nupur sharma

  • ପୂର୍ବତନ ବିଚାରପତିଙ୍କ ବିରୋଧରେ କୋର୍ଟ ଅବମାନନା ମାମଲା…

    ନୂଆଦିଲ୍ଲୀ: ପୂର୍ବତନ ଦିଲ୍ଲୀ ହାଇକୋର୍ଟଙ୍କ ବିଚାରପତି ଜଷ୍ଟିସ ଏନ ଏନ ଡିଙ୍ଗେ, ପୂର୍ବତନ ଅତିରିକ୍ତ ସଲିସିଟର ଜେନେରାଲ ଅମନ ଲେଖି ଓ ଓକିଲ କେ ଆର କୁମାରଙ୍କ ବିରୋଧରେ କୋର୍ଟ ଅବମାନନା ମାମଲାରେ ନିଜ ସମ୍ମତି ଦେବାକୁ ଭାରତର ଆଟର୍ଣ୍ଣି ଜେନେରାଲ କେ କେ ବେଣୁ ଗୋପାଳ ମନା କରିଦେଇଛନ୍ତି। ଏମାନେ ନୂପୁର ଶର୍ମା ମାମଲାରେ ସୁପ୍ରିମକୋର୍ଟଙ୍କ ଦ୍ବାରା ମୌଖିକ ଟିପ୍ପଣୀକୁ ବିରୋଧ କରିବା ସହ ସମାଲୋଚନା କରିଥିଲେ। ଏହାକୁ ନେଇ ଏମାନଙ୍କ ବିରୋଧରେ ସୁପ୍ରିମକୋର୍ଟ ଅବମାନନା ମାମଲା ଦାୟରକୁ ସମ୍ମତି ଦେଇ ନାହାନ୍ତି ଆଟର୍ଣ୍ଣି ଜେନେରାଲ।

    ପ୍ରଫେଟ ମହମ୍ମଦଙ୍କ ବିରୋଧରେ ବିବାଦୀୟ ବୟାନ ଦେବା ପରେ ନୂପୁର ଶର୍ମାଙ୍କ ବିରୋଧରେ ଦେଶବ୍ୟାପୀ ବିଭିନ୍ନ ସ୍ଥାନରେ ମାମଲା ହୋଇଥିବାରୁ ଶର୍ମା ସୁପ୍ରିମକୋର୍ଟଙ୍କ ନିକଟରେ ସମସ୍ତ ମାମଲାକୁ ଦିଲ୍ଲୀ ସ୍ଥାନାନ୍ତର କରିବାକୁ ଅପିଲ କରିଥିଲେ। ଏହାର ଶୁଣାଣି କାଳରେ ଦୁଇ ଜଣିଆ ଖଣ୍ଡପୀଠ ନୂପୁରଙ୍କୁ ନାନାଭାବେ ଭର୍ତ୍ସନା କରିବା ସହ ନୂପୁରଙ୍କ ପାଇଁ ଦେଶ ଜଳୁଛି ଓ ଉଦୟପୁର ଟେଲରଙ୍କ ହତ୍ୟା ତାଙ୍କ ପାଇଁ ହୋଇଥିବା କହିଥିଲେ। ଏହାକୁ ନେଇ ସେତେବେଳେ ସମସ୍ତ ଗଣମାଧ୍ୟମରେ ଖବର ପ୍ରସାରଣ ହୋଇଥିଲା। ଜଷ୍ଟିସ ଏନ ଏନ ଡିଙ୍ଗେ, ପୂର୍ବତନ ଅତିରିକ୍ତ ସଲିସିଟର ଜେନେରାଲ ଅମନ ଲେଖି ଓ ଓକିଲ କେ ଆର କୁମାର ସୁପ୍ରିମ କୋର୍ଟଙ୍କ ମୌଖିକ ଟିପ୍‌ପଣୀର ସମାଲୋଚନା କରିଥିଲେ।

