RAHUL GANDHI ON TROUBLE

ନୂଆଦିଲ୍ଲୀ: ମାନହାନୀ ମାମଲାରେ ପୁଣି ଫସିଲେ ରାହୁଲ । ମାନହାନୀ ମାମଲା ପାଇଁ ରାହୁଲଙ୍କୁ ନୋଟିସ ଜାରି କରିଛି ପାଟଣାର ଏମପି-ବିଧାୟକ କୋର୍ଟ । ମୋଦି ସାଜ୍ଞାକୁ ନେଇ ରାହୁଲଙ୍କ ଆପତ୍ତି ଜନକ ମନ୍ତବ୍ୟ ପାଇଁ ତାଙ୍କୁ 2 ବର୍ଷ ଜେଲ ଦଣ୍ଡାଦେଶ ହୋଇଥିବା ବେଳେ ଏବେ ପୁଣି ଏକ ନୋଟିସ, ବୋଝ ଉପରେ ନଳିତା ବିଡା ଭଳି ମାଡି ବସିଛି । ରାହୁଲଙ୍କୁ ଏପ୍ରିଲ 12 ତାରିଖରେ ପଟଣାର ଏମପି-ବିଧାୟକ  କୋର୍ଟରେ ହାଜର ହେବା ପାଇଁ ନୋଟିସ ଦେଇଛନ୍ତି କୋର୍ଟ ।

ବିହାର ର ପୂର୍ବ ଉପମୁଖ୍ୟମନ୍ତ୍ରୀ ତଥା ରାଜ୍ୟ ସଭା ସଦସ୍ୟ ସୁନିଲ କୁମାର ମୋଦି ଏମପି-ବିଧାୟକ କୋର୍ଟରେ ସ୍ୱତନ୍ତ୍ର ବିଚାରପତିଙ୍କ ନିକଟରେ ଆବେଦନ କରିଥିଲେ । ଏହି ଆବେଦନ ବିବୃତ୍ତି ରେକର୍ଡ କରିବାକୁ ରାହୁଲଙ୍କୁ କୋର୍ଟ ନୋଟିସ ଜାରିକରିଛନ୍ତି । ସୁନିଲ କୁମାର ମୋଦିଙ୍କ ଓକିଲ ଏସଡି ସଞ୍ଜୟ କହିଛନ୍ତି ରାହୁଲଙ୍କ ମୋଦି ସରନେମକୁ ନେଇ ଦେଇଥିବା ଆପତ୍ତି ଜନକ ମନ୍ତବ୍ୟରେ ଏକ ମାମଲା 2019 ରେ ରୁଜ୍ଜୁ ହୋଇଥିଲା ଏବେ ଏହି ମାମଲାରେ ରାହୁଲ ଜାମିନରେ ଅଛନ୍ତି । ଶୁକ୍ରବାର ସୁରଟ କୋର୍ଟ ରାହୁଲକୁ ମାନହାନୀ ମାମଲାରେ ଦୋଷୀ ସାବ୍ୟସ୍ତ କରି ଦଣ୍ଡାଦେଶ ଦେଇଥିବାବେଳେ । ତାଙ୍କ ଲୋକସଭା ସଦସ୍ୟତା ରଦ୍ଦ ହୋଇଥିଲା ।

ରାହୁଲ ଏହି  ମନ୍ତବ୍ୟ ଦେଇଥିବାବେଳେ କେରଳର ୱାୟାନାଡରୁ ଏମପି ଭାବେ ନିଯୁକ୍ତି ଥିଲେ ଏବଂ ସେତେବେଳେ ଏହି ମୋଦି ସରନେମଙ୍କୁ ନେଇ ବିବାଦିୟ ମନ୍ତବ୍ୟ ଦେଇଥିଲେ । ତେବେ ଏହି ମନ୍ତବ୍ୟ ପାଇଁ ରାହୁଲ କୋର୍ଟର ଦ୍ୱାରସ୍ତ ହୋଇ 2ବର୍ଷ ପାଇଁ ଜେଲ ଦଣ୍ଡାଦେଶ ପାଇଥିଲେ । କିନ୍ତ ସେ ଏବେ ଏହି ସମ୍ବନ୍ଧରେ ଆବେଦନ ପାଇଁ କୋର୍ଟ ତାଙ୍କୁ 30 ଦିନ ସମୟ ଦେଇଛନ୍ତି ।

