World

  • ଅଗଷ୍ଟ ୧୪ ଯାଏ ଚାଲିବ ସୁପର ଗରୁଡ ସିଲ୍ଡ ସମରାଭ୍ୟାସ

    ନୂଆଦିଲ୍ଲୀ: ଚୀନ ସହ ବଢୁଥିବା ବିବାଦ ଭିତରେ ଆମେରିକା ଏବଂ ଅନ୍ୟାନ୍ୟ ଦେଶ ଏକାଠି ହୋଇ ଆରମ୍ଭ କରିଛନ୍ତି ସମରାଭ୍ୟାସ । ବୁଧବାର ଆରମ୍ଭ ହୋଇଥିବା ଏହି ସମରାଭ୍ୟାସ ଅଗଷ୍ଟ ୧୪ ଯାଏଁ ଚାଲିବ। ଏହି ସମରାଭ୍ୟାସରେ ଆମେରିକା, ଇଣ୍ଡୋନେସିଆ, ଅଷ୍ଟ୍ରେଲିଆ, ଜାପାନ୍ ଏବଂ ସିଙ୍ଗାପୁର ସମେତ ମୋଟ ୧୪ ଟି ଦେଶ ସାମିଲ ହୋଇଛନ୍ତି। ୫ ହଜାରରରୁ ଅଧିକ ସୈନିକ ଏଥିରେ ଅଂଶଗ୍ରହଣ କରିଥିବା ସୂଚନା ରହିଛି। ଆମେରିକା ଏବଂ ଇଣ୍ଡୋନେସିଆ ସୁମାତ୍ରା ଦୀପରେ ଏପରି ସମରାଭ୍ୟାସ କରି ପାରସ୍ପରିକ ସମ୍ପର୍କକୁ ଆହୁରି ମଜବୁତ କରିବାକୁ ଯୋଜାନ କରିଛନ୍ତି। ଭାରତ ପ୍ରଶାନ୍ତ ମହାସାଗରରେ ଚୀନ ବୃଦ୍ଧି ପାଉଥିବା ସାମରିକ କାର୍ଯ୍ୟକଳାପ ବିରୋଧରେ ଏହା ଏକ ବଡ ପଦକ୍ଷେପ ବୋଲି କୁହାଯାଉଛି। ତାଇୱାନର ଚାରିପାଖରେ ସମୁଦ୍ର ଏବଂ ଆକାଶରେ ଚୀନ ସାମରିକ ଅଭ୍ୟାସ କରିବାକୁ ଘୋଷଣା କରିଛି। ସେପଟେ ଚୀନ ମଧ୍ୟ ହୋଇଉଠିଛି ଆକ୍ରାମକ। ନିଜର କ୍ଷେପଣାସ୍ତ୍ର ଯୁଦ୍ଧ ବିମାନ ପଠାଇଛି। ଏହାକୁ ଦୃଷ୍ଟିରେ ରଖି ଆମେରିକା ଫିଲିପାଇନସରେ ନିଜର ଶକ୍ତିଶାଳୀ ଜାହଜ ୟୁଏସଏସ ରୋନାଲଡ ରେଗାନକୁ ମଧ୍ୟ ନିୟୋଜିତ କରିଛି। ଜାକର୍ତ୍ତାରେ ହେଉଥିବା ସମରାଭ୍ୟାସ ୨୦୦୯ ରୁ ପ୍ରଥମେ ଆରମ୍ଭ ହୋଇଥିଲା । ଏହାକୁ ଇଂରାଜୀରେ ଗରୁଡସିଲଡ୍ ବୋଲି କୁହାଯାଏ। ୨୦୦୯ ରେ ଏହା ଆରମ୍ଭ ହୋଇଥିବା ବେଳେ  ସେତେବେଳେ ୨୩ ଟି ଦେଶ ସାମିଲ ଥିଲେ । ଚଳିତ ଥର ହେଉଥିବା ଏହି ସମରାଭ୍ୟାସକୁ ସୁପର ଗରୁଡ ସିଲଡ୍ ବୋଲି କୁହାଯାଉଛି ।

    ସ୍ମରଜିତ ଆର୍ଯ୍ୟଙ୍କ ରିପୋର୍ଟ

  • ନାଟୋରେ ସାମିଲ ହେବ ଫିନଲ୍ୟାଣ୍ଡ-ସ୍ୱିଡେନ!

