plea

  • ସେବା ନିୟନ୍ତ୍ରଣ ମାମଲାର ଶୁଣାଣି କରିବ  ୫ ଜଣିଆ ଖଣ୍ଡପୀଠ

    ନୂଆଦିଲ୍ଲୀ: ଭାରତର ପ୍ରଧାନ ବିଚାରପତି ଏନବି ରମଣା ମାଗଣା ବଣ୍ଟନ ମାମଲାକୁ ନେଇ କହିଛନ୍ତି କି, ଦେଶର ରାଜଧାନୀରେ ସେବା ନିୟନ୍ତ୍ରଣକୁ ନେଇ କେନ୍ଦ୍ର ଓ ଦିଲ୍ଲୀ ସରକାରର ବିଧି ବ୍ୟବସ୍ଥା ତଥା କାର୍ଯ୍ୟକାରୀ କ୍ଷମତା ଦାୟରା ସମ୍ବନ୍ଧିତ ଆଇନଗତ ମୁଦା ଉପରେ ଶୁଣାଣି କରିବାକୁ ଏକ  ଜଣିଆ ଖଣ୍ଡପୀଠର ଗଠନ କରିଛନ୍ତି। ଜଷ୍ଟିସ ଡି ୱାଇ ଚନ୍ଦ୍ରଚୁଡଙ୍କ ନେତୃତ୍ବରେ ଗଠିତ ଖଣ୍ଡପୀଠ ଏହାର ଶୁଣାଣି କରିବ।

    ଅନ୍ୟମାନଙ୍କ ମଧ୍ୟରେ ଜଣେ ଓକିଲ ଜଷ୍ଟିସ ରମଣ, ଜଷ୍ଟିସ ହିମା କୋହଲି ଓ ଜଷ୍ଟିସ ସିଟି ରବିକୁମାରଙ୍କ ସମ୍ମୁଖରେ ମାମଲା ଉପସ୍ଥାପିତ କରିଥିଲେ। ତେବେ ମେ ୬ ତାରିଖରେ ସୁପ୍ରିମ କୋର୍ଟ ଦିଲ୍ଲୀରେ ମାଗଣା ସେବାକୁ ନେଇ ଦାୟର ମାମଲାର ଶୁଣାଣି ପାଞ୍ଚ ଜଣିଆ ଖଣ୍ଡପୀଠକୁ ପଠାଇ ଦେଇଥିଲେ।  

    ସିଜେଆଇ ସେତେବେଳେ କହିଥିଲେ, ସମ୍ବିଧାନର ପ୍ରାବଧାନସବୁ ଓ ସମ୍ବିଧାନର ଅନଛେଦ ୨୩୯ ଏଏ (ଯାହା ଦିଲ୍ଲୀର କ୍ଷମତା ସମ୍ବନ୍ଧିତ)ର ଅଧୀନ ଓ ସମ୍ବିଧାନ ପୀଠର ନିଷ୍ପତ୍ତି ଉପରେ ବିଚାର କରିବା ପରେ ଏହା ପ୍ରତିତ ହୋଇଛି କି, ଏହି ଖଣ୍ଡପୀଠ ନିକଟରେ ଏକ ଲମ୍ବିତ ମୁଦ୍ଦାକୁ ଛାଡି ସବୁ ମୁଦାର ପୂର୍ଣ୍ଣ ସମାଧାନ କରାଯାଇଛି। ତେଣୁ ଯେଉଁ ମାମଲାର ଶୁଣାଣି ସରିଛି ତାର ପୁନଃ ବିଚାରର ଆବଶ୍ୟକତା ରହିଛି।

    ମାମଲାକୁ ନେଇ ସମ୍ବିଧାନର ଅନୁଚ୍ଛେଦ ୨୩୯ଏଏର ଉଲ୍ଲେଖ କରି ଖଣ୍ଡପୀଠ ଏହା ଉପରେ ବିଶେଷ ଟିପ୍ପଣୀ ଦେଇନାହାନ୍ତି। ତେଣୁ ସମ୍ବିଧାନ ପୀଠ ଦ୍ବାରା ଏହି ମାମଲାରେ ଏକ ଅଧିକାରିକ ନିଷ୍ପତ୍ତି ପାଇଁ ଉପରୋକ୍ତ ମାମଲାକୁ ସେଠାକୁ ପଠାଇବା ଉଚିତ ବୋଲି ଖଣ୍ଡପୀଠ କହିଥିଲେ।

