SIDHU MOOSEWALA

  • ମୁସେୱାଲା ଜଣେ ସହୀଦ ନୁହଁନ୍ତି…ଆମର ଦୁଇ ଭାଇଙ୍କୁ ହତ୍ୟା କରିବାରେ ତାଙ୍କ ହାତ ଥିଲା

    ଗୋଲଡି ବ୍ରାର ଯିଏକି ସିଦ୍ଧୁ ମୁସେୱାଲା ହତ୍ୟା ମାମଲାର ମାଷ୍ଟରମାଇଣ୍ଡ ବର୍ତ୍ତମାନ ଏକ ଭିଡିଓ ସେୟାର କହିଛି । ଏଥିରେ ସେ ଦାବି କହିଛି ଯେ ଭିକି ମିଡ୍‌ଦୁଖେଡା ମାମଲା ପରେ ସିଦ୍ଧୁ ମୁସେୱାଲା ତାଙ୍କ ଜୀବନ ବଞ୍ଚାଇବା ପାଇଁ ତାଙ୍କୁ ୨ କୋଟି ଟଙ୍କା ଅଫର କରିଥିଲେ। l ନିର୍ବାଚନ ସମୟରେ ମୁସେୱାଲାଙ୍କ ଲୋକ ତାଙ୍କୁ କହିଥିଲେ ଯେ ତୁମେ ତାଙ୍କ ଜୀବନ ରକ୍ଷା କର, ଆମେ ତୁମକୁ ଦୁଇ କୋଟି ଟଙ୍କା ଦେବୁ। ଏହା ପରେ ଆପଣଙ୍କୁ ଗୁରୁଦ୍ୱାର ସାହିବକୁ ଯାଇ ଶପଥ କରିବାକୁ ପଡିବ । ବରାର୍‌ କୌଣସି ପରିସ୍ଥିତିରେ ଆପୋଷ ବୁଝାମଣା କରିବାକୁ ଚାହୁଁ ନ ଥିବାରୁ ଏହି ଅଫରକୁ ପ୍ରତ୍ୟାଖ୍ୟାନ କରିଦେଇଥିଲେ।

    ଭାଇରାଲ୍‌ ହୋଇଥିବା ଭିଡିଓଟି କମ୍ ଆଲୋକରେ ସୁଟ୍ ହୋଇଛି। ଗୋଲଡି ମୁହଁ ଘୋଡାଇ କଥା କହିଛି ଯେ ମୁସେୱାଲାଙ୍କୁ ଶିଖ ‘ସହୀଦ’ ରୂପେ ଦେଖାଇବା ଚେଷ୍ଟା କରାଯାଉଛି। ତେଣୁ ସେ ଭିଡିଓ ସୁଟିଂ କରିବାକୁ ବାଧ୍ୟ ହୋଇଥିଲେ। ବ୍ରାର କହିଛି, “ସେ (ମୁସୱାଲା) ଜଣେ ସହୀଦ ନୁହଁନ୍ତି। ଆମର ଦୁଇ ଭାଇଙ୍କୁ ହତ୍ୟା କରିବାରେ ମୁସେୱାଲାଙ୍କର ହାତ ଥିଲା। ତେଣୁ ତାଙ୍କୁ ହତ୍ୟା କରିଥିବାରୁ ଆମର କୌଣସି ଅନୁତାପ ନାହିଁ।

    ଏହା ବ୍ୟତୀତ ଆହୁରି କହିଛନ୍ତି ଯେ ‘ଲୋକମାନେ ଆମକୁ ଖରାପ ବୋଲି କହୁଛନ୍ତି, ହେଲେ ଭଲ ଆମେ ଖରାପ କିନ୍ତୁ କେତେକ ଲୋକମାନେ ଭଲ ଲୋକଙ୍କ ଘର ନଷ୍ଟ କରନ୍ତି। ଆଜି ସିଦ୍ଧୁ ମୁସେୱାଲାଙ୍କ ମୃତ୍ୟୁ ପରେ ତାଙ୍କୁ ସହୀଦ ତଥା ଯୋଦ୍ଧା କୁହାଯାଉଛି, କିନ୍ତୁ ସେ ଜୀବିତ ଥିବାବେଳେ ୯୫ ପ୍ରତିଶତ ଲୋକ ତାଙ୍କୁ ସମାଲୋଚନା କରୁଥିଲେ। ଏହି ଭିଡିଓ ଦେଖି ପୋଲିସ୍‌ ନିଶ୍ଚିତ କରିଛି କି ଗୋଲଡି ବରାର କାନାଡାର କୌଣସି ଏକ ସ୍ଥାନରେ ଲୁଚି ରହିଥିବା ଜଣାପଡିଛି।