    ୱାସିଂଟନ: ଋଷ-ୟୁକ୍ରେନ ଯୁଦ୍ଧ ଥମିବାରେ ନା ନେଉନାହିଁ। ପୁଟିନର ଧମକ ମଧ୍ୟରେ ଆମେରିକା ସିନେଟ ଏକ ବଡ ନିଷ୍ପତ୍ତି ନେଇଛି। ଆମେରିକା ସିନେଟରେ ଉଭୟ ଶାସକ ଦଳ ଓ ବିରୋଧୀମାନେ ଫିନଲ୍ୟାଣ୍ଡ ଓ ସ୍ୱିଡେନକୁ ଉତ୍ତର ଆଟଲାଣ୍ଟିକ୍ ଚୁକ୍ତି ସଂଗଠନ (ନାଟୋ) ରେ ସାମିଲ କରିବାକୁ ସମର୍ଥନ କରିଛି।

    ବର୍ତ୍ତମାନ ନାଟୋର ସଦସ୍ୟ ଦେଶ ସଂଖ୍ୟା ୩୦ ରହିଛି। ତେବେ ଆମେରିକା ସିନେଟରେ ୯୫ ମତଦାନ ଉଭୟ ପଶ୍ଚିମ ୟୁରୋପୀୟ ଦେଶ ନାଟୋରେ ସାମିଲ ହେବା ସପକ୍ଷରେ ହୋଇଛନ୍ତି। ସିନେଟର ବହୁମତଧାରୀ ନେତା ଚକ୍ ଶୁମର ଫିଲନ୍ୟାଣ୍ଡ ଏବଂ ସ୍ୱିଡେନର କୂଟନୀତିଜ୍ଞମାନଙ୍କୁ ଚାମ୍ୱର ଗ୍ୟାଲେରୀକୁ ନିମନ୍ତ୍ରଣ କରିଥିଲେ। ଆମେରିକା ରାଷ୍ଟ୍ରପତି ଜୋ ବାଇଡେନ ଦୁଇ ଦେଶକୁ ଶୀଘ୍ର ନାଟୋରେ ସାମିଲ ହେବାପାଇଁ ଆହ୍ୱାନ ଦେଇଛନ୍ତି।

    ତଥାପି ଏଥିପାଇଁ ନାଟୋରେ ଥିବା ସମସ୍ତଙ୍କ ସଦସ୍ୟ ରାଷ୍ଟ୍ରଙ୍କ ଅନୁମୋଦନ ଆବଶ୍ୟକ । ବର୍ତ୍ତମାନ ନାଟୋରେ ୩୦ ଟି ସଦସ୍ୟ ରାଷ୍ଟ୍ର ଅଛନ୍ତି। ବିଗତ ତିନି ମାସ ମଧ୍ୟରେ, ଉତ୍ତର ୟୁରୋପୀୟ ଦୁଇ ସମୃଦ୍ଧ ଦେଶର ପ୍ରାର୍ଥିତ୍ବକୁ ଅଧାରୁ ଅଧିକ ସମର୍ଥନ କରିଛନ୍ତି। ଯୁକ୍ରେନ-ଋଷ ଆକ୍ରମଣ ମଧ୍ୟରେ ଦୁଇ ଦେଶ ମେ ମାସରେ ନାଟୋରେ ସଦସ୍ୟ ହେବା ପାଇଁ ଆବେଦନ କରିଥିଲେ।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

  • ଭାରତକୁ ରୋକିବା ପାଇଁ ଆମେରିକାର ନୂଆ ଚାଲ

    ମୁମ୍ୱାଇରେ ଥିବା ଆମେରିକାରର କନସୁଲେଟ୍ ଜେଲେରାଲ ମୁମ୍ୱାଇ ବନ୍ଦରର ପ୍ରାଧିକରଣକୁ ଏକ ଚିଠି ଲେଖିଛନ୍ତି। ଏହି ଚିଠିରେ କୁହାଯାଇଛି ଯେ, ଆମେରିକାର ପ୍ରତିବନ୍ଧ ହେତୁ ଋଷର ମାଲ ପରିବହନ ଜାହାଜକୁ ମୁମ୍ୱାଇ ଉପକୂଳକୁ ଆସିବାକୁ ଅନୁମତି ଦିଆଯିବା ଉଚିତ୍‌ ନୁହେଁ। ୟୁକ୍ରେନ-ଋଷ ଯୁଦ୍ଧ ହେତୁ ଋଷ ଉପରେ ଲାଗୁ ହୋଇଥିବା ଅର୍ଥନୈତିକ ପ୍ରତିବନ୍ଧକ କାରଣରୁ ଆମେରିକା ଭାରତକୁ ଋଷର ଅଶୋଧିତ ତେଲ କିଣିବାକୁ ମନା କରିଛି। ଏଥିରୁ ଜଣା ପଡୁଛି ଯେ, ଭାରତକୁ ରୋକିବା ପାଇଁ ଆମେରିକା ଉଦ୍ୟମ ଜାରି ରଖିଛି।

