PARLIAMENT

  • ସର୍ବଦଳୀୟ ବୈଠକରେ ବିବିସି ଡକ୍ୟୁମେଣ୍ଟାରୀ, ଆଦାନୀ ଷ୍ଟକ୍ସ ପ୍ରସଙ୍ଗ ଉଠାଇଲେ ବିରୋଧୀ

    ନୂଆଦିଲ୍ଲୀ: ୩୧ ଜାନୁଆରୀରୁ ଅନୁଷ୍ଠିତ ହେବାକୁ ଥିବା ବଜେଟ ଅଧିବେଶ ପୂର୍ବରୁ ସୋମବାର କେନ୍ଦ୍ର ସରକାର ସର୍ବଦଳୀୟ ବୈଠକ ଡକାଇଥିବା ବେଳେ ବିରୋଧୀଙ୍କ ପକ୍ଷରୁ ଆଦାନୀ ଷ୍ଟକ୍ସ, ବିବିସି ଡକୁମେଣ୍ଟାରୀ ଉପରେ ପ୍ରତିବନ୍ଧକ ଓ ବିରୋଧୀ ଶାସିତ ରାଜ୍ୟଗୁଡିକରେ ରାଜ୍ୟପାଳଙ୍କ ମାତ୍ରାଧିକ ହସ୍ତକ୍ଷେପ ପ୍ରସଙ୍ଗକୁ ଉଠାଯାଇଥିଲା।

    ଏହି ଅବସରରେ ବହୁ ବିରୋଧୀ ଦଳ ପକ୍ଷରୁ ଆଦାନୀ ଗ୍ରୁପର ଷ୍ଟକକୁ ନେଇ ଷ୍ଟକ ମାର୍କେଟରେ ଦେଖାଦେଇଥିବା ଅସ୍ଥିରତା ଉଠାଇ ବଜେଟ ଅଧିବେଶନରେ ଏହା ଉପରେ ଆଲୋଚନା ପାଇଁ କୁହାଯାଇଥିଲା। କାରଣ ଏହା ଦେଶର ଅର୍ଥନୀତି ସହ ସଂଶ୍ଳୀଷ୍ଟ ଥିବା ସହ ବହୁ ଲୋକଙ୍କ ସହ ଜଡିତ ରହିଥିବା କୁହାଯାଇଛି।

    ଆରଜେଡି, ସିପିଆଇଏମ, ସିପିଆଇ, ଆପ, ନାସନାଲ କନଫେରେନ୍ସ ପକ୍ଷରୁ ଆଦାନୀ ମାମଲା ଉଠାଯାଇ କାହିଁ ଏହାର ଯାଞ୍ଚ ସିବିଆଇ, ଇଡି, ସିକ୍ୟୁରିଟି ଏକ୍ସଚେଞ୍ଚ ବୋର୍ଡ ଅଫ ଏକ୍ଚେଞ୍ଚ  କରୁନାହିଁ? କାହିଁ ସାଧାରଣ ଜନତାଙ୍କ ଟଙ୍କା ନିବେଶ ହୋଇଥିବା ଘଟଣାର ତଦନ୍ତ କରାଯାଉ ନାହିଁ? ଏହି ମାମଲାରେ ଗୃହରେ ଆଲୋଚନା ପାଇଁ ଦାବି କରାଯାଇଥିବା ଆପ ନେତା ସଞ୍ଜୟ ସିଂହ କହିଛ୍ତି।  ଏହା ବ୍ୟତୀତ ବିବିସି ଡକୁମେଣ୍ଟାରୀ ଉପରେ ପ୍ରତିବନ୍ଧକ ଲଗାଇ ସରକାର କଣ ହାସଲ କଲା? ଏହା କେବଳ ଅଜଥା ଉତ୍ସାହ ସୃଷ୍ଟିକରୁଥିବା ଯୁକ୍ତି କରିଛନ୍ତି ବିରୋଧୀ ବୋଲି ଟିଏମସି ନେତା ସୁଦୀପ ବନ୍ଦୋପାଧ୍ୟାୟ କହିଛନ୍ତି।

    ସେହିପରି ବିଆରଏସ, ଡିଏମକେ ପରି ବିରୋଧୀ ନେତା ରାଜ୍ୟରେ ରାଜ୍ୟପାଳଙ୍କ ଅଜଥା   ହସ୍ତକ୍ଷେପ ପ୍ରସଙ୍ଗକୁ ଉଠାଇଛନ୍ତି। ଗଣତନ୍ତ୍ରରେ ସମୂହ ସହଯୋଗ ଆବଶ୍ୟକ। କିନ୍ତୁ କାହିଁ ସରକାର ଗୋଟିଏ ସରକାରକୁ ରାଜ୍ୟପାଳଙ୍କ ଦ୍ବାରା ସୃଷ୍ଟ ଅବ୍ୟବସ୍ଥା ପାଇଁ କୋର୍ଟଙ୍କ ଦ୍ବାରସ୍ଥ ହେବାକୁ ହେଉଛି?ଏହାକୁ ଟିଆରଏସ ନେତା କେ କେସଭ ରାଓ କହିଛନ୍ତି।

  • କୋଭିଡକୁ ନେଇ ସଂସଦରେ ସ୍ବାସ୍ଥ୍ୟମନ୍ତ୍ରୀଙ୍କ ବିବୃତ୍ତି

    ନୂଆଦିଲ୍ଲୀ: ଚୀନରେ କରୋନା ସଂକ୍ରମଣ ବୃଦ୍ଧି ଓ ଦେଶରେ ନୂଆ କୋଭିଡ ଭାରିଆଣ୍ଟ ଚିହ୍ନଟ ପରେ ଗୁରୁବାର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟା ରାଜ୍ୟ ସଭାରେ କରୋନା ସ୍ଥିତି ଉପରେ ବୟାନ ରଖିଛନ୍ତି। ସେ କହିଛନ୍ତି କି, ଆମେ କୋଭିଡ ଉପରେ କୌଣସି ରାଜନୀତି କରିନାହୁଁ। ଦେଶର ବଡ ହସ୍ପିଟାଲରେ ସବୁ ଅକ୍ସିଜେନ ପ୍ଲାଣ୍ଟ ଲଗାଯାଇଛି ଓ ଚାଲୁ ହୋଇଛି। ପର୍ଯ୍ୟାପ୍ତ ମାତ୍ରାରେ ଔଷଧର ସମୀକ୍ଷା ହୋଇଛି।

    କେନ୍ଦ୍ରୀୟ ସ୍ବାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭିୟା କରୋନାର ତାଜା ସ୍ଥିତିକୁ ନେଇ ଲୋକସଭାରେ ନିଜ ବୟାନ ଜାରି କରିଛନ୍ତି। ସେ କହିଛନ୍ତି କି, ଜାପାନ, ଚୀନ, ଦକ୍ଷିଣ କୋରିଆ ସମେତ ବହୁ ଦେଶରେ କରୋନା ମାମଲା ଓ ମୃତ୍ୟୁ ବଢିଚାଲିଛି। ସ୍ବାସ୍ଥ୍ୟ ମନ୍ତ୍ରଣାଳୟ କରୋନାରୁ ହେଉଥିବା ଖରାପ ସ୍ଥିତିକୁ ଦୃଷ୍ଟିରେ ରଖି ଆଗୁଆ ପଦକ୍ଷେପ ନେବା ଆରମ୍ଭ କରିଛି। ବୈଷୟିକ ସମୟତା ବ୍ୟତୀତ ସରକାର ଏନଡିଆରଏଫ, ଆୟୁଷ୍ମାନ ଯୋଜନା ଓ ଅନ୍ୟ ସରକାରୀ ଯୋଜନା ଜରିଆରେ କରୋନାର ମୁକାବିଲା ପାଇଁ ପ୍ରସ୍ତୁତି କରିଛି।