ନୂଆଦିଲ୍ଲୀ: କିଛି ଦିନର ବିରତି ପରେ ମଙ୍ଗଳବାର ରାହୁଲଙ୍କ ଭାରତ ଯୋଡ ଯାତ୍ରା ଦିଲ୍ଲୀରୁ  ପୁଣି ଆରମ୍ଭ ହୋଇଛି। ରାହୁଲ  କାଶ୍ମୀର ଗେଟ୍‌ର ହନୁମାନ ମନ୍ଦିରରେ ଦର୍ଶନ ଓ ପୂଜା କରି ଯାତ୍ରା ଆରମ୍ଭ କରିଛନ୍ତି। କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ  ରାହୁଲଙ୍କ ସହ ହନୁମାନ ମନ୍ଦିରରେ ବଜରଙ୍ଗବାଲୀଙ୍କ ଦର୍ଶନ କରି ଯାତ୍ରାରେ ଯୋଗ ଦେଇଛନ୍ତି।

ଯାତ୍ରାର ଦ୍ବିତୀୟ ଚରଣରେ ରାହୁଲ ଦିଲ୍ଲୀ ଦଙ୍ଗାରେ ପ୍ରଭାବିତ ମୌଜପୁର, ଜାଫରାବାଦ୍‌, ଗୋକୁଲପୁରି‌ ହୋଇ ୟୁପିରେ ପ୍ରବେଶ କରିବେ। ଉତ୍ତର ପ୍ରଦେଶ କଂଗ୍ରେସକୁ ଯାତ୍ରାର ପତାକା ଦିଆଯିବ। ୪ ଜାନୁୟାରୀରେ ବାଗପତରୁ ଶାମଲି ଯାତ୍ରା ବାହାରିବ। ୟୁପିର ଲୋନିରୁ ଗଜିଆବାଦ୍ ହୋଇ ବାଗପତରେ ରାତ୍ରୀ ଯାପନ କରିବେ। ଏହି ଯାତ୍ରାକୁ ନେଇ  ପୁଲିସ୍ ପକ୍ଷରୁ ଏକ ଟ୍ରାଫିକ୍ ଆଡ୍‌ଭାଇଜରି ଜାରି କରାଯାଇଛି। କିଛି ରାସ୍ତାରେ ଡାଇଭର୍ସନ ପ୍ଲାନ ଲାଗୁ କରାଯାଇଛି। ଦିଲ୍ଲୀର ଲୋହା ପୁଲ୍‌, ପୁସ୍ତା ରୋଡ୍‌, ଜାଫରାବାଦ୍‌, ଗୌଜପୁର ଏବଂ ଗୋକୁଲପୁରରେ ଅଧିକ ଭିଡ ସମ୍ଭାବନା ଥିବା ପୁଲିସ ଆଶଙ୍କା  କରିଛି।

ଭାରତ ଯୋଡ ଯାତ୍ରାରେ ସାମିଲ ହେବାକୁ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଏବଂ ବହୁଜନ ସମାଜ ପାର୍ଟି ମୁଖ୍ୟ ମାୟାବତୀଙ୍କୁ କଂଗ୍ରେସ ନିମନ୍ତ୍ରଣ କରିଛି। ଏଥିପାଇଁ ଉଭୟ ଅଖିଳେଶ ଏବଂ ମାୟାବତୀ ଧନ୍ୟବାଦ ଜଣାଇଛନ୍ତି। ତେବେ ଅଖିଳେଶ ଭାରତ ଯୋଡ଼ୋ ଯାତ୍ରାରେ ଯୋଗ ଦେବେନାହିଁ ବୋଲି ଦଳ ପକ୍ଷରୁ ସ୍ପଷ୍ଟ କରାଯାଇଛି। ହେଲେ ଅଖିଳେଶ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଧନ୍ୟବାଦ ଜଣାଇବା ସହ ଯାତ୍ରାର ସଫଳତା କାମନା କରିଛନ୍ତି।

