“କାନ୍ସ ଫିଲ୍ମ ଫେଷ୍ଟିଭାଲ୍ 2023” ଆରମ୍ଭ ହୋଇଛି । ଏଥିରେ ରେଡ କାର୍ପେଟରେ ଅନେକ କଳାକାର ନଜର ଆସିଥିଲେ । ଐଶ୍ୱର୍ୟା ରାୟ ବଚ୍ଚନ ମଧ୍ୟ କାନ୍ସ ରେଡ କାର୍ପେଟରେ ପହଞ୍ଚିଥିଲେ। ତାଙ୍କ ଲୁକକୁ ନେଇ ପ୍ରଶଂସକମାନେ ବହୁତ ଆଗ୍ରହୀ ଥିଲେ ଏବଂ ଐଶ୍ୱର୍ୟା ରେଡ କାର୍ପେଟରେ ପ୍ରବେଶ କଲା ପରେ , ପ୍ରଶଂସକମାନଙ୍କ ହୋସ ଉଡ଼ି ଯାଇଥିଲେ । କାରଣ ଐଶ୍ୱର୍ୟାଙ୍କ ଏହି ଲୁକ୍କୁ ନେଟେନିଜେନ୍ସ ଏବଂ ପ୍ରଶଂସକମାନେ ହଜମ କରିପାରିନଥିଲେ।
ଚଳିତ ବର୍ଷ କାନ୍ସ ଫିଲ୍ମ ଫେଷ୍ଟିଭାଲରେ ଭାରତର ବହୁ ସେଲିବ୍ରିଟି ଯୋଗ ଦେଉଛନ୍ତି। ରେଡ୍ କାର୍ପେଟରେ ଇଶା ଗୁପ୍ତା, ସାରା ଅଲି ଖାନ, ମୃନାଲ ଠାକୁର, ମାନୁଶି ଛିଲାର, ଉର୍ବଶୀ ରାଉତେଲା ପ୍ରବେଶ କରିଥିଲେ। ଏଥର ଅନୁଷ୍କା ଶର୍ମା ମଧ୍ୟ କାନ୍ସରେ ଡେବ୍ୟୁ କରିବାକୁ ଯାଉଛନ୍ତି। ସମସ୍ତେ ଐଶ୍ୱର୍ୟା ରାୟଙ୍କ ଅପେକ୍ଷାରେ ଥିଲେ । ମୁହୂର୍ତ୍ତ ଆସିଲା ଯେତେବେଳେ ଐଶ୍ୱର୍ୟା ରେଡ କାର୍ପେଟରେ ପ୍ରବେଶ କଲେ । ସେ ଏକ କଳା ପୋଷାକ ଏବଂ ଏକ ବଡ଼ ରୂପା ହୁଡି ପିନ୍ଧିଥିଲେ | ଏଥିରେ ଐଶ୍ୱର୍ୟାଙ୍କୁ ଚାଲିବା ସମୟରେ ମଧ୍ୟ କଠିନ ପରିଶ୍ରମ କରିବାକୁ ପଡୁଥିଲା । ଆହୁରି ମଧ୍ୟ ଅନେକ ଲୋକ ଐଶ୍ୱର୍ୟାଙ୍କ ହେୟାର ଷ୍ଟାଇଲକୁ ପସନ୍ଦ କରୁନଥିଲେ । ବର୍ତ୍ତମାନ ତାଙ୍କ ଏହି ଭିଡିଓ ଭାଇରାଲ ହେବାରେ ଲାଗିଛି।
ଐଶ୍ୱର୍ୟାଙ୍କ ଏହି ଭିଡିଓ ଦେଖି ନେଟେନିଜେନ୍ସ ତାଙ୍କୁ ଟ୍ରୋଲ କରିବା ଆରମ୍ଭ କରି ଦେଇଛନ୍ତି । ନେଟେନିଜେନ୍ସ ତାଙ୍କୁ ସମାଲୋଚନା କରି କହିଛନ୍ତି ଯେ, “ଐଶ୍ୱର୍ୟା ତାଙ୍କ ଷ୍ଟାଇଲିଷ୍ଟକୁ ପରିବର୍ତ୍ତନ କରିବା ଉଚିତ୍”। କାନ୍ସ ଲୁକ୍ ପାଇଁ ଐଶ୍ୱର୍ୟାଙ୍କୁ ପୂର୍ବରୁ ମଧ୍ୟ ଟ୍ରୋଲ କରାଯାଇଥିଲା ।