    ମାମଲାରେ କେନ୍ଦ୍ର ସରକାର ସେବା ନିୟନ୍ତ୍ରଣ ଓ ସଂଶୋଧିକ ଜିଏନସିଟିଡି ଅଧିନିୟମ ୨୦୨୧ର ସମ୍ବିଧାନିକ ବୈଧତାକୁ ଚ୍ୟାଲେଞ୍ଜ କରି ଦିଲ୍ଲୀ ସରକାରର ଦୁଇଟି ଅଲଗା ଯାଚିକାର ଯୁଗ୍ମ ଶୁଣାଣି କରିବାକୁ ଅନୁରୋଧ କରିଥିଲେ।  ଏହି ଯାଚିକା ୨୦୧୯ ଫେବୃଆରୀ ୧୪ର ଖଣ୍ଡିତ ନିଷ୍ପତ୍ତିକୁ ଧ୍ୟାନରେ ରଖି ଦାୟର କରାଯାଇଛି, ଯେଉଁଥିରେ ଜଷ୍ଟିସ ଏ କେ ସିକରୀ ଓ ଜଷ୍ଟିସ ଅଶୋକ ଭୂଷଣଙ୍କ ଖଣ୍ଡପୀଠ ଭାରତର ତତ୍କାଳୀନ ପ୍ରଧାନ ବିଚାରପତିଙ୍କୁ ତାଙ୍କ ବିଭାଜିତ ନିଷ୍ପତ୍ତି ଦୃଷ୍ଟିରୁ ଦିଲ୍ଲୀରେ ସେବା ନିୟନ୍ତ୍ରଣ ମୁଦ୍ଦା ଉପରେ ଅନ୍ତିମ ନିଷ୍ପତ୍ତି ନେବାକୁ ତିନି ସଦସ୍ୟ ବିଶିଷ୍ଟ ଖଣ୍ଡପୀଠର ଗଠନର ସୁପାରିଶ କରାଯାଇଥିଲା। ଜଷ୍ଟିସ ଭୂଷଣ ସେତେବେଳେ କହିଥବଲେ କି, ଦିଲ୍ଲୀ ସରକାର ନିକଟରେ ପ୍ରଶାସନିକ ସେବା ସବୁ ଉପରେ କୌଣସି ଅଧିକାର ନାହିଁ। କିନ୍ତୁ ଜଷ୍ଟିସ ସିକରୀଙ୍କ ରାୟ ଭିନ୍ନ ଥିଲା।

  • ଏଫଆଇଆର ରଦ୍ଦ କରିବାକୁ ସୁପ୍ରିମକୋର୍ଟରେ ଜୁବେରଙ୍କ ଆବେଦନ

    ନୂଆଦିଲ୍ଲୀ: ଅଲ୍ଟ ନ୍ୟୁଜର ସହ ସଂସ୍ଥାପକ ମହମ୍ମଦ ଜୁବେର ତାଙ୍କ ବିରୋଧରେ ୟୁପିରେ ହୋଇଥିବା ୬ଟି ଏଫଆଇଆରକୁ ରଦ୍ଦ କରିବାକୁ ସୁପ୍ରିମକୋର୍ଟରେ ଏକ ଯାଚିକା ଦାୟର କରିଛନ୍ତି। ଏହି ଯାଚିକାରେ ତାଙ୍କ ବିରୋଧରେ ତଦନ୍ତକାରୁଥିବା ଏସଆଇଟିର ସମ୍ବିଧାନିକ ସ୍ଥିତିକୁ ମଧ୍ୟ ଚ୍ୟାଲେଞ୍ଜ ଦେଇଛନ୍ତି ଜୁବେର। ଗତ କିଛି ଦିନରେ ଜୁବେରଙ୍କ ବିରୋଧରେ ୟୁପିରେ ମୁଜଫ୍ପର ନଗର, ଗାଜଆବାଦ, ସୀତାପୁର, ଲକ୍ଷ୍ମୀପୁର, ହାଥରସରେ ୬ଟି ମାମଲା ଦାୟର ହୋଇଛି।

