rajastan

  • ରାଜସ୍ଥାନରେ ଦୁଇ ଦିନ ସ୍କୁଲ ବନ୍ଦ

    ରାଜସ୍ଥାନ: ରାଜସ୍ଥାନରେ ଲାଗିରହିଛି ପ୍ରବଳ ବର୍ଷା। ପ୍ରବଳ ବର୍ଷା ଯୋଗୁଁ ଦୁଇ ଦିନ ପାଇଁ କୋଟା, ବୁନ୍ଦିରେ ପ୍ରଶାସନ ପକ୍ଷରୁ ସମସ୍ତ ସ୍କୁଲ ବନ୍ଦ ଘୋଷଣା କରାଯାଇଛି। ବର୍ଷା ଏବଂ କୋଟା ବ୍ୟାରେଜରୁ ପାଣି ଛଡାଯିବା ପରେ ସମଗ୍ର ଅଞ୍ଚଳ ସମ୍ପୂର୍ଣ୍ଣ ଜଳମଗ୍ନ ହୋଇଯାଇଥିଲା। ସେପଟେ କୋଟାରେ ପ୍ରାୟ ୩୫ଶହ ଲୋକଙ୍କୁ ଉଦ୍ଧାର କରାଯାଇ ଆଶ୍ରୟୀ ସ୍ଥଳକୁ ସ୍ଥାନାନ୍ତର କରାଯାଇଛି।

  • ସାମ୍ପ୍ରଦାୟକ ହିଂସାକୁ ନେଇ ଲାଗିଲା କର୍ଫ୍ୟୁ

    ଜୟପୁର: ଉଦୟପୁର ପରେ ଏବେ ରାଜସ୍ଥାନର ହନୁମାନଗଡ ଜିଲ୍ଲାରେ ଉତ୍ତେଜନା ଦେଖାଦେଇଛି। ଗୋହତ୍ୟା ଓ ଗୋମାଂସ ଭୋଜି ନେଇ ସାମ୍ପ୍ରଦିୟାକ ଦଙ୍ଗା ସୃଷ୍ଟି ହୋଇଛି। ତେବେ ପୋଲିସ ଲାଠୀ ମାଡ କରିଥିବା ହେତୁ ବିବାଦ ଆହୁରୀ ଗମ୍ଭୀର ହୋଇଛି। ପୋଲିସ ଏହି ଘଟଣାରେ ୪୫ ଜଣଙ୍କୁ ଅଟକ ରଖିଛି। ପ୍ରଶାସନ ପକ୍ଷରୁ କର୍ଫ୍ୟୁ ଲଗାଇ ଦିଆଯାଇଛି। ଦଙ୍ଗା ହୋଇଥିବା ସ୍ଥାନରେ ଇଣ୍ଟରନେଟ ସେବା ମଧ୍ୟ ବନ୍ଦ କରାଯାଇଛି। ତେବେ ବହୁ ସଂଖ୍ୟକ ପୋଲିସ ଫୋର୍ସ ମୁତାୟନ ଅଛନ୍ତି। ସନ୍ଦିଗ୍ଧ ବ୍ୟକ୍ତିଙ୍କ ଉପରେ ପୋଲିସ କଡା ନଜର ରଖିଛି।

    ସୂଚନା ଅନୁଯାୟୀ, ଜୁଲାଇ ୨୧ରୁ ଜିଲ୍ଲାର ଚିଡିଆଗାନ୍ଧୀ ଗ୍ରାମରେ ଉତ୍ତେଜନା ଦେଖାଦେଇଛି। ଗ୍ରାମବାସୀ ଅଭିଯୋଗ କରିଛନ୍ତି ଯେ, ଇଦ୍ ଅବସରରେ ଏଠାରେ ଗୋହତ୍ୟା କରାଯାଇ ଗୋମାଂସ ଭୋଜି କରାଯାଇଥିଲା। ଯାହା ଏଫଏସଏଲ ରିପୋର୍ଟରେ ମଧ୍ୟ ପ୍ରମାଣିତ ହୋଇଛି। ଏହି ଘଟଣା ପରଠାରୁ ଗ୍ରାମରେ ଧର୍ମ-ପ୍ରଦର୍ଶନ କରାଯାଉଛି। ମଙ୍ଗଳବାର ଦିନ ଉତ୍ତେଜନା ବଢିଥିଲା। ଯାହାଫଳରେ କି ଆନ୍ଦୋଳକାରୀ ଓ ପୋଲିସ ମୁହାଁମୁହିଁ ହୋଇଥିଲେ। ଯାହା ପରେ ସାମ୍ପ୍ରଦାୟିକ ଉତ୍ତେଜନା ବଢିଥିଲା। ଜିଲ୍ଲାର ଚିଡିଆଗାନ୍ଧି ଓ ଗାନ୍ଧୀବରୀର ଦୁଇଟି ଗ୍ରାମରେ ପୋଲିସ ତୁରନ୍ତ କର୍ଫ୍ୟୁ ଲାଗୁ କରିଥିଲା। ଏହା ସହିତ ଗୁଜବ ପ୍ରଚାରକୁ ରୋକିବା ପାଇଁ ପ୍ରଶାସନ ମଧ୍ୟ ଇଣ୍ଟରନେଟ୍ ସେବାକୁ ବନ୍ଦ କରିଛନ୍ତି।  