    ଶିଳା ରାୟଙ୍କ ରିପୋର୍ଟ

  • ନୂପୁର ଶର୍ମାଙ୍କ ବିବାଦିତ ବୟାନ ପରେ ଭାରତ ବିରୋଧରେ ସାଇବର ଯୁଦ୍ଧ

    ନୂଆଦିଲ୍ଲୀ: ବିଜେପିର ନିଲମ୍ବିତ ନେତ୍ରୀ ନୂପୁର ଶର୍ମାଙ୍କ ବିବାଦିତ ବୟାନ ପରେ ଦେଶବ୍ୟାପୀ ହିଂସା ଜାରି ରହିଛି। ଏହା ମଧ୍ୟରେ ଅହମଦାବାଦ କ୍ରାଇମ ବ୍ରାଞ୍ଚ କହିଛନ୍ତି କି, ଏହି ଘଟଣା ପରେ  ମାଲେସିଆ ଓ ଇଣ୍ଡୋନେସିଆର ମୁସଲିମ ହ୍ୟାକର ଭାରତ ବିରୋଧରେ ସାଇବର ଯୁଦ୍ଧ ଜାରି କରି ଦେଇଛନ୍ତି।  ଦୁଇଟି ହ୍ୟାକର ଗ୍ରୁପ ଡ୍ରାଗନ ଫୋର୍ସ ମାଲେସିଆ ଓ ହେକ୍ଟିଭିଷ୍ଟ ଇଣ୍ହିନୋସିଆ ଭାରତ ବିରୋଧରେ ଜାରି ରଖିଛନ୍ତି ଆକ୍ରମଣ। ଅହମଦା ବାଦର ସାଇବର କ୍ରାଇମ ବ୍ରାଞ୍ଚ ଅନୁଯାୟୀ ହ୍ୟାକର ଗ୍ରୁପ ଦୁଇଟି ସାରା ବିଶ୍ବର  ବିଶ୍ବର ହ୍ୟାକରଙ୍କୁ ଭାରତ ଉପରେ ସାଇବର ଆକ୍ରମଣ କରନ୍ତୁ। ଏହି ଗ୍ରୁପ ଦୁଇଟି ଦ୍ବାରା ୨ ହଜାରରୁ ଅଧିକ ୱେବସାଇଟକୁ ହ୍ୟାକ କରାଯାଇଛି।  ହ୍ୟାକର ନୂପୁରଙ୍କ ଘର ଓ ତାଙ୍କ ବ୍ୟକ୍ତିଗତ ସୂଚନାକୁ ଅନଲାଇନରେ ସାର୍ବଜନୀନ କରି ଦେଇଛନ୍ତି। ଏହାକୁ ନେଇ ଅହମଦାବାଦ  କ୍ରାଇମ ବ୍ରାଞ୍ଚ ଦୁଇ ହ୍ୟାକର ଗ୍ରୁପକୁ ନୋଟିସ କରି ଇଣ୍ଟରପୋଲ ଲୁକଆଉଟ ନୋଟିସର ଉଲ୍ଲେଖ କରିଛି।

    ବିବାଦିତ ବୟାନ ପରେ ଦେଶର ବିଭିନ୍ନ ସ୍ଥାନରେ ହିଂସା ଦେଖାଦେଇଛି ଓ ନୂପୁରଙ୍କ ନାମରେ ଏଫଆଇଆରମାନ ଦାୟର କରାଯାଇଛି। ସୁପ୍ରିମକୋର୍ଟ ମଧ୍ୟ ଏହି ବିବାଦପୂର୍ଣ୍ଣ ବୟାନ ପାଇଁ ନୂପୁରଙ୍କୁ ତିରସ୍କାର କରିବାକୁ ମଧ୍ୟ ପଛାଇ ନାହାନ୍ତି।

  • ବିଧାନସଭାରେ ନୂପୁର ନିଆଁ

    ନୁପୁର ନିଆଁକୁ ନେଇ ବିଧାନସଭାରେ ହଙ୍ଗାମା। ବିରୋଧୀ ଦଳ ଭିତରେ ତୁତୁ ମେମେ ଏମିତି ଚାଲିଲା ଯେ, ବାରମ୍ୱାର ଗୃହ କାର୍ଯ୍ୟ ବାଧା ପାଇଥିଲା। ଆଉ ବିରୋଧୀ ବିଜେପି ଓ କଂଗ୍ରେସ ଭିତରେ କଥା କଟାକଟି ଦେଖି ନୀରବ ରହି ଏହି ଦୃଶ୍ୟକୁ ବେଶ୍ ଉପଭୋଗ କରୁଥିଲା ଯେମିତି ଶାସକ ଦଳ।

    ପ୍ରଶ୍ନକାଳ ଯାଏ ସବୁ ସୁରୁଖୁରୁରେ ଚାଲିଥିଲା। ହେଲେ ଶୂନ୍ୟକାଳକୁ ଯେମିତି ହାଇଜାକ୍ କରିନେଇଗଲା ନୁପୁର ନିଆଁ। ବିଜେପିର ପୂର୍ବତନ ମୁଖପାତ୍ର ନୁପୁର ଶର୍ମାଙ୍କୁ ସୁପ୍ରିମକୋର୍ଟ କଡ଼ା ଭର୍ତ୍ସନା କରିବା ପ୍ରସଙ୍ଗକୁ ନେଇ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କେନ୍ଦ୍ର ଉପରେ ବର୍ଷିଥିଲେ। ଏହାକୁ ଏକ ସମ୍ୱେଦନଶୀଳ ପ୍ରସଙ୍ଗ ବୋଲି ଅଭିହିତ କରି ବିଜେପିର ଆଭିମୁଖ୍ୟ କଅଣ ଜାଣିବାକୁ ଚାହିଁଥିଲେ ନରସିଂହ। କାରଣ ବିଜେପିର ମୁଖପାତ୍ର ଭାବରେ ନିଜର ରାଜନୈତିକ ଏଜେଣ୍ଡାକୁ ଚରିତାର୍ଥ କରିବାକୁ ଯାଇ ଦେଶର ନିରାପତ୍ତାକୁ ବିପଦରେ ପକାଇବାକୁ କିଏ ଲାଇସେନ୍ସ ଦେଲା ବୋଲି ପଚାରିଥିଲେ ଅଦାଲତ। ଆଉ ସୁପ୍ରିମ୍ ଭର୍ତ୍ସନାକୁ ଧରି କଂଗ୍ରେସ କେବଳ କେନ୍ଦ୍ରକୁ ଟାର୍ଗେଟ କରିନାହିଁ। ପାଲଟା ରାଜ୍ୟ ସରକାରଙ୍କ ଆଭିମୁଖ୍ୟ ଏ ଦିଗରେ କଅଣ ବୋଲି ପଚାରିଛି।