    କୁହାଯାଉଛି, ହାଥରସ ମାମଲାରେ ଜୁବେରକୁ ୨୭ ଜୁଲାଇ ପର୍ଯ୍ୟନ୍ତ ନ୍ୟାୟିକ ହାଜତକୁ ପଠାଇ ଦିଆଯାଇଛି। ଉତ୍ତରପ୍ରଦେଶରେ ଜୁବେରଙ୍କ ନାମରେ ରହିଛି ୬ଟି ମାମଲା। ଜୁବେର ଗିରଫ ହେବା ପରେ ତାଙ୍କ ବିରୋଧରେ ୪ ଜୁଲାଇରେ ମାମଲରେ ହାଥରସରେ ମାମଲା ହୋଇଥିଲା। ସେ ମହାଦେବଙ୍କ ଫଟୋ ଟ୍ବିଟ କରିବାକୁ ନେଇ ଏଫଆଇଆର ହୋଇଛି। ଏହି ଘଟଣାରେ ହାଥରସ କୋର୍ଟ ଜୁବେରଙ୍କୁ ଗିରଫ କରିବାକୁ ୱାରେଣ୍ଟ ଜାରି କରିଥିଲେ ଓ ଗୁରୁବାର ଜୁବେର କୋର୍ଟରେ ହାଜର ହୋଇଛନ୍ତି। କୋର୍ଟ ତାଙ୍କୁ ଜୁଲାଇ ୨୭ ପର୍ଯ୍ୟନ୍ତ ନ୍ୟାୟିକ ହାଜତକୁ ପଠାଇ ଦେଇଛି।

  • ଥମୁନି ବିବାଦ, ସୁପ୍ରିମକୋର୍ଟରେ ଶିବସେନା

    ଭୁବନେଶ୍ବର:  ଦୀର୍ଘ ୧୦ ଦିନର ମହାନାଟକ ପରେ ଗୁରୁବାର ମହାରାଷ୍ଟ୍ରର ନୂଆ ମୁଖ୍ୟମନ୍ତ୍ରୀ ହୋଇଛନ୍ତି ଶିବସେନାର ବାଗୀ ନେତା ଏକନାଥ ସିନ୍ଧେ।  ତଥାପି ରାଜ୍ୟ ରାଜନୈତିକ ବିବାଦର ଯେମିତି ଅନ୍ତ ଘଟିବା ପରି ମନେ ହେଉ ନାହିଁ। ସିନ୍ଧେଙ୍କ ଶପଥପାଠର ଗୋଟିଏ ଦିନ ନ ହେଉଣୁ ଶୁକ୍ରବାର ମହା ବିକାଶ ଅଘାଡି ବା ଏମଭିଏ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛି। ୧୬ ବାଗୀ ବିଧାୟକଙ୍କୁ ଅଯୋଗ୍ୟ ଘୋଷଣା କରିବାକୁ ଉପବାଚସ୍ପତି ନେଇଥିବା ନିଷ୍ପତ୍ତି ବିରୋଧରେ ଦାୟର ଯାଚିକା ସର୍ବୋଚ୍ଚ କୋର୍ଟରେ ଥିବାରୁ ସେମାନଙ୍କୁ ନିଲମ୍ବିତ କରିବାକୁ କୋର୍ଟରେ ଅପିଲ କରିଛି ଏମଭିଏ।

