┐рмнрм┐рмЬрми рммрм┐рмдрм░рнНрмХрм░рнЗ рммрм╕рм┐ рмЖрм▓рнЛрмЪрмирм╛ рмХрм░рм┐рммрм╛ рмХрмЕрмг рмжрм░рмХрм╛рм░ рмерм┐рм▓рм╛ред рммрнЛрмзрм╣рнБрмП рмХрнЗрммрм│ рмПрмХ рмПрмЬрнЗрмгрнНрмбрм╛рмХрнБ рмкрнНрм░рморнЛрмЯ рмХрм░рм┐рммрм╛ рмЙрмжрнЗрм╢рнНрнЯ рмерм┐рм▓рм╛ред рмЯрнЗрм▓рм┐рмнрм┐рмЬрми рморм╛рмзрнНрнЯрморм░рнЗ рм╣рм┐рмБ рмХрнНрм╖рморм╛ рморм╛рмЧрмирнНрмдрнБ рмирнБрмкрнБрм░ред рмпрмжрм┐рмУ рммрм┐рмдрм░рнНрмХрм░рнЗ рмХрнМрмгрм╕рм┐ рмкрнНрм░рмдрм┐рмкрмХрнНрм╖рм░ рмжрнБрм░рнНрммрнНрнЯрммрм╣рм╛рм░, рмЕрмкрммрнНрнЯрммрм╣рм╛рм░ рмХрм┐ рмЕрм╢рм╛рм│рнАрми рмормирнНрмдрммрнНрнЯ рмжрнЗрмЦрм┐рмерм┐рм▓рнЗ, рмдрнЗрммрнЗ рм╕рнЗ рм╕рм░рнНрммрмкрнНрм░рмерморнЗ рмЖрмЩрнНрмХрм░ рммрм┐рм░рнБрмжрнНрмзрм░рнЗ рмПрмдрм▓рм╛ рмжрнЗрммрм╛рм░ рмерм┐рм▓рм╛ред рмкрнНрм░рмлрнЗрмЯрмЩрнНрмХ рммрм┐рм░рнБрмжрнНрмзрм░рнЗ рмжрнЗрмЗрмерм┐рммрм╛ рмормирнНрмдрммрнНрнЯ рм▓рм╛рмЧрм┐ рмдрм╛рмЩрнНрмХ рмирм╛рмБрм░рнЗ рм╣рнЛрмЗрмерм┐рммрм╛ рмПрмХрм╛рмзрм┐рмХ рмПрмдрм▓рм╛рмХрнБ рмЧрнЛрмЯрм┐рмПрм░рнЗ рмХрнНрм▓рммрнН рмХрм░рм┐рммрм╛рмХрнБ рмХрм░рм┐рмерм┐рммрм╛ рмЖрммрнЗрмжрмирм░ рм╢рнБрмгрм╛рмгрнА рмХрм░рм┐ рмПрмнрм│рм┐ рмХрнЬрм╛ рмнрм╛рм╖рм╛рм░рнЗ рмирнБрмкрнБрм░рмЩрнНрмХ рмЙрмкрм░рнЗ рммрм░рнНрм╖рм┐рмЫрмирнНрмдрм┐ рмЕрмжрм╛рм▓рмдред рмЬрм╖рнНрмЯрм┐рм╕ рм╕рнВрм░рнНрмпрнНрнЯрмХрм╛рмирнНрмд рмУ рмЬрм╖рнНрмЯрм┐рм╕ рмЬрнЗрммрм┐ рмкрм░рнНрмжрнНрмжрм┐рмУрнНрн▒рм╛рм▓рм╛рмЩрнНрмХ рмЦрмгрнНрмбрмкрнАрма рмПрм╣рм╛ рммрм┐ рм╣рнГрмжрммрнЛрмз рмХрм░рм┐рмЫрмирнНрмдрм┐ рмХрм┐, рмирм╛рмормХрнБ рморм╛рмдрнНрм░ рм╕рм░рнНрмдрнНрмд рм░рмЦрм┐ рмХрнНрм╖рморм╛ рморм╛рмЧрм┐рмерм┐рммрм╛рм░рнБ рмПрм╣рм╛ рм▓рнЛрмХрмЩрнНрмХ рм░рнЛрм╖ рмЕрмзрм┐рмХ рммрмврм╛рмЗ рмжрнЗрмЗрмерм┐рм▓рм╛ред рмормирнНрмдрммрнНрнЯрмХрнБ рмирнЗрмЗ рмпрнЗрмЙрмБ рмирм┐рмЖрмБ рмЬрм│рнБрмЫрм┐, рмЖрмЬрм┐ рмжрнЗрм╢рм░рнЗ рмпрм╛рм╣рм╛ рммрм┐ рмШрмЯрнБрмЫрм┐, рмирнБрмкрнБрм░ рмПрмХрм╛ рм╣рм┐рмБ рмжрм╛рнЯрнАред рмдрнЗрммрнЗ рмирнБрмкрнБрм░рмЩрнНрмХ рмУрмХрм┐рм▓ рмормирм┐рмирнНрмжрм░ рм╕рм┐рмВ рмХрнЛрм░рнНрмЯрмХрнБ рмХрм╣рм┐рмерм┐рм▓рнЗ рмХрм┐, рмирнБрмкрнБрм░ рм▓рм┐рмЦрм┐рмд рмнрм╛рммрм░рнЗ рмХрнНрм╖рморм╛рмкрнНрм░рм╛рм░рнНрмермирм╛ рмХрм░рм┐рммрм╛рмХрнБ рм░рм╛рмЬрм┐ред рмХрм┐рмирнНрмдрнБ рмЦрмгрнНрмбрмкрнАрма рмХрм╣рм┐рмерм┐рм▓рнЗ рмХрм┐, рм╕рнЗ рмЯрм┐рмнрм┐ рморм╛рмзрнНрнЯрморм░рнЗ рмкрнБрм░рм╛ рмжрнЗрм╢рмХрнБ рмХрнНрм╖рморм╛ рморм╛рмЧрмирнНрмдрнБред рммрм╣рнБрмд рммрм┐рм│рморнНрн▒ рм╣рнЛрмЗрмЧрм▓рм╛рмгрм┐ред рмнрм╛рммрм╛рммрнЗрмЧ рм╕рм╣ рмЦрнЗрм│рм┐ рмПрмнрм│рм┐ рмормирнНрмдрммрнНрнЯрмХрнБ рмкрнНрм░рмдрнНрнЯрм╛рм╣рм╛рм░ рмХрм┐ рмХрнНрм╖рморм╛ рморм╛рмЧрм┐рм▓рм╛ рммрнЗрм│рмХрнБ рм╕рм░рнНрмдрнНрмд рмЦрмЮрнНрмЬрм┐рммрм╛ рммрм┐рм▓рмХрнБрм▓ рмЧрнНрм░рм╣рмгрнАрнЯ рмирмерм┐рм▓рм╛ред рмХрнЗрммрм│ рмПрмдрм┐рмХрм┐ рмирнБрм╣рнЗрмБред рмдрм│ рмХрнЛрм░рнНрмЯрмХрнБ рмПрмбрм╛рмЗ рм╕рм┐рмзрм╛ рм╕рм░рнНрммрнЛрмЪрнНрмЪ рмЕрмжрм╛рм▓рмдрм░ рмжрнНрн▒рм╛рм░рм╕рнНрме рм╣рнЗрммрм╛рмХрнБ рммрм┐ рмирм╛рмкрм╕рмирнНрмж рмХрм░рм┐рмЫрмирнНрмдрм┐ рмЦрмгрнНрмбрмкрнАрмаред

