ଡ଼କାୟତି କରିବାକୁ ଯୋଜନା ବେଳେ ୪ ଦୁର୍ଦ୍ଦାନ୍ତ ଅପରାଧୀ ଗିରଫ

ଗଞ୍ଜାମ : ଖଲ୍ଲିକୋଟ ଅଞ୍ଚଳର ୪ ଜଣ ଦୁର୍ଦ୍ଦାନ୍ତ ଅପରାଧୀଙ୍କୁ ବଡଘାଟି ମେଗାନ ନର୍ସରି ନିକଟରେ ପୋଲିସ ଧରିବାରେ ସକ୍ଷମ ହୋଇଛି । ଦୁର୍ଦ୍ଦାନ୍ତ ବିଭୂ ଜେନା ଓ ତାର ଦୁଇ ସହଯୋଗୀଙ୍କୁ ଧରି ପଚରା ଉଚରା କରିବା ପରେ ତା ସହ ଯୋଗାଯୋଗରେ ଥିବା ଆଉ ୪ ଜଣ ଅପରାଧୀଙ୍କୁ ପୋଲିସ ଧରିବାରେ ସଫଳ ହୋଇଛି । ଏମାନେ ଏକ ବଡ ଧରଣର ଡ଼କାୟତି କରିବାକୁ ଯୋଜନା କରୁଥିବା ବେଳେ ପୋଲିସ ହାତରେ ଧରାପଡିଥିଲେ । ଧରାପଡିଥିବା ୪ ଜଣ ଅପରାଧୀ ହେଲେ ବଳରାମ ପରିଡା, ପ୍ରଶାନ୍ତ ସ୍ଵାଇଁ, ବିକ୍ରମ ସାହୁ ଓ ନେହୁରୁ ପାହାନ । ସେମାନଙ୍କ ନିକଟରୁ ଗୋଟିଏ ଦେଶି ବନ୍ଧୁକ, ଗୋଟିଏ ପିସ୍ତଲ, ୧୦ଟି ଗୁଳି, ୬ଟି ବୋମା, ଖଣ୍ଡା, ଫାର୍ସା ସମେତ ଦୁଇଟି ବାଇକ୍ କୁ ପୋଲିସ ଜବତ କରିବା ସହ ଏ ସଂକ୍ରାନ୍ତରେ ଥାନା କେସ୍ ନଂ ୫୩୧/୨୩ ରେ ଏକ ମାମଲା ରୁଜ୍ଜୁ କରାଯାଇ ଗିରଫ ଡ଼କାୟତ ମାନଙ୍କୁ କୋର୍ଟଚାଲାଣ କରାଯାଇଛି ବୋଲି ଥାନା ଅଧିକାରୀ ଜଗନ୍ନାଥ ମଲ୍ଲିକ ସୂଚନା ଦେଇଛନ୍ତି ।