କଂଗ୍ରେସ ବିଧାୟକ ପ୍ରଦୀପ ଯାଦବଙ୍କ ଘର ସମେତ ୧୨ ସ୍ଥାନରେ ଇଡ଼ିର ଚଢ଼ଉ

Shila Ray31/05/202331/05/2023

ରାଞ୍ଚି : ପ୍ରବର୍ତନ ନିର୍ଦ୍ଦେଶାଳୟ (ଇଡି)ର ଟିମ୍ କଂଗ୍ରେସର ପୋରୈୟାହାଟ ବିଧାୟକ ପ୍ରଦୀପ ଯାଦବଙ୍କ ଘର ସମେତ ରାଂଚିରେ ୧୨ ସ୍ଥାନରେ ଚଢ଼ଉ କରିଛି । ମଙ୍ଗଳବାର ଏସବୁ ସ୍ଥାନରେ ଏକକାଳୀନ ଏହି ଚଢ଼ଉ କରାଯାଇଛି ।

ଉଲ୍ଲେଖଯୋଗ୍ୟ, ଗତ ବର୍ଷ ନଭେମ୍ବର ୪ ତାରିଖରେ ଆୟକର ବିଭାଗ କଂଗ୍ରେସ ବିଧାୟକ ପ୍ରଦୀପ ଯାଦବ ଏବଂ ଅନୁପ ସିଂହଙ୍କ ଘରେ ଏକକକାଳୀନ ଚଢ଼ଉ କରିଥିଲା । ସେହି ସମୟରେ ଆୟକର ବିଭାଗ ଅନୁପ ସିଂହ ଓ ପ୍ରଦୀପ ଯାଦବଙ୍କ କିଛି ନିକଟ ସମ୍ପର୍କିୟଙ୍କ ଘର ମଧ୍ୟ ସର୍ଚ୍ଚ କରିଥିଲେ । ବିଧାୟକ ପ୍ରଦୀପ ଯାଦବଙ୍କ ଘରେ ଆୟକର ବିଭାଗର ଚଢ଼ଉ ସମୟରେ କେତେକ ଦସ୍ତାବିଜ୍ ଜବତ ହୋଇଥିଲା । ଏହି ଦସ୍ତାବିଜ୍ ଗୁଡିକର ଯାଂଚ୍ ପରେ ଆୟକର ବିଭାଗ ଏହି ମାମଲା ଗୁଡିକର ତଦନ୍ତ ପାଇଁ କେସ୍ କୁ ଇଡିକୁ ହସ୍ତାନ୍ତର କରିଥିଲା । ସେହି ମାମଲାକୁ ଆଧାର କରି ଇଡି ଏହାର ତଦନ୍ତ କରୁଛି ।