    ରାଜସ୍ଥାନରେ ଲଗାତାର ଭାବେ ସାମ୍ପ୍ରଦାୟିକ ହିଂସା ବିଢିବାରେ ଲାଗିଛି। ଏହାପୂର୍ବରୁ ଭୀଲୱାଡାରେ ଯୁବକଙ୍କ ହତ୍ୟା ପରେ ଉତ୍ତେଜନା ହୋଇଥିଲା। ନିକଟରେ ହନୁମାନଡରେ ବିଶ୍ୱହିନ୍ଦୁ ପରିଷଦ ନେତାଙ୍କୁ ଆକ୍ରମଣ ପରେ ଉତ୍ତେଜନା ଆହୁରି ବୃଦ୍ଧି ପାଇଥିଲା। ବର୍ତ୍ତମାନ ଗୋମାଂସକୁ ନେଇ ସାମ୍ପ୍ରଦାୟିକ ଦଙ୍ଗା ଦେଖିବାକୁ ମିଳିଛି।

    • ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ
  • ବନ୍ୟାରେ ଫସିଲା ଜିଲ୍ଲାପାଳଙ୍କ ଗାଡି

    ଦେଶରେ ଲଗାଣ ବର୍ଷା ଜାରି ରହିଛି। ବିଭିନ୍ନ ରାଜ୍ୟରେ ବର୍ଷା ହେତୁ ବନ୍ୟା ପରିସ୍ଥିତି ଉପୁଜିଛି। ଏନେଇ ଲୋକମାନେ ହନ୍ତସନ୍ତ ହେଉଥିବା ବେଳେ ଅନେକ ଲୋକ ମଧ୍ୟ ପ୍ରାଣ ହରାଇ ସାରିଲେଣି। ମହାରାଷ୍ଟ୍ର, ଆସାମ, ଗୁଜୁରାଟ ଠାରୁ ଆରମ୍ଭ କରି ରାଜସ୍ଥାନ ଯାଏଁ ବର୍ଷା ଲାଗି ରହିଛି। ତେବେ ରାଜସ୍ଥାନର ଶ୍ରୀଗଙ୍ଗାନଗରରେ ଗତ ୪୮ ଘଣ୍ଟା ଧରି ବର୍ଷା ଲାଗି ରହିବା ଯାଗୁଁ ସ୍କୁଲ, କଲେଜ ବନ୍ଦ ରହିଛି। ଅନେକ ଲୋକ ଜଳବନ୍ଦୀ ଘେରରେ ରହିଛନ୍ତି। ସେପଟେ ବନ୍ୟା ସ୍ଥିତି ସମୀକ୍ଷା କରିବାକୁ ଯଆଇଥିବା ଜିଲ୍ଲାପାଳ ନିଜେ ଫସିଯାଇଥିଲେ, ଯାହାର ଭିଡିଓ ଏବେ ଭାଇରାଲ ହେଉଛି।

    ସହରର ବିଭିନ୍ନ ପ୍ରାନ୍ତରେ ଅଣଓସାରିଆ ବସ୍ତିରେ ଫସି ରହିଥିବା ଲୋକଙ୍କ ବିଷୟରେ ସୂଚନା ପାଇବା ପରେ ଜିଲ୍ଲାପାଳ ବୋଲେରୋରେ ଏକ ବ୍ରିଜତଳ ଦେଇଯାଉଥିଲେ। ତେବେ ଅଣ୍ଡର ବ୍ରିଜ ତଳେ ଅଧା ପାଣିରେ ବୋଲେରୋଟି ବୁଡି ଯାଇଥିଲା। ତେବେ ବୋଲେରୋଟି ଅଧା ବୁଡିଥିବାର ଦେଖି ସ୍ଥାନୀୟ ଲୋକେ ଗାଡି ପାଖକୁ ଧାଇଁ ଆସି ସାହାର୍ଯ୍ୟ କରିଥିଲେ। ଲୋକମାନେ ଗାଡିଟିକୁ ପଛକୁ ଠେଲି ଠେଲି ପାଣି ଭିତରୁ ବାହାର କରିଥିଲେ। ତେବେ ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

    ଶୁଭଲକ୍ଷ୍ମା ସାହୁଙ୍କ ରିପୋର୍ଟ

Back to top button