ସଲମାନ ଖାନ ଓ ତାଙ୍କ ପିତା ସଲିମ ଖାନ ଙ୍କୁ ହତ୍ୟା ଧମକ ମିଳିବା ପରେ ମହାରାଷ୍ଟ୍ର ଗୃହ ବିଭାଗ ଅଭିନେତା ସଲମାନ ଖାନଙ୍କ ସୁରକ୍ଷାକୁ ମଜବୁତ କରିଛି l ରବିବାର ଦିନ ବାନ୍ଦ୍ରା ବ୍ୟାଣ୍ଡଷ୍ଟାଣ୍ଡ ନିକଟରେ ସଲିମ ଖାନଙ୍କୁ ଏକ ଅଜ୍ଞାତ ଧମକ ପତ୍ର ମିଳିବା ପରେ ବାନ୍ଦ୍ରା ପୋଲିସ ଏକ ମାମଲା ରୁଜୁ କରିଥିଲା। ପୋଲିସ କହିଛି ଏହି ଚିଠିକୁ ସଲିମ ଖାନଙ୍କ ସୁରକ୍ଷା କର୍ମୀମାନେ ଏକ ବେଞ୍ଚରେ ପାଇଛନ୍ତି। ପୋଲିସର ସୂଚନାନୁସାରେ, ଏହି ଚିଠିରେ ଉଭୟ ସଲମାନ ଏବଂ ସଲିମ ଖାନଙ୍କ ପାଇଁ ହତ୍ୟା ଧମକ ରହିଛି। ବ୍ୟାଣ୍ଡଷ୍ଟାଣ୍ଡ ଅଞ୍ଚଳରେ ଥିବା ସିସିଟିଭି ଫୁଟେଜକୁ ମଧ୍ୟ ପୋଲିସ ଯାଞ୍ଚ କରିବା ସହ ସ୍ଥାନୀୟ ଲୋକଙ୍କୁ ମଧ୍ୟ ପଚରାଉଚରା କରିଛି।