ବିହାରର ମୁଜାଫରପୁରରେ ଥିବା ଏକ କୋଚିଙ୍ଗରେ ଅଭାବନୀୟ ଘଟଣା ଦେଖିବାକୁ ମିଳିଛି। କ୍ଲାସ ରୁମରେ ଛାତ୍ରଛାତ୍ରୀ ମାନେ ପାଠ ପଢିବାରେ ବ୍ୟସ୍ତ ଥିଲେ। କୋଚିଂ କ୍ଲାସରେ ଭିଡ ଥିଲା । ହଠାତ ଭିତରକୁ ପଶିଲା ଜଣେ ଛାତ୍ର। କେହି କିଛି ବୁଝିବା ଆଗରୁ ଛାତ୍ରଟି ହଠାତ ବନ୍ଧୁକ ବାହାର କରି ଜଣେ ଛାତ୍ରୀଙ୍କୁ ଲକ୍ଷ୍ୟ କରି ଗୁଳିମାଡ କରିଥିଲେ। କେହି କିଛି ବୁଝିବା ଆଗରୁ ଛାତ୍ରୀ ଲହୁଲୁହାଣ ହୋଇ ଯନ୍ତଣାରେ ଛଟପଟ ହେଉଥିଲେ। ଛାତ୍ରଟି ଏପରି କାଣ୍ଡ କରି ଘଟଣାସ୍ଥଳରୁ ଫେରାର ହୋଇଯାଇଥିଲା। ଏଥିରେ ଛାତ୍ରୀ ଜଣକ ଗୁରୁତର ଭାବେ ଆହତ ହୋଇଥିଲେ ଏବଂ କୋଚିଂ କର୍ତ୍ତୃପକ୍ଷ ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତି କରିଥିଲେ। ଗୁଳିଟି ତାଙ୍କ ଅଣ୍ଟାରେ ବାଜିଥିବା ବେଳେ ବର୍ତ୍ତମାନ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିରଥିବା ଜଣାପଡିଛି। ତେବେ ଆକ୍ରମଣ ପଛର କାରଣ ଅସ୍ପଷ୍ଟ ଥିବା ବେଳେ ଅଭିଯୁକ୍ତ ଫେରାର ରହିଛି। ସ୍ଥାନୀୟ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
Naxatra News is now on Whatsapp
Join and get latest news update delivered to you via whatsapp
Join Now
