ନୂଆ ସଂସଦ ଭବନ ଛାତରୁ ଗଳୁଛି ବର୍ଷା ପାଣି

ନୂଆ ସଂସଦ ଭବନ ଛାତରୁ ଗଳୁଛି ବର୍ଷା ପାଣି। ଦିଲ୍ଲୀରେ ପ୍ରବଳ ବର୍ଷା ପରେ ସଂସଦ ଭବନ ଭିତରେ ଦେଖିବାକୁ ମିଳିଛି ଏପରି ଦୃଶ୍ୟ। ସୋସିଆଲ ମିଡିଆରେ  ଭିଡିଓରେ ଦେଖିବାକୁ ମିଳିଛି କି, ନୂଆ ସଂସଦ ଭବନ ଛାତରୁ ପାଣି ଗଳୁଛି ଓ ତଳେ ପାଣିକୁ ଧରି ରଖିବାକୁ ଏକ ବାଲଟିର ବ୍ୟବସ୍ଥା କରାଯାଇଛି। ଗତକାଲି ପ୍ରବଳ ବର୍ଷାରେ ରାଜଧାନୀ ଦିଲ୍ଲୀ ବେହାଲ ହୋଇଛି । ପ୍ରବଳ ବର୍ଷା ଯୋଗୁଁ ଦିଲ୍ଲୀ ଏନସିଆର୍ ସମେତ ଅନେକ ଅଞ୍ଚଳ ଜଳମଗ୍ନ ହୋଇଯାଇଛି। ସୋସିଆଲ ମିଡିଆରେ ତାମିଲନାଡୁ ବିରୁଦ୍ଧନଗର କଂଗ୍ରେସ ସାଂସଦ ମଣିକମ୍ ଟାଗୋରଙ୍କ ଦ୍ୱାରା ସେୟାର କରାଯାଇଥିବା ଏକ ଭିଡିଓ ଏବେ ବେଶ ଭାଇରାଲ ହେବାରେ ଲାଗିଛି । ସେୟାର କରାଯାଇଥିବା ଭିଡିଓରେ ଦେଖିବାକୁ ମିଳିଛି କି, ନୂଆ ସଂସଦ ଭବନ ଛାତରୁ ପାଣି ଗଳୁଛି ଓ ତଳେ ପାଣିକୁ ଧରି ରଖିବାକୁ ଏକ ବାଲଟି ରଖାଯାଇଛି। ସେପଟେ କଂଗ୍ରେସ ନେତା ତାଙ୍କ ଟ୍ୱିଟର(ଏକ୍ସ) ରେ ଲେଖିଛନ୍ତି କି, ବାହାରେ ପେପର ଲିକ୍, ଭିତରେ ୱାଟର ଲିକ୍ । ରାଷ୍ଟ୍ରପତିଙ୍କ ଦ୍ୱାରା ବ୍ୟବହାର କରାଯାଉଥିବା ସଂସଦର ଲବି ହଲରେ ଛାତରୁ ପାଣି ଗଳୁଛି ଯାହା ସଂସଦରେ ମୌସୁମୀ ସମ୍ବନ୍ଧୀୟ ସମସ୍ୟାକୁ ଉଜାଗର କରୁଛି । ସେପଟେ ଏହି ଭିଡିଓ ଭାଇରାଲ ହେବା ପରେ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଏହାକୁ ରି ଟ୍ୱିଟ୍ କରି ଲେଖିଛନ୍ତି କି, ନୂଆ ସଂସଦ ଭବନ ଠାରୁ ପୁରୁଣା ସଂସଦ ଭବନ ବେଶ୍ ଭଲ ଥିଲା । ଏବେ ସେହି ସମୟ ପର୍ଯ୍ୟନ୍ତ ଆମେ ପୁରୁଣା ସଂସଦ ଗୃହକୁ ଫେରିଯିବା ଉଚିତ, ଯେ ପର୍ଯ୍ୟନ୍ତ ନୂଆ ସଂସଦ ଭବନ ଛାତରୁ ପାଣି ଗଳିବା ବନ୍ଦ ନ ହୋଇଛି ।

Naxatra News is now on Whatsapp

Join and get latest news update delivered to you via whatsapp

Join Now