security

  • ଅମ୍ୱାନୀଙ୍କ ପରିବାରକୁ ଧମକ

    ପୁଣି ମୁକେଶ ଅମ୍ୱାନୀଙ୍କ ପରିବାରକୁ ଧମକ। ଦେଶର ବିଶିଷ୍ଟ ଶିଳ୍ପପତି ତଥା ରିଲାଏନ୍ସ ଇଣ୍ଡଷ୍ଟ୍ରିଜ୍ ର ଚେୟାରମ୍ୟାନ ମୁକେଶ ଅମ୍ୱାନୀ ଏବଂ ତାଙ୍କ ପରିବାରକୁ ୩ ଘଣ୍ଟାରେ ଶେଷ କରିଦେବୁ ବୋଲି ଧମକ ଦିଆଯାଇଛି। ରିଲାଏନ୍ସ ଫାଉଣ୍ଡସେନର ଡାକ୍ତରଖାନାକୁ ଏହି ଫୋନ କଲ ଆସିଥିବା ସୂଚନା ମିଳିଛି। ଥରେ କି ଦୁଇ ଥର ନୁହେଁ ୩ ଥର କଲ ଆସିଥିବା ଜଣାପଡିଛି। ଏହି ଘଟଣାକୁ ନେଇ ଡିବି ମାର୍ଗ ପୋଲିସ ଯାଞ୍ଚ ଆରମ୍ଭ କରିଛି। ଏହାସହ ହସପିଟାଲରେ ସୁରକ୍ଷା ମଧ୍ୟ ବୃଦ୍ଧି କରାଯାଇଛି। ଏହାପୂର୍ବରୁ ମଧ୍ୟ ଗତବର୍ଷ ଫେବ୍ରୁଆରୀରେ ଦେଶର ସବୁଠାରୁ ଧନୀ ଶିଳ୍ପପତି ମୁକେଶ ଅମ୍ୱାନୀଙ୍କ ଘର ବାହାରେ ଏକ ସନ୍ଦେହଜନକ କାର ମିଳିଥିଲା। ସେହି କାରରୁ ୨୦ଟି ବିସ୍ଫୋରକ ସାମଗ୍ରୀ ଜବତ କରାଯାଇଥିଲା। ୨୦୧୩ ମସିହାରେ ମୁକେଶ ହିଜବୁଲ ମୁଜାହିଦ୍ଦିନଙ୍କଠାରୁ ଧମକ ପାଇଥିଲେ। ଏହାପରେ ତାଙ୍କୁ ଜେଡ ପ୍ଲସ ସୁରକ୍ଷା ଯୋଗାଇ ଦିଆଯାଇଥିଲା।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
  • ଇରାକରେ ଶ୍ରୀଲଙ୍କା ଭଳି ବିରୋଧ ପ୍ରଦର୍ଶନ

    ଶ୍ରୀଲଙ୍କାର ଘଟଣାର ପୁନରାବୃତ୍ତି ହେବାକୁ ଯାଉଛି । ଇରାକରେ ଶ୍ରୀଲଙ୍କା ଭଳି ବିରୋଧ ପ୍ରଦର୍ଶନ ଦେକିବାକୁ ମିଳିଛି । ବାଗଦାଦରେ ହଜାର ହଜାର ସଂଖ୍ୟାରେ ପ୍ରଦର୍ଶନକାରୀ ସଂସଦ ଭବନକୁ କବଜା କରିନେଇଛନ୍ତି । ଅଧିକାଶଂ ବିକ୍ଷୋଭକାରୀ ଇରାକର ଶିୟା ନେତା ମୁକତଦା ଅଲ ସଦରଙ୍କ ସମର୍ଥକ । ଏମାନେ ଇରାନ ସମର୍ଥିତ ପାର୍ଟୀ ଦ୍ୱାରା ପ୍ରଧାନମନ୍ତ୍ରୀ ତଥା ପୁର୍ବତନ ମନ୍ତ୍ରୀ ଓ ଗଭର୍ଣର ମହମ୍ମଦ ଶିୟା ଅଲ୍ ସୁଦାନୀଙ୍କ ପ୍ରାଥୀତ୍ୱକୁ ବିରୋଧ କରିଛନ୍ତି । ପ୍ରଦର୍ଶନକାରୀ ବାଗଦାଦରେ ଗ୍ରୀନ ଜୋନ ସରକାରୀ ଭବନକୁ ଅକ୍ତିଆର କରିଛନ୍ତି । ଯାହା ପରେ ସେମାନେ ସଂସଦ ଭବନ ଭିତରକୁ ଧସେଇ ପସିଯାଇଥିଲେ । ସେହି ସମୟରେ ସଂସଦ ଭବନରେ କେହି ଉପସ୍ଥିତ ନଥିଲେ ।

