TERROR

କଟକ: ଜଙ୍ଗଲ ଛାଡି ଏବେ ଜନବସତି ମୁହାଁ ହାତୀପଲ। ଜନବସତି ଅଞ୍ଚଳରେ ହାତୀପଲଙ୍କ ଉପଦ୍ରବ ଦେଖିବାକୁ ମିଳିଛି। ଚାଷ ଜମିରେ ହୋଇଥିବା ବ୍ୟାପକ ଫସଲ ନଷ୍ଟ କରିବା ସହ ଜନବସତି ଅଞ୍ଚଳରେ ଘର ଦ୍ୱାରା ଭାଙ୍ଗି ଦେଉଛନ୍ତି ଜଙ୍ଗଲୀ ହାତୀ। ଆଠଗଡ ୫୫ ନମ୍ବର ଜାତୀୟ ରାଜପଥ କୁସ୍ପଙ୍ଗି ଡିହସାହି ରାସ୍ତା ନିକଟରେ ହାତୀପଲଙ୍କୁ ଦେଖିବାକୁ ମିଳିଛି। ହାତୀକୁ ଦେଖି ରାସ୍ତାର ଉଭୟ ପାର୍ଶ୍ୱରେ ଜାନବାହାନ ଅଟକି ରହିଛି। ଖବର ପାଇ ଘଟଣା ସ୍ଥଳରେ ବନବିଭାଗ କର୍ମଚାରୀ ପହଞ୍ଚିଛନ୍ତି। ରାଜପଥ ଉପରେ ଦୁଇଟି ରେଞ୍ଜର ବନ କର୍ମଚାରୀ ହାତରେ ନିଆଁ ହୁଳା, ବାଣ, ସାଇରନ ମାରି ହାତୀପଲଙ୍କୁ ତଡିବାକୁ ଉଦ୍ୟମ ଜାରି ରଖିଛନ୍ତି। ଗୋଟିଏ ପଟେ ଡାଳିଯୋଡା ରେଞ୍ଜର କର୍ମଚାରୀ ଅନ୍ୟପଟେ ଖୁଣ୍ଟୁଣୀ ବନାଞ୍ଚଳର କର୍ମଚାରୀ ନିଜ ଅଞ୍ଚଳରୁ ହାତୀକୁ ଘଉଡାଇବାକୁ ଉଦ୍ୟମ ଚଳାଇଥିବା ଜଣାପଡିଛି।

ରାୟଗଡା: ପୁଣି ହାତୀ ଉପଦ୍ରବ। ରାୟଗଡା ଜିଲ୍ଲା ଗୁଣପୁର ବନାଞ୍ଚଳର ପଦ୍ମପୁର ସେକସନ ତରାମାଳ ଜଙ୍ଗଲ ନିକଟରେ ୬ଟିକିଆ ହାତୀ ପଲ ଦେଖିବାକୁ ମିଳିଛି। ଆଜି ଭୋରୁ ହାତୀମାନେ ୧୫ରୁ ଅଧିକ ଚାଷୀଙ୍କ ଧାନ ଜମି ନଷ୍ଟ କରିଛି। ଦୀର୍ଘ ଦିନ ହେଲା ହାତୀ ମାନେ ଏହି ଜଙ୍ଗଲରେ ଚଳପ୍ରଚଳ କରୁଛନ୍ତି। ଅନେକ ଚାଷୀଙ୍କ ଧାନ ଜମି ନଷ୍ଟ ହେଉଛି ଏଥିପାଇଁ ବନ ବିଭାଗ ହାତୀ ଘଉଡେଇବା ପାଇଁ ଏଠାକାର ଲୋକମାନେ ନିବେଦନ କରୁଛନ୍ତି। ଏପଟେ ହାତୀ ଘଉଡାଇବା ପାଇଁ ବନ ବିଭାଗର ଏକ ଟିମ ମୃତୟନ ହୋଇଥିବା ସୂଚନା ରହିଛି।