    ଦେଶରେ ଏପର୍ଯ୍ୟନ୍ତ ୨୨୦ କୋଟିରୁ ଅଧିକ ଟିକା ଦିଆସରିଲାଣି। ରାଜ୍ୟମାନଙ୍କୁ ମଧ୍ୟ ସହାୟତା ଦିଆଯାଉଛି। ସେମାନଙ୍କୁ ଜିନୋମ ସିକ୍ବେନ୍ସିଂ ବଢାଇ କଣ୍ଟାକ୍ଟ ଟ୍ରେସିଂ ପାଇଁ ପରାମର୍ଶ ଦିଆଯାଇଛି।

    କରୋନାର ବର୍ତ୍ତମାନ ସ୍ଥିତିକୁ ନେଇ କେନ୍ଦ୍ର ମନ୍ତ୍ରୀ ଆହୁରି କହିଛନ୍ତି କି, ଆମେ ଅନ୍ତରାଷ୍ଟ୍ରୀୟ ଏୟାରପୋର୍ଟରେ ବିଦେଶରୁ ଆସୁଥିବା ଲୋକଙ୍କ ରାଣ୍ଡମ ଆରଟିପିସିଆର ଯାଞ୍ଚ ଆରମ୍ଭ କରିଛୁ। ପର୍ବ ଓ ନୂଆ ବର୍ଷକୁ ଦୃଷ୍ଟିରେ ରଖି ରାଜ୍ୟଗୁଡିକୁ ବୁଷ୍ଟର ଡୋଜ ନେବାକୁ ଲୋକଙ୍କୁ ସଚେତନ କରିବା ସହ ଲୋକଙ୍କୁ ମାସ୍କ, ସାନିଟାଇଜର ବ୍ୟବହାର କରିବା ସହ ସାମାଜିକ ଦୂରତା ରକ୍ଷା କରିବା ଦିଗରେ ସଚେତନ କରାଇବାକୁ କୁହାଯାଇଛି।

    ଲୋକସଭାରେ ମନ୍ତ୍ରୀ କହିଛନ୍ତି, ଆମେ ବର୍ତ୍ତମାନ ବୈଶ୍ବିକ କୋଭିଡ ସ୍ଥିତିକୁ ନଜରରେ ରଖି ଆଗୁଆ ପଦେକ୍ଷପ ନେଉଛୁ। କୋଭିଡ-୧୯ର ନୂଆ ଭାରିଆଣ୍ଟ ଚିହ୍ନଟ ପାଇଁ ରାଜ୍ୟଗୁଡିକୁ ଜେନମ ସିକ୍ବେନ୍ସିଂକୁ ବଢାଇବାକୁ କୁହାଯାଇଛି। ମହାମାରୀ ବିରୋଧୀ ଲଢେଇରେ ରାଜ୍ୟଗୁଡିକୁ ଆର୍ଥିକ ସହାୟତା ପ୍ରଦାନ କରାଯାଇଛି।

  • ନିଜ ବୟାନ ଫେରାଇ ନେଲେ ପିୟୁଷ

    ନୂଆଦିଲ୍ଲୀ: ଡିସେମ୍ବର ୭ରୁ ଆରମ୍ଭ ହୋଇଥିବା ସଂସଦର ଶୀତକାଳୀନ ଅଧିବେଶନ ହୋହଲ୍ଲା ଭିତରେ ଚାଲିଛି। ବିରୋଧୀ ତୱାଙ୍ଗ ମୁଦ୍ଦାକୁ ନେଇ ଚର୍ଚ୍ଚା ଦାବିରେ ଅଡି ବସିଛନ୍ତି। ସେପଟେ ପୁଣି କରୋନା ସଂକ୍ରମଣକୁ ଦେଖି ଉଭୟ ଗୃହକୁ ସଭାପତିମାନେ ମାସ୍କ ପରିଧାନ କରି ପହଞ୍ଚିଛନ୍ତି।

    ଚୀନ ଓ ଭାରତ ସେନା ଭିତରେ ତୱାଙ୍ଗରେ ହୋଇଥିବା ମୁହାଁମୁହିଁ ସ୍ଥିତିକୁ ନେଇ ସଂସଦରେ ଜାରି ରହିଛି ହଟ୍ଟଗୋଳ। ଏହି ପ୍ରସଙ୍ଗରେ ଆଲୋଚନା ପାଇଁ ବିରୋଧୀ ଦାବି କରିବା ସହ ବିହାର ବିରୋଧରେ କେନ୍ଦ୍ର ମନ୍ତ୍ରୀ ପିୟୁଷ ଗୋଏଲଙ୍କ ଟପ୍ପଣୀକୁ ନେଇ  ଗୁରୁବାର ଗୃହତ୍ୟାଗ କରିଛନ୍ତି ବିରୋଧୀ।

    ଏହି ହଟଗୋଳ ଭିତରେ ପିୟୁଷ ଗୋୟଲ ବିହାରକୁ ନେଇ ନିଜ ବିବାଦୀୟ ବୟାନ ଉପରେ ସ୍ପଷ୍ଟିକରଣ ଦେଇ କହିଛନ୍ତି, ମୁଁ ସ୍ପଷ୍ଟ କରିବାକୁ ଚାହୁଁଛି କି, ବିହାର ବା ବିହାର ଲୋକଙ୍କ ଅପମାନ ମୋର ଉଦ୍ଦେଶ୍ୟ ନ ଥିଲା। ଯଦି ମୋ ବୟାନରୁ କାହାକୁ ଆଘାତ ଲାଗିଥାଏ, ତେବେ ମୁଁ ମୋର ବୟାନ ଫେରସ୍ଥ ନେଉଛି।

    ବିହାରର ଅପମାନ ମୁଦ୍ଦାରେ ବିହାରର ସାଂସଦ ଗୁରୁବାର ଗାନ୍ଧୀ ପ୍ରତିମୂର୍ତ୍ତି ସାମ୍ମୁଖରେ ବିରୋଧ ପ୍ରଦର୍ଶନ କରିଛନ୍ତି। ଏଥିରେ ବିଜେପି ବ୍ୟତୀତ ବାକି କଂଗ୍ରେସ, ଆରଜେଡି, ଜେଡିୟୁ, ଲେପ୍ଟ ଓ ଶିବସେନା ପରି ଅନ୍ୟ ଦଳର ସାଂସଦ ଅଂଶ ଗ୍ରହଣ କରିଛନ୍ତି। ସାଂସଦମାନେ ପିୟୁଷ ଗୋଏଲଙ୍କୁ କ୍ଷମା ମାଗିବାକୁ ଦାବି କରିଛନ୍ତି।

