ଗଞ୍ଜାମ: ଶିକ୍ଷକ ଅଭାବରୁ ସ୍କୁଲରେ ପାଠ ପଢା ହୋଇନାହିଁ। ପିଲାଙ୍କ ଭବିଷ୍ୟତ ଅନ୍ଧାକାରକୁ ଠେଲି ହୋଇ ଯାଉଛି। ଏଭଳି ଦୃଶ୍ୟ ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ବୁଗୁଡା ସହରରେ ଥିବା ଶ୍ରୀ ଶ୍ରୀ ବିରଞ୍ଚିନାରାୟଣ ସରକାରୀ ବାଳିକା ଉଚ୍ଚ ବିଦ୍ୟାଳୟରେ। ଆଉମାତ୍ର ଦିନ କେଇଟା ପରେ ସ୍କୁଲ ପିଲାଙ୍କ ଅର୍ଦ୍ଦବାର୍ଷିକ ପରୀକ୍ଷା ହେବାକୁ ଥିବା ବେଳେ ପିଲାଙ୍କର ତିନୋଟି ବହିର ପାଠପଢା ହୋଇନାହିଁ। ଗଣିତ, ହିନ୍ଦି, ସସ୍କୁତ ୩ଟି ବିଷୟର ଶିକ୍ଷକ ନଥିବା ଯୋଗୁଁ ପାଠପଢା ହୋଇପାରିନାହିଁ। ଯାହାଫଳରେ ପିଲାମାନେ ଏହି ବିଷୟରେ ମୁଲ୍ୟାଙ୍କନ ହାର ବହୁତ କମ ଆସିବାର ଆଶଙ୍କା କରାଯାଉଛି। ତେବେ ବିଦ୍ୟାଳୟରେ ଶିକ୍ଷକ ନିଯୁକ୍ତି କରିବା ପାଇଁ ପ୍ରଧାନଶିକ୍ଷୟତ୍ରୀ ଓ ଛାତ୍ରୀମାନେ ସରକାରଙ୍କୁ ଅନୁରୋଧ କରିଛନ୍ତି।