    рммрнЛрмзрм╣рнБрмП рмЖрммрнЗрмжрмирмХрм╛рм░рнА рмирнБрмкрнБрм░ рмирм┐рмЬрм░ рмЙрмжрнНрмзрмдрмкрмгрм┐рмЖ рм▓рм╛рмЧрм┐ рмдрм│ рмХрнЛрм░рнНрмЯрм░ рморм╛рмЬрм┐рм╖рнНрмЯрнНрм░рнЗрмЯрмЩрнНрмХрнБ рмЫрнЛрмЯ рммрнЛрм▓рм┐ рмормгрнБрмЫрмирнНрмдрм┐ред рморнЗ рнирннрм░рнЗ рмПрмХ рмЯрм┐рмнрм┐ рмбрм┐рммрнЗрмЯрм░рнЗ рмЬрнНрмЮрм╛рмирммрм╛рмкрм┐ рморм╕рмЬрм┐рмжрнН рмкрнНрм░рм╕рмЩрнНрмЧрм░рнЗ рмкрнНрм░рмлрнЗрмЯ рморм╣рморнНрмормжрмЩрнНрмХ рммрм┐рм░рнБрмжрнНрмзрм░рнЗ рмЖрмкрмдрнНрмдрм┐рмЬрмирмХ рмормирнНрмдрммрнНрнЯ рмжрнЗрмЗрмерм┐рм▓рнЗ рмирнБрмкрнБрм░ред рмПрм╣рм╛рмХрнБ рмирнЗрмЗ рмирнБрмкрнБрм░рмЩрнНрмХ рммрм┐рм░рнБрмжрнНрмзрм░рнЗ рмПрмХрм╛рмзрм┐рмХ рмПрмдрм▓рм╛ рм░рнБрмЬрнБ рм╣рнЛрмЗрмерм┐рм▓рм╛ред рмЖрмЙ рмЖрмЬрм┐ рм╕рнБрмкрнНрм░рм┐рмормХрнЛрм░рнНрмЯ рм╣рнГрмжрммрнЛрмз рмХрм░рм┐рмЫрмирнНрмдрм┐ рмХрм┐, рморм╛рморм▓рм╛ рммрм┐рмЪрм╛рм░рм╛рмзрнАрми рмерм┐рм▓рм╛ рммрнЗрм│рнЗ рм╕рмВрмкрнГрмХрнНрмд рмЪрнНрнЯрм╛рмирнЗрм▓ рмХрм╛рм╣рм┐рмБрмХрм┐ рмПрмнрм│рм┐ рмЖрм▓рнЛрмЪрмирм╛ рмХрм░рм┐рмерм┐рм▓рм╛ред рмХрнЗрммрм│ рмирм┐рм░рнНрмжрнНрмжрм┐рм╖рнНрмЯ рмПрмЬрнЗрмгрнНрмбрм╛рмХрнБ рмкрнНрм░рнЛрморнЛрмЯ рмХрм░рм┐рммрм╛ рмЕрмнрм┐рмкрнНрм░рм╛рнЯ рмерм┐рм▓рм╛ред рмдрнЗрммрнЗ рмирнБрмкрнБрм░рмЩрнНрмХ рмУрмХрм┐рм▓ рмжрм░рнНрм╢рм╛рмЗрмерм┐рм▓рнЗ рмХрм┐, рмЕрм░рнНрмгрнНрмгрмм рмЧрнЛрм╕рнНрн▒рм╛рморнА рморм╛рморм▓рм╛рм░рнЗ рмПрмХрм╛рмзрм┐рмХ рмПрмдрм▓рм╛рмХрнБ рмХрнНрм▓рммрнН рмХрм░рм┐ рм╢рнБрмгрм╛рмгрнА рм╣рнЛрмЗрмерм┐рм▓рм╛ред рмХрм┐рмирнНрмдрнБ рмЬрм╖рнНрмЯрм┐рм╕ рмХрм╛рмирнНрмд рмХрм╣рм┐рмерм┐рм▓рнЗ рмХрм┐, рмЬрмгрнЗ рм╕рм╛рморнНрн▒рм╛рмжрм┐рмХ рмУ рморнБрмЦрмкрм╛рмдрнНрм░ рмнрм┐рмдрм░рнЗ рмлрм░рмХ рмЕрмЫрм┐ред рмирм┐рм░рнНрмжрм┐рм╖рнНрмЯ рмкрнНрм░рм╕рмЩрнНрмЧрм░рнЗ рмЬрмгрнЗ рм╕рм╛рморнНрн▒рм╛рмжрм┐рмХ рмХрм╣рм┐рммрм╛рм░ рмЕрмзрм┐рмХрм╛рм░ рм░рмЦрм┐рмерм╛рмПред рмХрм┐рмирнНрмдрнБ рммрм┐рмдрм░рнНрмХрм░рнЗ рмЬрмгрнЗ рморнБрмЦрмкрм╛рмдрнНрм░ рмХрм╛рм╣рм╛рмХрнБ рмЖрмХрнНрм╖рнЗрмк рмХрм░рм┐ рмирм┐рмЬрм░ рмжрм╛рнЯрм┐рмдрнНрн▒рм╣рнАрми рмормирнНрмдрммрнНрнЯ рмжрнЗрммрм╛ рмХрнЗрмдрнЗрмжрнВрм░ рм╕рморнАрмЪрм┐рмиред рмЖрмЙ рм╢рнЗрм╖рм░рнЗ рмирнБрмкрнБрм░рмЩрнНрмХ рмЖрммрнЗрмжрмирм░ рм╢рнБрмгрм╛рмгрнА рм╣рм╛рмЗрмХрнЛрм░рнНрмЯрм░рнЗ рм╣рнЗрмм рмХрм╣рм┐ рм╣рм╛рмЗрмХрнЛрм░рнНрмЯрм░ рмжрнНрн▒рм╛рм░рм╕рнНрме рм╣рнЗрммрм╛рмХрнБ рмирм┐рм░рнНрмжрнЗрм╢ рмжрнЗрмЗрмЫрмирнНрмдрм┐ рм╕рнБрмкрнНрм░рм┐рмормХрнЛрм░рнНрмЯред рморнБрморнНрн▒рм╛рмЗ, рм╣рм╛рмЗрмжрнНрм░рм╛рммрм╛рмж рмУ рм╢рнНрм░рнАрмирмЧрм░рм░рнЗ рмирнБрмкрнБрм░рмЩрнНрмХ рммрм┐рм░рнБрмжрнНрмзрм░рнЗ рмПрмдрм▓рм╛ рм╣рнЛрмЗрмЫрм┐ред рмХрнЛрм▓рмХрм╛рмдрм╛ рм╣рм╛рмЗрмХрнЛрм░рнНрмЯ рммрм┐ рмирнБрмкрнБрм░рмЩрнНрмХ рммрм┐рм░рнБрмжрнНрмзрм░рнЗ рмЕрмкрм░рм╛рмзрм┐рмХ рморм╛рморм▓рм╛ рм░рнБрмЬрнБ рмЖрммрнЗрмжрми рмЙрмкрм░рнЗ рм░рм╛рмЬрнНрнЯ рм╕рм░рмХрм╛рм░рмЩрнНрмХрмарнБ рмЬрммрм╛рмм рм▓рнЛрмбрм┐рмЫрмирнНрмдрм┐ред

