ମର୍ମନ୍ତୁଦ ସଡ଼କ ଦୁର୍ଘଟଣା। ଟ୍ରକକୁ ବସ୍ ଧକ୍କା ଦେବା ପରେ ବସରେ ଲାଗିଲା ନିଆଁ। ଫଳରେ ଜୀଅନ୍ତା ଜଳିଗଲେ ଯାତ୍ରୀ। ଘଟଣାରେ ୩୮ ଜଣଙ୍କ ମୃତ୍ୟୁ ହୋଇଥିବା ବେଳେ ୧୩ ଜଣ ଗୁରୁତର ହୋଇଛନ୍ତି। ବ୍ରାଜିଲ୍ର ଘଟିଛି ଏଭଳି କିଛି ମର୍ମନ୍ତୁଦ ସଡ଼କ ଦୁର୍ଘଟଣା। ଦକ୍ଷିଣ-ପୂର୍ବ ବ୍ରାଜିଲର ମିନାସ୍ ଜେରାଇସରେ ଶନିବାର ଏହି ଦୁର୍ଘଟଣା ଘଟିଛି। BR-116 ରାଜପଥରେ ମିନାସ୍ ଜେରାଇସର ଟିଫିଲୋ ଓଟୋନି ନିକଟରେ ଏହି ଦୁର୍ଘଟଣା ଘଟିଛି। ବସ୍ଟି ରାଜଧାନୀ ସାଓ ପାଉଲୋରୁ ଯାତ୍ରୀଙ୍କୁ ନେଇ ଯାଉଥିଲା। ଏହି ସମୟର ବସ୍ର ଟାୟର ଫାଟି ଯାଇଥିଲା। ଫଳରେ ଡ୍ରାଇଭର ନିୟନ୍ତ୍ରଣ ହରାଇଥିଲେ। ଏହାପରେ ଟ୍ରକ୍ ସହ ଯାଇ ବସ୍ଟି ମୁହାଁମୁହିଁ ଧକ୍କା ହୋଇଥିଲା। ଏହାପରେ ଏକ କାର୍ ମଧ୍ୟ ଉକ୍ତ ଟ୍ରକ୍କୁ ଆସି ଧକ୍କା ହୋଇଥିଲା। ଏଥିରେ ୩ ଜଣ ଯାତ୍ରୀ ଥିଲେ।
ସେପଟେ ବସରେ ମୋଟ ୪୫ ଜଣ ଯାତ୍ରୀ ଥିଲେ। ବସ୍ ଡ୍ରାଇଭରଙ୍କ ସମେତ ମୃତ୍ୟୁ ସଂଖ୍ୟା ୩୮ ବୋଲି ଅଧିକାରୀମାନେ ସୂଚନା ଦେଇଛନ୍ତି। କ୍ଷତିଗ୍ରସ୍ତ ବସ୍ରୁ ୧୩ ଜଣ ଯାତ୍ରୀଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଯାଇଛି। ସେପଟେ ଟ୍ରକ୍ ଡ୍ରାଇଭର ଘଟଣାସ୍ଥଳରୁ ଫେରାର ଥିବା ଜଣାପଡିଛି। ମିନାସ୍ ଜେରାଇସ୍ ଗଭର୍ଣ୍ଣର ରୋମୁ ଜେମା ଟିଫିଲୋ ଓଟୋନିରେ BR-116 ରେ ଘଟିଥିବା ଏହି ଦୁଃଖଦ ଘଟଣାରେ ପୀଡିତମାନଙ୍କୁ ସାହାଯ୍ୟ କରିବା ଏବଂ ସେମାନଙ୍କ ପରିବାରକୁ ସହାୟତା କରିବା ପାଇଁ ନିର୍ଦ୍ଦେଶ ଦେଇଛନ୍ତି।
Naxatra News is now on Whatsapp
Join and get latest news update delivered to you via whatsapp
Join Now
