୬ ଲେନ୍ ବିଶିଷ୍ଟ କ୍ୟାପିଟାଲ ରିଜିଅନ ରିଂ-ରୋଡକୁ ବାଜିଲା କ୍ୟାବିନେଟ୍ ମୋହର। ୧୧୦ କିଲୋମିଟର ଦୀର୍ଘ ଏହି ରିଂ ରୋଡ ଲାଗି ଖର୍ଚ୍ଚ ହେବ ୮୩୦୮ କୋଟି ଟଙ୍କା। ଭୁବନେଶ୍ୱର, କଟକ ଓ ଖୋର୍ଦ୍ଧା ଭିତରେ ଟ୍ରାଫିକ୍ ଭିଡ଼ରୁ ବର୍ତ୍ତିବାକୁ ଏହି ରିଂ ରୋଡ୍ ପରିକଳ୍ପନା କରାଯାଇଛି। ଏହି ବାଇପାସ୍ ରାସ୍ତା ହେଲେ ତିନୋଟି ଜାତୀୟ ରାଜପଥକୁ ଏହା ସଂଯୋଗୀକରଣ କରିବ। ଏନଏଚ-୫୫, ଏନଏଚ-୫୭ ଓ ଏନଏଚ- ୬୫୫ ସହ ଗୋଟିଏ ରାଜ୍ୟ ରାଜପଥ ଏସଏଚ- ୬୫କୁ ଯୋଡ଼ିବା ସହଜ ହେବ। ଏହା ଫଳରେ ଅର୍ଥନୈତିକ, ସାମାଜିକ ଓ ଲଜିଷ୍ଟିକ୍ ସପୋର୍ଟ ମିଳିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ। ଭୁବନେଶ୍ୱର ବାଇପାସ୍ ଲାଗି କ୍ୟାବିନେଟ୍ ମଞ୍ଜୁରୀ ମିଳିବା ପରେ ଏହାକୁ ପ୍ରଧାନମନ୍ତ୍ରୀଙ୍କ ପୂର୍ବୋଦୟ ଯୋଜନାର ଅଂଶବିଶେଷ ବୋଲି କହିଛନ୍ତି ଅଶ୍ୱିନୀ। ୬ ଲେନ୍ ରିଂରୋଡ୍, ଯାହା ଖୋର୍ଦ୍ଧା ନିକଟରେ ରାମେଶ୍ୱରରୁ କଟକ ଜିଲ୍ଲାର ଟାଙ୍ଗି ଯାଏ ହେବ।
Naxatra News is now on Whatsapp
Join and get latest news update delivered to you via whatsapp
Join Now