    • рмкрнНрм░рмжрнАрмк рмирм╛рнЯрмХрмЩрнНрмХ рм░рм┐рмкрнЛрм░рнНрмЯ
  • рмкрнБрмЕ рмХрм▓рм╛ рмирнВрмкрнБрм░рмЩрнНрмХрнБ рм╕рморм░рнНрмерми, рммрм╛рмкрм╛рмЩрнНрмХ рмЧрм▓рм╛ рмЬрнАрммрми

    рмЙрмжрнЯрмкрнБрм░: рмирнВрмкрнБрм░ рм╢рм░рнНрморм╛рмЩрнНрмХ рм╕рморм░рнНрмермирм░рнЗ рмЫрнЛрмЯ рмкрм┐рм▓рм╛рмЯрм┐рм░ рмкрнЛрм╖рнНрмЯрмХрнБ рмирнЗрмЗ рм╣рнГрмжрнЯрммрм┐рмжрм╛рм░рмХ рмШрмЯрмгрм╛ред рмЖрма рммрм░рнНрм╖рм░ рм╢рм┐рм╢рнБ рмжрнНрммрм╛рм░рм╛ рм╕рнЛрм╕рм┐рмЖрм▓ рморм┐рмбрм┐рмЖрм░рнЗ рм╣рнЛрмЗрмерм┐рммрм╛ рмкрнЛрм╖рнНрмЯ рмкрм╛рмЗрмБ рмкрм┐рмдрм╛рмХрнБ рм╣рм░рм╛рмЗрммрм╛рмХрнБ рмкрмбрм┐рмЫрм┐ рмЬрнАрммрмиред рмжрм┐рми рмжрнНрммрм┐рмкрнНрм░рм╣рм░рм░рнЗ рм╕рм░рнНрммрм╕рморнНрморнБрмЦрм░рнЗ рмЦрмгрнНрмбрм╛рм░рнЗ рммрнНрнЯрмХрнНрмдрм┐рмЩрнНрмХ рморнБрмгрнНрмб рмХрм╛рмЯрм╛рмпрм╛рмЗрмЫрм┐, рмпрм╛рм╣рм╛рмХрнБ рмирнЗрмЗ рм╕рнНрмерм╛рмирнАрнЯ рмЕрмЮрнНрмЪрм│рм░рнЗ рмЦрнЗрм│рм┐рмпрм╛рмЗрмЫрм┐┬а рмЖрмдрмЩрнНрмХред рм░рм╛рмЬрм╕рнНрмерм╛рмирм░ рмЙрмжрнЯрмкрнБрм░рм░рнЗ рмПрмкрм░рм┐ рмШрмЯрмгрм╛ рмШрмЯрнБрмЫрм┐ред рмЙрмжрнЯрмкрнБрм░рм░ рмзрм╛рмирмормгрнНрмбрм┐ рмерм╛рмирм╛ рмЕрмзрнАрмирм░рнЗ рмирнВрмкрнБрм░ рм╢рм░рнНрморм╛рмЩрнНрмХ рм╕рморм░рнНрмермирм░рнЗ рно рммрм░рнНрм╖рм░ рммрм╛рм│рмХ рмХрм░рм┐рмерм┐рммрм╛ рмкрнЛрм╖рнНрмЯрмХрнБ рмирнЗрмЗ рмЙрмдрнНрмдрнЗрмЬрм┐рмд рм▓рнЛрмХрнЗ рмдрм╛рм░ рммрм╛рмкрм╛рмЩрнНрмХрнБ рмирм┐рм░рнНрмормо рмнрм╛рммрнЗ рм╣рмдрнНрнЯрм╛ рмХрм░рм╛рмпрм╛рмЗрмЫрм┐ред рморнГрмдрмХрмЩрнНрмХ рмирм╛рмо рмХрм╣рнНрмирнЗрнЯрм╛ рм▓рм╛рм▓ рмУ рм╕рнЗ рмЬрмгрнЗ рмЯрнЗрм▓рм░ рмерм┐рм▓рнЗред рмкрм░рнЗ рм╕рнНрмерм╛рмирнАрнЯ рмЕрмЮрнНрмЪрм│рм░ рмЗрмгрнНрмЯрм░рмирнЗрмЯ рм╕рнЗрммрм╛ рмЖрмЧрм╛рморнА рнирнк рмШрмгрнНрмЯрм╛ рмкрм╛рмЗрмБ рммрмирнНрмж рмХрм░рм╛рмпрм╛рмЗрмЫрм┐ред рмПрм╣рм┐ рммрм░рнНрммрм░рнЛрмЪрм┐рмдрмХрм╛рмгрнНрмб рморнБрм╕рм▓рморм╛рми рм╕рморнНрмкрнНрм░рмжрм╛рнЯрм░ рмжрнБрмЗ рмпрнБрммрмХрмЩрнНрмХ рмжрнНрммрм╛рм░рм╛ рм╣рнЛрмЗрмерм┐рммрм╛рм░рнБ рм╕рм╛рморнНрмкрнНрм░рмжрм╛рнЯрм┐рмХ рм╣рм┐рмВрм╕рм╛ рмЖрм╢рмЩрнНрмХрм╛ рм╕рнГрм╖рнНрмЯрм┐ рм╣рнЛрмЗрмЫрм┐ред┬а рмкрнБрм▓рм┐рм╕ рмШрмЯрмгрм╛рм╕рнНрмерм│рм░рнЗ рмкрм╣рмЮрнНрмЪрм┐ рморнГрмдрмжрнЗрм╣ рмЬрммрмд рмХрм░рм┐рммрм╛ рм╕рм╣ рмЖрмЗрмирм╢рнГрмЩрнНрмЦрм│рм╛ рм░рмХрнНрм╖рм╛ рмкрм╛рмЗрмБ рм╕рммрнБ рмкрмжрмХрнНрм╖рнЗрмк рмирнЗрмЗрмЫрм┐ред рм╕рнЗрмкрмЯрнЗ рмШрмЯрмгрм╛ рмкрм░рнЗ рмжрнБрмЗ рмЕрмнрм┐рмпрнБрмХрнНрмд рм╕рнЛрм╕рм┐рмЖрм▓ рморм┐рмбрм┐рмЖрм░рнЗ рм╣рмдрнНрнЯрм╛рм░ рмнрм┐рмбрм┐рмУ рм╕рнЗрнЯрм╛рм░ рмХрм░рм┐ рмШрмЯрмгрм╛ рмкрм╛рмЗрмБ рмирм┐рмЬрмХрнБ рмжрм╛рнЯрнА рмХрм░рм┐рмЫрмирнНрмдрм┐ рмУ рмнрм┐рмбрм┐рмУ рморм╛рмзрнНрнЯрморм░рнЗ рмкрнНрм░рмзрм╛рмирмормирнНрмдрнНрм░рнА рмирм░рнЗрмирнНрмжрнНрм░ рморнЛрмжрм┐рмЩрнНрмХрнБ рмормзрнНрнЯ рмзрмормХ рмжрнЗрмЗрмерм┐рммрм╛ рмжрнЗрмЦрм┐рммрм╛рмХрнБ рморм┐рм│рм┐рмЫрм┐ред

  • рмзрм░рнНрмо рм░ рм░рм╛рмЬрмирнАрмдрм┐ рмЖрмЙ рмХрнЗрмдрнЗрмжрм┐рми…рмХрм┐рмП рмнрнВрм▓ рмХрм┐рмП рмарм┐рмХ ?

    рмнрм╛рм░рмд рмПрмХ рмзрм░рнНрмо рмирм┐рм░рмкрнЗрмХрнНрм╖ рмЧрмгрмдрм╛рмирнНрмдрнНрм░рм┐рмХ рм░рм╛рм╖рнНрмЯрнНрм░, рмпрнЗрмЙрмБрмарм╛рм░рнЗ рмкрнНрм░рмдрнЗрмХ рммрнНрнЯрмХрнНрмдрм┐ рм░ рмирм┐рмЬ рмзрм░рнНрмо рмХрнБ рморм╛рмирм┐рммрм╛рм░ рмПрммрмВ рмкрнВрмЬрм╛рм░рнНрмЪрмирм╛ рмХрм░рм┐рммрм╛рм░ рмЕрмзрм┐рмХрм╛рм░ рмЕрмЫрм┐ l рмнрм╛рм░рмд рм╕рморнНрммрм┐рмзрм╛рми рм░ рмЕрмирнБрмЫрнЗрмж 25 рм░рнЗ рмПрм╣рм╛ рм▓рм┐рмЦрм┐рмд l рмЖрмо рмкрнВрм░рнНрммрмЬ рморм╛рмирнЗ рм╕рм░рнНрмм рмзрм░рнНрмо рм╕рмормнрм╛рмм рм░ рмХрмерм╛ рмХрм╣рм┐рмЫрмирнНрмдрм┐ рмХрм┐рмирнНрмдрнБ рмЖрмЬрм┐рм░ рмЪрм┐рмдрнНрм░ рммрм╣рнБрмд рмЕрм▓рмЧрм╛ l рмПрммрнЗ рмжрнЗрм╢ рм░рнЗ рмзрм░рнНрмо рм░ рм░рм╛рмЬрмирнАрмдрм┐ рмжрнЗрмЦрм┐рммрм╛рмХрнБ рморм┐рм│рм┐рмЫрм┐ , рмкрнВрм░рнНрммрм░рнБ рмпрнЗрмЙрмБ рмзрм░рнНрмо рмЖрмо рмкрнВрмЬрм╛ рмШрм░ рмкрм░рнНрмпрнНрнЯрмирнНрмд рм╕рнАрморм┐рмд рмерм┐рм▓рм╛ рмдрм╛рм╣рм╛ рмЖрмЬрм┐ рм░рм╛рмЬрм░рм╛рм╕рнНрмдрм╛ рмХрнБ рмУрм▓рнНрм▓рм╛рмЗ рмЖрм╕рм┐рмЫрм┐ l