ପାକିସ୍ତାନରେ ଅଛି କୁଖ୍ୟାତ ଆତଙ୍କବାଦୀ ଜୈଶ-ଇ-ମହମ୍ମଦର ମୁଖ୍ୟ ମୌଲାନା ମସୁଦ ଅଜହର। ଏନେଇ ତାଲିବାନୀ ମୁଖପାତ୍ର ଜବିଉହ୍ଲା ମୁଜାହିଦ ସୂଚନା ଦେଇଛନ୍ତି। ତେବେ ପୂର୍ବରୁ ମୌଲାନା ମସୁଦ ଅଜହରଙ୍କୁ ଗିରଫ କରିବା ପାଇଁ ପାକିସ୍ତାନ ଆଫଗାନସ୍ତାନକୁ ଚିଠି ଲେଖିଥିବା ବେଳେ ତାଲିବାନୀ ମୁଖ୍ୟପାତ୍ର ଏଭଳି ମନ୍ତବ୍ୟ ରଖିଛନ୍ତି । ସେ ମୌଲାନା ମସୁଦ ଆଫଗାନିସ୍ତାନରେ ଥିବା ଅସ୍ୱିକାର କରିବା ସହ ସେ ପାକିସ୍ତାନରେ ରହିଥାଇ ପାରନ୍ତି ବୋଲି ସୂଚନା ଦେଇଛନ୍ତି ।

ଶ୍ରୀନଗର: ଜାମ୍ମୁ-କାଶ୍ମୀର ସୋପିଆନ ଜିଲ୍ଲାର ହେଫ ଶିର୍ମାଲ ଅଞ୍ଚଳରେ ଏନକାଉଣ୍ଟର। ବୁଧବାର ବିଳମ୍ୱିତ ରାତିରେ ସୁରକ୍ଷା କର୍ମୀ ଓ ଆତଙ୍କବାଦୀ ମଧ୍ୟରେ ଗୁଳିବିନିମୟ ହୋଇଥିଲା। ଏଥିରେ ୨ ଆତଙ୍କବାଦୀ ନିହତ ହୋଇଥିବା ପୋଲିସ ସୂଚନା ଦେଇଛି। ଏହି ଏନକାଉଣ୍ଟରରେ ଅନସାର ଗାଜୱାଟ- ଉଲହିନ୍ଦ ଏବଂ ଅଲ-କାଏଦା  ଆଫିଲିଏଟ ସଂଗଠନର ସହଯୋଗୀ ଦୁଇ ଆତଙ୍କବାଦୀଙ୍କ ମୃତ୍ୟୁ ହୋଇଛି। ତେବେ ମୃତ ଆତଙ୍କବାଦୀ ମାନେ ହେଲେ  ଆଇଜାଜ ରସୋଲ ଏବଂ ସହିଦ ଅହମ୍ମଦ ବୋଲି ସୂଚନା ମିଳିଛି। ନିର୍ଦ୍ଦିଷ୍ଟ ଖବରକୁ ଆଧାର କରି ସୁରକ୍ଷା କର୍ମୀ ନୋୱଗାମ ପୋଲିସ ଷ୍ଟେସନ ଅଞ୍ଚଳରେ ଥିବା ଡେଙ୍ଗେରପୋରାରେ ଏକ କର୍ଡନ ଏବଂ ସର୍ଚ୍ଚ ଅପରେସନ ଆରମ୍ଭ କରିଥିଲେ ବୋଲି ଜଣେ ପୋଲିସ ଅଧିକାରୀ ସୂଚନା ଦେଇଛନ୍ତି।

ଏହି ଅପରେସନ ସମୟରେ ଆତଙ୍କବାଦୀମାନେ ସୁରକ୍ଷା ବାହୀନି ଉପରକୁ ଚଳାଇଥିଲେ। ଏହାର କଡା ଜବାବରେ ସୁରକ୍ଷା ବାହିନୀ ମଧ୍ୟ ଆତଙ୍କ ବାଦୀ ଉପରକୁ ଗୁଳି ଚଳାଇଥିଲେ। ଘଟଣା ସ୍ଥଳରେ ୨ ଆତଙ୍କବାଦୀ ଟଳି ପଡିଥିଲେ।