    ଗୋୟଲ ରାଜ୍ୟସଭାରେ ଚର୍ଚ୍ଚା କାଳରେ କହିଥିଲେ କି, ଏହି ଲୋକମାନେ ପୁରା ଦେଶକୁ ବିହାର କରିଦେବେ। ଏହା ଉପରେ ଗୁରୁବାର ଆରଜେଡି ସାଂସଦ ମନୋଜ ଝା ରାଜ୍ୟସଭାରେ ବିହାର ସମ୍ପର୍କରେ ଅପମାନଜନକ ଶବ୍ଦର ବ୍ୟବହାର କରିଥିବାରୁ କେନ୍ଦ୍ର ମନ୍ତ୍ରୀ କ୍ଷମା ମାଗନ୍ତୁ ବୋଲି ଦାବି କରିଛନ୍ତି।

    ବୁଧବାର ମଧ୍ୟ ବିରୋଧୀ ଚୀନ ଭିତରକୁ ଅନୁପ୍ରବେଶ ଓ ମୂଲ୍ୟ ବୃଦ୍ଧି ପ୍ରସଙ୍ଗରେ ଚର୍ଚ୍ଚା ପାଇଁ ନୋଟିସ କରିଥିଲେ, କିନ୍ତୁ ସରକାର ଏହି ନୋଟିସକୁ ଅଗ୍ରାହ୍ୟ କରିଦେଇଥିଲେ। ଲୋକସଭାରେ ଚୀନ ପ୍ରସଙ୍ଗରେ ଚର୍ଚ୍ଚାକୁ ଅନୁମତି ନ ଦେବାକୁ ନେଇ ବିରୋଧୀ ଖପ୍ପା ହେବା ସହ କଂଗ୍ରେସ ସମେତ ବହୁ ବିରୋଧୀ ଦଳ ସଂସଦକୁ ବୟକଟ କରିଥିଲେ।

  • ସମୟ ପୂର୍ବରୁ ଶେଷ ହେବ ଶୀତ ଅଧିବେଶନ

    ନୂଆଦିଲ୍ଲୀ: ସଂସଦର ଚଳିତ ଶୀତ ଅଧିବେଶନ ଧାର୍ଯ୍ୟ ସମୟର ଏକ ସପ୍ତାହ  ପୂର୍ବରୁ ସମାପ୍ତ ହୋଇଯିବ।  ଏକ ବିଶେଷ ସୂତ୍ରରୁ ମଙ୍ଗଳବାର ଏହି ସୂଚନା ମିଳିଛି। ସୂତ୍ର ମୁତାବକ, ବିଜନେସ ଆଡଭାଇଜରୀ କମିଟିର ବୈଠକରେ ଏହି  ନିଷ୍ପତ୍ତି ନିଆଯାଇଛି। ଏହି କମିଟି ଉଭୟ ଲୋକସଭା ଓ ରାଜ୍ୟସଭାର କାର୍ଯ୍ୟକ୍ରମ ସ୍ଥିରକରିଥାଏ ଓ ଏହାର ଅଧ୍ୟକ୍ଷତା ଲୋକସଭା ଅଧ୍ୟକ୍ଷ କରିଥାନ୍ତି।

    ତଥ୍ୟ ଅନୁଯାୟୀ, ବହୁ ବିପକ୍ଷ ନେତା କ୍ରିସମାସ ଓ ନବବର୍ଷ ପାଇଁ ସରକାର ତଥା ଲୋକସଭା ସ୍ପିକରଙ୍କୁ ଶୀତ ଅଧିବେଶନ ଶୀଘ୍ର ସାରିବାକୁ ଅନୁରୋଧ କରିଥିଲେ। ଚଳିତ ଶୀତ ଅଧିବେଶନ  ୭ ଡିସେମ୍ବରରୁ ଆରମ୍ଭ ହୋଇଥିଲା। କିନ୍ତୁ ଏହି ଅଧିବେଶନ କାଳରେ ବିରୋଧୀଙ୍କ ଦ୍ବାରା ବିଭିନ୍ନ ପ୍ରସଙ୍ଗକୁ ନେଇ ହଟଗୋଳ କାରରୁ ଉଭୟ ରାଜ୍ୟସଭା ଓ ଲୋକସଭାକୁ ବାରମ୍ବାର ମୁଲତବୀ କରିବାକୁ ହୋଇଛି। ମୁଖ୍ୟତଃ ତୱାଙ୍ଗରେ ଚୀନ ଓ ଭାରତୀୟ ସେନା ମଧ୍ୟରେ ହୋଇଥିବା ମୁହଁମୁହିଁ ସ୍ଥିତି ଉପରେ ବିରୋଧୀ ଗୃହକୁ ଚଳାଇବାକୁ ଦେଇନଥିଲେ।

  • ୮ମ ଦିନରେ ଚୀନ ପ୍ରସଙ୍ଗକୁ ନେଇ ସରଗରମ ସଂସଦ

    ନୂଆଦିଲ୍ଲୀ: ଶୀତକାଳୀନ ଅଧିବେଶନର ଆଜି ଅଷ୍ଟମ ଦିନରେ କଂଗ୍ରେସ ସାଂସଦ ମନୀଷ ତିୱାରୀ ଚୀନ ପ୍ରସଙ୍ଗରେ ଲୋକସଭାରେ ମୁଲତବୀ ପ୍ରସ୍ଥାବ ପାରିତ କରିଛନ୍ତି। ଏହା ମଧ୍ୟରେ ଦିଲ୍ଲୀ ମହିଳା କମିଶନ ଅଧ୍ୟକ୍ଷା ସ୍ବାତୀ ମାଲିବାଲ ନିର୍ଭୟା କାଣ୍ଡର ୧୦ ବର୍ଷ ପୂର୍ତ୍ତି ଅବସରରେ ମହିଳାଙ୍କ ସୁରକ୍ଷା ପ୍ରସଙ୍ଗରେ ଚର୍ଚ୍ଚା କରିବାକୁ ଲୋକସଭା ଅଧ୍ୟକ୍ଷ ଓ ରାଜ୍ୟସଭା ସଭାପତିଙ୍କୁ ଚିଠି କରିଛନ୍ତି।

    ଆଜି ସଂସଦରେ କୃଷି ମନ୍ତ୍ରୀ ନରେନ୍ଦ୍ର ସିଂହ ତୋମର କଂଗ୍ରେସ ଉପରେ ଚାଷୀ ପ୍ରସଙ୍ଗରେ ମିଛ ରାଜନୀତି କରୁଥିବା ଓ କୃଷି ଆଇନ ଉପରେ ଦୋମୁହାଁ ନୀତି ଆପଣେଇବାର ଅଭିଯୋଗ ଆଣିଛନ୍ତି। ଗତବର୍ଷ ଚାଷୀ ଆନ୍ଦୋଳୟ ପରେ ଚାଷୀଙ୍କୁ ନ୍ୟୁନତମ ସମର୍ଥନ ମୂଲ୍ୟ ଦେବା ପ୍ରତିଶ୍ରୁତି ଉପରେ କଂଗ୍ରେସ ନେତା ଦୀପେନ୍ଦ୍ର ହୁଡ୍ଡାଙ୍କ ପ୍ରଶ୍ନର ଉତ୍ତର ଦେବା କାଳରେ ରାଜ୍ୟ ସଭାରେ କହିଛନ୍ତି କି, ପ୍ରସ୍ତାବ ଉପରେ ବିଚାର କରିବାକୁ ସମିତି ଗଠନ ହୋଇଛି।