    ଦ ପିଣ୍ଟ୍ର ରିପୋର୍ଟ ଅନୁଯାୟୀ, ୟୁକ୍ରେନ-ଋଷ ଯୁଦ୍ଧ ଥମିବାର ନାଁ ଧରୁନି। ଆମେରିକା ୟୁକ୍ରେନର ସପକ୍ଷରେ ରହିଛି। ଯେଉଁଥିପାଇଁ ଆମେରିକା ଏବଂ ତାର ସହଯୋଗୀ ରାଷ୍ଟ୍ର ମିଶି ଋଷ ବିରୋଧରେ କଠୋର ଆର୍ଥିକ ପ୍ରତିବନ୍ଧକ ଲଗାଇଛନ୍ତି। ତେବେ ଏହି ସମୟ ମଧ୍ୟରେ ଭାରତ ଋଷ ସହିତ ବାଣିଜ୍ୟ କାରବାର ଜାରି ରଖିଛି। ଅଶୋଧିତ ତୈଳ ଏବଂ ଅନ୍ୟାନ୍ୟ ସାମଗ୍ରୀ ଭର୍ତ୍ତି ହୋଇଥିବା ଋଷୀୟା ଜାହାଜଗୁଡିକୁ ମୁମ୍ୱାଇ ବନ୍ଦରରେ ପ୍ରବେଶ କରିବାକୁ ଭାରତ ଅନୁମତି ଦେଇଛି। ଯେଉଁଥି ପାଇଁ ଆମେରିକା ଭାରତକୁ ପରୋକ୍ଷ ଭାବରେ ଋଷ ସହ ବାଣିଜ୍ୟ ବନ୍ଦ କରିବା ପାଇଁ ଚାଲ୍ ଚଳାଇଛି।

    ଆମେରିକାର କନସୁଲେଟର ଏହି ଚିଠି ମିଳିବା ପରେ ବନ୍ଦର ପରିବହନ ଏବଂ ଜଳପଥ ମନ୍ତ୍ରଣାଳୟ ଅଧିନରେ ଥିବା ସ୍ୱୟଂଶାସିତ ସଂସ୍ଥା ମୁମ୍ୱାଇ ବନ୍ଦର କର୍ତ୍ତୃପକ୍ଷ ସିପିଂ ନିର୍ଦ୍ଦେଶାଳୟକୁ ଏକ ଚିଠି ଲେଖି ପରବର୍ତ୍ତୀ କାର୍ଯ୍ୟାନୁଷ୍ଠାନ ସମ୍ପର୍କରେ ନିର୍ଦ୍ଦେଶ ମାଗିଛନ୍ତି।

    ମୁମ୍ୱାଇ ବନ୍ଦର ପ୍ରାଧିକରଣର ଜଣେ ଅଧିକାରୀ ନାମ ଗୋପନ ରଖିବା ସର୍ତ୍ତରେ କହିଛନ୍ତି ଯେ, ଯଦି ଆମେ ସିପିଂ କିମ୍ୱା କୋଷ୍ଟଗାର୍ଡ ନିର୍ଦ୍ଦେଶାଳୟର ଜେନେରାଲଙ୍କଠାରୁ ନିର୍ଦ୍ଦେଶ ନ ପାଇଥାଉ ତେବେ ଆମେ କୌଣସି ଯାତ୍ରୀବାହୀ ଜାହାଜ କିମ୍ୱା ମାଲ ପରିବହନ ଜାହାଜକୁ ଆସିବାକୁ ମନାକରି ପାରିବୁ ନାହିଁ। ତବେ ରେଗୁଲେଟରୀ ଅଥୋରିଟି ହୋଇଥିବାରୁ ଡିଜିଙ୍କୁ ଏ ବିଷୟରେ ନିଷ୍ପତ୍ତି ନେବାକୁ ପଡିବ ବୋଲି ଅଧିକାରୀ କହିଛନ୍ତି।