ପୁରୀ: ପିପିଲି ବ୍ଲକ ଚନ୍ଦ୍ରଦେଇପୁର ପଂଚାୟତ ବ୍ରାହ୍ମଣ ସାହିରେ ଲାଲ ପିମ୍ପୁଡି ଆତଙ୍କ। ୩ ପରିବାର ଏବେ ପିମ୍ପୁଡ଼ି ଦାଉରୁ ରକ୍ଷା ପାଇବା ପାଇଁ ଘର ତାଲା ପକାଇ ଗାଁ ଛାଡ଼ିଲେଣି।  ଗତ ୧୫ରୁ ୨୦ ଦିନ  ହେଲାଣି ପିମ୍ପୁଡ଼ିଙ୍କ ଦୌରାତ୍ମ୍ୟ ଏତେ ବଢ଼ିଯାଇଛି ଯେ ଗାଁ ଲୋକେ ଅତିଶୟ ହୋଇ ପଡିଲେଣି। ଘର ଦ୍ବାର, ରାସ୍ତାଘାଟ ସବୁଠି ଲାଲ ପିମ୍ପୁଡ଼ି  ଦେଖିବାକୁ ମିଳୁଛି ।  ଗାଁ ଲୋକେ ବାହାରକୁ ଯିବା ବେଳେ ଗୋଡ଼ରେ ପଲିଥିନ ଜରି ବାନ୍ଧି ଯାଉଥିବା ଚିତ୍ର ଦେଖିବାକୁ ମିଳିଛି । ଏ ବାବଦରେ ଉକ୍ତ ୱାର୍ଡ ର ୱାର୍ଡ ସଭ୍ୟ ସ୍ଥାନୀୟ ସରପଞ୍ଚ ଙ୍କୁ ଅବଗତ କରିଥିବାବେଳେ ସରପଞ୍ଚ ମଧ୍ୟ ପିପିଲି ବିଡିଓଙ୍କୁ ଅବଗତ କରିଛନ୍ତି।  ସେପଟେ ପ୍ରଶାସନ ଯଦି ଯଥାଶୀଘ୍ର ପିମ୍ପୁଡ଼ି ଆତଙ୍କର ପ୍ରତିକାର ନ କରନ୍ତି , ତେବେ ଗ୍ରାମବାସୀ ଗାଁ ଛାଡ଼ିବାକୁ ବାଧ୍ୟ ହେବେ ବୋଲି କହିଛନ୍ତି।

ଶ୍ରୀଲଙ୍କା ପରେ ଏବେ ଅଫଗାନୀସ୍ଥାନରେ ଦେଖାଦେଇଛି ଭୟଙ୍କର ଆର୍ଥିକ ସଙ୍କଟ । ଅତ୍ୟାବଶକୀୟ ସାମଗ୍ରୀର ଅହେତୁକ ଦରଦାମ ବୃଦ୍ଧି ସାଙ୍ଗକୁ ଖାଦ୍ୟ ସଙ୍କଟ ସାଧାରଣ ଲୋକଙ୍କ ମେରୁଦଣ୍ଡକୁ ଦୋହଲାଇଦେଇଛି । ଦେଶ ଆର୍ଥିକ ସଙ୍କଟ ଦେଇ ଗତି କରୁଥିବା ବେଳେ ଅଧିକାଂଶ ଘରୋଇ ସଂସ୍ଥାରେ ତାଲା ଝୁଲିଲାଣି । ଲୋକେ ଚାକିରୀ ହରାଇ ଜୀବନ ସହ ସଂଘର୍ଷ କରୁଛନ୍ତି ତାଲିବାନୀ ବାସିନ୍ଦା । ଏଥିରୁ ବାଦ ପଡିନି ଗଣମାଧ୍ୟମ ସଂସ୍ଥା । ଏକ ବୈଦ୍ୟୁତିକ ଗଣମାଧ୍ୟମର ଜଣେ ନ୍ୟୁଜ ଏଙ୍କର ଏବେ ନିଜ ଗୁଜରାଣ ମେଣ୍ଟାଇବାକୁ ରାସ୍ତା କଡରେ ଖାଦ୍ୟ ବିକ୍ରୀ କରୁଥିବା ଦୃଶ୍ୟ ସାମନାକୁ ଆସିଛି । ଯାହା ଅନେକଙ୍କୁ ବିଚଳିତ କରିଛି ।

ଦିନେ ଲୋକଙ୍କ ପାଇଁ ଖବର ପରିବେଶଣ କରୁଥିଲେ । ଆଉ ଆଜି ନିଜେ ପାଲଟିଯାଇଛନ୍ତି ଚାଞ୍ଚଲ୍ୟକର ଖବର । ଭଲ କରି ଦେଖନ୍ତୁ ଏହି ଦୃଶ୍ୟକୁ । ଏ ଦୃଶ୍ୟ ହି ବୟାନ କରୁଛି ତାଲିବାନ ଶାସନରେ କିଭଳି ଭୂଷୁଡି ପଡିଛି ଆର୍ଥିକ ବ୍ୟବସ୍ଥା । ଏ ହେଉଛନ୍ତି ମୁସା ମହମ୍ମଦ । ଆଫଗାନିସ୍ତାନର ଜଣେ ବୈଦ୍ୟୁତିକ ଗଣମାଧ୍ୟମର ଜଣାଶୁଣା ସମ୍ୱାଦିକ । ଦିନ ଥିଲା ସେ ଥିଲେ ଜଣେ ନ୍ୟୁଜ ଆଙ୍କର ଦେଶର ତମାମ୍‌ ଖବର ଲୋକମାନଙ୍କ ପାଖରେ ପହଞ୍ଚାଉଥିଲେ। ହେଲେ ଆଜି ରାସ୍ତା କଡରେ ବସି ବିକ୍ରୀ କରୁଛନ୍ତି ଷ୍ଟ୍ରିଟ ଫୁଡ୍ ।