    ତେବେ କଂଗ୍ରେସକୁ ଉଦୟପୁର ହିଂସାର ନଜିର ଦେଇ କାଉଣ୍ଟର କରିଥିଲେ ବିରୋଧୀ ଦଳ ଉପନେତା ବିଷ୍ଣୁ ସେଠୀ। ଗୃହର ସଦସ୍ୟ ନଥିବା ନୁପୁରଙ୍କୁ ନେଇ କାହିଁକି ଗୃହରେ ଆଲୋଚନା ହେବ ବୋଲି ବିରୋଧ କରିଥିଲେ ବିଷ୍ଣୁ। ବିଜେପିତ ନୁପୁରଙ୍କୁ ନିଲମ୍ୱନ କରିଛି। ଉଦୟପୁର ହିଂସା ପାଇଁ ରାଜସ୍ଥାନର କଂଗ୍ରେସ ସରକାର ଇସ୍ତଫା ଦେଲେ କି। କଶ୍ମୀର ପଣ୍ଡିତ କଥା ଉଠାଇ କଂଗ୍ରେସକୁ ସମାଲୋଚନା କରିଥିଲେ ବିଷ୍ଣୁ।

    ନୁପୁରଙ୍କୁ ନେଇ ଗୃହରେ କଂଗ୍ରେସ ଓ ବିଜେପି ସଭ୍ୟ ମୁହାଁମୁହିଁ ହୋଇଥିଲା ବେଳେ ଶାସକ ଦଳ ନୀରବ ରହି ଦେଖୁଥିଲା ଏମାନଙ୍କ ଲଢେଇ। ଗୃହରେ ସ୍ୱାଭାବିକ ଅବସ୍ଥା ଫେରାଇବାକୁ ପ୍ରୟାସ କରିଥିଲେ ବାଚସ୍ପତି। ବାରମ୍ୱାର ମୁଲତବୀ ପରେ ବି ବିରୋଧୀଙ୍କ ପରସ୍ପର ବିରୋଧୀ ନାରାବାଜିରୁ ଅପରାହ୍ନ ୪ଟା ଯାଏ ଗୃହକୁ ମୁଲତବୀ କରିବାକୁ ବାଧ୍ୟ ହୋଇଥିଲେ ବାଚସ୍ପତି।

    ରଘୁନାଥ ସାହୁଙ୍କ ରିପୋର୍ଟ, ନକ୍ଷତ୍ର ନ୍ୟୁଜ୍..

  • ଯାହା ଇଛା ତାହା କହିବାକୁ ତୁମକୁ ଲାଇସେନ୍ସ ଦେଲା କିଏ ?

    ପ୍ରଫେଟ ମହମ୍ମଦଙ୍କ ଉପରେ ଦେଇଥିବା ଆପତ୍ତିଜନକ ମନ୍ତବ୍ୟକୁ ନେଇ ନୁପୁର ଶର୍ମାଙ୍କ ଉପରେ ବର୍ଷିଛନ୍ତି ସର୍ବୋଚ୍ଚ ଅଦାଲତ। ଗୋଟିଏ ଦଳର ମୁଖପାତ୍ର ଅଛ। କିନ୍ତୁ ଯାହା ଇଛା ତାହା କହିବାକୁ ତୁମକୁ ଲାଇସେନ୍ସ ଦେଲା କିଏ ବୋଲି କଡ଼ା ଭର୍ତ୍ସନା କରିଛନ୍ତି ସୁପ୍ରିମକୋର୍ଟ। ନୁପୁର ଦେଶର ନିରାପତ୍ତା ପାଇଁ ବିପଦ। ସେଥିଲାଗି ସାରା ଦେଶକୁ କ୍ଷମା ମାଗନ୍ତୁ ବୋଲି ନିର୍ଦେଶ ଦେଇଛନ୍ତି ସର୍ବୋଚ୍ଚ ଅଦାଲତ। ମହଙ୍ଗା ପଡ଼ିଲା ବିବାଦୀୟ ମନ୍ତବ୍ୟ। ମହମ୍ମଦ ପ୍ରଫେଟଙ୍କ ଉପରେ ଦେଇଥିବା ଆପତ୍ତିଜନକ ମନ୍ତବ୍ୟ ଲାଗି ବିଜେପି ନେତ୍ରୀ ନୁପୁର ଶର୍ମାଙ୍କୁ କଡ଼ା ଭାଷାରେ ଭର୍ତ୍ସନା କରିଛନ୍ତି ସର୍ବୋଚ୍ଚ ଅଦାଲତ। ନୁପୁର ଦେଶର ନିରାପତ୍ତା ଲାଗି ବିପଦ। ନୁପୁରଙ୍କ ଟିପ୍ପଣୀ ଉତ୍ତେଜକ ଥିଲା। ଏହି ଟିପ୍ପଣୀ ପାଇଁ ଆଜି ସାରା ଦେଶ ଜଳୁଛି। ଉଦୟପୁର ଘଟଣା ପାଇଁ ବି ନୁପୁର ଦାୟୀ। ସେଥିଲାଗି ଦେଶବାସୀଙ୍କୁ କ୍ଷମା ମାଗ ବୋଲି ନିର୍ଦେଶ ଦେଇଛନ୍ତି ସୁପ୍ରିମକୋର୍ଟ। ଗୋଟିଏ ଦଳର ମୁଖପାତ୍ର ଅଛ। କିନ୍ତୁ ଯାହା ଇଛା ତାହା କହିବାକୁ କଅଣ ମୁଖପାତ୍ର ଭାବରେ ଦଳ ଲାଇସେନ୍ସ ଦେଇଛି କି ବୋଲି ପଚାରିଥିଲେ ଅଦାଲତ।

