ଜଗତସିଂପୁର: ଜମିବାଡ଼ି ବିବାଦକୁ କେନ୍ଦ୍ରକରି ଯୁବକଙ୍କୁ ମରଣାନ୍ତକ ଆକ୍ରମଣ। ଘଟଣାଟି ଘଟିଛି କୁଜଙ୍ଗ ବ୍ଲକ ମଙ୍ଗରାଜପୁର ପଂଚାୟତ ହସିଣା ଗ୍ରାମରେ। ସୂଚନା ମୁତାବକ ସକାଳ ପ୍ରାୟ 9 ଟା ସମୟରେ କାହ୍ନୁ ଚନ୍ଦ୍ର ସେନାପତିଙ୍କୁ ତାଙ୍କରୁ ସମର୍କୀୟ ମାନେ ଲୁହା ରଡ଼ରେ ଆକ୍ରମଣ କରିବା ସହିତ ତାଙ୍କ ପରିବାର ସଦସ୍ୟ ମାନଙ୍କୁ ଜୀବନରୁ ମାରିଦେବାକୁ ଧମକ ଦେଇଥିଲେ। ପରେ ଆହତ କାହ୍ନୁଙ୍କୁ ପ୍ରଥମେ କୁଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକତ୍ସା ଭର୍ତ୍ତି କରାଯାଇଥିଲା। ପରେ ତାଙ୍କ ଅବସ୍ଥା ଗୁରୁତ୍ତର ହେବାରୁ ତାଙ୍କୁ କଟକ ମେଡିକାଲ ସ୍ଥାନାନ୍ତର କରାଯାଇଛି। ଅନ୍ୟପଟେ ଘଟଣାକୁ ନେଇ କୁଜଙ୍ଗ ଥାନାର ଅଭିଯୋଗ କରିଛନ୍ତି କାହ୍ନୁଙ୍କ ସ୍ତ୍ରୀ। ଅଭିଯୋଗ ପାଇବା ପରେ ଘଟଣାର ତଦନ୍ତ ଆରମ୍ଭ କରିଛି କୁଜଙ୍ଗ ପୋଲିସ।