    ସେପଟେ ସିପିଂର ମହାନିର୍ଦ୍ଦେଶକ ଆମିତାଭ କୁମାର କହିଛନ୍ତି ଯେ, ଆମେ ଆମେରିକାର କନସୁଏଲଟ୍ ଜେନେରାଲଙ୍କ ଚିଠିକୁ ବୈଦେଶିକ ବ୍ୟାପାର ମନ୍ତ୍ରଣାଳକୁ ପଠାଇଛୁ ଏବଂ ଏ ସମ୍ପର୍କରେ ନିର୍ଦ୍ଦେଶ ଲୋଡିଛୁ। 

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

  • ୨୦୨୩ ରେ ବିଶ୍ୱର ଜନବହୁଳ ଦେଶ ହେବ ଭାରତ

    ଆଜି ବିଶ୍ୱ ଜନସଂଖ୍ୟା ଦିବସ। ତେବେ ଆଜିର ଦିନରେ ଜାତିସଂଘର ଚମକାଇଦେଲା ଭଳି ରିପୋର୍ଟ ପ୍ରକାଶ କରିଛି। ଜାତିସଂଘର ରିପୋର୍ଟ ଅନୁଯାୟୀ ଜନସଂଖ୍ୟାରେ ଭାରତ ଚୀନକୁ ଟପିଯିବ। ଯାହା ଅତ୍ୟନ୍ତ ଚିନ୍ତାର ବିଷୟ। ୨୦୨୩ ରେ ବିଶ୍ୱର ଜନବହୁଳ ଦେଶ ହେବ ଭାରତ। ତେବେ ଭାରତର ଜନସଂଖ୍ୟାକୁ ନେଇ ୟୁଏନ୍‌ ଦେଇଥିବା ରିପୋର୍ଟ ଉପରେ ପକାଇବା ନଜର।

    ଜୁଲାଇ ୧୧ ତାରିଖକୁ ବିଶ୍ୱ ଜନସଂଖ୍ୟା ଦିବସ ରୂପେ ପାଳନ କରାଯାଏ।

    ୨୦୧୧ ମସିହାରେ ଶେଷଥର ପାଇଁ ଭାରତରେ ଜନସଂଖ୍ୟା ଗଣନା କରାଯାଇଥିଲା। ତେବେ ବିଶ୍ୱ ଜନସଂଖ୍ୟା ଦିବସରେ ଜାତିସଂଘର ରିପୋର୍ଟ ପ୍ରକାଶ ପାଇଛି। ତେବେ ଆସନ୍ତା ବର୍ଷ ଅର୍ଥାତ୍‌ ୨୦୨୩ ସୁଦ୍ଧା  ବିଶ୍ୱର ଜନସଂଖ୍ୟା ୮ ଆରବରେ ପହଞ୍ଚିବା ଆଶଙ୍କା। ବିଶ୍ବରେ ପ୍ରତି ମିନିଟରେ ୨୭୦ ଶିଶୁ ଜନ୍ମ ନେଉଛିନ୍ତି। ୧୯ ଶତାଦ୍ଧିରେ ବିଶ୍ୱ ଜନସଂଖ୍ୟା ୮ ଆରବ ହେବାକୁ ଯାଉଛି। ୧ରୁ ୨ ଆରବରେ ଜନସଂଖ୍ୟା ପହଞ୍ଚିବା ପାଇଁ ୧୨୩ ବର୍ଷ ଲାଗିଥିଲା ସେହିପରି ୬ ରୁ ୭ ଆରବ ପହଞ୍ଚିବା ପାଇଁ କେବଳ ୧୨ ବର୍ଷ ସମୟ ଲାଗିଥିଲା । ଏଭଳି ଦ୍ରୁତ ଗତିରେ ଜନସଂଖ୍ୟା ବୃଦ୍ଧି ପାଇଛି।