    ମାମଲା ବିଚାରାଧୀନ ଥିଲା ବେଳେ ଟେଲିଭିଜନ ବିତର୍କରେ ବସି ଆଲୋଚନା କରିବା କଅଣ ଦରକାର ଥିଲା। ବୋଧହୁଏ କେବଳ ଏକ ଏଜେଣ୍ଡାକୁ ପ୍ରମୋଟ କରିବା ଉଦେଶ୍ୟ ଥିଲା। ଟେଲିଭିଜନ ମାଧ୍ୟମରେ ହିଁ କ୍ଷମା ମାଗନ୍ତୁ ନୁପୁର। ଯଦିଓ ବିତର୍କରେ କୌଣସି ପ୍ରତିପକ୍ଷର ଦୁର୍ବ୍ୟବହାର, ଅପବ୍ୟବହାର କି ଅଶାଳୀନ ମନ୍ତବ୍ୟ ଦେଖିଥିଲେ, ତେବେ ସେ ସର୍ବପ୍ରଥମେ ଆଙ୍କର ବିରୁଦ୍ଧରେ ଏତଲା ଦେବାର ଥିଲା। ପ୍ରଫେଟଙ୍କ ବିରୁଦ୍ଧରେ ଦେଇଥିବା ମନ୍ତବ୍ୟ ଲାଗି ତାଙ୍କ ନାଁରେ ହୋଇଥିବା ଏକାଧିକ ଏତଲାକୁ ଗୋଟିଏରେ କ୍ଲବ୍ କରିବାକୁ କରିଥିବା ଆବେଦନର ଶୁଣାଣୀ କରି ଏଭଳି କଡ଼ା ଭାଷାରେ ନୁପୁରଙ୍କ ଉପରେ ବର୍ଷିଛନ୍ତି ଅଦାଲତ। ଜଷ୍ଟିସ ସୂର୍ଯ୍ୟକାନ୍ତ ଓ ଜଷ୍ଟିସ ଜେବି ପର୍ଦ୍ଦିଓ୍ୱାଲାଙ୍କ ଖଣ୍ଡପୀଠ ଏହା ବି ହୃଦବୋଧ କରିଛନ୍ତି କି, ନାମକୁ ମାତ୍ର ସର୍ତ୍ତ ରଖି କ୍ଷମା ମାଗିଥିବାରୁ ଏହା ଲୋକଙ୍କ ରୋଷ ଅଧିକ ବଢାଇ ଦେଇଥିଲା। ମନ୍ତବ୍ୟକୁ ନେଇ ଯେଉଁ ନିଆଁ ଜଳୁଛି, ଆଜି ଦେଶରେ ଯାହା ବି ଘଟୁଛି, ନୁପୁର ଏକା ହିଁ ଦାୟୀ। ତେବେ ନୁପୁରଙ୍କ ଓକିଲ ମନିନ୍ଦର ସିଂ କୋର୍ଟକୁ କହିଥିଲେ କି, ନୁପୁର ଲିଖିତ ଭାବରେ କ୍ଷମାପ୍ରାର୍ଥନା କରିବାକୁ ରାଜି। କିନ୍ତୁ ଖଣ୍ଡପୀଠ କହିଥିଲେ କି, ସେ ଟିଭି ମାଧ୍ୟମରେ ପୁରା ଦେଶକୁ କ୍ଷମା ମାଗନ୍ତୁ। ବହୁତ ବିଳମ୍ୱ ହୋଇଗଲାଣି। ଭାବାବେଗ ସହ ଖେଳି ଏଭଳି ମନ୍ତବ୍ୟକୁ ପ୍ରତ୍ୟାହାର କି କ୍ଷମା ମାଗିଲା ବେଳକୁ ସର୍ତ୍ତ ଖଞ୍ଜିବା ବିଲକୁଲ ଗ୍ରହଣୀୟ ନଥିଲା। କେବଳ ଏତିକି ନୁହେଁ। ତଳ କୋର୍ଟକୁ ଏଡାଇ ସିଧା ସର୍ବୋଚ୍ଚ ଅଦାଲତର ଦ୍ୱାରସ୍ଥ ହେବାକୁ ବି ନାପସନ୍ଦ କରିଛନ୍ତି ଖଣ୍ଡପୀଠ।