    рмЧрмд рмХрм┐рмЫрм┐ рмжрм┐рми рмкрнВрм░рнНрммрм░рнБ рмнрм╛рм░рмдрнАрнЯ рмЬрмирмдрм╛ рмкрм╛рм░рнНрмЯрм┐ рм░ рмкрнНрм░рммрмХрнНрмдрм╛ рмирнБрмкрнБрм░ рм╢рм░рнНрморм╛ рмЗрм╕рнНрм▓рм╛рмо рмзрм░рнНрмо рммрм┐рм░рнЛрмзрм░рнЗ рмПрмХ рммрм┐рммрм╛рмжрнАрнЯ рмормирнНрмдрммрнНрнЯ рмЬрм╛рмдрнАрнЯ рмЧрмгрморм╛рмзрнНрнЯрмо рм░ рмПрмХ tv debate рм░рнЗ рмжрнЗрмЗрмерм┐рм▓рнЗ l рмпрм╛рм╣рм╛рмкрм░рнЗ рмПрм╣рм╛ рмкрнНрм░рмерморнЗ рм╕рнЛрм╕рм┐рмЖрм▓ рморнЗрмбрм┐рмЖ рм░рнЗ viral рм╣рнЛрмЗрмерм┐рм▓рм╛ рмПрммрмВ рмжрнЗрмЦрнБ рмжрнЗрмЦрнБ рмирм┐рмЖрмБ рмнрм│рм┐ рмХрнЗрммрм│ рмЖрмо рмжрнЗрм╢ рмирнБрм╣рмБ рммрм┐рмжрнЗрм╢ рмХрнБ рмормзрнНрнЯ рмЪрм╛рм▓рм┐рмпрм╛рмЗрмерм┐рм▓рм╛ l рмпрм╛рм╣рм╛рм░ рмкрнНрм░рмдрм┐рммрм╛рмж рм╕рнНрн▒рм░рнВрмк рмжрнЗрм╢ рм░ рммрм┐рмнрм┐рм░рнНрмгрнНрмг рм╕рнНрмерм╛рмирм░рнБ рмкрнНрм░рмдрм┐рммрм╛рмж рм░ рм╕рнНрм╡рм░ рмЙрмарм┐рмерм┐рм▓рм╛ l рммрм┐рмнрм┐рм░рнНрмгрнНрмг рмжрнЗрм╢ рмЦрм╛рм╕рмХрм░рм┐ рмЖрм░рмм рмжрнЗрм╢ рморм╛рмирнЗ рмПрм╣рм╛рм░ рмЦрнБрмм рммрм┐рм░рнЛрмз рмХрм░рм┐рмерм┐рм▓рнЗ l

    рм╢рнБрмХрнНрм░рммрм╛рм░ рмжрм┐рми рмЬрнБрморм╛ рм░ рмирморм╛рмЬ рм╕рм╛рм░рм┐рммрм╛ рмкрм░рнЗ рмжрнЗрм╢ рм░ рммрм┐рмнрм┐рм░рнНрмгрнНрмг рм╕рнНрмерм╛рми рмдрмерм╛ рмЬрм╛рморнНрморнБ рмХрм╛рм╢рнНрморнАрм░ , рмЙрмдрнНрмдрм░рмкрнНрм░рмжрнЗрм╢ , рмЭрм╛рм░рмЦрмгрнНрмб , рмкрм╢рнНрмЪрм┐рмо рммрмЩрнНрмЧ рм░рнЗ рмкрнНрм░рмерморнЗ рммрм┐рм░рнЛрмз рмдрм╛рм╣рм╛рмкрм░рнЗ рмХрм┐рмЫрм┐ рмЙрмкрмжрнНрм░рммрнА рмкрмерм░ рмлрнЛрмкрм╛рмбрм┐рммрм╛ рм╕рм╣ рмЧрм╛рмбрм┐ рмПрммрмВ рмжрнЛрмХрм╛рми рм░рнЗ рмирм┐рмЖрмБ рм▓рмЧрнЗрмЗрмерм┐рммрм╛ рм╕рм╣рм┐рмд рмирнБрмкрнБрм░ рмЩрнНрмХрнБ рм╣рмдрнНрнЯрм╛ рмУ рм░рнЗрмк рмХрм░рм┐рммрм╛рм░ рмормзрнНрнЯ рмзрмормХ рмжрнЗрмЗрмерм┐рм▓рнЗ l

    рмХрм┐рмЫрм┐рмжрм┐рми рмкрнВрм░рнНрммрм░рнБ рморнБрмирм╛рн▒рм╛рм░ рмлрм╛рм░рнБрмХрм┐ рмирм╛рмормХ рмЬрмгрнЗ рмХрморнЗрмбрм┐рмЖрми рм╣рм┐рмирнНрмжрнБ рмжрнЗрммрм╛ рмжрнЗрммрнА рмЩрнНрмХ рммрм┐рм░рнЛрмз рм░рнЗ рмХрм┐рмЫрм┐ рмЖрмкрмдрнНрмдрм┐рмЬрмирмХ рммрнЯрм╛рми рмжрнЗрмЗрмерм┐рммрм╛рм░рнБ рмдрм╛рмЩрнНрмХрнБ рмЧрм┐рм░рмл рмХрм░рм╛рмпрм╛рмЗрмерм┐рм▓рм╛ рммрнЗрм│рнЗ рмПрммрнЗ рмирнБрмкрнБрм░ рм╢рм░рнНрморм╛ рмЩрнНрмХрнБ рмХрм╛рм╣рм┐рмБрмХрм┐ рмЧрм┐рм░рмл рмирмХрм░рм╛рмпрм┐рмм рммрнЛрм▓рм┐ рм╕рм╛рмзрм╛рм░рмг рм░рнЗ рмЪрм░рнНрмЪрнНрмЪрм╛ рм╣рнЗрмЙрмЫрм┐ l