ମୁମ୍ବାଇ: ବୀର ସାଭରକରଙ୍କ ପ୍ରତି ବିବାଦୀୟ ବୟାନ ଦେଇ ଅଡୁଆରେ କଂଗ୍ରେସ ନେତା ରାହୁଲ ଗାନ୍ଧୀ । ସ୍ୱାଧିନତା ପୂର୍ବରୁ ବ୍ରିଟିଶମାନଙ୍କୁ କ୍ଷମା ପ୍ରାର୍ଥନା ପତ୍ରରେ ଦସ୍ତଖତ କରି ମହାତ୍ମା ଗାନ୍ଧୀ, ଜବାହାରଲାଲ ନେହେରୁ ଓ ସର୍ଦ୍ଦାର ପଟେଲଙ୍କ ଭଳି ମହାନ ନେତାଙ୍କ ପ୍ରତି ବିଶ୍ୱାସଘାତକତା କରିଥିବା ଅଭିଯୋଗ କରିଛନ୍ତି ମହାତ୍ମା ଗାନ୍ଧୀ । ମଙ୍ଗଳବାର ମଧ୍ୟ ସାଭରକରଙ୍କୁ କଡା ସମାଲୋଚନା କରିଥିଲେ ଅନ୍ୟପଟେ ଏହାକୁ ନେଇ ରାହୁଲଙ୍କୁ ଟାର୍ଗେଟ କରିଛନ୍ତି ଏକନାଥ ସିନ୍ଦେ ।

ଗୁରୁବାର ଦିନ ଭାରତ ଯୋଡର ଏକ କାର୍ଯ୍ୟକ୍ରମରେ ଯୋଗ ଦେଇ ଆରଏସଏସ ଚିନ୍ତାଧାରା ଓ ସାଭରକରଙ୍କୁ କଡା ସମାଲୋଚନା କରିଥିଲେ କଂଗ୍ରେସ ସାଂସଦ । ସାଭରକର ବ୍ରିଟିଶମାନଙ୍କୁ ସାହାଯ୍ୟ କରିଥିବା କହିଥିଲେ ରାହୁଲ ଗାନ୍ଧୀ । ଏକ ଦସ୍ତାବିଜ ଦେଖାଇ କଥାକୁ ପ୍ରମାଣ କରିବାକୁ ପ୍ରୟାସ କରିଥିଲେ ସେ । ସ୍ୱାଧିନତା ପୂର୍ବରୁ ସାଭରକର ବ୍ରିଟିଶମାନଙ୍କୁ ଏକ ଚିଠି ଲେଖିଥିଲେ, ଯେଉଁଥିରେ ସେ ତାଙ୍କ ଚାକର ହୋଇ ରହିବା ପାଇଁ ଚାହାଁନ୍ତି ବୋଲି ଉଲ୍ଲେଖ କରିଥିଲେ । ଏହାପୂର୍ବରୁ ମଙ୍ଗଳବାର ଦିନ ମହାରାଷ୍ଚ୍ର ୱାସିମ ଜିଲ୍ଲାରେ ଭାରତ ଯୋଡକୁ ନେଇ ଆୟୋଜିତ ଏକ କାର୍ଯ୍ୟକ୍ରମରେ ବୀର ସାଭରକରଙ୍କୁ କଡା ସମାଲୋଚନା କରିଥିଲେ ରାହୁଲ । ଭାରତୀୟ ଜନତା ପାର୍ଟି ଓ ରାଷ୍ଟ୍ରୀୟ ସ୍ୱଂୟ ସେବକ ସଂଘର ପ୍ରତୀକ ଅଟନ୍ତି ସାଭରକର । ତାଙ୍କୁ ଆଣ୍ଡାମାନରେ ୨ରୁ ୩ ବର୍ଷ ଜେଲ ହୋଇଥିଲା । ଜେଲରେ ସେ ଦୟା ଯାଚିକା ଲେଖିବା ଆରମ୍ଭ କରିଥିଲେ । ସେ ନିଜ ପାଇଁ ଏକ ପୁସ୍ତକ ଲେଖି ସେ ମହାନ ବୋଲି ଲୋକମାନଙ୍କୁ ଦେଖାଇଥିଲେ । ରାହୁଲ ଗାନ୍ଧୀ ଆଉ ମଧ୍ୟ କହିଥିଲେ ଯେ ସେ ବ୍ରିଟିଶମାନଙ୍କ ଠାରୁ ପେନସନ ମଧ୍ୟ ନେଉଥିଲେ । ସେ ବ୍ରିଟିଶ ପାଇଁ ଓ କଂଗ୍ରେସ ବିରୋଧରେ କାମ କରୁଥିଲେ । ଆଦିବାସୀ ନେତା ବିର୍ସାମୁଣ୍ଡା ଇଂଗ୍ରେଜ ବିରୋଧରେ ଲଢିଥିଲେ କିନ୍ତୁ ଆଜିକାଲି ତାଙ୍କ ବିଚାରଧାରା ଉପରେ ଆରଏସଏସ ଓ ବିଜେପି ଦ୍ୱାରା ହମଲା କରାଯାଉଛି ।

