କେନ୍ଦୁଝର ତେଲକୋଇ ବ୍ଲକ କାଳିଆହତା ଫାଣ୍ଡି ଅଞ୍ଚଳରେ ଦୁଇଟି ପୃଥକ ପୃଥକ ସ୍ଥାନରେ ବଜ୍ରାଘାତ ହୋଇଛି। ଏଥିରେ ୮ଟି ଗୋରୁଙ୍କ ମୃତ ହେବା ସହ ଗୋଟିଏ ଘରେଥିବା ୨ ଜଣ ମହିଳା ଓ ଜଣେ ନାବାଳିକା ଗୁରୁତର ହୋଇଛନ୍ତି। ଗତକାଲି ଅପରାହ୍ନରେ କାଳିଆହତା ଅଞ୍ଚଳରେ ଘଡଘଡି ସହିତ ପ୍ରବଳ ବର୍ଷା ହେଉଥିଲା। କାଟେଣୀ ହାଟ ପଡିଆ ପାଖରେ ବଜ୍ରାଘାତ ହେବାରୁ ସେଠି ଚରୁଥିବା ୮ଟି ଗୋରୁଙ୍କର ମୃତ୍ୟୁ ହୋଇଯାଇଥିଲା। ଗୋରୁ ଚାରାଳି ଦୂରରେ ଥିବାରୁ ଅଳ୍ପକେ ବର୍ତ୍ତି ଯାଇଥିଲେ। ଅନ୍ୟପଟେ ଗୋଡିକଂସ ଗ୍ରାମରେ ଏକ ଘର ଉପରେ ବଜ୍ରାଘାତ ହେବାରୁ ଘରେ ଥିବା ୨ ଜଣ ମହିଳା ଓ ଜଣେ ୧୧ ବର୍ଷର ନାବାଳିକା ଗୁରୁତର ହୋଇପଡ଼ିଥିଲେ। ଗୁରୁତର ମାନେ ହେଲେ ଶିବ ମହାନ୍ତଙ୍କ ସ୍ତ୍ରୀ କେତକୀ ମହାନ୍ତ, ତାଙ୍କ ନଣନ୍ଦ ନମିତା ମହାନ୍ତ ଓ ଝିଅ ସୋନାଲି ମହାନ୍ତ। ତେବେ ଗୁରୁତର ତେଲକୋଇ ମେଡ଼ିକାଲରେ ଭର୍ତ୍ତି କରଯାଇ ଚିକତ୍ସା କରାଯାଉଛି।
Naxatra News is now on Whatsapp
Join and get latest news update delivered to you via whatsapp
Join Now