ଭୁବନେଶ୍ବର: ଲେଡି ବ୍ଲାକମେଲର ଅର୍ଚ୍ଚନା ନାଗ ମାମଲା। ଅର୍ଚ୍ଚନାଙ୍କ ଠାରୁ ଜବତ ହୋଇଥିବା ମୋବାଇଲ ଲାପଟପ ଏବଂ ପେନଡ୍ରାଇଭର ଏଯାଏଁ ଫରେନସିକ ରିପୋର୍ଟ ଆସିନଥିବାରୁ ବଢୁଛି ସନ୍ଦେହ । ଇଡି କୁ ସମସ୍ତ ଡିଜିଟାଲ ତଥ୍ୟ ଦେବାକୁ ଷ୍ଟେଟ ଫରେନସିକକୁ ନିର୍ଦେଶ ଦେଇଛନ୍ତି କୋର୍ଟ । ସେପଟେ ୭ଦିନିଆ ରିମାଣ୍ଡର ତୃତୀୟ ଦିନରେ ଅର୍ଚ୍ଚନାଙ୍କୁ ମାରାଥନ ଜେରା କରୁଛି ଇଡି। ଏହାସହ ଦ୍ୱିତୀୟ ଥର ପାଇଁ ED ରେ ହାଜର ହୋଇଥିଲେ ବିଲଡର ପବିତ୍ର ପାତ୍ର l
ଇଡି ଖୋଜୁଛି ଅର୍ଚ୍ଚନାଙ୍କ ବେଆଇନ ଅର୍ଥର ଗୁମର। କେଉଁଠି ଅଛି ଅର୍ଚ୍ଚନା ଙ୍କ ଏକ୍ସକ୍ଲୁସିଭ ତଥ୍ୟ? ସୁରକ୍ଷିତ ଅଛି ତ ଭିଡିଓ ଓ଼ ହ୍ବାଟ୍ସଆପ ଚାଟ? ଫରେନସିକ କୁ ଯିବା ପୂର୍ବରୁ ଟାମ୍ପପରିଂ ହୋଇନି ତ ଡିଜିଟାଲ ଏଭିଡେନ୍ସ? ଦୁଇ ମାସ ବିତି ଗଲାଣି ମାତ୍ର ଏବେ ଯାଏଁ ଆସି ପାରିଲାନି ଜବତ ଇଲେକ୍ଟ୍ରୋନିକ ସାମଗ୍ରୀର ଫରେନସିକ ରିପୋର୍ଟ l ଅର୍ଚ୍ଚନାଙ୍କୁ ଗିରଫ ପରେ ତାଙ୍କ ଠାରୁ 4 ଟି ମୋବାଇଲ, ଦୁଇଟି ଲାପଟପ,ଗୋଟେ ପେନ ଡ୍ରାଇଭ ଜବତ କରିଥିଲା କମିଶନରେଟ ପୋଲିସ। ସେହିପରି, ଜଗବନ୍ଧୁ କୁ ଜେରା କରି ଛାଡ଼ି ଦେବାର 15ଦିନ ପରେ କମିଶନରେଟ ପୋଲିସ ତାଙ୍କୁ ଗିରଫ ବେଳେ 4 ମୋବାଇଲ , ଦୁଇଟି ଲାପଟପ୍ , ଡାଇରୀ, କିଛି ବ୍ଯାଙ୍କ ପାସ ବୁକ ମିଳିଥିଲା। ସେ ସବୁ ଫୋରେନସିକ ଲାବକୁ ଯାଇଥିଲା। ଯାହାର ରିପୋର୍ଟ ଦୀର୍ଘ ଦୁଇମାସ ପରେ ବି ଆସିପାରୁନି l ଏପଟେ ଇଡି କୁ ସମସ୍ତ ଡିଜିଟାଲ ତଥ୍ୟ ଦେବାକୁ ଷ୍ଟେଟ ଫରେନସିକ କୁ ନିର୍ଦେଶ ଦେଇଛନ୍ତି କୋର୍ଟ। ସାଇବର ଏକ୍ସପର୍ଟ ଙ୍କ ତଥ୍ୟ ଆଧାରରେ ଡିଲିଟ କରାଯାଇଥିବା ଡାଟା କୁ ED ଚାହିଁଲେ ରିକଭର କରିପାରିବ l
ଅନ୍ୟପଟେ ତୃତୀୟ ଦିନରେ ଅର୍ଚ୍ଚନାଙ୍କୁ ଇଡି ଅଫିସରେ ଚାଲିଛି ମାରାଥନ ଜେରା। ଏହାସହ ବେଆଇନ ଅର୍ଥ କାରବାରର ଖୋଳତାଳ ପାଇଁ ଦ୍ଵିତୀୟ ଥର ହାଜର ହୋଇଛନ୍ତି ଅର୍ଚ୍ଚନା ଙ୍କ ଅଲିଶାନ ଘର କରିଥିବା ବିଲଡର ପବିତ୍ର ପାତ୍ର l ଉଭୟଙ୍କୁ ମୁଁହା ମୁଁହି ଜେରା କରିଛି ଇଡି l 2000- 2021 ଭିତରେ ଘର କାମ ବାବଦ ରେ ପ୍ରାୟ 40 ଲକ୍ଷ ଟଙ୍କା ଟ୍ରାନଜେକ୍ସନ ହୋଇଥିବା ସେ ସ୍ୱୀକାର କରିଛନ୍ତ l
ଇଡି କାର୍ଯ୍ୟାଳୟ ଉପରେ ଏବେ ସମସ୍ତଙ୍କ ନଜର l ଜେରା ସମୟରେ କଣ କଣ ତଥ୍ୟ ଦେବେ ଅର୍ଚ୍ଚନା ତା ଉପରେ ଏବେ ସଭିଁକ ନଜର।
ସ୍ୱରୂପା ମହାପାତ୍ରଙ୍କ ରିପୋର୍ଟ
Naxatra News is now on Whatsapp
Join and get latest news update delivered to you via whatsapp
Join Now