    ସେହିପରି ତୱାଙ୍ଗରେ ଚୀନ ସେନା ସହ ଭାରତୀୟ ସେନାର ମୁହାଁମୁହିଁ ପରିସ୍ଥିତିକୁ ନେଇ ରାଜ୍ୟସଭା ପୁଣି ସରଗରମ ରହିଥିଲା। କଂଗ୍ରେସ ଅଧ୍ୟକ୍ଷ ମଲ୍ଲିକାଜ୍ଜୁନ ଖଡଗେ କହିଛନ୍ତି, ଆମକୁ ଏହି ମୁଦ୍ଦାରେ କହିବାକୁ ମୌକା ଦିଆଯାଉ ନାହିଁ। ସେପଟେ ହୋହଲ୍ଲା ଭିତରେ ରାଜ୍ୟ ସଭାକୁ ୧୧.୪୮ରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ମୁଲତବୀ କରାଯାଇଥିଲା।

  • ସୀମା ବିବାଦକୁ ନେଇ ମୁହାଁମୁହିଁ ମହାରାଷ୍ଟ୍ର-କର୍ଣ୍ଣାଟକ

    ବେଙ୍ଗାଲୁରୁ:  ସୀମା ବିବାଦକୁ ନେଇ ମୁହାଁମୁହିଁ ମହାରାଷ୍ଟ୍ର-କର୍ଣ୍ଣାଟକ ସରକାର। ଉଭୟ ରାଜ୍ୟରେ ବିଜେପି ସରକାର କ୍ଷମତାରେ ରହିଥିବାବେଳେ କିନ୍ତୁ ଉଭୟ ସରକାରଙ୍କ ମଧ୍ୟରେ ଆରମ୍ଭ ହୋଇଛି ସୀମା ବିବାଦକୁ ନେଇ ରାଜନୀତି। ସେପଟେ ପ୍ରସଙ୍ଗ ଯାଇ ସଂସଦରେ ପହଞ୍ଚିଛି। ସଂସଦର ଶୀତକାଳୀନ ଅଧିବେସନ ଆରମ୍ଭ ହୋଇଥିବାବେଳେ ସୀମା ବିବାଦକୁ ନେଇ ସଂସଦରେ ମୁହାଁମୁହିଁ ହୋଇଛନ୍ତି ଉଭୟ ମହାରାଷ୍ଟ୍ର ଓ କର୍ଣ୍ଣାଟକ ସରକାର।

    ସୀମା ବିବାଦକୁ ନେଇ ତୁଟୁନି ମହାରାଷ୍ଟ୍ର-କର୍ଣ୍ଣାଟକ ସରକାରଙ୍କ କଳି। ମହାରାଷ୍ଟ୍ର-କର୍ଣ୍ଣାଟକ ସୀମା ବିବାଦକୁ ନେଇ ସଂସଦରେ ହଙ୍ଗାମା। ସଂସଦର ଶୀତକାଳୀନ ଅଧିବେସନର ପ୍ରଥମ ଦିନରେ ମହାରାଷ୍ଟ୍ର-କର୍ଣ୍ଣାଟକ ସୀମା ବିବାଦ ପ୍ରସଙ୍ଗକୁ ନେଇ ବଡିଛି ସଂସଦରେ  ଝଡ଼ । ବିବାଦକୁ ନେଇ ଏନସିପି ନେତା ସୁପ୍ରିୟା ସୁଲେଙ୍କ ସଙ୍ଗୀନ ଆରୋପ। ମହାରାଷ୍ଟ୍ରକୁ ଭାଙ୍ଗିବା ପାଇଁ ଷଡଯନ୍ତ୍ର ରଚାଯାଇଛି । ଉଭୟ ରାଜ୍ୟରେ ବିଜେପି କ୍ଷମତାରେ ଥିବା ସତ୍ତ୍ୱେ ମହାରାଷ୍ଟ୍ରର ଲୋକଙ୍କୁ ପ୍ରତିଦିନ ମାଡ ଦିଆଯାଉଛି। ଗତ ଦଶ ଦିନ ଧରି ମହାରାଷ୍ଟ୍ରକୁ ଭାଙ୍ଗିବା ପାଇଁ ଷଡଯନ୍ତ୍ର କରାଯାଉଛି। ତେଣୁ ପ୍ରସଙ୍ଗକୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ହସ୍ତକ୍ଷେପ କରିବା ଉଚିତ୍ ଏବଂ ମହାରାଷ୍ଟ୍ରକୁ ନ୍ୟାୟ ପ୍ରଦାନ କରାଯିବା ଉଚିତ୍ ବୋଲି ସୁଲେ କହିଥିଲେ। ସେପଟେ ସଂସଦର ଶୂନ୍ୟକାଳରେ ସୁପ୍ରିୟା ସୁଲେ ଉଠାଇଥିବା ଏହି ମୁଦ୍ଦାକୁ ବିରୋଧ କରିଥିଲେ କର୍ଣ୍ଣାଟକର ସାଂସଦମାନେ। ମାମଲା କୋର୍ଟରେ ବିଚାରାଧୀନ ରହିଥିବା କହିଥିଲେ କର୍ଣ୍ଣାଟକ ବିଜେପି ସାଂସଦ।

    ଅନ୍ୟପଟେ, ସୀମା ବିବାଦ ପ୍ରସଙ୍ଗକୁ ନେଇ ଶିବସେନା ସାଂସଦ ସଞ୍ଜୟ ରାଉତ ଅଭିଯୋଗ କରିଛନ୍ତି, କର୍ଣ୍ଣାଟକ ସରକାର ମରାଠୀ ଭାଷାଭାଷୀ ଲୋକମାନଙ୍କ ପ୍ରତି ଅତ୍ୟାଚାର କରୁଛନ୍ତି, ଯାହା ଅନ୍ୟାୟ। ସଂସଦକୁ ମହାରାଷ୍ଟ୍ର ମନ୍ତ୍ରୀ ମାନଙ୍କୁ ଆସିବାକୁ ମଧ୍ୟ କର୍ଣ୍ଣାଟକ ସରକାର ରୋକିବାକୁ ଚାହୁଁଛନ୍ତି। ଯାହାକୁ କଡା ନିନ୍ଦା କରୁଛି ବୋଲି କହିଥିଲେ ସଞ୍ଜୟ। ସେହିଭଳି ଲୋକସଭା ବାଚସ୍ପତି ଓମ୍ ବିର୍ଲା କହିଥିଲେ, ଏହା ଅତ୍ୟନ୍ତ ସମ୍ୱେଦନଶୀଳ ପ୍ରସଙ୍ଗ ଏବଂ ଦୁଇ ରାଜ୍ୟ ମଧ୍ୟରେ ମାମଲା।