    କେବଳ ସୁରକ୍ଷା କର୍ମୀ ସେହି ସମୟରେ ଉପସ୍ଥିତ ଥିଲେ ଏବଂ ସେମାନେ ପ୍ରଦର୍ଶନକାରୀଙ୍କୁ ସହଜରେ ଭିତରକୁ ଯିବାକୁ ଦେଇଥିଲେ । ପ୍ରଦର୍ଶନକାରୀଙ୍କ ହାତରେ ଶିୟା ନେତା ଅଲ୍ ସଦରଙ୍କ ଫୋଟୋ ଧରିଥିବା ଦେଖିବାକୁ ମିଳିଥିଲା । ଏହା ଭିତରେ ବିକ୍ଷୋଭକାରୀ “ଅଲ୍ ସୁଦାନୀ ଆଉଟ” ର ନାରାବାଜୀ ମଧ୍ୟ୍ୟ ଲଗାଇଥିଲେ । ବିରୋଧ ପ୍ରଦର୍ଶନକୁ ଦେଖି ଦେଶର କାମଚଳା ପ୍ରଧାନମନ୍ତ୍ରୀ ମୁସ୍ତଫା ଅଲ୍ କଦିମୀ ପ୍ରଦର୍ଶନକାରୀ ଙ୍କୁ ଗ୍ରୀନ ଜୋନ କରିବାକୁ ନିର୍ଦ୍ଦେଶ ଦେଇଥିଲେ । ସୂଚନା ଆଧାରରେ ଗତ ବର୍ଷ ଅକ୍ଟୋବର ମାସରେ ହୋଇଥିବା ସାଧାରଣ ନିର୍ବାଚନରେ ଅଲ୍ ସଦରଙ୍କ ପାର୍ଟି ମୋଟ ୩୨୯ ଆସନରୁ ୭୩ ଆସନ ଜିତିଥିଲେ । କିନ୍ତୁ ଇରାକର ରାଷ୍ଟ୍ରପତି ହେବା ପାଇଁ ସେ ବହୁମତ ସାବ୍ୟସ୍ତ କରିପାରିନଥିଲେ ।

    ଯେଉଁ କାରଣରୁ ମୁକତଦା ଅଲ୍ ସଦର ସରକାର ଗଠନ ପାଇଁ ଆଲୋଚାନ କରିବାରୁ ନିଜକୁ ଦୁରେଇ ରଖିଥିଲେ । ଏହା ପୁର୍ବରୁ ଶ୍ରୀଲଙ୍କାରେ ବିକ୍ଷୋକ୍ଷକାରୀ ରାଷ୍ଟ୍ରପତି ଭବନକୁ କବଜା କରିନେଇଥିଲେ । ଯାହା ପରେ ରାଷ୍ଟ୍ରପତି ଗୋୟାବାୟା ରାଜପକ୍ଷେ ପଳାୟନ କରିଥିଲେ ଏବଂ ପରେ ଇସ୍ତଫା ଦେଇଥିଲେ l

    • ସ୍ମରଜିତ ଆର୍ୟ୍ୟଙ୍କ ରିପୋର୍ଟ
  • କୁମାର ବିଶ୍ବାସଙ୍କୁ ୱାଇ ପ୍ଲସ ସୁରକ୍ଷା

    ନୂଆଦିଲ୍ଲୀ: ପୂର୍ବତନ ଆମ ଆଦମୀ ପାର୍ଟି (ଆପ) ନେତା କୁମାର ବିଶ୍ବାସଙ୍କ ସୁରକ୍ଷାକୁ ବୃଦ୍ଧି କରି ୱାଇ ପ୍ଲସ କରାଯାଇଛି। ବର୍ତ୍ତମାନର ହତ୍ୟା ଧମକ ପରେ ସୁରକ୍ଷାକୁ ବଢାଯାଇଥିବା ଗୁରୁବାର କୁହାଯାଇଛି। ଏଣିକି ସିଆରପିଏଫ ତାଙ୍କ ସୁରକ୍ଷାର ଦାୟିତ୍ବରେ ରହିବ।

    ଚଳିତ ବର୍ଷ ଫେବୃଆରୀ  ମାସରେ କୁମାର ବିଶ୍ବାସ  ଆପ ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀଙ୍କର ବିଚ୍ଛିନ୍ନତାବାଦୀ ତତ୍ତ୍ୱଙ୍କ ସହ ସମ୍ପର୍କକୁ ନେଇ ବୟାନ ପରେ କେନ୍ଦ୍ର ତାଙ୍କୁ ୱାଇ ସୁରକ୍ଷା ପାଇଁ ଅନୁମତି ଦେଇଥିଲା। କବିରୁ ରାଜନେତା ପାଲଟିଥିବା ଆପର ଏହି ପ୍ରତିଷ୍ଠାତା ସଦସ୍ୟ କେଜରିୱାଲଙ୍କ ବିରୋଧରେ ଅଭିଯୋଗ ଆଣିଥିଲେ କି, ପଞ୍ଜାବ ବିଚ୍ଛିନ୍ନତାବାଦୀ ନେତାଙ୍କ ସହ ତାଙ୍କର ଘନିଷ୍ଠତା ରହିଛି ଓ ଗତ ବିଧାନସଭା ନିର୍ବାଚନ କାଳରେ ସେମାନେ କେଜରିୱାଲଙ୍କ ଘରକୁ ଆସିଥିଲେ। ଏହା ପରେ ଆପ ସମର୍ଥକମାନେ କୁମାର ବିଶ୍ବାସଙ୍କ ଉପରେ ରାଗି ଯାଇ ଧମକ ଚମକ ଦେଇଥିଲେ।

Back to top button