    ବୋଧହୁଏ ଆବେଦନକାରୀ ନୁପୁର ନିଜର ଉଦ୍ଧତପଣିଆ ଲାଗି ତଳ କୋର୍ଟର ମାଜିଷ୍ଟ୍ରେଟଙ୍କୁ ଛୋଟ ବୋଲି ମଣୁଛନ୍ତି। ମେ ୨୭ରେ ଏକ ଟିଭି ଡିବେଟରେ ଜ୍ଞାନବାପି ମସଜିଦ୍ ପ୍ରସଙ୍ଗରେ ପ୍ରଫେଟ ମହମ୍ମଦଙ୍କ ବିରୁଦ୍ଧରେ ଆପତ୍ତିଜନକ ମନ୍ତବ୍ୟ ଦେଇଥିଲେ ନୁପୁର। ଏହାକୁ ନେଇ ନୁପୁରଙ୍କ ବିରୁଦ୍ଧରେ ଏକାଧିକ ଏତଲା ରୁଜୁ ହୋଇଥିଲା। ଆଉ ଆଜି ସୁପ୍ରିମକୋର୍ଟ ହୃଦବୋଧ କରିଛନ୍ତି କି, ମାମଲା ବିଚାରାଧୀନ ଥିଲା ବେଳେ ସଂପୃକ୍ତ ଚ୍ୟାନେଲ କାହିଁକି ଏଭଳି ଆଲୋଚନା କରିଥିଲା। କେବଳ ନିର୍ଦ୍ଦିଷ୍ଟ ଏଜେଣ୍ଡାକୁ ପ୍ରୋମୋଟ କରିବା ଅଭିପ୍ରାୟ ଥିଲା। ତେବେ ନୁପୁରଙ୍କ ଓକିଲ ଦର୍ଶାଇଥିଲେ କି, ଅର୍ଣ୍ଣବ ଗୋସ୍ୱାମୀ ମାମଲାରେ ଏକାଧିକ ଏତଲାକୁ କ୍ଲବ୍ କରି ଶୁଣାଣୀ ହୋଇଥିଲା। କିନ୍ତୁ ଜଷ୍ଟିସ କାନ୍ତ କହିଥିଲେ କି, ଜଣେ ସାମ୍ୱାଦିକ ଓ ମୁଖପାତ୍ର ଭିତରେ ଫରକ ଅଛି। ନିର୍ଦିଷ୍ଟ ପ୍ରସଙ୍ଗରେ ଜଣେ ସାମ୍ୱାଦିକ କହିବାର ଅଧିକାର ରଖିଥାଏ। କିନ୍ତୁ ବିତର୍କରେ ଜଣେ ମୁଖପାତ୍ର କାହାକୁ ଆକ୍ଷେପ କରି ନିଜର ଦାୟିତ୍ୱହୀନ ମନ୍ତବ୍ୟ ଦେବା କେତେଦୂର ସମୀଚିନ। ଆଉ ଶେଷରେ ନୁପୁରଙ୍କ ଆବେଦନର ଶୁଣାଣୀ ହାଇକୋର୍ଟରେ ହେବ କହି ହାଇକୋର୍ଟର ଦ୍ୱାରସ୍ଥ ହେବାକୁ ନିର୍ଦେଶ ଦେଇଛନ୍ତି ସୁପ୍ରିମକୋର୍ଟ। ମୁମ୍ୱାଇ, ହାଇଦ୍ରାବାଦ ଓ ଶ୍ରୀନଗରରେ ନୁପୁରଙ୍କ ବିରୁଦ୍ଧରେ ଏତଲା ହୋଇଛି। କୋଲକାତା ହାଇକୋର୍ଟ ବି ନୁପୁରଙ୍କ ବିରୁଦ୍ଧରେ ଅପରାଧିକ ମାମଲା ରୁଜୁ ଆବେଦନ ଉପରେ ରାଜ୍ୟ ସରକାରଙ୍କଠୁ ଜବାବ ଲୋଡିଛନ୍ତି।

    • ପ୍ରଦୀପ ନାୟକଙ୍କ ରିପୋର୍ଟ
  • ପୁଅ କଲା ନୂପୁରଙ୍କୁ ସମର୍ଥନ, ବାପାଙ୍କ ଗଲା ଜୀବନ

    ଉଦୟପୁର: ନୂପୁର ଶର୍ମାଙ୍କ ସମର୍ଥନରେ ଛୋଟ ପିଲାଟିର ପୋଷ୍ଟକୁ ନେଇ ହୃଦୟବିଦାରକ ଘଟଣା। ଆଠ ବର୍ଷର ଶିଶୁ ଦ୍ବାରା ସୋସିଆଲ ମିଡିଆରେ ହୋଇଥିବା ପୋଷ୍ଟ ପାଇଁ ପିତାକୁ ହରାଇବାକୁ ପଡିଛି ଜୀବନ। ଦିନ ଦ୍ବିପ୍ରହରରେ ସର୍ବସମ୍ମୁଖରେ ଖଣ୍ଡାରେ ବ୍ୟକ୍ତିଙ୍କ ମୁଣ୍ଡ କାଟାଯାଇଛି, ଯାହାକୁ ନେଇ ସ୍ଥାନୀୟ ଅଞ୍ଚଳରେ ଖେଳିଯାଇଛି  ଆତଙ୍କ। ରାଜସ୍ଥାନର ଉଦୟପୁରରେ ଏପରି ଘଟଣା ଘଟୁଛି। ଉଦୟପୁରର ଧାନମଣ୍ଡି ଥାନା ଅଧୀନରେ ନୂପୁର ଶର୍ମାଙ୍କ ସମର୍ଥନରେ ୮ ବର୍ଷର ବାଳକ କରିଥିବା ପୋଷ୍ଟକୁ ନେଇ ଉତ୍ତେଜିତ ଲୋକେ ତାର ବାପାଙ୍କୁ ନିର୍ମମ ଭାବେ ହତ୍ୟା କରାଯାଇଛି। ମୃତକଙ୍କ ନାମ କହ୍ନେୟା ଲାଲ ଓ ସେ ଜଣେ ଟେଲର ଥିଲେ। ପରେ ସ୍ଥାନୀୟ ଅଞ୍ଚଳର ଇଣ୍ଟରନେଟ ସେବା ଆଗାମୀ ୨୪ ଘଣ୍ଟା ପାଇଁ ବନ୍ଦ କରାଯାଇଛି। ଏହି ବର୍ବରୋଚିତକାଣ୍ଡ ମୁସଲମାନ ସମ୍ପ୍ରଦାୟର ଦୁଇ ଯୁବକଙ୍କ ଦ୍ବାରା ହୋଇଥିବାରୁ ସାମ୍ପ୍ରଦାୟିକ ହିଂସା ଆଶଙ୍କା ସୃଷ୍ଟି ହୋଇଛି।  ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଆଇନଶୃଙ୍ଖଳା ରକ୍ଷା ପାଇଁ ସବୁ ପଦକ୍ଷେପ ନେଇଛି। ସେପଟେ ଘଟଣା ପରେ ଦୁଇ ଅଭିଯୁକ୍ତ ସୋସିଆଲ ମିଡିଆରେ ହତ୍ୟାର ଭିଡିଓ ସେୟାର କରି ଘଟଣା ପାଇଁ ନିଜକୁ ଦାୟୀ କରିଛନ୍ତି ଓ ଭିଡିଓ ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ଧମକ ଦେଇଥିବା ଦେଖିବାକୁ ମିଳିଛି।