    ସେହିପରି ମିଳିତ ଜାତିସଂଘର ଅର୍ଥନୈତିକ ଏବଂ ସାମାଜିକ ବ୍ୟାପାର ର ଜନସଂଖ୍ୟା ବିଭାଗ କହିଛି ଯେ ଗ୍ଲୋବାଲ ପପୁଲେସନ ୨୦୩୦ ନଭେମ୍ୱର ସୁଦ୍ଧା ୮୫୦ କୋଟି କୁ ବୃଦ୍ଧି ପାଇବ।  ୨୦୫୦ ସୁଦ୍ଧା ଜନସଂଖ୍ୟା ୯୭୦କୋଟି ହେବ। ତେବେ ୨ୟ ବିଶ୍ୱଯୁଦ୍ଧ ପରେ ବିଶ୍ୱର ଜନସଂଖ୍ୟା ୨୦୮୦ ମସିହାରେ ୧୦.୪ ବିଲିୟନରେ ପିକ୍‌ ଛୁଇଁବ ଏବଂ ୨୧୦୦ ମସିହା ପର୍ଯ୍ୟନ୍ତ  ଏହି ସମାନ ସ୍ତର ରହିବ ବୋଲି ଆକଳନ କରିଛି ଜାତିସଂଘ। ତେବେ ଜାତିସଂଘ ଦ୍ୱାରା ପ୍ରକାଶିତ କିଛି ମୁଖ୍ୟ ତଥ୍ୟ ଉପରେ ନଜର ପକାଇବା

    ଜାତିସଂଘ ରିପୋର୍ଟ ଅନୁଯାୟୀ  ୨୦୨୨ରେ ଭାରତର ଜନସଂଖ୍ୟା  ୧୪୧.୨ କୋଟି ଥିବା ବେଳେ ଚୀନର ଜନସଂଖ୍ୟା ୧୪୨.୬ କୋଟି ରହିଛି। ତେବେ ୨୦୨୩ ସୁଦ୍ଧା ଭାରତର ଜନସଂଖ୍ୟା ଚୀନକୁ ଟପିବ ଯିବ । ଏହାସହ ୨୦୫୦ ସୁଦ୍ଧା ଭାରତ ସମେତ ଆଉ ୮ ଟି ଦେଶ  ଜନସଂଖ୍ୟା ବିଶ୍ୱର ବର୍ଦ୍ଧିତ ଜନସଂଖ୍ୟାର  ଅର୍ଦ୍ଧାଧିକ ହେବ।

    ବିଶ୍ୱ ଜନସଂଖ୍ୟା ଦିବସ ଜନସଂଖ୍ୟା ସହ ଜଡିତ ସମସ୍ତ ସମସ୍ୟାକୁ ଦୂର କରିବା  ଏବଂ ସଚେତନତା ସୃଷ୍ଟି କରିବା ପାଇଁ ପାଳନ କରାଯାଏ।  ପ୍ରସବ ଜନତ ସମସ୍ୟା, ସ୍ୱାସ୍ଥ୍ୟ, ଦାରିଦ୍ର, ପରିବାର ଯୋଜନା ଏବଂ ଲିଙ୍ଗଗତ ସମାନତା ଉପରେ ପ୍ରାଧାନ୍ୟ ଦିଆଯାଏ।

  • ବିଶ୍ୱର ୭୦ ପ୍ରତିଶତ ପୁଷ୍ଟିକର ଖାଦ୍ୟରୁ ବଞ୍ଚିତ

    ନୂଆଦିଲ୍ଲୀ: ଭାରତର ୭୦ ପ୍ରତିଶତ ଲୋକ ପାଉନହାଁନ୍ତି ସ୍ବାସ୍ଥ୍ୟକର ଖାଦ୍ୟ । ଏହାର ଅର୍ଥ ହେଉଚି ଦେଶର ୯୭ କୋଟି ରୁ ଅଧିକ ଲୋକଙ୍କୁ ଭଲ ଖାଦ୍ୟ ମିଳୁ ନାହିଁ । ବିଶ୍ବର ପ୍ରତି ୧୦ ପୁଷ୍ଟିହୀନଙ୍କ  ଭିତରୁ ୩ ଜଣ ହେଉଛନ୍ତି ଭାରତୀୟ । ମିଳିତ ଜାତିସଂଙ୍ଘର ରିପୋର୍ଟ ଅନୁଯାୟୀ ଭାରତରେ ୨୨ କୋଟିରୁ ଅଧିକ ଲୋକ ପୁଷ୍ଟିହୀନତାର ଶିକାର ଅଟନ୍ତି ।

