ବିବାହର ପ୍ରଥମ ରାତି ହେଲା ଶେଷ ରାତି

କର୍ଣ୍ଣାଟକ କୋଲାରରେ ଅଭାବନୀୟ ଘଟଣା ଦେଖିବାକୁ ମିଳିଛି। କେଜିଏଫ୍ ତାଲୁରର ଚମ୍ବର ସାନହଲ୍ଲି ଅଞ୍ଚଳର ଲିକିତା ଓ ନବୀନଙ୍କ ମଧ୍ୟରେ ହୋଇଥିଲା ପ୍ରେମ ବିବାହ । ଉଭୟଙ୍କ ମଧ୍ୟରେ ପୂର୍ବରୁ ପ୍ରେମ ସମ୍ପର୍କ ଥିଲା । ପରିବାର ଲୋକଙ୍କୁ ବୁଝାସୁଝା କରିବା ପରେ ଏହି ସମ୍ପର୍କ ଚୂଡ଼ାନ୍ତ ହୋଇଥିଲା। ଏହା ପରେ ଅଗଷ୍ଟ ୭ ତାରିଖରେ ବିବାହ ହୋଇଥିଲା। ବର ନବୀନ ବିବାହ କରି ତାଙ୍କ ପତ୍ନୀଙ୍କୁ ଘରକୁ ଆଣିଥିଲେ। ସନ୍ଧ୍ୟାରେ ବିବାହ ଶୋଭାଯାତ୍ରା ଫେରିଥିଲା। କନ୍ୟା ଲିକିତାଙ୍କୁ ସ୍ୱାଗତ କରାଯାଇଥିଲା । ରୀତିନୀତି ଅନୁସାରେ ଉଭୟ ବାସର ରାତି  ପାଇଁ ଉଦ୍ଦିଷ୍ଟ କୋଠରୀ ଭିତରକୁ ଯାଇଥିଲେ । ବର-କନ୍ୟା ଶୋଇବା ଘରକୁ ଯିବା ମାତ୍ରେ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା । ସେମାନଙ୍କ କୋଠରୀରୁ ଚିତ୍କାର ଓ ଶବ୍ଦ ଆସିବା ଆରମ୍ଭ ହୋଇଥିଲା। ଏହା ଶୁଣି ପରିବାର ଲୋକେ ବ୍ୟସ୍ତ ହୋଇ ପଡିଥିଲେ । ସେମାନେ କବାଟ ବାଡେଇବା ଆରମ୍ଭ କଲେ। କିନ୍ତୁ ବର କିମ୍ବା କନ୍ୟା କବାଟ ଖୋଲିନଥିଲେ। କିଛି ସମୟ ପରେ କବାଟ ଖୋଲିବା ପରେ ଭିତରେ ଥିବା ଦୃଶ୍ୟ ଦେଖି ପରିବାର ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ। ନବଦମ୍ପତ୍ତି ରକ୍ତ ଜୁଡୁବୁଡୁ ଅବସ୍ଥାରେ ପଡ଼ିଥିଲେ । ସେମାନେ ପରସ୍ପରକୁ ଏତେ ମାଡ଼ ମାରିଥିଲେ ଯେ ଉଭୟ ଗୁରୁତର ଆହତ ହୋଇଥିଲେ । ସବୁ କିଛି ବିଛିନ୍ନ ହୋଇ ରହିଥିଲା । ସଙ୍ଗେ ସଙ୍ଗେ ଉଭୟଙ୍କୁ ଚିକିତ୍ସା ପାଇଁ କେଜିଏଫ ଡାକ୍ତରଖାନାକୁ ନିଆଯାଇଥିଲା । ସେଠାରେ କନ୍ୟା ଲିକିତାଙ୍କ ମୃତ୍ୟୁ ଘଟିଥିଲା । ବର ନବୀନଙ୍କ ଅବସ୍ଥା ଏବେ ବି ସଙ୍କଟାପନ୍ନ ରହିଛି । ଲଢ଼େଇର କାରଣ ଜଣାପଡ଼ିନାହିଁ ।

କାହିଁକି ଏହି ସଂଘର୍ଷ ହୋଇଥିଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । କିନ୍ତୁ ନବୀନ ମଦ୍ୟପାନ କରିଥିବା ଅନୁମାନ କରାଯାଉଛି । ଏହା ହିଁ ନିଶ୍ଚୟ ଉଭୟଙ୍କ ମଧ୍ୟରେ ଝଗଡ଼ାର କାରଣ ହୋଇଥିବା ଅନୁମାନ କରାଯାଉଛି। ଉଭୟଙ୍କ ଘରେ ଶୋକର ଛାୟା ଖେଳିଯାଇଛି । ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

Naxatra News is now on Whatsapp

Join and get latest news update delivered to you via whatsapp

Join Now