  • ଧର୍ମ ର ରାଜନୀତି ଆଉ କେତେଦିନ…କିଏ ଭୂଲ କିଏ ଠିକ ?

    ଭାରତ ଏକ ଧର୍ମ ନିରପେକ୍ଷ ଗଣତାନ୍ତ୍ରିକ ରାଷ୍ଟ୍ର, ଯେଉଁଠାରେ ପ୍ରତେକ ବ୍ୟକ୍ତି ର ନିଜ ଧର୍ମ କୁ ମାନିବାର ଏବଂ ପୂଜାର୍ଚନା କରିବାର ଅଧିକାର ଅଛି l ଭାରତ ସମ୍ବିଧାନ ର ଅନୁଛେଦ 25 ରେ ଏହା ଲିଖିତ l ଆମ ପୂର୍ବଜ ମାନେ ସର୍ବ ଧର୍ମ ସମଭାବ ର କଥା କହିଛନ୍ତି କିନ୍ତୁ ଆଜିର ଚିତ୍ର ବହୁତ ଅଲଗା l ଏବେ ଦେଶ ରେ ଧର୍ମ ର ରାଜନୀତି ଦେଖିବାକୁ ମିଳିଛି , ପୂର୍ବରୁ ଯେଉଁ ଧର୍ମ ଆମ ପୂଜା ଘର ପର୍ଯ୍ୟନ୍ତ ସୀମିତ ଥିଲା ତାହା ଆଜି ରାଜରାସ୍ତା କୁ ଓଲ୍ଲାଇ ଆସିଛି l

    ଗତ କିଛି ଦିନ ପୂର୍ବରୁ ଭାରତୀୟ ଜନତା ପାର୍ଟି ର ପ୍ରବକ୍ତା ନୁପୁର ଶର୍ମା ଇସ୍ଲାମ ଧର୍ମ ବିରୋଧରେ ଏକ ବିବାଦୀୟ ମନ୍ତବ୍ୟ ଜାତୀୟ ଗଣମାଧ୍ୟମ ର ଏକ tv debate ରେ ଦେଇଥିଲେ l ଯାହାପରେ ଏହା ପ୍ରଥମେ ସୋସିଆଲ ମେଡିଆ ରେ viral ହୋଇଥିଲା ଏବଂ ଦେଖୁ ଦେଖୁ ନିଆଁ ଭଳି କେବଳ ଆମ ଦେଶ ନୁହଁ ବିଦେଶ କୁ ମଧ୍ୟ ଚାଲିଯାଇଥିଲା l ଯାହାର ପ୍ରତିବାଦ ସ୍ୱରୂପ ଦେଶ ର ବିଭିର୍ଣ୍ଣ ସ୍ଥାନରୁ ପ୍ରତିବାଦ ର ସ୍ଵର ଉଠିଥିଲା l ବିଭିର୍ଣ୍ଣ ଦେଶ ଖାସକରି ଆରବ ଦେଶ ମାନେ ଏହାର ଖୁବ ବିରୋଧ କରିଥିଲେ l

    ଶୁକ୍ରବାର ଦିନ ଜୁମା ର ନମାଜ ସାରିବା ପରେ ଦେଶ ର ବିଭିର୍ଣ୍ଣ ସ୍ଥାନ ତଥା ଜାମ୍ମୁ କାଶ୍ମୀର , ଉତ୍ତରପ୍ରଦେଶ , ଝାରଖଣ୍ଡ , ପଶ୍ଚିମ ବଙ୍ଗ ରେ ପ୍ରଥମେ ବିରୋଧ ତାହାପରେ କିଛି ଉପଦ୍ରବୀ ପଥର ଫୋପାଡିବା ସହ ଗାଡି ଏବଂ ଦୋକାନ ରେ ନିଆଁ ଲଗେଇଥିବା ସହିତ ନୁପୁର ଙ୍କୁ ହତ୍ୟା ଓ ରେପ କରିବାର ମଧ୍ୟ ଧମକ ଦେଇଥିଲେ l