    ତଥାପି ମହାରାଷ୍ଟ୍ର ମହାନାଟକର ଘଟିନି ଅବସାନ। ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଇସ୍ତଫା ଓ ଶିବସେନାର ବାଗୀ ନେତା ଏକନାଥ ସିନ୍ଧେ ରାଜ୍ୟର ମୁଖ୍ୟମନ୍ତ୍ରୀ ହେବା ପରେ ବି ରାଜ୍ୟ ରାଜନୀତିରେ ଜାରି ରହିଛି ବିବାଦ। ନୂଆ ସରକାର ଗଠନ ପାଇଁ ସିନ୍ଧେ ଗୋଷ୍ଠୀ ଗୋଟିଏ ପାଦ ଆଗକୁ ବଢିବା ବେଳେ ପଛରୁ ଟାଣୁଛି ଶିବସେନା, କଂଗ୍ରେସ ଓ ଏନସିବି ଦ୍ବାରା ଗଠିତ ମହା ବିକାଶ ଅଘାଡି ବା ଏମଭିଏ।  ଶୁକ୍ରବାର ସକାଳୁ ସକାଳୁ ଶିବସେନା  ଚିଫ ହ୍ୱିପ ସୁନିଲ ପ୍ରଭୁ ସୁପ୍ରିମକୋର୍ଟରେ ନବ ନିଯୁକ୍ତ ମୁଖ୍ୟମନ୍ତ୍ରୀ ଏକନାଥ ସିନ୍ଧେ ଓ ଅନ୍ୟ ୧୫ ବିଧାୟକଙ୍କୁ ନିଲମ୍ବିତ କରିବାକୁ କରିଛନ୍ତି ଅପିଲ । ଉପ ବାଚସ୍ପତିଙ୍କ ଦ୍ବାରା ସେମାନଙ୍କୁ ଅଯୋଗ୍ୟ  ଘୋଷଣା ନିଷ୍ପତ୍ତି ବିରୋଧରେ କୋର୍ଟରେ ମାମଲା ଥିବାରୁ ଏହା ଉପରେ କୋର୍ଟ ଚୂଡାନ୍ତ ରାୟ ନ ଆସିବା ପର୍ଯ୍ୟନ୍ତ ବିଧାୟକଙ୍କୁ ନିଲମ୍ବନ କରିବାକୁ କରାଯାଇଛି ଅପିଲ।

    ଏଥିସହ ସେମାନଙ୍କୁ ବିଧାନସଭା ଗୃହ ମଧ୍ୟକୁ ପ୍ରବେଶ କରିବାକୁ ନ ଦେବାକୁ ତଥା ବିଧାନସଭା ଗୃହ ସମ୍ୱନ୍ଧିତ କୌଣସି ପଦକ୍ଷେପ ନେବା ଉପରେ ପ୍ରତିବନ୍ଧକ ଲଗାଇବାକୁ ପ୍ରଭୁ ଅନୁରୋଧ କରିଛନ୍ତି। ଏହା ବ୍ୟତୀତ ଏହା ଗଣତାନ୍ତ୍ରିକ ଅପରାଧ କହିବା ସହ ବିଜେପି ନିର୍ଦ୍ଦେଶରେ ଏପରି ଅପରାଧ ଘଟାଉଥିବା ଅପରାଧିଙ୍କୁ ନିଲମ୍ବନ କରି ଗୋଟିଏ ଦିନ ପାଇଁ ମଧ୍ୟ ସାମ୍ୱିଧାନିକ ବ୍ୟବସ୍ଥାରେ ଅପରାଧ କରିବାକୁ ଅନୁମତି ଦିଆ ନ ଯାଉ ବୋଲି ଅନୁରୋଧ କରାଯାଇଛି। ଉପ ବାଚସ୍ପତିଙ୍କ ଦ୍ୱାରା ୧୬ ଦାଗୀ ବିଧାୟକଙ୍କୁ ଅଯୋଗ୍ୟ ଘୋଷଣା ପୂର୍ବରୁ ଜାରି ନୋଟିସ ବିରୋଧରେ ବାଗୀ ନେତା ସୁପ୍ରିମକୋର୍ଟଙ୍କ ହସ୍ତକ୍ଷେପ ଲୋଡିଥିଲେ। ସେତେବେଳେ ବରିଷ୍ଠ ଓକିଲ କପିଲ ସିବଲ କୋର୍ଟଙ୍କୁ ତ୍ବରିତ ଶୁଣାଣି ପାଇଁ ଅପିଲ କରିବାରୁ କୋର୍ଟ ଏହାର ଶୁଣାଣି ଜୁଲାଇ ୧୧ ତାରିଖରେ କରିବାକୁ ଦିନ ଧାର୍ଯ୍ୟ କରିଛନ୍ତି। ସେପଟେ ଏହାରି ମଧ୍ୟରେ ଉଦ୍ଧବ ଠାକରେ ପଦରୁ ଇସ୍ତଫା ଦେବା ପରେ ଏକନାଥ ଗୁରୁବାର ସଂଧ୍ୟାରେ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି।