ସମଗ୍ର ଦେଶ ଆର୍ଥିକ ସଙ୍କଟ ସହ ସଂଘର୍ଷ କରୁଥିବା ବେଳେ ଏଥିରୁ ବାଦ ପଡିନାହାନ୍ତି ମୁସା ମହମ୍ମଦ । ବିଭିନ୍ନ ଟିଭି ଚ୍ୟାନଲରେ ଏଙ୍କର ଏବଂ ରିପୋର୍ଟର ଭାବରେ ବର୍ଷ ବର୍ଷ ଧରି କାମ କରିଆସୁଥିଲେ ମୁସା । ବର୍ତ୍ତମାନ ତାଙ୍କ ପରିବାର ଚଳାଇବା ପାଇଁ ତାଙ୍କ ପାଖରେ କୌଣସି ଆୟ ନାହିଁ। ଏବଂ କିଛି ଟଙ୍କା ରୋଜଗାର କରିବା ପାଇଁ ସେ ଷ୍ଟ୍ରିଟ୍ ଫୁଡ୍ ବିକ୍ରି କରୁଛନ୍ତି। ଦାରିଦ୍ର ସୀମାରେଖା ତଳେ ରହି ମହମ୍ମଦ ଏବେ ପାଲଟି ଯାଇଛନ୍ତି ରାସ୍ତା କଡର ବ୍ୟବସାୟୀ।

ମୁସା ମହମ୍ମଦ ରାସ୍ତା କଡରେ ଖାଦ୍ୟ ବିକ୍ରି କରୁଥିବାର ଫଟୋକୁ ଟ୍ୱୁଟ୍‌ କରିଥିଲେ କବୀର ହକମଲ। ସେ କହିଛନ୍ତି ଯେ, ମହମ୍ମଦ ବର୍ଷ ବର୍ଷ ଧରି ମିଡିଆ କ୍ଷେତ୍ରରେ ଏକ ଅଂଶ ଥିଲେ ହେଲେ ପରିସ୍ଥିତି ଏମିତି କରିଛି ଯେ ସେ ଏବେ ରୋଡ ସାଇଟରେ ବସି ଖାଦ୍ୟ ବିକ୍ରି କରୁଛନ୍ତି। ଦେଶ ତାଲିବାନ କ୍ଷମତାକୁ ଆସିବା ପରେ ମହମ୍ମଦ ଦାରିଦ୍ର୍ୟତା ଭିତରକୁ ଠେଲି ହୋଇ ଯାଇଛନ୍ତି। ହକମଲଙ୍କର ଏହି ଟ୍ୱୁଟ୍‌ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଟ୍ୱିଟର ୟୁଜରମାନେ ଏହି ଫଟୋରେ ଭିନ୍ନ ଭିନ୍ନ ପ୍ରତିକ୍ରିୟା ଦେବା ସହିତ ଏହି ଫଟୋକୁ ଇଣ୍ଟରନେଟରେ ରି-ପୋଷ୍ଟ କରିଛନ୍ତି।

ଏହି ଟ୍ୱୁଇଟ ଭାଇରାଲ ହେବା ପରେ ଇସ୍ଲାମିକ ଏମିରେଟ୍ ଆଫଗାନିସ୍ତାନର ଜାତୀୟ ରେଡିଓ ଓ ଟିଭିରେ ଡିଜି ତାଥା ସଂସ୍କୃତି କମିଶନର ଉପମୁଖ୍ୟ ଥିବା ଅହମଦୁଲ୍ଲାହ ୱାସିକଙ୍କ ପ୍ରତିକ୍ରୀୟା ପ୍ରକାଶ କରିଛନ୍ତି । ସେ ତାଙ୍କ ଟ୍ୱିଟର ଆକାଉଣ୍ଟରେ ଟ୍ୱନିଟ କରି ଲେଖିଛନ୍ତି ଜାତୀୟ ରୋଡିଓ ଓ ଟେଲିଭିଜନରେ ତୁରନ୍ତ ମୁସା ମହମ୍ମଦଙ୍କୁ ନିଯୁକ୍ତି ମିଳିବ. –

• ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