ବ୍ରିଜ୍ ଟାଉନ୍ : ବିରାଟ କୋହଲିଙ୍କ ବିଦେଶ ଟେଷ୍ଟ ଶତକ ବିଷୟରେ ଚାଲିଥିବା ଆଲୋଚନା ଉପରେ ଭାରତୀୟ କ୍ରିକେଟ୍ ଦଳର ଅଧିନାୟକ ରୋହିତ ଶର୍ମା କହିଛନ୍ତି ଯେ, ବାହାରେ ଯାହା କୁହାଯାଉଛି ସେ ସେଥିପ୍ରତି ଧ୍ୟାନ ଦିଅନ୍ତି ନାହିଁ ।
ଗୁରୁବାର କେନ୍ସିଙ୍ଗଟନ୍ ଓଭାଲରେ ଭାରତ ୱେଷ୍ଟଇଣ୍ଡିଜ୍ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ଆରମିଭ ହେବାକୁ ଯାଉଛି । ପାଖାପାଖି ପାଞ୍ଚ ବର୍ଷର ବିଦେଶରେ ଟେଷ୍ଟ ଶତକର ମରୁଡ଼ି ପରେ କୋହଲି ତ୍ରିନିଦାଦରେ ୱେଷ୍ଟଇଣ୍ଡିଜ୍ ବିପକ୍ଷ ଦ୍ୱିତୀୟ ଟେଷ୍ଟରେ ଏକ ଶତକ ହାସଲ କରିଥିଲେ ।
ୱେଷ୍ଟଇଣ୍ଡିଜ୍ ବିପକ୍ଷରେ ଭାରତର ପ୍ରଥମ ଦିନିକିଆ ମ୍ୟାଚ ପୂର୍ବରୁ ଗଣମାଧ୍ୟମ ସହ କଥାବାର୍ତ୍ତା ବେଳେ ରୋହିତ କହିଛନ୍ତି, ” ବାହାରେ ଯାହା କୁହାଯାଉଛି ତାହା ଉପରେ ଆମେ ଅଧିକ ଧ୍ୟାନ ଦେଉନାହୁଁ କାରଣ ସେମାନେ ଜାଣନ୍ତି ନାହିଁ ଯେ, ଆମ ଟିମ୍ ଭିତରେ ଆମେ କଣ ଖଥା ହେଉ ଏବଂ ଏହାକୁ ଆମେ ଏହି ଭଳି ହିଁ ରଖିବାକୁ ଚାହୁଁ । ଆମର ଧ୍ୟାନ ହେଉଛି ଦଳର ପ୍ରତ୍ୟେକ ଖେଳାଳିଙ୍କ ମଧ୍ୟରୁ କିପରି ସର୍ବୋତ୍ତମ ପ୍ରଦର୍ଶନ କରାଯାଇପାରିବ ଏବଂ ଦଳକୁ ମ୍ୟାଚ ଏବଂ ସିରିଜ୍ ଜିତିବାରେ କିପରି ସାହାଯ୍ୟ କରିବେ ତାହା ଉପରେ ଆମର ଧ୍ୟାନ । ବର୍ତ୍ତମାନ ଆମର ଧ୍ୟାନ ତିନୋଟି ଦିନିକିଆ ଏବଂ ଆମେ ଖେଳାଳିଙ୍କୁ ସୁଯୋଗ ଦିଆଯିବା ଉପରେ, ତେଣୁ ମୁଁ ନିଜକୁ ଏଥିରେ ଜଡିତ ରଖିବାକୁ ଚାହୁଁଛି । “
ଭାରତୀୟ ଅଧିନାୟକ ଆହୁରି ମଧ୍ୟ କହିଛନ୍ତି, “ଦଳରେ ଏପରି କିଛି ଖେଳାଳି ଅଛନ୍ତି ଯେଉଁମାନେ ଏତେ କ୍ରିକେଟ୍ ଖେଳିଛନ୍ତି ଯାହା ସେମାନଙ୍କୁ ସବୁକିଛି କହିବା ଆବଶ୍ୟକ ନାହିଁ । ସେମାନେ ସେମାନଙ୍କର ଖେଳ ବୁଝିବାରେ ବହୁତ ସକ୍ଷମ ଏବଂ ସେମାନେ ଆପଣଙ୍କ ପାଖକୁ ଯାଇ ପ୍ରତ୍ୟେକ ବିବରଣୀ ଦେବା ଆବଶ୍ୟକ କରନ୍ତି ନାହିଁ । ଆମର କାର୍ଯ୍ୟ ହେଉଛି ନୂତନ ଖେଳାଳୀଙ୍କ ପାଇଁ ଦଳର ପରିବେଶ ଆରାମଦାୟକ କରିବା ଏବଂ ସେମାନଙ୍କୁ ସେମାନଙ୍କର ସର୍ବୋତ୍ତମ ପ୍ରଦର୍ଶନ କରିବାରେ ସାହାଯ୍ୟ କରିବା। ଆମର ଧ୍ୟାନ କେବଳ ସେହି ଜିନିଷ ଉପରେ, ଯାହା ଦଳର ଉନ୍ନତି ପାଇଁ ହୋଇପାରେ । “
ଭାରତରେ ଅନୁଷ୍ଠିତ ହେବାକୁ ଥିବା ଏକଦିବସୀୟ ବିଶ୍ୱକପ ପାଇଁ ଅନେକ ଖେଳାଳି ଦଳରେ ସ୍ଥାନ ପାଇବାକୁ ପ୍ରତିଯୋଗୀତା କରୁଛନ୍ତି ବୋଲି ରୋହିତ ଜାଣିଛନ୍ତି । ରୋହିତ କହିଛନ୍ତି, “ଏହା ନିଶ୍ଚିତ ଭାବରେ ଏକ ଚ୍ୟାଲେଞ୍ଜ । କାରଣ ଅନେକ ଖେଳାଳି କିଛି ସ୍ଥାନ ପାଇଁ ପ୍ରତିଦ୍ୱନ୍ଦ୍ୱିତା କରୁଛନ୍ତି । ବ୍ୟାଟ୍ସମ୍ୟାନ୍ କିମ୍ବା ବୋଲର ହୁଅନ୍ତୁ ଆମ ପାଖରେ ଅନେକ ବିକଳ୍ପ ଅଛି । ତେଣୁ ଜଣେ ଅଧିନାୟକ ଏବଂ କୋଚ୍ ଙ୍କ ପାଇଁ ଏହା କଷ୍ଟସାଧ୍ୟ, ଆମେ ଖୋଜୁଥିବା ଭୂମିକାରେ ଯିଏ ସମ୍ପୂର୍ଣ୍ଣ ଫିଟ୍, ଆମେ ସେହି ଖେଳାଳିଙ୍କୁ ଖୋଜୁ, ଯେଉଁମାନେ ସେହି ନିର୍ଦ୍ଦିଷ୍ଟ ଭୂମିକାରେ ଭଲ ପିରଦର୍ଶନ କରି ଦଳର ଶୂନ୍ୟସ୍ଥାନ ପୂରଣ କରିପାରିବେ।”