    ଶୁକ୍ରବାର ମଧ୍ୟାହ୍ନରେ ଶିବସେନା ମୁଖ୍ୟ ଉଦ୍ଧବ ଠାକରେ ସାମ୍ବାଦିକ ସମ୍ମିଳନୀ କରି ବାଗୀ ନେତାଙ୍କ କାର୍ଯ୍ୟକୁ ଭର୍ତ୍ସନା କରିଛନ୍ତି।  କିପରି ବାଗୀ ନେତାମାନେ ସେମାନଙ୍କ ସହ ମେଣ୍ଟ କରିଛନ୍ତି, ଯେଉଁମାନେ ଦୀର୍ଘ ୨ ବର୍ଷରୁ ଅଧିକ ସମୟ ଧରି ନିଜ କଥା ରଖିବାରେ ବିଫଳ ହୋଇଛନ୍ତି ଓ ଆମ ପିଠିରେ ଛୁରା ମାଡ କରିଛନ୍ତି। ଯଦି ସେମାନେ ମୋ ଉପରେ ରାଗିଥିଲେ, ମୋ ସହ ଲଢନ୍ତୁ। କିନ୍ତୁ ମୁମ୍ବାଇର ହତ୍ୟା କରନ୍ତୁ ନାହିଁ। ଏଥିସହ ଉଦ୍ଧବ ନୂଆ ସରକାରକୁ ଆରେ ଜମି ସହ ଖେଳିବାକୁ କରିଛନ୍ତି ମନା। ନୂଆ ସରକାର ମେଟ୍ରୋ କାର ସେଡକୁ ଆରେ କଲୋନୀକୁ ସ୍ଥାନାନ୍ତର କରିବା ନିଷ୍ପତ୍ତି ତାଙ୍କୁ ମର୍ମାହତ କରିଛି।

    ଆହୁରି ଉଦ୍ଧବ କହିଛନ୍ତି କି,  ଆମେ ବିକାଶକୁ ବିରୋଧ କରୁ ନାହୁଁ, କିନ୍ତୁ ନୂଆ ସରକାରକୁ ହାତଯୋଡି ମୋର ବିନମ୍ର ଅନୁରୋଧ, ମୁମ୍ବାଇର ପରିବେଶ ସହ ଖେଳା ନ ଯାଉ। ମୁମ୍ବାଇ ଉପରେ ରାଗ ସୁଝା ନ ଯାଉ। ଏଥିସହ ଏକନାଥଙ୍କ ମୁଖ୍ୟମନ୍ତ୍ରୀତ୍ବକୁ ନେଇ ୨୦୧୯ରେ ବିଜେପି ପ୍ରତ୍ୟାକ୍ଷାନ କରିଥିବା କଥାକୁ ମନେ ପକାଇ ସେ କହିଛନ୍ତି, ବିଜେପି  ଯେପରି ଭାବେ ତଥାକଥିତ ଶିବ ସୈନିକଙ୍କୁ ମହାରାଷ୍ଟ୍ରର ମୁଖ୍ୟମନ୍ତ୍ରୀ ପଦରେ ବସାଇଛି ତାହାକୁ ଏଡାଇ ଯାଇପାରିଥାନ୍ତି। ଅମିତ ସାହାଙ୍କୁ ମୁଁ ଏହି ପ୍ରସ୍ତାବ ପୂର୍ବରୁ ଦେଇଥିଲି। ଏସବୁ ଅତ୍ୟନ୍ତ ମାର୍ଜିତ ଓ ଉଚିତ ସମ୍ମାନର ସହ ହୋଇପାରିଥାନ୍ତା। ସେତେବେଳେ ଶିବସେନା ଅଧିକାରିକ ଭାବେ ବିଜେପି ସହ ଥିଲା। ସେତେବେଳେ ବିଜେପି ଜଣେ ଶିବସେନା ମୁଖ୍ୟମନ୍ତ୍ରୀଙ୍କୁ ଗ୍ରହଣ କରିଥିଲେ ମହା ବିକାଶ ଅଘାଡିର ସୃଷ୍ଟି ହୋଇ ନ ଥାନ୍ତା ବୋଲି କହିଛନ୍ତି ଉଦ୍ଧବ। ଉଦ୍ଧବଙ୍କ ପ୍ରେସ ମିଟ ପୂର୍ବରୁ ଶିବସେନା ମୁଖପାତ୍ର ସଞ୍ଜୟ ରାଉତ ୨୦୧୯ କଥା ମନେ ପକାଇଥିଲେ ବିଜେପିକୁ।

Back to top button