    କିଛିଦିନ ପୂର୍ବରୁ ମୁନାୱାର ଫାରୁକି ନାମକ ଜଣେ କମେଡିଆନ ହିନ୍ଦୁ ଦେବା ଦେବୀ ଙ୍କ ବିରୋଧ ରେ କିଛି ଆପତ୍ତିଜନକ ବୟାନ ଦେଇଥିବାରୁ ତାଙ୍କୁ ଗିରଫ କରାଯାଇଥିଲା ବେଳେ ଏବେ ନୁପୁର ଶର୍ମା ଙ୍କୁ କାହିଁକି ଗିରଫ ନକରାଯିବ ବୋଲି ସାଧାରଣ ରେ ଚର୍ଚ୍ଚା ହେଉଛି l

    ଏବେ ପ୍ରଶ୍ନ ଉଠୁଛି ଭୂଲ କାହାର ? କେବଳ ଦେଶ ର ନୁହଁ ବିଶ୍ୱ ଏକ ସର୍ବ ବୃହତ ଦଳ ହେଉଛି ଭାରତୀୟ ଜନତା ପାର୍ଟି l ସେହି ଦଳର ପ୍ରବକ୍ତା ହିସାବରେ ଏଭଳି ମନ୍ତବ୍ୟ ଦେବା କେତେଦୂର ଠିକ ? ନୁପୁର ତାଙ୍କର ମନ୍ତବ୍ୟ ପାଇଁ ଭୁଲ ମାଗିଲେ ଓ ତାଙ୍କୁ ଦଳ ବରଖାସ୍ତ କଲାପରେ ମଧ୍ୟ ପ୍ରତିବାଦ ନାଁରେ ଏକ ମହିଳା ଙ୍କୁ ହତ୍ୟା ଓ ଦୁଷ୍କର୍ମ ଧମକ ଦେବା ଓ ଜାତୀୟ ସମ୍ପତି କୁ ନଷ୍ଟ କରିବା କେତେ ଦୂର ଠିକ ସେଟା ପ୍ରଶ୍ନ ର ବିଷୟ l ସମଗ୍ର ବିଶ୍ୱ ଓ ଖାସକରି ଆମ ଦେଶ କୋରୋନା ମହାମାରୀ ଯୋଗୁଁ ଏକ ଆର୍ଥିକ ସଙ୍କଟ ଦେଇ ଗତି କରୁଛି, ଆମ ଦେଶ ରେ ଦରବୃଦ୍ଧି, ତୈଳଦର , ବେରୋଜ଼ଗାରୀ ଭଳି ବିଭିନ୍ନ ସମସ୍ୟା ଥିବା ବେଳେ ଆମ କିଛି ନେତା ଓ କିଛି ଜାତୀୟ ଗଣମାଧ୍ୟମ ଧର୍ମ ରାଜନୀତି ରେ ବ୍ୟସ୍ତ ଥିବା ଦୁର୍ଭାଗ୍ୟଜଣକ ବୋଲି ସାମାଜିକ କର୍ମୀ, ରାଜନୀତିକ ବିଶେଷଜ୍ଞମାନେ ମତବ୍ୟକ୍ତ କରିଛନ୍ତି l ଏହିପରି ସମସ୍ୟା ଆଗକୁ ନହେବା ପାଇଁ ସମସ୍ତ ଜାତୀୟ ଓ ଆଞ୍ଚଳିକ ଦଳ ମାନେ ତାଙ୍କ ପ୍ରବକ୍ତା ଙ୍କୁ ଏକ ଟ୍ରେନିଂ ଦେବା ଆବଶ୍ୟକ ଓ ପ୍ରତିବାଦ ନାଁରେ ଉପଦ୍ରବ କରୁଥିବା ଅସାମାଜିକ ବ୍ୟକ୍ତି ଙ୍କୁ ଦଣ୍ଡ ଦେବା ଜରୁରୀ ବୋଲି ବୁଦ୍ଧିଜୀବୀ ମାନେ କହିଛନ୍ତି l

    • ଅଭିଷେକ ପୁରୋହିତ ଙ୍କ ରିପୋର୍ଟ
  • ଥମୁନାହିଁ ନୁପୁର ଭୂକମ୍ପ…ଝାରଖଣ୍ଡ ରେ କାଲି ହିଂସା ଆଜି 144 ଧାରା l

    ଥମୁନାହିଁ ନୁପୁର ଭୂକମ୍ପ । ଝାରଖଣ୍ଡ ରେ କାଲି ହିଂସା ଆଜି 144 ଧାରା l ନିଲମ୍ବିତ ବିଜେପି ନେତା ନୁପୁର ଶର୍ମାଙ୍କ ଇସଲାମ ଧର୍ମ ବିରୋଧ ରେ ଦେଇଥିବା ବିବାଦୀୟ ମନ୍ତବ୍ୟକୁ ନେଇ ରାଞ୍ଚିରେ ହିଂସାତ୍ମକ ରୂପ ନେଇଛି। କାଲି ଯାନବାହନ ଅଚଳ କରି ଭଙ୍ଗାରୁଜା କରାଯାଇଥିବାବେଳେ ପଥର ଫିଙ୍ଗିବା ଘଟଣା ଘଟିଥିଲା। ଆଜି ରାଞ୍ଚିର 12 ଟି ଅଞ୍ଚଳରେ 144 ଧାରା ଲଗାଇବା ସହିତ ସୁରକ୍ଷା ବାହିନୀ ନିୟୋଜିତ ହୋଇଛନ୍ତି l ଗତକାଲିର ବିରୋଧ ଏବଂ ହିଂସାରେ ପ୍ରଭାବିତ ହୋଇଥିବା ମନ୍ଦିର ଏବଂ ନିକଟସ୍ଥ ଅଞ୍ଚଳରେ ଆସନ୍ତାକାଲି ସକାଳ ପର୍ଯ୍ୟନ୍ତ ଜିଲ୍ଲା ପ୍ରଶାସନ ଇଣ୍ଟରନେଟ ସେବାକୁ ମଧ୍ୟ ସ୍ଥଗିତ ରଖିଛି l