     ଚୀନର ଜନସଙ୍ଖ୍ୟା ଭାରତ ତୁଳାନାରେ ଅଧିକ ହୋଇଥିଲେ ବି ସେଠାରେ ଅସ୍ବାସ୍ଥ୍ୟକର ଖାଦ୍ୟ ଗ୍ରହଣ କରିବା ଲୋକଙ୍କ ସଙ୍ଖ୍ୟା ଭାରତୀୟଙ୍କ ତୁଳନାରେ ୫ ଗୁଣା କମ୍ ରହିଛି । ବିଶ୍ବର ସର୍ବାଧିକ ଗହମ ଓ ଚାଉଳ ଉତ୍ପାଦନରେ ଭାରତ ଦ୍ବିତୀୟ ସ୍ଥାନରେ  ରହିଛି । କିନ୍ତୁ ଭାରତରେ ୭୦ ପ୍ରତିଶତରୁ ଅଧିକ ଲୋକ ପୁଷ୍ଟିକର ଖାଦ୍ୟ ପାଇବାରୁ ଅକ୍ଷମ ଥିବା ମିଳିତ ଜାତିସଙ୍ଘର ଖାଦ୍ୟ ସୁରକ୍ଷା ଓ ପୁଷ୍ଟିକର ଖାଦ୍ୟ ୨୦୨୨ ରିପୋର୍ଟରେ ଏହି ସୂଚନା ଦିଆଯାଇଛି ।

     ରିପୋର୍ଟ ଅନୁଯାୟୀ ୨୦୨୦ ସୁଦ୍ଧା ବିଶ୍ବରେ ୩୦୭.୪୨ କୋଟି ଅର୍ଥାତ୍ ବିଶ୍ବର ୪୨ ପ୍ରତିଶତ ଲୋକ ପୁଷ୍ଟିକର ଖାଦ୍ୟ ପାଇବାରୁ ବଞ୍ଚିତ ହୋଇ ରହିଛନ୍ତି। ଏହି ରିପୋର୍ଟରେ କୁହାଯାଇଛି କି, ଜଣେ ବ୍ୟକ୍ତି ପ୍ରତିଦିନ ପୁଷ୍ଟିକର ଖାଦ୍ୟ ଖାଇବା ପାଇଁ ତାକୁ ୨୩୫ ଟଙ୍କା ଖର୍ଚ୍ଚକରିବାକୁ ପଡିଥାଏ। ଭାରତର ସ୍ଥିତିରେ ସୁଧାର ଆସିଥିଲା କିନ୍ତୁ କରୋନା ମହାମାରୀ ପାଇଁ  ଏହା ବାଧିତ ହୋଇଥିଲା। ୨୦୧୭ ରେ ୭୫ ପ୍ରତିଶତ ଭାରତୀୟ ପୁଷ୍ଟିକର ଖାଦ୍ୟ ଗ୍ରହଣ କରୁନଥିଲେ । ୨୦୧୮ ରେ ଏହି ସଙ୍ଖ୍ୟା ୭୧.୫ କୁ ଓ ୨୦୧୯ ରେ ୬୯.୪ କୁ ଖସି ଆସିଛି କିନ୍ତୁ ୨୦୨୨ ରେ ଏହି ସଙ୍ଖ୍ୟା ପୁଣି ୭୦ ପ୍ରତିଶତକୁ ବୃଦ୍ଧି ପାଇଛି । କରୋନ ପାଇଁ ପାଖାପାଖି ୨ ବର୍ଷରୁ ଉର୍ଦ୍ଧ୍ୱ ସମୟ ସାମାଜିକ ବ୍ୟବସ୍ଥା ସମ୍ପୂର୍ଣ୍ଣ ରୂପେ ବାଧାପ୍ରାପ୍ତ ହୋଇଛି। ତେବେ ଏହି ସ୍ଥିତିରେ ସୁଧାର ଆସିବା ପାଇଁ କିଛି ସମୟ ଲାଗିବ ।

     ସ୍ମରଜିତ୍ ଆର୍ଯ୍ୟ ଙ୍କ ରିପୋର୍ଟ ନକ୍ଷତ୍ର ନ୍ୟୁଜ  

  • ସାଧାରଣ ଲୋକଙ୍କ ତୁଳନାରେ ନେତାଙ୍କ ଆୟୁଷ ଅଧିକ: ଗବେଷଣା

    ଦୁନିଆରେ ପ୍ରଭାବିତ କରୁଥିବା ନେତାଙ୍କୁ ନେଇ ଆସିଛି ନୂଆ ଏକ ତଥ୍ୟ। ଅନୁସନ୍ଧାନରୁ ଜଣା ପଡିଛି କି, ସାଧାରଣ ଜନତାଙ୍କ ତୁଳନାରେ ନେତାମାନେ ସବୁଠାରୁ ଅଧିକ ବର୍ଷ ବଞ୍ଚିଥାନ୍ତି।  ବୈଜ୍ଞାନିକଙ୍କ ଦ୍ବାରା ହୋଇଥିବା ଏକ ଗବେଷଣାରୁ ଏହି ତଥ୍ୟ ସାମ୍ନାକୁ ଆସିଛି।