  • ସିଧୁ ମୁସେୱାଲା ହତ୍ୟା ମାମଲା: ଆଉ ୨ ଗିରଫ

    ସିଧୁ ମୁସେୱାଲା ହତ୍ୟା ମାମଲାରେ ଆଉ ଦୁଇ ଅଭିଯୁକ୍ତ ଅଙ୍କିତ ଓ ସଚିନକୁ ଦିଲ୍ଲୀ ପୁଲିସ ଗିରଫ କରିଛି। ଦୁଇ ଅଭିଯୁକ୍ତ ଲରେନ୍ସ ବିଷ୍ଣୋଇ ଓ ଗୋଲ୍ଡୀ ଗ୍ୟାଙ୍ଗ ସହ ଜଡିତ ଅଛନ୍ତି। ସାର୍ପ ସୁଟର ଅଙ୍କିତ ହରିଆଣାର ସୋନିପତର ବାସିନ୍ଦା ହୋଇଥିବା ବେଳେ ଅଙ୍କିତ ରାଜସ୍ଥାନର। ଅଙ୍କିତ ନାମରେ ରାଜସ୍ତାନରେ ଦୁଇଟି ମାମଲା ରହିଛି। ସଚିନ ମୁସେବାଲା ହତ୍ୟାକାରୀଙ୍କୁ ଆଶ୍ରୟ ଦେଇଥିବା ଅଭିଯୋଗ ରହିଛି। ସଚିନ ରାଜସ୍ଥାନରେ ଗୋଲ୍ଡି ବରାର ଓ ଲରେନ୍ସ ବିଷ୍ଣୋଇ ଗ୍ୟାଙ୍ଗର ପରିଚାଳନା କରୁଥିଲା। ତା ନାମରେ ମଧ୍ୟ ବହୁ ମାମଲା ରହିଛି ରାଜସ୍ଥାନରେ। ଦୁଇ ଅଭିଯୁକ୍ତଙ୍କୁ ଦିଲ୍ଲୀ ପୁଲିସର ସ୍ପେସାଲ ସେଲ ୩ ଜୁଲାଇରେ କଶ୍ମୀରୀ ଗେଟ ବସଷ୍ଟାଣ୍ଡରୁ ଧରିଥିଲା। ଉଭୟଙ୍କ ନିକଟରୁ ଦୁଇଟି ପିସ୍ତଲ, ୧୯ କାରତୁସ ଓ ପଞ୍ଜାବ ପୁଲିସର ପୋଷାକ ଜବତ ହୋଇଛି।

    • ଶିଳାସ୍ମିତା ରାୟଙ୍କ ରିପୋର୍ଟ
  • ସୁପ୍ରିମକୋର୍ଟଙ୍କ ଦ୍ୱାରସ୍ଥ ଲରେନ୍ସଙ୍କ ପିତା

    ସିଧୁ ମୁସେବାଲା ହତ୍ୟାମା ମଲାର ମୁଖ୍ୟ ଅଭିଯୁକ୍ତ ଲରେନ୍ସ ବିଷ୍ଣୋଇଙ୍କ ପିତା ପୁଅ ପାଇଁ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି। ସେ ପଞ୍ଜାବ ପୁଲିସର ଟ୍ରାଞ୍ଜିଟ ରିମାଣ୍ଡଉପରେ ଉଠାଇଛନ୍ତି ପ୍ରଶ୍ନ। ସେ କୋର୍ଟଙ୍କ ନିକଟରେ ଅଭିଯୋଗ କରିଛନ୍ତି କି, ଲରେନ୍ସଙ୍କୁ ଆଇନ ଗତ ସହାୟତା ଦିଆ ଯାଉନାହିଁ।