    କର୍ଣ୍ଣାଟକ ଏବଂ ମହାରାଷ୍ଟ୍ର ମଧ୍ୟରେ ଦୀର୍ଘ ଦଶନ୍ଧି ଧରି ଚାଲିଥିବା ସୀମା ବିବାଦକୁ ନେଇ ଉଭୟ ରାଜ୍ୟର ମୁଖ୍ୟମନ୍ତ୍ରୀଙ୍କ ମଧ୍ୟରେ ଆଲୋଚନା ହୋଇଥିଲା। ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ସହ ଫୋନ୍ ବାର୍ତ୍ତାଳାପ ପରେ କର୍ଣ୍ଣାଟକର ମୁଖ୍ୟମନ୍ତ୍ରୀ ବାସଭରାଜ ବୋମାଇ କହିଥିଲେ, ବିବାଦକୁ ନେଇ ଲଢେଇ ସୁପ୍ରିମକୋର୍ଟରେ ହେବ। ତେବେ ଉଭୟ ରାଜ୍ୟ ମଧ୍ୟରେ ବିବାଦ ଏତେ ବଢିଯାଇଛି ଯେ, ବେଲଗାଭିରେ ହିଂସା ପରିସ୍ଥିତି ଦେଖିବାକୁ ମିଳିଛି। କର୍ଣ୍ଣାଟକର ରକ୍ଷଣ ବେଦିକା ନାମକ ସଂଗଠନ ବିରୋଧ ପ୍ରଦର୍ଶନ କରିବା ପରେ ମହାରାଷ୍ଟ୍ରର କିଛି ଟ୍ରକକୁ ଅଟକାଇ ତା ଉପରେ କାଳି ପକାଇଥିଲେ। ଏହାସହ ଟ୍ରକ ଉପରେ ପଥରମାଡ ମଧ୍ୟ କରିଥିଲେ। ଫଳରେ କର୍ଣ୍ଣାଟକକୁ ବସ୍ ସେବା ବନ୍ଦ କରିଦେଇଛି ମହାରାଷ୍ଟ୍ର। ତେବେ ଯାତ୍ରୀଙ୍କ ସୁରକ୍ଷା ପାଇଁ ଏପରି ନିଷ୍ପତ୍ତି ନିଆଯାଇଛି ବୋଲି ମହାରାଷ୍ଟ୍ର ସରକାର କହିଛନ୍ତି। ମହାରାଷ୍ଟ୍ରର କିଛି ଗାଁକୁ କର୍ଣ୍ଣାଟକ ନିଜର ବୋଲି ଦାବି କରିଛି। ଯାହାକୁ ନେଇ ଦେଖାଦେଇଛି ବିବାଦ।

    ଦୁଇ ରାଜ୍ୟ ମଧ୍ୟରେ ସୀମା ବିବାଦର କେନ୍ଦ୍ରବିନ୍ଦୁ ହେଉଛି ବେଲଗାଭି। ୬୦ ଦଶକରେ ଭାଷାଭିତ୍ତିକ ରାଜ୍ୟ ସୀମା ପୁନଃ ନିର୍ଦ୍ଧାରଣ ବେଳେ ମରାଠୀ ବହୁଳ ଅଞ୍ଚଳକୁ ଭୁଲରେ କର୍ଣ୍ଣାଟକକୁ ଦିଆଯାଇଥିବା ମହାରାଷ୍ଟ୍ର ଅଭିଯୋଗ କରୁଛି। ସେହିପରି କର୍ଣ୍ଣାଟକ ମଧ୍ୟ ମହାରାଷ୍ଟ୍ରର କେତେକ ଗାଁକୁ ନିଜର ବୋଲି ନିକଟରେ ଦାବି ଉଠାଇଛି। ଏହାକୁ ନେଇ ଉଭୟ ଭାଜପା ଶାସିତ ରାଜ୍ୟ ମଧ୍ୟରେ ଉତ୍ତେଜନା ଦେଖାଦେଇଛି। ସ୍ଥିତି ନିୟନ୍ତ୍ରଣ ପାଇଁ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି।

    ପ୍ରେମଲତା ବାରିକଙ୍କ ରିପୋର୍ଟ

  • ଗୋଆ ବାର ମାମଲା: ସ୍ମୃତିଙ୍କୁ ଆଶ୍ବସ୍ତି

    ନୂଆଦିଲ୍ଲୀ: ସଂସଦରୁ ନେଇ କାଠଗଡ଼ା ଯାଏ। ବେଶ୍ କିଛି ଦିନ ହେଲା ଚର୍ଚ୍ଚାରେ ଅଛନ୍ତି କେନ୍ଦ୍ରମନ୍ତ୍ରୀ ସ୍ମୃତି ଇରାନୀ। ସ୍ମୃତିଙ୍କ ବିରୁଦ୍ଧରେ ବିରୋଧୀଙ୍କଠୁ ନେଇ କିଛି ବ୍ୟକ୍ତିବିଶେଷ ସଙ୍ଗୀନ ଅଭିଯୋଗ ଆଣିବା ସହ ଅଦାଲତ ବି ଯାଇଛନ୍ତି। କିନ୍ତୁ ସବୁଠି ଯେମିତି ବାଜି ମାରିନେବା ଭଳି ସ୍ଥିତିରେ ସ୍ମୃତି। ଗୋଆରେ ଝିଅ ନାଁରେ ବାର୍ ଲାଇସେନ୍ସ କଥା ହେଉ ଅବା ସ୍ମୃତି ଦୁର୍ନୀତିରେ ଜଡିତ ଥିବାର ଅଭିଯୋଗ ଆଣିଥିବା ସୁଟର୍ ଭର୍ତ୍ତିକା ସିଂଙ୍କ କଥା ହେଉ। ଦରବୃଦ୍ଧି ପ୍ରସଙ୍ଗରେ ସ୍ମୃତିଙ୍କୁ ବିରୋଧୀଙ୍କ ତୀବ୍ର କଟାକ୍ଷ ହେଉ ଅବା ଅଧୀରଙ୍କ ରାଷ୍ଟ୍ରପତ୍ନୀ ପ୍ରସଙ୍ଗରେ ସୋନିଆଙ୍କ ସହ ସଂସଦରେ ସ୍ମୃତିଙ୍କ ମୁହାଁମୁହିଁ ସ୍ଥିତି। ଆଗ ଗୋଆରେ ବାର୍ ଲାଇସେନ୍ସ ପ୍ରସଙ୍ଗ କଥା ଦେଖାଯାଉ। ସ୍ମୃତି ଓ ତାଙ୍କ ଝିଅ ଜୋଇଶଙ୍କ ନାଁରେ ଗୋଆରେ କୌଣସି ରେଷ୍ଟୁରାଣ୍ଟ କି ବାର୍ ନଥିବା ଦିଲ୍ଲୀ ହାଇକୋର୍ଟ ସ୍ପଷ୍ଟ କରିସାରିଛନ୍ତି। ସେ କିମ୍ୱା ତାଙ୍କ ଝିଅ ଗୋଆ ବାର୍‌ର ମାଲିକ ନୁହଁନ୍ତି। ସ୍ମୃତି ଓ ତାଙ୍କ ଝିଅଙ୍କ ବିରୁଦ୍ଧରେ କଂଗ୍ରେସର  ଜୟରାମ ରମେଶ, ପଓ୍ୱନ ଖେରା, ଏନ ଡିସୁଜାଙ୍କ ଭଳି ନେତା ଏଭଳି ଅଭିଯୋଗ ଆଣିଥିଲେ। କିନ୍ତୁ ରେକର୍ଡ ଦେଖିଲା ବେଳକୁ ଏ ସବୁ ଭୁଲ୍। ସ୍ମୃତି ଓ ତାଙ୍କ ଝିଅଙ୍କ ନୈତିକ ଚରିତ୍ର ଓ ସମ୍ମାନ କ୍ଷୁର୍ଣ୍ଣ କରିବାକୁ ଏଭଳି ଅଭିଯୋଗ ହୋଇଥିଲା ବୋଲି କୋର୍ଟ ସ୍ପଷ୍ଟ କରିଦେଇଛନ୍ତି। ଶୁଣନ୍ତୁ ସ୍ମୃତିଙ୍କ ଝିଅ ଉପରେ ଲାଗିଥିବା ଆରୋପ ଓ ଏହାକୁ କିଭଳି ଚ୍ୟାଲେଞ୍ଜ କରିଥିଲେ ସ୍ମୃତି ସେତେବେଳେ।

    କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀଙ୍କ ରାଷ୍ଟ୍ରପତ୍ନୀ ଟିପ୍ପଣୀ ଝଡ଼କୁ ନେଇ ଗୃହ କମ୍ପିଥିଲା। ଆଉ ଫ୍ରଣ୍ଟଲାଇନରେ ଥିଲେ ସ୍ମୃତି। ସଂସଦରେ କଂଗ୍ରେସ ଓ ଏହାର ଅଧ୍ୟକ୍ଷା ସୋନିଆଙ୍କ ଉପରେ ଯେଭଳି ଘାଇଲା ବାଘୁଣୀ ଭଳି ବର୍ଷିଥିଲେ ସ୍ମୃତି, ତାକୁ ନେଇ ଦେଖିଥିଲା ପୁରା ଦୁନିଆ। ଦେଶର ସର୍ବୋଚ୍ଚ ସାମ୍ୱିଧାନିକ ପଦରେ ବସିଥିବା ବ୍ୟକ୍ତିଙ୍କ ପ୍ରତି କଂଗ୍ରେସର ଏଭଳି ଅପମାନକୁ ବରଦାସ୍ତ କରାଯିବନି କହି ଗର୍ଜିଥିଲେ। ଅନ୍ୟ ବିଜେପି ନେତାଙ୍କ ତୁଳନାରେ ଲାଗୁଥିଲା ଯେମିତି ସବୁଠୁ ଆକ୍ରମଣାତ୍ମକ ଭଙ୍ଗୀରେ ଥିଲେ ସ୍ମୃତି।

    କେବଳ ସୋନିଆ ନୁହଁନ୍ତି, ରାହୁଲଙ୍କୁ ବି ଛାଡ଼ିନଥିଲେ ସ୍ମୃତି। ଏମିତିରେ ଆମେଥିରୁ ରାହୁଲଙ୍କୁ ହରାଇଛନ୍ତି ସ୍ମୃତି। ସଂସଦ ଯେତେବେଳେ କ୍ରମାଗତ ଅଚଳ ହୋଇଥିଲା। ସୋନିଆଙ୍କୁ ଇଡ଼ି ସମନ ଓ ହାଜିରା ନେଇ ବିଜୟଚୌକ ଯାଏ କଂଗ୍ରେସର ପଦଯାତ୍ରା ବେଳେ ସଂସଦରେ ରାହୁଲଙ୍କ ଉପସ୍ଥାନକୁ ନେଇ ପ୍ରଶ୍ନ ଓ ତାଙ୍କ ଷଡ଼ଯନ୍ତ୍ର ଲାଗି ସଂସଦ ଅଚଳ ହେଉଥିବାର ଆରୋପ ଲଗାଇଥିଲେ ସ୍ମୃତି। ତେବେ ଲୋକସଭାରେ ଦରବୃଦ୍ଧି  ଉପରେ ଆଲୋଚନା ବେଳେ ଅର୍ଥମନ୍ତ୍ରୀଙ୍କ ବଦଳରେ ବିରୋଧୀ ବେଶୀ ଖୋଜିଥିଲେ ସ୍ମୃତିଙ୍କୁ। ଟିଏମସି ସାଂସଦ କାକଳୀ ଘୋଷ ତ ସ୍ମୃତି ଯେତେବେଳେ ସତ୍ତାରେ ନଥିଲେ, କିଭଳି ସିଲିଣ୍ଡର ଧରି ଗୃହିଣୀ କାନ୍ଦୁଛି କହି ପ୍ରତିବାଦ କରୁଥିଲେ ତାକୁ ମନେ ପକାଇ କୁଆଡ଼େ ଗଲେ ସେ ଏବେ ବୋଲି ନାଁ ନ ନେଇ କଟାକ୍ଷ ପିଙ୍ଗିଥିଲେ।

    ଏ ତ ଗଲା ସଂସଦର କଥା। ସେପଟେ ଅଦାଲତରେ ପହଞ୍ଚିଥିଲା ସ୍ମୃତିଙ୍କ ନାଁରେ ଆସିଥିବା ଆଉ ଏକ ଦୁର୍ନୀତିର ଅଭିଯୋଗ। ଜାତୀୟ ମହିଳା କମିଶନର ସଦସ୍ୟା ଭାବେ ନିଯୁକ୍ତି ଦେବାକୁ କୁଆଡ଼େ ଆନ୍ତର୍ଜାତୀୟ ସୁଟର ଭର୍ତ୍ତିକା ସିଂଙ୍କଠୁ ସ୍ମୃତି ଇରାନୀ ଓ ଅନ୍ୟମାନେ ଅର୍ଥ ଦାବି କରିଥିଲେ। କିନ୍ତୁ ଏଥିରେ ଭର୍ତ୍ତିକା ପାଲଟା ଫସିଯାଇଥିଲେ। ୟୁପିର ଆମେଥି ଜିଲ୍ଲାରେ ଭର୍ତ୍ତିକାଙ୍କ ନାଁରେ ଏତଲା ହୋଇଛି। ସ୍ମୃତି ଇରାନୀଙ୍କ ବିରୁଦ୍ଧରେ ଜାଲି ତଥ୍ୟ କୁଆଡ଼େ ସୋସିଆଲ ମିଡିଆରେ ସର୍କୁଲେଟ କରିଥିଲେ ଭର୍ତ୍ତିକା। ସ୍ମୃତିଙ୍କ ସମ୍ମାନ କ୍ଷୁର୍ଣ୍ଣ କରିବା ଉଦ୍ଦେଶ୍ୟରେ ଏଭଳି ଅମୂଳକ ଅଭିଯୋଗ ଓ ଜାଲି ତଥ୍ୟ ସୋସିଆଲ ମିଡିଆରେ ପ୍ରଚାର କରିଥିବାରୁ ଭର୍ତ୍ତିକାଙ୍କ ବିରୁଦ୍ଧରେ ମାମଲା ହୋଇଥିଲା। ୨୦୨୧ରେ ବିଧାୟକ ଓ ସାଂସଦଙ୍କ ଉପରେ ହେଉଥିବା ଅଭିଯୋଗର ଶୁଣାଣୀ ପାଇଁ ଥିବା ସୀତାପୁରର ସ୍ପେଶିଆଲ  କୋର୍ଟ ଭର୍ତ୍ତିକାଙ୍କ ଅଭିଯୋଗକୁ ଖାରଜ କରିଦେଇଥିଲେ। ଗଲା ସପ୍ତାହରେ ଆହ୍ଲାବାଦ ହାଇକୋର୍ଟ ବି ଭର୍ତ୍ତିକାଙ୍କ ରିଭିଜନ ପିଟିସନକୁ ଖାରଜ କରିଦେଇଛନ୍ତି। ଆଉ ଏବେ ସୁପ୍ରିମକୋର୍ଟ ଭର୍ତ୍ତିକାଙ୍କ ବିରୁଦ୍ଧରେ ଅପରାଧିକ ମାମଲାର ପ୍ରୋସଡିଂ ଉପରେ ରହିତାଦେଶ ଜାରି କରିଛନ୍ତି। କହିବାକୁ ଗଲେ ଅନେକ ଆରୋପ ଲାଗିଛି ସତ,ହେଲେ ସବୁଠି ନିଜର ଭାବମୂର୍ତ୍ତିକୁ ମଳିନ ପଡିବାକୁ ଦେଇନାହାନ୍ତି ସ୍ମୃତି। ସେଥିଲାଗି ତ ଅନେକ କହୁଛନ୍ତି, ମୋଦି ଟିମ୍‌ର ସେ ଫ୍ରଣ୍ଟଲାଇନର ଫାଇଟର।