    рмПрммрнЗ рмкрнНрм░рм╢рнНрми рмЙрмарнБрмЫрм┐ рмнрнВрм▓ рмХрм╛рм╣рм╛рм░ ? рмХрнЗрммрм│ рмжрнЗрм╢ рм░ рмирнБрм╣рмБ рммрм┐рм╢рнНрн▒ рмПрмХ рм╕рм░рнНрмм рммрнГрм╣рмд рмжрм│ рм╣рнЗрмЙрмЫрм┐ рмнрм╛рм░рмдрнАрнЯ рмЬрмирмдрм╛ рмкрм╛рм░рнНрмЯрм┐ l рм╕рнЗрм╣рм┐ рмжрм│рм░ рмкрнНрм░рммрмХрнНрмдрм╛ рм╣рм┐рм╕рм╛рммрм░рнЗ рмПрмнрм│рм┐ рмормирнНрмдрммрнНрнЯ рмжрнЗрммрм╛ рмХрнЗрмдрнЗрмжрнВрм░ рмарм┐рмХ ? рмирнБрмкрнБрм░ рмдрм╛рмЩрнНрмХрм░ рмормирнНрмдрммрнНрнЯ рмкрм╛рмЗрмБ рмнрнБрм▓ рморм╛рмЧрм┐рм▓рнЗ рмУ рмдрм╛рмЩрнНрмХрнБ рмжрм│ рммрм░рмЦрм╛рм╕рнНрмд рмХрм▓рм╛рмкрм░рнЗ рмормзрнНрнЯ рмкрнНрм░рмдрм┐рммрм╛рмж рмирм╛рмБрм░рнЗ рмПрмХ рморм╣рм┐рм│рм╛ рмЩрнНрмХрнБ рм╣рмдрнНрнЯрм╛ рмУ рмжрнБрм╖рнНрмХрм░рнНрмо рмзрмормХ рмжрнЗрммрм╛ рмУ рмЬрм╛рмдрнАрнЯ рм╕рморнНрмкрмдрм┐ рмХрнБ рмирм╖рнНрмЯ рмХрм░рм┐рммрм╛ рмХрнЗрмдрнЗ рмжрнВрм░ рмарм┐рмХ рм╕рнЗрмЯрм╛ рмкрнНрм░рм╢рнНрми рм░ рммрм┐рм╖рнЯ l рм╕рмормЧрнНрм░ рммрм┐рм╢рнНрн▒ рмУ рмЦрм╛рм╕рмХрм░рм┐ рмЖрмо рмжрнЗрм╢ рмХрнЛрм░рнЛрмирм╛ рморм╣рм╛рморм╛рм░рнА рмпрнЛрмЧрнБрмБ рмПрмХ рмЖрм░рнНрмерм┐рмХ рм╕рмЩрнНрмХрмЯ рмжрнЗрмЗ рмЧрмдрм┐ рмХрм░рнБрмЫрм┐, рмЖрмо рмжрнЗрм╢ рм░рнЗ рмжрм░рммрнГрмжрнНрмзрм┐, рмдрнИрм│рмжрм░ , рммрнЗрм░рнЛрмЬрм╝рмЧрм╛рм░рнА рмнрм│рм┐ рммрм┐рмнрм┐рмирнНрми рм╕рморм╕рнНрнЯрм╛ рмерм┐рммрм╛ рммрнЗрм│рнЗ рмЖрмо рмХрм┐рмЫрм┐ рмирнЗрмдрм╛ рмУ рмХрм┐рмЫрм┐ рмЬрм╛рмдрнАрнЯ рмЧрмгрморм╛рмзрнНрнЯрмо рмзрм░рнНрмо рм░рм╛рмЬрмирнАрмдрм┐ рм░рнЗ рммрнНрнЯрм╕рнНрмд рмерм┐рммрм╛ рмжрнБрм░рнНрмнрм╛рмЧрнНрнЯрмЬрмгрмХ рммрнЛрм▓рм┐ рм╕рм╛рморм╛рмЬрм┐рмХ рмХрм░рнНрморнА, рм░рм╛рмЬрмирнАрмдрм┐рмХ рммрм┐рм╢рнЗрм╖рмЬрнНрмЮрморм╛рмирнЗ рмормдрммрнНрнЯрмХрнНрмд рмХрм░рм┐рмЫрмирнНрмдрм┐ l рмПрм╣рм┐рмкрм░рм┐ рм╕рморм╕рнНрнЯрм╛ рмЖрмЧрмХрнБ рмирм╣рнЗрммрм╛ рмкрм╛рмЗрмБ рм╕рморм╕рнНрмд рмЬрм╛рмдрнАрнЯ рмУ рмЖрмЮрнНрмЪрм│рм┐рмХ рмжрм│ рморм╛рмирнЗ рмдрм╛рмЩрнНрмХ рмкрнНрм░рммрмХрнНрмдрм╛ рмЩрнНрмХрнБ рмПрмХ рмЯрнНрм░рнЗрмирм┐рмВ рмжрнЗрммрм╛ рмЖрммрм╢рнНрнЯрмХ рмУ рмкрнНрм░рмдрм┐рммрм╛рмж рмирм╛рмБрм░рнЗ рмЙрмкрмжрнНрм░рмм рмХрм░рнБрмерм┐рммрм╛ рмЕрм╕рм╛рморм╛рмЬрм┐рмХ рммрнНрнЯрмХрнНрмдрм┐ рмЩрнНрмХрнБ рмжрмгрнНрмб рмжрнЗрммрм╛ рмЬрм░рнБрм░рнА рммрнЛрм▓рм┐ рммрнБрмжрнНрмзрм┐рмЬрнАрммрнА рморм╛рмирнЗ рмХрм╣рм┐рмЫрмирнНрмдрм┐ l