    ବର୍ତ୍ତମାନ ଅପରାଧ ଜଗତର ଜଣାଶୁଣା ନାମ ଲରେନ୍ସ ବିଷ୍ଣୋଇ। ସିଧୁ ମୁସେବାଲା ହତ୍ୟାର ମୁଖ୍ୟ ଅଭିଯୁକ୍ତ। ଏବେ ସେ ପଞ୍ଜାବ ପୁଲିସ ହାତରେ। ହେଲେ ଲରେନ୍ସ ବିଷ୍ଣୋଇଙ୍କ ଟ୍ରାଞ୍ଜିଟ ରିମାଣ୍ଡ ଉପରେ ପ୍ରଶ୍ନ କରିଛନ୍ତି ତାଙ୍କ ପିତା। କାହିଁକି ଲରେନ୍ସଙ୍କୁ ପଞ୍ଜାବ ପୁଲିସ ଟ୍ରାଞ୍ଜିଟ ରିମାଣ୍ଡରେ ନେଇଛି ତାକୁ ନେଇ କରିଛନ୍ତି ପ୍ରଶ୍ନ।  ଏଥିସହ ବିଷ୍ଣୋଇଙ୍କୁ କୌଣସି ଆଇନଗତ ସହାୟତା ମିଳୁ ନ ଥିବା ନେଇ ସୁପ୍ରିମକୋର୍ଟଙ୍କ ନିକଟରେ ଅଭିଯୋଗ କରିଛନ୍ତି ବିଷ୍ଣୋଇଙ୍କ ପିତା। ସେ ଅଭିଯୋଗ ଆଣିଛନ୍ତି କି, ଲରେନ୍ସଙ୍କୁ ଭୁଲ ଉପାୟରେ ହାଜତକୁ ନେଇଛି ପଞ୍ଜାବ ପୁଲିସ। ଏହି ଯାଚିକା ସମ୍ପର୍କରେ ସୁପ୍ରିମକୋର୍ଟ କହିଛନ୍ତି, ହତ୍ୟାକାଣ୍ଡ ପଞ୍ଜାବରେ ହୋଇଥିବାରୁ ଯାଞ୍ଚ ପଞ୍ଜାବ ପୁଲିସ କରିବ। ଯଦି ଆବଶ୍ୟକ ବିଷ୍ଣୋଇ ହାଇକୋର୍ଟକୁ ଯାଇପାରନ୍ତି ଓ ତାଙ୍କୁ ସହାୟତା ପାଇଁ ଓକିଲ ମିଳିବେ। ଏହି ମାମଲାରେ ଆସନ୍ତା ୧୧ ତାରିଖରେ ସୁପ୍ରିମକୋର୍ଟ ବିସ୍ତୃତ ଶୁଣାଣି କରିବେ।

    ଲରେନ୍ସ ବିଷ୍ଣୋଇ ସେତେବେଳେ ଚର୍ଚ୍ଚାକୁ ଆସିଥିଲା ଯେତେବେଳେ ସେ ବଲିଉଡ ଅଭିନେତା ସଲମାନଖାନଙ୍କୁ ହତ୍ୟା ଧମକ ଦେଇଥିଲେ କଳାହରିଣ ହତ୍ୟାରେ ସଲମାନଙ୍କ ସମ୍ପୃକ୍ତପରେ। କାରଣ ବିଷ୍ଣୋଇ ସମ୍ପ୍ରଦାୟ ପାଇଁ କଳା ହରିଣ ଶୁଭ ଓ ଧର୍ମ ବିଶ୍ବାସ ସହ ଜଡିତ ରହିଛି। ତେବେ ଲରେନ୍ସ କୌଣସି ଅପରାଧିକ ପୃଷ୍ଠଭୂମିଧାରୀ ପରିବାରରେ ଜନ୍ମ ହୋଇ ନ ଥିଲା। ଲରେନ୍ସର ପିତା ଜଣେ ପୁଲିସ କନେଷ୍ଟବଳ ଥିଲେ। ଲରେନ୍ସର ପିଲାଦିନ ଥିଲା ଅନ୍ୟ ସାଧାରଣ ପିଲାଙ୍କ ପରି । ୨୦୧୧ରେ ଚଣ୍ଡିଗଡର ଡିଏବି କଲେଜରେ ପଢୁଥିବା ବେଳେ ସେ ପ୍ରଥମେ ରାଜନୀତିରେ ପ୍ରବେଶ କରିଥିଲା।