    • ପ୍ରଦୀପ ନାୟକଙ୍କ ରିପୋର୍ଟ
  • ଇରାକରେ ଶ୍ରୀଲଙ୍କା ଭଳି ବିରୋଧ ପ୍ରଦର୍ଶନ

    ଶ୍ରୀଲଙ୍କାର ଘଟଣାର ପୁନରାବୃତ୍ତି ହେବାକୁ ଯାଉଛି । ଇରାକରେ ଶ୍ରୀଲଙ୍କା ଭଳି ବିରୋଧ ପ୍ରଦର୍ଶନ ଦେକିବାକୁ ମିଳିଛି । ବାଗଦାଦରେ ହଜାର ହଜାର ସଂଖ୍ୟାରେ ପ୍ରଦର୍ଶନକାରୀ ସଂସଦ ଭବନକୁ କବଜା କରିନେଇଛନ୍ତି । ଅଧିକାଶଂ ବିକ୍ଷୋଭକାରୀ ଇରାକର ଶିୟା ନେତା ମୁକତଦା ଅଲ ସଦରଙ୍କ ସମର୍ଥକ । ଏମାନେ ଇରାନ ସମର୍ଥିତ ପାର୍ଟୀ ଦ୍ୱାରା ପ୍ରଧାନମନ୍ତ୍ରୀ ତଥା ପୁର୍ବତନ ମନ୍ତ୍ରୀ ଓ ଗଭର୍ଣର ମହମ୍ମଦ ଶିୟା ଅଲ୍ ସୁଦାନୀଙ୍କ ପ୍ରାଥୀତ୍ୱକୁ ବିରୋଧ କରିଛନ୍ତି । ପ୍ରଦର୍ଶନକାରୀ ବାଗଦାଦରେ ଗ୍ରୀନ ଜୋନ ସରକାରୀ ଭବନକୁ ଅକ୍ତିଆର କରିଛନ୍ତି । ଯାହା ପରେ ସେମାନେ ସଂସଦ ଭବନ ଭିତରକୁ ଧସେଇ ପସିଯାଇଥିଲେ । ସେହି ସମୟରେ ସଂସଦ ଭବନରେ କେହି ଉପସ୍ଥିତ ନଥିଲେ ।

    କେବଳ ସୁରକ୍ଷା କର୍ମୀ ସେହି ସମୟରେ ଉପସ୍ଥିତ ଥିଲେ ଏବଂ ସେମାନେ ପ୍ରଦର୍ଶନକାରୀଙ୍କୁ ସହଜରେ ଭିତରକୁ ଯିବାକୁ ଦେଇଥିଲେ । ପ୍ରଦର୍ଶନକାରୀଙ୍କ ହାତରେ ଶିୟା ନେତା ଅଲ୍ ସଦରଙ୍କ ଫୋଟୋ ଧରିଥିବା ଦେଖିବାକୁ ମିଳିଥିଲା । ଏହା ଭିତରେ ବିକ୍ଷୋଭକାରୀ “ଅଲ୍ ସୁଦାନୀ ଆଉଟ” ର ନାରାବାଜୀ ମଧ୍ୟ୍ୟ ଲଗାଇଥିଲେ । ବିରୋଧ ପ୍ରଦର୍ଶନକୁ ଦେଖି ଦେଶର କାମଚଳା ପ୍ରଧାନମନ୍ତ୍ରୀ ମୁସ୍ତଫା ଅଲ୍ କଦିମୀ ପ୍ରଦର୍ଶନକାରୀ ଙ୍କୁ ଗ୍ରୀନ ଜୋନ କରିବାକୁ ନିର୍ଦ୍ଦେଶ ଦେଇଥିଲେ । ସୂଚନା ଆଧାରରେ ଗତ ବର୍ଷ ଅକ୍ଟୋବର ମାସରେ ହୋଇଥିବା ସାଧାରଣ ନିର୍ବାଚନରେ ଅଲ୍ ସଦରଙ୍କ ପାର୍ଟି ମୋଟ ୩୨୯ ଆସନରୁ ୭୩ ଆସନ ଜିତିଥିଲେ । କିନ୍ତୁ ଇରାକର ରାଷ୍ଟ୍ରପତି ହେବା ପାଇଁ ସେ ବହୁମତ ସାବ୍ୟସ୍ତ କରିପାରିନଥିଲେ ।

    ଯେଉଁ କାରଣରୁ ମୁକତଦା ଅଲ୍ ସଦର ସରକାର ଗଠନ ପାଇଁ ଆଲୋଚାନ କରିବାରୁ ନିଜକୁ ଦୁରେଇ ରଖିଥିଲେ । ଏହା ପୁର୍ବରୁ ଶ୍ରୀଲଙ୍କାରେ ବିକ୍ଷୋକ୍ଷକାରୀ ରାଷ୍ଟ୍ରପତି ଭବନକୁ କବଜା କରିନେଇଥିଲେ । ଯାହା ପରେ ରାଷ୍ଟ୍ରପତି ଗୋୟାବାୟା ରାଜପକ୍ଷେ ପଳାୟନ କରିଥିଲେ ଏବଂ ପରେ ଇସ୍ତଫା ଦେଇଥିଲେ l

    • ସ୍ମରଜିତ ଆର୍ୟ୍ୟଙ୍କ ରିପୋର୍ଟ
  • ସାଂସଦ ମାନେ ପ୍ଲାକାର୍ଡ, ପାମ୍ଫଲେଟ ଓ ପୋଷ୍ଟର ଧରି ଯାଇପାରିବେ ନାହିଁ

