uday giri

  • ଖଣ୍ଡଗିରି ଓ ଉଦୟଗିରି ରାସ୍ତାରେ ଆଉ ଗଡିବନି ଗାଡି

    () ସରକାରଙ୍କୁ ଘାରିଛି ଖଣ୍ଡଗିରି ଓ ଉଦୟଗିରି ଚିନ୍ତା l ସୁରକ୍ଷାରେ ଅବହେଳା ଯୋଗୁଁ ବଢ଼ୁଛି ବିପଦ l ଖଣ୍ଡଗିରି ଓ ଉଦୟଗିରି ରାସ୍ତାରେ ଗାଡ଼ି ଚଳାଚଳକୁ ସଂପୂର୍ଣ୍ଣ ରୂପେ ବନ୍ଦ କରିଛି ପ୍ରଶାସନ l ଏଣିକି ଏହି ରାସ୍ତାରେ ଆଉ ଗଡିବନି ଗାଡି l କେବଳ ଭାରି ଯାନ ନୁହେଁ ବରଂ ମୋଟର ସାଇକେଲର ଯାତାୟାତକୁ ମଧ୍ୟ ବାରଣ କରାଯାଇଛି l ସମଗ୍ର ଅଞ୍ଚଳ ଭାରତୀୟ ପ୍ରତ୍ନତତ୍ତ୍ଵବିତ ବିଭାଗ ଅଧୀନରେ ଥିବା ବେଳେ ବର୍ତ୍ତମାନ ଏହାକୁ ଭାରତୀୟ ପ୍ରତ୍ନତତ୍ତ୍ଵବିତ ବିଭାଗ ଦ୍ଵାରା ସଂରକ୍ଷିତ ଅଞ୍ଚଳ ଭାବେ ଘୋଷଣା କରାଯାଇଛି l

    ଖଣ୍ଡଗିରି ଓ ଉଦୟଗିରି ଉଭୟ ଓଡ଼ିଶା ଐତିହର ମୁକସାକ୍ଷୀ l ଏହି ଗୁମ୍ଫା ଗୁଡିକର ସୁରକ୍ଷା ସରକାରଙ୍କ ଦାୟିତ୍ଵ l ସରକାରଂକ ପକ୍ଷରୁ ଏହାର ସୁରକ୍ଷା ପାଇଁ ବିଭିନ୍ନ ପଦକ୍ଷେପ ଗ୍ରହଣ ମଧ୍ୟ କରାଯାଉଛି l ଚଳିତ ବର୍ଷ ଖଣ୍ଡଗିରି ମେଳା ସରିବା ପରେ ବ୍ୟାରିକେଟଗୁଡ଼ିକୁ ପୁନଃ ସ୍ଥାପିତ କରାଯାଇନଥିଲା । ଫଳରେ ସେହି ରାସ୍ତା ଦେଇ ଭାରି ଯାନ ଯାତାୟାତ ଯୋଗୁଁ ରାସ୍ତା ଖରାପ ହେବାକୁ ଲାଗିଲାଣି  l ଏସବୁକୁ ଦୃଷ୍ଟିରେ ରଖି ସରକାର ବର୍ତ୍ତମାନ ଏପରି ନିଷ୍ପତ୍ତି ନେଇ ଏଠାରେ ସମ୍ପୂର୍ଣ ରୂପେ ଯାତାୟାତ ଅଚଳ କରିଛନ୍ତି । ବିଏମସି ମଧ୍ୟ ଏଥିପାଇ ସହଯୋଗର ହାତ ବଢ଼ାଇଛି ।

    ସେପଟେ ଏହାକୁ ସ୍ବାଗତଯୋଗ୍ୟ ପଦକ୍ଷେପ ବୋଲି ମତ ରଖିଛନ୍ତି ଗବେଷକ l ଖଣ୍ଡଗିରି ପାଇଁ ଓଡ଼ିଶାର ସ୍ବତନ୍ତ୍ର ପରିଚୟ ରହିଛି । ଏହାକୁ କ୍ଷତି ପହଞ୍ଚିଲେ ସାର ଓଡ଼ିଶାର ଐତିହ୍ୟରେ ଦାଗ ଲାଗିବ । ତେଣୁ ଖଣ୍ଡଗିରି ଗୁମ୍ଫାର ସୁରକ୍ଷାକୁ ଦୃଷ୍ଟିରେ ରଖି ପ୍ରଶାସନ ଯାହା ନିଷ୍ପତ୍ତି ନେଇଛ ତାହା ସ୍ବାଗତଯୋଗ୍ୟ l ଅପରପକ୍ଷେ ସ୍ଥାନୀୟ ଲୋକ ଓ ବ୍ୟବସାୟୀ ଏହାକୁ ବିରୋଧ କରିଛନ୍ତି l ସ୍ଥାନୀୟ ଲୋକଙ୍କ ମତ ଅନୁଯାୟୀ ଏହା ପ୍ରାୟ 2 ହଜାର ବର୍ଷ ପୁରୁଣା । ଏତେ ବର୍ଷ ଧରି ଏଥିରେ କୌଣସି କ୍ଷତି ପହଂଚି ନାହିଁ ବର୍ତ୍ତମାନ ମଧ୍ୟ କୌଣସି ସମସ୍ୟା ନାହିଁ l ସରକାରଂକ ଏପରି ନିଷ୍ପତ୍ତି ଦ୍ଵାରା ଏଠାରେ ପର୍ଯ୍ୟଟକଙ୍କ ସଂଖ୍ୟା କମୁଚି ଓ ଏହି ରାସ୍ତାଟି ଆମ୍ରି ଓ ସମ୍ ହସ୍ପିଟାଲ୍ ସହ ସଂଯୋଗ ଥିବାରୁ ଏହା ବନ୍ଦ ହେବା ଦ୍ଵାରା ଅଧିକ ରାସ୍ତା ବୁଲିକି ଯିବାକୁ ପଡୁଛି  ବୋଲି ମତ ରଖିଛନ୍ତି ଲୋକେ ।

    ତେବେ ଏପରି ପରିସ୍ଥିତିରେ ଏହି ଗମନାଗମନ ବ୍ୟବସ୍ଥାକୁ ସରକାର କେତେଦିନ ପର୍ଯ୍ୟନ୍ତ ରୋକ ଲଗାଇ ପାରିବେ ତାହା ଦେଖିବା ବାକି ରହିଲା l

    ଜ୍ୟୋତି ମଞ୍ଜରୀ ସାହୁଙ୍କ ରିପୋର୍ଟ

Back to top button