    • рмЕрмнрм┐рм╖рнЗрмХ рмкрнБрм░рнЛрм╣рм┐рмд рмЩрнНрмХ рм░рм┐рмкрнЛрм░рнНрмЯ
  • рмерморнБрмирм╛рм╣рм┐рмБ рмирнБрмкрнБрм░ рмнрнВрмХрморнНрмк…рмЭрм╛рм░рмЦрмгрнНрмб рм░рнЗ рмХрм╛рм▓рм┐ рм╣рм┐рмВрм╕рм╛ рмЖрмЬрм┐ 144 рмзрм╛рм░рм╛ l

    рмерморнБрмирм╛рм╣рм┐рмБ рмирнБрмкрнБрм░ рмнрнВрмХрморнНрмк ред рмЭрм╛рм░рмЦрмгрнНрмб рм░рнЗ рмХрм╛рм▓рм┐ рм╣рм┐рмВрм╕рм╛ рмЖрмЬрм┐ 144 рмзрм╛рм░рм╛ l рмирм┐рм▓рморнНрммрм┐рмд рммрм┐рмЬрнЗрмкрм┐ рмирнЗрмдрм╛ рмирнБрмкрнБрм░ рм╢рм░рнНрморм╛рмЩрнНрмХ рмЗрм╕рм▓рм╛рмо рмзрм░рнНрмо рммрм┐рм░рнЛрмз рм░рнЗ рмжрнЗрмЗрмерм┐рммрм╛ рммрм┐рммрм╛рмжрнАрнЯ рмормирнНрмдрммрнНрнЯрмХрнБ рмирнЗрмЗ рм░рм╛рмЮрнНрмЪрм┐рм░рнЗ рм╣рм┐рмВрм╕рм╛рмдрнНрмормХ рм░рнВрмк рмирнЗрмЗрмЫрм┐ред рмХрм╛рм▓рм┐ рмпрм╛рмирммрм╛рм╣рми рмЕрмЪрм│ рмХрм░рм┐ рмнрмЩрнНрмЧрм╛рм░рнБрмЬрм╛ рмХрм░рм╛рмпрм╛рмЗрмерм┐рммрм╛рммрнЗрм│рнЗ рмкрмерм░ рмлрм┐рмЩрнНрмЧрм┐рммрм╛ рмШрмЯрмгрм╛ рмШрмЯрм┐рмерм┐рм▓рм╛ред рмЖрмЬрм┐ рм░рм╛рмЮрнНрмЪрм┐рм░ 12 рмЯрм┐ рмЕрмЮрнНрмЪрм│рм░рнЗ 144 рмзрм╛рм░рм╛ рм▓рмЧрм╛рмЗрммрм╛ рм╕рм╣рм┐рмд рм╕рнБрм░рмХрнНрм╖рм╛ рммрм╛рм╣рм┐рмирнА рмирм┐рнЯрнЛрмЬрм┐рмд рм╣рнЛрмЗрмЫрмирнНрмдрм┐ l рмЧрмдрмХрм╛рм▓рм┐рм░ рммрм┐рм░рнЛрмз рмПрммрмВ рм╣рм┐рмВрм╕рм╛рм░рнЗ рмкрнНрм░рмнрм╛рммрм┐рмд рм╣рнЛрмЗрмерм┐рммрм╛ рмормирнНрмжрм┐рм░ рмПрммрмВ рмирм┐рмХрмЯрм╕рнНрме рмЕрмЮрнНрмЪрм│рм░рнЗ рмЖрм╕рмирнНрмдрм╛рмХрм╛рм▓рм┐ рм╕рмХрм╛рм│ рмкрм░рнНрмпрнНрнЯрмирнНрмд рмЬрм┐рм▓рнНрм▓рм╛ рмкрнНрм░рм╢рм╛рм╕рми рмЗрмгрнНрмЯрм░рмирнЗрмЯ рм╕рнЗрммрм╛рмХрнБ рмормзрнНрнЯ рм╕рнНрмермЧрм┐рмд рм░рмЦрм┐рмЫрм┐ l

    рмХрнЗрммрм│ рмЭрм╛рм░рмЦрмгрнНрмб рмирнБрм╣рмБ рмжрнЗрм╢рм░ рмЕрмирнНрнЯ рм╕рнНрмерм╛рмирм░рнЗ рмормзрнНрнЯ рмжрнЗрмЦрм┐рммрм╛рмХрнБ рморм┐рм│рм┐рмЫрм┐ рмЕрм╕рмирнНрмдрнЛрм╖ l рмЕрмЬрм╛рми рмкрм╛рма рмкрм░рнЗ рмжрм┐рм▓рнНрм▓рнАрм░ рмЬрм╛рморм╛ рморм╕рмЬрм┐рмжрм░рнЗ рммрм┐рм░рнЛрмз рмкрнНрм░рмжрм░рнНрм╢рми рмХрм░рм┐рмерм┐рм▓рнЗ рм▓рнЛрмХ l рммрм┐рм░рнЛрмз рмкрм╛рмЗрмБ рморм╕рмЬрм┐рмжрнН рмкрмХрнНрм╖рм░рнБ рмХрнМрмгрм╕рм┐ рмЖрм╣рнНрн▒рм╛рми рмжрм┐рмЖрмпрм╛рмЗрмирм╛рм╣рм┐рмБ рмПрммрмВ рмЧрмдрмХрм╛рм▓рм┐ рмпрнЗрмдрнЗрммрнЗрм│рнЗ рм▓рнЛрмХрморм╛рмирнЗ рммрм┐рм░рнЛрмз рмХрм░рм┐рммрм╛рмХрнБ рмпрнЛрмЬрмирм╛ рмХрм░рнБрмерм┐рм▓рнЗ рмЖрморнЗ рм╕рнНрмкрм╖рнНрмЯ рмнрм╛рммрм░рнЗ рм╕рнЗрморм╛рмирмЩрнНрмХрнБ рмормирм╛рмХрм░рм┐рмерм┐рм▓рнБ рммрнЛрм▓рм┐ рмЬрм╛рморм╛ рморм╕рмЬрм┐рмжрм░ рм╢рм╛рм╣рнА рмЗрморм╛рмо рмХрм╣рм┐рмЫрмирнНрмдрм┐ред рммрм░рнНрмдрнНрмдрморм╛рми рмкрм░рм┐рм╕рнНрмерм┐рмдрм┐ рмирм┐рнЯрмирнНрмдрнНрм░рмгрм░рнЗ рмЕрмЫрм┐ рмПрммрмВ рм╕рнЗрмарм╛рм░рнБ рм▓рнЛрмХрмЩрнНрмХрнБ рм╣рмЯрм╛рмЗ рмжрм┐рмЖрмпрм╛рмЗрмЫрм┐ рммрнЛрм▓рм┐ рмжрм┐рм▓рнНрм▓рнА рмкрнЛрм▓рм┐рм╕ рмкрмХрнНрм╖рм░рнБ рм╕рнВрмЪрмирм╛ рмжрм┐рмЖрмпрм╛рмЗрмерм┐рм▓рм╛

