ରାଜ୍ୟର ଉପକୂଳ ଅଞ୍ଚଳରେ ସକାଳୁ ଅସହ୍ୟ ଗୁଳୁଗୁଳି

ଭୁବନେଶ୍ୱର : ରାଜ୍ୟର ବିଭିନ୍ନ ଉପକୂଳ ଅଞ୍ଚଳରେ ଆଜି ସକାଳୁ ଅସହ୍ୟ ଗୁଳୁଗୁଳି ଅନୁଭୁତ ହେଉଛି । ଆଜି ରାଜଧାନୀ ଭୁବନେଶ୍ୱର ରେ ସକାଳ ୮ ଟା ୩୦ ସୁଦ୍ଧା ୩୨.୨ ଡ଼ିଗ୍ରୀ ତାପମାତ୍ରା ଏବଂ ୭୯% ଆଦ୍ରତା ରେକର୍ଡ କରାଯାଇଛି । ଭୁବନେଶ୍ୱର ସ୍ଥିତ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଟ୍ୱିଟ କରି ଏହି ସୂଚନା ଦିଆଯାଇଛି ।

ପାଣିପାଗ ବିଜ୍ଞାନ ପକ୍ଷରୁ ଦିଆଯାଇଥିବା ସୂଚନା ଅନୁସାରେ ଉପକୂଳ ଓଡ଼ିଶାର କିଛି ଜିଲ୍ଲାରେ ପାଗ ଆଂଶିକ ମେଘାଚ୍ଛନ୍ନ ସହ ତାପମାତ୍ରା ସାମାନ୍ୟ କମ ରହୁଥିଲେ ବି ଉଚ୍ଚ ଆଦ୍ରତା ହେତୁ ଅସହ୍ୟ ଗୁଳୁଗୁଳି ଅନୁଭୂତ ହେଉଛି ଆଜି ସକାଳ ୮ ଟା ୩୦ ସୁଦ୍ଧା ପୁରୀ ୮୬%, ଭୁବନେଶ୍ୱର, ୭୯%, କଟକ ୭୬%, ଗୋପାଳପୁର ୭୫%, ବାଲେଶ୍ୱର ଓ ଚାନ୍ଦବାଲି ୬୫%, ପାରାଦୀପ ୬୩% ଆଦ୍ରତା ରେକର୍ଡ

ସେହିପରି ଆଜି ସକାଳ ୮ ଟା ୩୦ ସୁଦ୍ଧା ସମ୍ବଲପୁର ରେ ୩୬ ଡ଼ିଗ୍ରୀ, ଝାରସୁଗୁଡା ୩୫.୪ ଡ଼ିଗ୍ରୀ ଏବଂ ହୀରାକୁଦ ରେ ୩୫.୨ ଡ଼ିଗ୍ରୀ ତାପମାତ୍ରା ରେକର୍ଡ କରାଯାଇଛି ।