ଅନ୍ୟପଟେ ଏହି ବୟାନକୁ ନେଇ ସମାଲୋଚନାର ଶିକାର ହୋଇଛନ୍ତି କଂଗ୍ରେସ ସାଂସଦ । ସାରଭକରଙ୍କ ବଂଶଧର ଏଭଳି ମନ୍ତବ୍ୟକୁ ସମାଲୋଚନା କରିବା ସହ ଥାନାରେ ଏତଲା ଦେବା ନେଇ ମଧ୍ୟ କହିଛନ୍ତି । ରଞ୍ଜିତ ସାଭରକର ନିଜ ଜେଜେଙ୍କ ଅପମାନକୁ ବରଦାସ୍ତ କରିବେ ନାହିଁ । ଥାନାରେ ଏତଲା ଦେବା କଥା ମଧ୍ୟ ଉଠାଇଛନ୍ତି ରଞ୍ଜିତ । ଏହା ପ୍ରଥମ ଥର ନୁହେଁ ବରଂ ରାହୁଲ ଗାନ୍ଧୀ ପୂର୍ବରୁ ମଧ୍ୟ ସାଭରକରଙ୍କୁ ଅପମାନ କରିଛନ୍ତି ବୋଲି କହିଛନ୍ତି ରଞ୍ଜିତ ସାଭରକର । କଂଗ୍ରେସ ଭୋଟ ବ୍ୟାଙ୍କ ରାଜନୀତି ଖେଳୁଛି ଓ ଯେଉଥିପାଇଁ ସେ ସାଭରକରଙ୍କ ପ୍ରତି ଅପମାନ କରୁଛି । ଏହାକୁ ନେଇ ମହାରାଷ୍ଚ୍ର ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀ ମଧ୍ୟ କଡା ଟାର୍ଗେଟ କରିଛନ୍ତି । ଏକନାଥ ସିନ୍ଦେ ବୁଧବାର ଦିନ ଚେତାବନୀ ଦେଇ କହିଛନ୍ତି ଯେ ମହାରାଷ୍ଟ୍ର ଲୋକେ ସାଭରକରଙ୍କ ଅପମାନକୁ ବରଦାସ୍ତ କରିବେ ନାହିଁ ।ଏହାକୁ ନେଇ ମହାରାଷ୍ଟ୍ରରେ ଭାରତ ଯୋଡ ଯାତ୍ରା ବନ୍ଦ କରିବା ଦାବି କରିଛନ୍ତି ଏକନାଥ ସିନ୍ଦେ ।

୧୮୮୩ରେ ମହାରାଷ୍ଟ୍ରରେ ଜନ୍ମ ଗ୍ରହଣ କରିଥିଲେ ବୀର ସଭରକର । ଦେଶ ସ୍ୱାଧିନ ବେଳେ କ୍ରାନ୍ତିକାରୀ ନେତା ଥିଲେ ସାଭରକର । ତେବେ ମହାତ୍ମା ଗାନ୍ଧୀଙ୍କ ହତ୍ୟା ଘଟଣାରେ ସମ୍ପୃକ୍ତି ନେଇ ତାଙ୍କୁ ଗିରଫ କରାଯାଇଥିଲା ମାତ୍ର ପରେ ତାଙ୍କୁ ଦୋଷମୁକ୍ତ ମଧ୍ୟ କରାଯାଇଥିଲା ।