    କେବଳ ଝାରଖଣ୍ଡ ନୁହଁ ଦେଶର ଅନ୍ୟ ସ୍ଥାନରେ ମଧ୍ୟ ଦେଖିବାକୁ ମିଳିଛି ଅସନ୍ତୋଷ l ଅଜାନ ପାଠ ପରେ ଦିଲ୍ଲୀର ଜାମା ମସଜିଦରେ ବିରୋଧ ପ୍ରଦର୍ଶନ କରିଥିଲେ ଲୋକ l ବିରୋଧ ପାଇଁ ମସଜିଦ୍ ପକ୍ଷରୁ କୌଣସି ଆହ୍ୱାନ ଦିଆଯାଇନାହିଁ ଏବଂ ଗତକାଲି ଯେତେବେଳେ ଲୋକମାନେ ବିରୋଧ କରିବାକୁ ଯୋଜନା କରୁଥିଲେ ଆମେ ସ୍ପଷ୍ଟ ଭାବରେ ସେମାନଙ୍କୁ ମନାକରିଥିଲୁ ବୋଲି ଜାମା ମସଜିଦର ଶାହୀ ଇମାମ କହିଛନ୍ତି। ବର୍ତ୍ତମାନ ପରିସ୍ଥିତି ନିୟନ୍ତ୍ରଣରେ ଅଛି ଏବଂ ସେଠାରୁ ଲୋକଙ୍କୁ ହଟାଇ ଦିଆଯାଇଛି ବୋଲି ଦିଲ୍ଲୀ ପୋଲିସ ପକ୍ଷରୁ ସୂଚନା ଦିଆଯାଇଥିଲା

    • ଅଭିଷେକ ପୁରୋହିତଙ୍କ ରିପୋର୍ଟ
  • ଭାରତରେ ‘ଆତ୍ମଘାତୀ ବିସ୍ଫୋରଣ’ ର ଧମକ ଦେଇଛି “ଅଲ-କାଏଦା”

    ଅପମାନର ପ୍ରତିଶୋଧ ନେବବୋଲି ଧମକ ଦେଇଛି ଆତଙ୍କବାଦି ସଙ୍ଗଠନ “ଅଲ-କାଏଦା” l ପ୍ରଫେଟ ମହମ୍ମଦଙ୍କ ପ୍ରତି ହୋଇଥିବା ଅପମାନର ପ୍ରତିଶୋଧ ନେବାକୁ ଦିଲ୍ଲୀ, ମୁମ୍ବାଇ, ଉତ୍ତରପ୍ରଦେଶ ଏବଂ ଗୁଜୁରାଟରେ ‘ଆତ୍ମଘାତୀ ବିସ୍ଫୋରଣ’ କରିବା ପାଇଁ ଭାରତୀୟ ଉପମହାଦେଶର ଆତଙ୍କବାଦି ସଙ୍ଗଠନ ଅଲ-କାଏଦା ଏକ ଚେତାବନୀ ଦେଇଛି। ଭାରତୀୟ ଜନତା ପାର୍ଟି ର ପୂର୍ବତନ ମୁଖପାତ୍ର ନୁପୁର ଶର୍ମା ପ୍ରଫେଟ ମହମ୍ମଦଙ୍କ ବିରୋଧରେ ବିବାଦୀୟ ମନ୍ତବ୍ୟ ଦେଇଥିବା ଅଭିଯୋଗ ହେବା ପରେ ତାଙ୍କୁ ଦଳ ନିଲମ୍ବିତ କରିଥିଲା। ନୁପୁର ଦେଇଥିବା ବିବାଦୀୟ ବିବୃତ୍ତି ଏକ ଆନ୍ତର୍ଜାତୀୟ ସ୍ତରରେ ଉତ୍ତେଜନା ସୃଷ୍ଟି କରିଥିଲା।

    ଆଫଗାନିସ୍ତାନ, ପାକିସ୍ଥାନ, ସାଉଦି ଆରବ, ୟୁଏଇ, କାତାର, କୁଏତ, ବହାରେନ, ଇଣ୍ଡୋନେସିଆ ଏବଂ ଇରାନ ସମେତ ଅନେକ ମୁସଲମାନ ରାଷ୍ଟ୍ର ତଥା ଇସଲାମିକ ସଂଗଠନ ଏହାକୁ ବିରୋଧ କରିଥିବା ବେଳେ ଏବେ ଏହି ଆତ୍ମଘାତୀ ବିସ୍ଫୋରଣ ର ଧମକ ଚିନ୍ତା ର କାରଣ ପଲିଟିଛି l

Back to top button