    ଜୁଲାଇ ୧୮ ତାରିଖରୁ ଆରମ୍ଭ ହେଉଚି ସଂସଦର ମୌସୁମି ଅଧିବେଶନ । ଏହା ପୁର୍ବରୁ ଉଭୟ ଗୃହର ସଂସଦମାନଙ୍କ ପାଇଁ କଡା କଟକଣା ଜାରି କରାଯାଇଛି । ପ୍ରଥମେ କିଛି ଶଦ୍ଦକୁ ନେଇ କଟକଣା ଜାରି କରାଯାଇଥିଲା । ଏହା ପରେ ସଂସଦ ଭବନରେ ଅନଶନ ଧର୍ମଘଟ କୌଣସି ପ୍ରକାର ଆନ୍ଦୋଳନ ଉପରେ ରୋକ ଲଗାଯାଇଛି । ଲୋକସଭା ପରିସରକୁ ସାଂସଦ ମାନେ ପ୍ଲାକାର୍ଡ, ପାମ୍ଫଲେଟ କିମ୍ଭା ପୋଷ୍ଟର ଧରି ଯାଇପାରିବେ ନାହିଁ ବୋଲି କଟକଣା ଲଗାଯାଇଛି । ଲୋକସଭା ସଚିବାଳୟ ପକ୍ଷରୂ ଜାରି କରାଯାଇଥିବା ନିର୍ଦ୍ଦେଶନାମା ମୁତାବକ ମୌସୁମୀ ଅଧିବେଶନବେଳେ ପୋଷ୍ଚର ପ୍ଲାକାର୍ଡ ବାଣ୍ଠିବା ଉପରେ ରୋକ ଲଗାଯାଇଛି । ଅନୁମାନ କରାଯାଉଛି କି ସଂସଦ ପିରସରରେ ଅନଶନ ଉୁପରେ କଟକଣା ଲାଗିବା ପରେ ବିରୋଧୀ ମାନେ ହଙ୍ଗାମା କରିପାରନ୍ତି । ଏହାକୁ ନଜରରେ ରଖି ଲୋକସଭା ସତଚିବାଳୟ ପକ୍ଷରୁ ଏହି ନିଷ୍ପତ୍ତି ନିଆଯାଇଛି ।ଏଭଳି ନିଷ୍ପତ୍ତିକୁ ନେଇ ବିରୋଧୀଦଳ ମାନେ ସରକାରଙ୍କୁ ଘେରିଛନ୍ତି । ସିପିଆଇଏମ ମହାସଚିବ ସୀତାରମ ୟେଚୁରୀ ଏହା ଉପରେ କଡା ପ୍ରତିକ୍ରୀୟା ରଖିଛନ୍ତି । ସେ ଟୁଇଟ କରି କହିଛନ୍ତି କି ଦେଶରେ କି ତମାଶା ଚାଲିଛି । ସେ କହିଛନ୍ତି କି ଭାରତର ଆତ୍ମା ଓ ଲୋକତନ୍ତ୍ରର ଗଳା ଚାପିବାକୁ ଚାହୁଁଥିବା ଲୋକମାନେ ସଫଳ ହେବେ ନାହିଁ ।

    • ସ୍ମରିଜିତ୍ ଆର୍ଯ୍ୟଙ୍କ ରିପୋର୍ଟ
  • ଅଶୋକ ସ୍ତମ୍ଭକୁ ନେଇ ଆରମ୍ଭ ହୋଇଛି ରାଜନୀତି

    ନୁଆ ସଂସଦ ଭବନର ଛାତ ଉପରେ ଉନ୍ମୋଚିତ ହୋଇଥିବା ଅଶୋକ ସ୍ତମ୍ଭକୁ ନେଇ ଆରମ୍ଭ ହୋଇଛି ରାଜନୀତି । ବିରୋଧୀ ଅଭିଯୋଗ କରିଛନ୍ତି ମୂଳ ଅଶୋକ ସ୍ତମ୍ଭ ଓ ନୁଆ ଅଶୋକ ସ୍ତମ୍ଭ ମଧ୍ୟ୍ୟରେ ଅନେକ ଫରକ ଅଛି । ମୂଳ ଅଶୋକ ସ୍ତମ୍ଭ ରେ ସିଂହ ଗୁଡିକର ମୁହଁ ସେତିକି ଖୋଲିନି ବା ଭୟଙ୍କର ନୁହଁ ଯେତିକି ନୁଆ ଅଶୋକ ସ୍ତମ୍ଭରେ ରହିଛି । ନୁଆ ଅଶୋକ ସ୍ତମ୍ଭରେ ଥିବା ସିଂହ ଗୁଡିକ ହିଂସ୍ର ଦେଖାଯାଉଛନ୍ତି ବୋଲି ବିରୋଧୀ ଦଳ ନେତା ଅଭିଯୋଗ କରିଛନ୍ତି । ଟିଏମସି ସାଂସଦ ଜୱାହାର ସିରକାର କହିଛନ୍ତି ଯେ ନୁଆ ଅଶୋକ ସ୍ତମ୍ଭ ଆମ ଜାତୀୟ ପ୍ରତୀକ ପ୍ରତି ଅପମାନ । ମୂଳ ଅଶୋକ ସ୍ତମ୍ଭରେ ଥିବା ସିଂହ ମାନେ ଅନୁଶାସନ ପ୍ରିୟ ଓ ଆତ୍ମବିଶ୍ବାସ ଭାର ଦେଖାଯାଉଥିବା ବେଳେ ମୋଦୀଙ୍କ ଦ୍ବାରା ସଂସଦ ଭବନ ଉପରେ ନିର୍ମିତ ନୁଆ ଅଶୋକ ସ୍ତମ୍ଭର ସିଂହ ମାନେ ହିଂସ୍ର l

    ଅନାବଶ୍ୟକ ଭାବେ ଆକ୍ରମଣାତ୍ମକ ଓ ଅଂସଗତ ଦେଖାଯାଉଛନ୍ତି । ଏହାକୁ ତୁରନ୍ତ ବଦଲାଇବା ପାଇଁ ଦାବି କରାଯାଉଛି । ସେହିପରି କଂଗ୍ରେସ ନେତା ଜୟରାମ ରମେଶ କହିଛନ୍ତି ଅଶୋକ ସ୍ତମ୍ଭର ଅଭଳି ପରିବର୍ତ୍ତନ ଜାତୀୟ ପ୍ରତୀକ ପ୍ରତି ଅପମାନ l ସେପଟେ ଐତିହାସିକ ମାନେ ଏହାକୁ ଖଣ୍ଡନ କରିଛନ୍ତି । କେନ୍ଦ୍ର ସରକାର ଯାହା କିଛି ନିଷ୍ପତ୍ତି ନେଉଛନ୍ତି ବିରୋଧୀ ଦଳ ଭାବରେ ନିଜର ବିରୋଧ ମନୋଭାବ ପୋଷଣ କରିବା ଏକ ସାଧାରଣ କଥା ହେଲାଣି ।

    • ସ୍ମରଜିତ୍ ଆର୍ଯ୍ୟଙ୍କ ରିପୋର୍ଟ
Back to top button