    ଗବେଷଣାରୁ ଜଣାପଡିଛି, ସମୟ ସହ କୁଳୀନ ଓ ସାଧାରଣ ବର୍ଗ ଲୋକଙ୍କ  ମଧ୍ୟରେ ବିରାଟ ଅସମାନତା ପଦାକୁ ଆସିଛି। ଉନବିଂଶ ଶତାବ୍ଦୀ ଓ ବିଂଶ ଶତାବ୍ଦୀର ପ୍ରାରମ୍ଭରେ  ଅଧିକାଂଶ ଦେଶର ନେତାଙ୍କ ମୃତ୍ୟୁ ସାଧାରଣ ଲୋକଙ୍କ ମୃତ୍ୟୁ କାଳ ମଧ୍ୟରେ ହୋଇଥାଏ। କିନ୍ତୁ ବିଂଶ ଶତାବ୍ଦୀ ସମୟରେ ମୃତ୍ୟୁର ବୟସ ମଧ୍ୟରେ ଅନ୍ତର ସମସ୍ତ ଦେଶଗୁଡିକ ମଧ୍ୟରେ ବ୍ୟାପକ ରୂପେ ବଢିଛି।

    ଏହି ଗବେଷଣା ବିଶ୍ବର ୫୭,୫୦୦ରୁ ଅଧିକ ନେତାଙ୍କୁ ନେଇ ଅକ୍ସଫୋର୍ଡ ୟୁନିଭର୍ସିଟି ଦ୍ବାରା ହୋଇଥିଲା ଓ ଏଥିରେ କୁହାଯାଇଥିଲା କି,  ଅଷ୍ଟ୍ରେଲିଆ, ଅଷ୍ଟ୍ରିଆ, କାନାଡା, ଫ୍ରାନ୍ସ, ଜର୍ମାନ, ଇଟାଲୀ, ନେଦରଲ୍ୟାଣ୍ଡ, ନ୍ୟୁଜିଲ୍ୟାଣ୍ଡ, ସ୍ବିଜରଲ୍ୟାଣ୍ଡ, ୟୁକେ ଓ ଆମେରିକା ସହ ୧୧ ଦେଶର ନେତାଙ୍କୁ ଏହି ଅନୁସନ୍ଧାନରେ ସାମିଲ କରାଯାଇଥିଲା। ଅନୁସନ୍ଧାନକାରୀ ଅନୁସନ୍ଧାନରୁ ଜାଣିବାକୁ ପାଇଥିଲେ କି, ୧୮୧୬ରୁ ୨୦୧୭ ମଧ୍ୟରେ ସମସ୍ତ ଦେଶର ରାଜନେତାମାନଙ୍କ ରେକର୍ଡର ବିଶ୍ଲେଷଣ କରାଯାଇଥିଲା।

    ଏହି ନେତାମାନଙ୍କ ମଧ୍ୟରେ ୩ ପ୍ରତିଶତରୁ ୨୧ ପ୍ରତିଶତ ମହିଳା ନେତା ଥିଲେ।ଏଥିରୁ ଜଣାପଡିଥିଲା କି, ମହିଳାମାନେ ପୁରୁଷଙ୍କ ତୁଳନାରେ ଅଧିକ କାଳ ବଞ୍ଚିଛନ୍ତି। ସ୍ବିଜରଲ୍ୟାଣ୍ଡର ସାଧାରଣ ନାଗରିକ ଓ ନେତାଙ୍କ ମଧ୍ୟରେ ଜୀବନକୁ ନେଇ ପ୍ରତ୍ୟାଶା ୩ ବର୍ଷ ଅନ୍ତର ରହିଛି ଓ ଆମେରିକାରେ ଏହି ଅନ୍ତର ୭ ବର୍ଷ ରହିଛି।

Back to top button