ଭଦୋଦରାରେ ଜଣେ ଯୁବକ ନିଜ କାରରେ ତିନି ଜଣଙ୍କୁ ଧକ୍କା ଦେଲା। ତିନି ଜଣଙ୍କ ଉପରେ କାର୍ ମଡ଼ାଇବା ପରେ ଯେତେବେଳେ ଲୋକେ ଭିଡ଼ ଜମାଇଥିଲେ। ଲୋକଙ୍କ କ୍ରୋଧରୁ ବର୍ତ୍ତିବାକୁ ଅଚାନକ ଯୁବକ ଜଣକ ଓମ୍ ନମଃ ଶିବାୟ ଜପ କରିବାକୁ ଲାଗିଥିଲେ। ଚାଳକ ଜଣକ ନିଶାଗ୍ରସ୍ତ ଥିଲେ। କାର୍ ନିୟନ୍ତ୍ରଣ ହରାଇ ଟକ୍କର ଦେବାରୁ ମହିଳାଙ୍କ ମୃତ୍ୟୁ ହୋଇଛି। ଆମ୍ରପାଲି କମ୍ପ୍ଲେକ୍ସ ନିକଟରେ ଏହି ଦୁର୍ଘଟଣା ହୋଇଥିଲା। ଦୁର୍ଘଟଣାର ଭିଡ଼ିଓ ସିସିଟିଭିରେ କଏଦ ହୋଇଛି। ସୋସିଆଲ ମିଡିଆରେ ଏହି ଭିଡ଼ିଓ ବେଶ୍ ଭାଇରାଲ ହୋଇଛି। ମୃତ ମହିଳାଙ୍କ ନାଁ ହେମାଲିବେନ୍ ପଟେଲ। ଅନ୍ୟ ଦୁଇ ଆହତ ହେଲେ ୧୨ ବର୍ଷୀୟ ଜୈନି, ୩୫ ବର୍ଷୀୟ ନିଶାବେନ୍। ଦୁର୍ଘଟଣା ଘଟାଇବା ପରେ ପୁରା କ୍ଷତିଗ୍ରସ୍ତ କାରରୁ ନିଶାଗ୍ରସ୍ତ ଅବସ୍ଥାରେ ବାହାରିଥିଲା ଚାଳକ। ଗାଡ଼ିରେ ବସିଥିବା ଅନ୍ୟ ଜଣେ ସାଙ୍ଗ ପ୍ରାଂଶୁ ଚୌହ୍ୱାନ ଥିଲେ। ସେ କିଛି କରିନାହାନ୍ତି କହି ତୁରନ୍ତ ବାହାରି ଯାଇଥିଲେ। ଦୁର୍ଘଟଣା ବେଳେ କାରର ବେଗ ଘଣ୍ଟାପ୍ରତି ଶହେ କିଲୋମିଟର ଥିଲା ବୋଲି କୁହାଯାଉଛି। କାର୍ ରକ୍ସିତ ଚୌରାସିଆ ନାମକ ଯୁବକ ଚଳାଉଥିଲା। ଯିଏ ୟୁପି ବନାରସର ମୂଳ ବାସିନ୍ଦା। ଅଭିଯୁକ୍ତ ଚାଳକ ଭଦୋଦରାର ଏମଏସ ୟୁନିଭରସିଟିରେ ଆଇନ ପଢ଼ନ୍ତି। କାର୍ ଦୁର୍ଘଟଣା ଘଟାଇ ରକ୍ସିତ୍ ପାଗଳ ସଦୃଶ ସାଜି ନିକିତା ନାମକ ଝିଅର ନାଁ ନେଇ ଚିଲ୍ଲାଇଥିଲେ। ଆଉ ଲୋକ ତାକୁ ଧରିବା ମାତ୍ରେ ଓମ୍ ନମଃ ଶିବାୟ ଜପ କରିବାକୁ ଲାଗିଥିଲା।

Naxatra News is now on Whatsapp
Join and get latest news update delivered to you via whatsapp
Join Now