    ସେତେବେଳେ ସେ କଲେଜ ସଭାପତି ପାଇଁ ନିର୍ବାଚନ ଲଢିଥିଲା। କିନ୍ତୁ ନିର୍ବାଚନରେ ବିଫଳ ହେବା ପରେ ପ୍ରଥମ ଥର ହିଂସ୍ର ହୋଇ ଉଠିଥିଲା ଲରେନ୍ସ।  ବାୟୁରେ ହତିଆର ଚଳାଇଥିଲା। ଏହାପରେ ଅପରାଧର ଅନ୍ଧକୂଅରେ ଫସିଯାଇ ଥିଲା ଲରେନ୍ସ ଓ ଗୋଟିଏ ଗୋଟିଏଅପରାଧ କରି ଚାଲିଥିଲା। ଲରେନ୍ସ ନାମରେ ରହିଛି ୨୫-୩୦ରୁ ଅଧିକ ଅପରାଧିକ ମାମଲା। ୭୦୦ରୁ ଅଧିକ ସାର୍ପସୁଟର ତା ଅଧୀନରେ କାମ କରୁଛନ୍ତି। ବର୍ତ୍ତମାନ ସେ ଦେଶର ସବୁଠାରୁ କୁଖ୍ୟାତ ଗ୍ୟାଙ୍ଗ ଷ୍ଟର ଭାବେ ପରିଚିତ। ଖାଲି ଦେଶ ନୁହେଁ ବିଦେଶରେ ମଧ୍ୟ ଚାଲିଛି ତାର ସିଣ୍ଡିକେଟ।

  • ସିଦ୍ଧୁ ମୁସେୱାଲାଙ୍କୁ ଗୁଳି କରି ହତ୍ୟା, ଦିନେ ପୂର୍ବରୁ ପଞ୍ଜାବ ସରକାର ହଟାଇଥିଲେ ସୁରକ୍ଷା ବ୍ୟବସ୍ଥା

    ପଞ୍ଜାବର ଜଣାଶୁଣା ଗାୟକ ତଥା କଂଗ୍ରେସ ନେତା ସିଦ୍ଧୁ ମୁସେୱାଲାଙ୍କୁ ହତ୍ୟା l ପଞ୍ଜାବର ଭାଗବତ ମାନ ସରକାର ଶନିବାର ଦିନ ସିଦ୍ଧୁ ମୁସୱାଲାଙ୍କ ସୁରକ୍ଷା ହଟାଇ ଦେଇଥିଲେ। ଖବର ଅଛି ଯେ ପୂର୍ବରୁ ଗାୟକଙ୍କ ପାଖରେ ୧୦ ଜଣ ବନ୍ଧୁକଧାରୀ ଥିଲେ, କିନ୍ତୁ ପରେ ସେମାନଙ୍କ ସଂଖ୍ୟା କମିଯାଇଥିଲା। ଏହା ସହିତ ଶୁଣିବାକୁ ମିଳିଛି ଯେ ଦୁଇଜଣ ଅଜ୍ଞାତ ଆକ୍ରମଣକାରୀ ମୁସେୱାଲାଙ୍କ ଉପରକୁ ଗୁଳି ଚଳାଇଥିଲେ ଏବଂ ହତ୍ୟାକାରୀମାନେ ଅପରାଧ ଘଟାଇବା ମାତ୍ରେ ଚାଲିଯାଇଥିଲେ । ଘଟଣାସ୍ଥଳରେ ସିଦ୍ଧୁ ମୁସେୱାଲାଙ୍କୁ ଡାକ୍ତରଖାନାକୁ ନିଆଯିବା ପରେ ଚିକିତ୍ସା କରିବା ସମୟରେ ମୃତ ଘୋଷଣା କରିଥିଲେ ।

    ମୁସେୱାଲାଙ୍କ ମୃତ୍ୟୁ ଖବର ପରେ ପଞ୍ଜାବରେ ଏବଂ ସାରା ଦେଶରେ ଏକ ସମ୍ବେଦନଶୀଳତା ଦେଖାଦେଇଛି। କିଛି ଦୁବୃତ୍ତଙ୍କ ଦ୍ୱାରା ହତ୍ୟା କରିଥିବା ସୂଚନା ମିଳିଛି। ଏହି ସମୟରେ, ତାଙ୍କ ପ୍ରଶଂସକଙ୍କ ମଧ୍ୟରେ ଦୁଃଖର ବାତାବରଣ ଖେଳିଯାଇଛି । ଏହା ସହିତ ଏହା ଜାଣିବାକୁ ମିଳିଛି କି ଯେ ଏହି ଘଟଣାରେ ତାଙ୍କର ଦୁଇ ସାଥୀ ମଧ୍ୟ ଆହତ ହୋଇଛନ୍ତି । ସମସ୍ତ ଆହତଙ୍କୁ ମନସା ଡାକ୍ତରଖାନାରେ ଭର୍ତ୍ତି କରାଯାଇଛି। ଏ ସମ୍ପର୍କରେ ସୂଚନା ପାଇବା ପରେ ପଞ୍ଜାବ ପୋଲିସ ତଦନ୍ତ ଆରମ୍ଭ କରିଛି।

Back to top button