ଭାରତରେ ମଙ୍କିପକ୍ସ ମାମଲା ସାମ୍ନାକୁ ଆସିବା ପରେ ଲୋକଙ୍କ ଭୟ ବଢିବାରେ ଲାଗିଛି। ଅନ୍ୟପକ୍ଷରେ ଏମ୍ସର କମ୍ୟୁନିଟି ମେଡିସିନ୍ ପ୍ରଫେସର ଡାକ୍ତର ସଞ୍ଜୟ ରାୟ କହିଛନ୍ତି ଯେ ଲୋକମାନେ ଭୟଭୀତ ହେବାର ଆବଶ୍ୟକତା ନାହିଁ। ମଙ୍କିପକ୍ସ ରୋଗ ଯନ୍ତ୍ରଣାଦାୟକ। କିନ୍ତୁ ଏହା କରୋନା ଭଳି ଦ୍ରୁତଗତିରେ ବ୍ୟାପୁଥିବା ରୋଗ ନୁହେଁ। ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲୁଏଚଓ) ଏହାକୁ ବିଶ୍ୱ ସ୍ତରୀୟ ଜରୁରୀକାଳୀନ ଘୋଷଣା କରିଛି। ତଥାପି କରୋନା ଭଳି ମଙ୍କିପକ୍ସ ସଂକ୍ରମଣ ବଢିବାର ଆଶଙ୍କା ନାହିଁ, କିନ୍ତୁ ସତର୍କତା ଜରୁରୀ। ଏହା ଏକ ୫୦ ବର୍ଷ ପୁରୁଣା ରୋଗ ବୋଲି ସେ କହିଛନ୍ତି। ଯଦିଓ ଏହା ଡ୍ରପଲେଟ୍ ମାଧ୍ୟମରେ ମଧ୍ୟ ବ୍ୟାପିପାରେ, କିନ୍ତୁ ଅଧିକାଂଶ କ୍ଷେତ୍ରରେ ଏହି ରୋଗ ଘନିଷ୍ଠ ସଂସ୍ପର୍ଶରେ ଆସିବା ଦ୍ୱାରା ହୋଇଥାଏ । ତେଣୁ ରୋଗୀଙ୍କୁ ପରିବାରର ଅନ୍ୟ ସଦସ୍ୟଙ୍କଠାରୁ ଅଲଗା କୋଠରୀରେ ରଖିଲେ ଏହି ରୋଗରୁ ରକ୍ଷା ପାଇବା ସହଜ ହୋଇଥାଏ। ଚର୍ମ ଫାଟିବା ଭଲ ହେବା ପରେ କ୍ଷତର ଚର୍ମ ଶୁଖିଯିବା ପର୍ଯ୍ୟନ୍ତ ରୋଗୀ ଆଇସୋଲେସନରେ ରହିବା ଉଚିତ୍। ଲକ୍ଷଣ ଆଧାରରେ ରୋଗୀଙ୍କୁ ଚିକିତ୍ସା କରାଯାଏ । ଅନ୍ୟ ଜୀବାଣୁ ସଂକ୍ରମଣକୁ ରୋକିବା ପାଇଁ ଆବଶ୍ୟକ ସ୍ଥଳେ ରୋଗୀଙ୍କୁ ଆଣ୍ଟିବାୟୋଟିକ ଦିଆଯାଏ।
Naxatra News is now on Whatsapp
Join and get latest news update delivered to you via whatsapp
Join Now
