ପୂର୍ବ ଶତ୍ରୁତାକୁ ନେଇ ଗୁଳିକାଣ୍ଡ ଘଟଣା : ଅଭିଯୁକ୍ତ ବିଜଧର ଗିରଫ

କନ୍ଧମାଳ : କନ୍ଧମାଳ ଜିଲ୍ଲା ଫୁଲବାଣୀ ସ୍ଥିତ ଡାକପାଲା ଅଞ୍ଚଳରେ ଗତ ରାତି ୯ ଟା ସମୟରେ ଅଜିତ ପ୍ରଧାନକୁ ହୋଇଥିବା ଗୁଳିକାଣ୍ଡକୁ ନେଇ ତାଙ୍କ ସ୍ତ୍ରୀ ଦେଇଥିବା ଅଭିଯୋଗ କ୍ରମେ ପୋଲିସ ଘଟଣାର ତଦନ୍ତ ଜାରି ରାଖିଛି। ଟାଉନ ଥାନା ଏସ.ଡି.ପି.ଓ ସୁପ୍ରସନ୍ନ ମଲ୍ଲିକ ଏବଂ ସେକେଣ୍ଡ ଅଫିସର ରୂପକ ଦଳେଇ ଏବଂ ତାଙ୍କ ଟିମ୍ ମିଶି ଆଜି ବିଶେଷ ସୂତ୍ରରୁ ଖବର ପାଇ ଦାମିଗାଁର ପଦର ସାହିରୁ ଅଭିଯୁକ୍ତ ବିଜଧର ବିନ୍ଧାଣୀକୁ ଦେଶୀ ବନ୍ଧୁକ ସହ ଗିରଫ କରି କୋର୍ଟଚାଲାଣ କରିଛନ୍ତି ।