ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଶ୍ରୀଲଙ୍କା ରାଷ୍ଟ୍ରପତି ରାନିଲ ୱିକ୍ରେମିସିଂହଙ୍କ ସହ ନୂଆଦିଲ୍ଲୀରେ ବିଭିନ୍ନ ଦ୍ୱିପାକ୍ଷିକ ପ୍ରସଙ୍ଗ ଉପରେ ଆଲୋଚନା କରିଛନ୍ତି ।
ବୈଠକ ପରେ ମିଳିତ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ, ଗତ ଏକ ବର୍ଷ ଶ୍ରୀଲଙ୍କା ପାଇଁ ଚ୍ୟାଲେଞ୍ଜରେ ପରିପୂର୍ଣ୍ଣ ଥିଲା । ଏବଂ ଭାରତ ଜଣେ ଘନିଷ୍ଠ ବନ୍ଧୁଙ୍କ ସଙ୍କଟ ସମୟରେ ମଧ୍ୟ ଶ୍ରୀଲଙ୍କା ସହ କାନ୍ଧରେ କାନ୍ଧ ମିଶାଇ ଠିଆ ହୋଇଥିଲ। ।
ଭାରତର ପଡ଼ୋଶୀ ପ୍ରଥମ ନୀତି ଏବଂ ସାଗର ଦୃଷ୍ଟିକୋଣରେ ଶ୍ରୀଲଙ୍କାର ଏକ ଗୁରୁତ୍ୱପୂର୍ଣ୍ଣ ସ୍ଥାନ ରହିଛି । ସେ କହିଛନ୍ତି, ଉଭୟ ଭାରତ ଏବଂ ଶ୍ରୀଲଙ୍କା ଆଜି ଦ୍ୱିପାକ୍ଷିକ, ଆଞ୍ଚଳିକ ଏବଂ ଆନ୍ତର୍ଜାତୀୟ ପ୍ରସଙ୍ଗରେ ସମାନ ମତ ରଖିଛନ୍ତି ଏବଂ ବିଶ୍ୱାସ କରନ୍ତି ଯେ ଭାରତ ଏବଂ ଶ୍ରୀଲଙ୍କାର ସୁରକ୍ଷା ଏବଂ ବିକାଶ ଏକତ୍ରିତ ହୋଇଛି ।
ମୋଦୀ ଏହା ମଧ୍ୟ ସୂଚନା ଦେଇଛନ୍ତି ଯେ, ଭାରତ ଏବଂ ଶ୍ରୀଲଙ୍କା ଆମର ଅର୍ଥନୈତିକ ଭାଗିଦାରୀ ପାଇଁ ଏକ ଭିଜନ ଡକ୍ୟୁମେଣ୍ଟ ଗ୍ରହଣ କରିଛନ୍ତି ଏବଂ ଉଭୟ ଦେଶର ଲୋକଙ୍କ ମଧ୍ୟରେ ସାମୁଦ୍ରିକ, ବାୟୁ, ଶକ୍ତି ଏବଂ ଲୋକମାନଙ୍କ ମଧ୍ୟରେ ଯୋଗାଯୋଗକୁ ମଜବୁତ କରିବା ପାଇଁ ଏହା ହେଉଛି ଦୂରଦୃଷ୍ଟି । ପର୍ଯ୍ୟଟନ, ଶକ୍ତି, ବାଣିଜ୍ୟ, ଉଚ୍ଚଶିକ୍ଷା ଏବଂ ଦକ୍ଷତା ବିକାଶରେ ପାରସ୍ପରିକ ସହଯୋଗକୁ ତ୍ୱରାନ୍ୱିତ କରିବା ଦରକାର ।
ପ୍ରଧାନମନ୍ତ୍ରୀ ମୋଦୀ ଆଶା ପ୍ରକଟ କରିଛନ୍ତି ଯେ, ଶ୍ରୀଲଙ୍କା ସରକାର ତାମିଲଙ୍କ ଆକାଂକ୍ଷା ପୂରଣ କରିବା ସହ ସମାନତା, ନ୍ୟାୟ ଏବଂ ଶାନ୍ତି ପାଇଁ ପୁନଃନିର୍ମାଣ ପ୍ରକ୍ରିୟାକୁ ଆଗେଇ ନେବେ । ଦୁଇ ଦିନିଆ ଭାରତ ଗସ୍ତରେ ଶ୍ରୀ ୱିକେରେମିସିଂହ ଗତକାଲି ନୂଆଦିଲ୍ଲୀରେ ପହଞ୍ଚିଥିଲେ । ଭାରତ ଏବଂ ଶ୍ରୀଲଙ୍କା ଚଳିତ ବର୍ଷ କୂଟନୈତିକ ସମ୍ପର୍କ ଗଠନର ୭୫ତମ ବାର୍ଷିକୀ ପାଳନ କରୁଥିବା ବେଳେ ଶ୍ରୀଲଙ୍କା ରାଷ୍ଟ୍ରପତି ରାନିଲ ୱିକ୍ରେମେସିଂହଙ୍କ ଗସ୍ତ ଚାଲିଛି ।