    • рмЕрмнрм┐рм╖рнЗрмХ рмкрнБрм░рнЛрм╣рм┐рмдрмЩрнНрмХ рм░рм┐рмкрнЛрм░рнНрмЯ
  • рмнрм╛рм░рмдрм░рнЗ ‘рмЖрмдрнНрмормШрм╛рмдрнА рммрм┐рм╕рнНрмлрнЛрм░рмг’ рм░ рмзрмормХ рмжрнЗрмЗрмЫрм┐ “рмЕрм▓-рмХрм╛рмПрмжрм╛”

    рмЕрмкрморм╛рмирм░ рмкрнНрм░рмдрм┐рм╢рнЛрмз рмирнЗрммрммрнЛрм▓рм┐ рмзрмормХ рмжрнЗрмЗрмЫрм┐ рмЖрмдрмЩрнНрмХрммрм╛рмжрм┐ рм╕рмЩрнНрмЧрмарми “рмЕрм▓-рмХрм╛рмПрмжрм╛” l рмкрнНрм░рмлрнЗрмЯ рморм╣рморнНрмормжрмЩрнНрмХ рмкрнНрм░рмдрм┐ рм╣рнЛрмЗрмерм┐рммрм╛ рмЕрмкрморм╛рмирм░ рмкрнНрм░рмдрм┐рм╢рнЛрмз рмирнЗрммрм╛рмХрнБ рмжрм┐рм▓рнНрм▓рнА, рморнБрморнНрммрм╛рмЗ, рмЙрмдрнНрмдрм░рмкрнНрм░рмжрнЗрм╢ рмПрммрмВ рмЧрнБрмЬрнБрм░рм╛рмЯрм░рнЗ ‘рмЖрмдрнНрмормШрм╛рмдрнА рммрм┐рм╕рнНрмлрнЛрм░рмг’ рмХрм░рм┐рммрм╛ рмкрм╛рмЗрмБ рмнрм╛рм░рмдрнАрнЯ рмЙрмкрморм╣рм╛рмжрнЗрм╢рм░ рмЖрмдрмЩрнНрмХрммрм╛рмжрм┐ рм╕рмЩрнНрмЧрмарми рмЕрм▓-рмХрм╛рмПрмжрм╛ рмПрмХ рмЪрнЗрмдрм╛рммрмирнА рмжрнЗрмЗрмЫрм┐ред рмнрм╛рм░рмдрнАрнЯ рмЬрмирмдрм╛ рмкрм╛рм░рнНрмЯрм┐ рм░ рмкрнВрм░рнНрммрмдрми рморнБрмЦрмкрм╛рмдрнНрм░ рмирнБрмкрнБрм░ рм╢рм░рнНрморм╛ рмкрнНрм░рмлрнЗрмЯ рморм╣рморнНрмормжрмЩрнНрмХ рммрм┐рм░рнЛрмзрм░рнЗ рммрм┐рммрм╛рмжрнАрнЯ рмормирнНрмдрммрнНрнЯ рмжрнЗрмЗрмерм┐рммрм╛ рмЕрмнрм┐рмпрнЛрмЧ рм╣рнЗрммрм╛ рмкрм░рнЗ рмдрм╛рмЩрнНрмХрнБ рмжрм│ рмирм┐рм▓рморнНрммрм┐рмд рмХрм░рм┐рмерм┐рм▓рм╛ред рмирнБрмкрнБрм░ рмжрнЗрмЗрмерм┐рммрм╛ рммрм┐рммрм╛рмжрнАрнЯ рммрм┐рммрнГрмдрнНрмдрм┐ рмПрмХ рмЖрмирнНрмдрм░рнНрмЬрм╛рмдрнАрнЯ рм╕рнНрмдрм░рм░рнЗ рмЙрмдрнНрмдрнЗрмЬрмирм╛ рм╕рнГрм╖рнНрмЯрм┐ рмХрм░рм┐рмерм┐рм▓рм╛ред

    рмЖрмлрмЧрм╛рмирм┐рм╕рнНрмдрм╛рми, рмкрм╛рмХрм┐рм╕рнНрмерм╛рми, рм╕рм╛рмЙрмжрм┐ рмЖрм░рмм, рнЯрнБрмПрмЗ, рмХрм╛рмдрм╛рм░, рмХрнБрмПрмд, рммрм╣рм╛рм░рнЗрми, рмЗрмгрнНрмбрнЛрмирнЗрм╕рм┐рмЖ рмПрммрмВ рмЗрм░рм╛рми рм╕рморнЗрмд рмЕрмирнЗрмХ рморнБрм╕рм▓рморм╛рми рм░рм╛рм╖рнНрмЯрнНрм░ рмдрмерм╛ рмЗрм╕рм▓рм╛рморм┐рмХ рм╕рмВрмЧрмарми рмПрм╣рм╛рмХрнБ рммрм┐рм░рнЛрмз рмХрм░рм┐рмерм┐рммрм╛ рммрнЗрм│рнЗ рмПрммрнЗ рмПрм╣рм┐ рмЖрмдрнНрмормШрм╛рмдрнА рммрм┐рм╕рнНрмлрнЛрм░рмг рм░ рмзрмормХ рмЪрм┐рмирнНрмдрм╛ рм░ рмХрм╛рм░рмг рмкрм▓рм┐рмЯрм┐рмЫрм┐ l

Back to top button