ଅନଲାଇନ୍ ପାଠ୍ୟକ୍ରମରେ ନାମ ଲେଖାଇବାକୁ ୟୁଜିସିର ନୂଆ ପ୍ରକ୍ରିୟା

ସ୍ୱଚ୍ଛ ନାମଲେଖା ପ୍ରକ୍ରିୟା ପାଇଁ ୟୁଜିସି ଏକ ବ୍ୟବସ୍ଥା ବିକଶିତ କରିଛି ଯେଉଁଠାରେ ଓଡିଏଲ୍ / ଅନଲାଇନ୍ ପାଠ୍ୟକ୍ରମରେ ନାମ ଲେଖାଉଥିବା ଛାତ୍ରଛାତ୍ରୀମାନେ ୟୁଜିସି-ଡିଇବି ୱେବ୍ ପୋର୍ଟାଲରେ ପଞ୍ଜୀକରଣ କରିପାରିବେ । ଅକ୍ଟୋବର ୨୦୨୪ରୁ ଆରମ୍ଭ ହେବାକୁ ଥିବା ଶିକ୍ଷାବର୍ଷ ପାଇଁ ବିଜ୍ଞପ୍ତି ପ୍ରକାଶ ପାଇଛି ।ୟୁଜିସି ୨୦୨୪-୨୫ ଶିକ୍ଷା ବର୍ଷ ପାଇଁ ମୁକ୍ତ ଏବଂ ଦୂରନ୍ତ ଶିକ୍ଷା (ଓଡିଏଲ୍‌) ଏବଂ ଅନଲାଇନ୍ ପାଠ୍ୟକ୍ରମରେ ନାମ ଲେଖାଉଥିବା ଛାତ୍ରଛାତ୍ରୀଙ୍କ ପାଇଁ ବିଜ୍ଞପ୍ତି ପ୍ରକାଶ କରିଛି । ଅନୁମୋଦିତ ଉଚ୍ଚ ଶିକ୍ଷାନୁଷ୍ଠାନରେ ନାମଲେଖା ପ୍ରକ୍ରିୟାରେ ସ୍ୱଚ୍ଛତା ସୁନିଶ୍ଚିତ କରିବା ପାଇଁ ବିଶ୍ୱବିଦ୍ୟାଳୟ ସଂସ୍ଥା ପକ୍ଷରୁ ନୂତନ ନାମଲେଖା ପ୍ରକ୍ରିୟା ଘୋଷଣା କରାଯାଇଛି ।ଅଣସ୍ୱୀକୃତିପ୍ରାପ୍ତ, ଓଡିଏଲ୍‌/ଅନଲାଇନ୍ ପାଠ୍ୟକ୍ରମରେ ଛାତ୍ରଛାତ୍ରୀଙ୍କୁ ନାମ ଲେଖାଇଥିବା ଉଚ୍ଚ ଶିକ୍ଷାନୁଷ୍ଠାନ ଉପରେ ନଜର ରଖିବା ପାଇଁ ୟୁଜିସି ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।

ୟୁଜିସି (ଓଡିଏଲ୍ ପ୍ରୋଗ୍ରାମ ଏବଂ ଅନଲାଇନ୍ ପ୍ରୋଗ୍ରାମସ୍‌) ନିୟମାବଳୀ, ୨୦୨୦ ରେ ଏଚଇଆଇ ଦ୍ୱାରା ଓପନ୍ ଆଣ୍ଡ ଡିଷ୍ଟାନ୍ସ ଲର୍ଣ୍ଣିଂ ମୋଡ୍ ଏବଂ ଅନଲାଇନ୍ ମୋଡ୍ ରେ ପ୍ରୋଗ୍ରାମ୍ ପ୍ରଦାନ ପାଇଁ ସର୍ବନିମ୍ନ ମାନଦଣ୍ଡ ଧାର୍ଯ୍ୟ କରାଯାଇଛି । ଓଡିଏଲ୍ / ଅନଲାଇନ୍ ପାଠ୍ୟକ୍ରମରେ ନାମ ଲେଖାଇବାକୁ ଚାହୁଁଥିବା ଯେ କୌଣସି ଛାତ୍ରଛାତ୍ରୀ ୟୁଜିସି-ଡିଇବି ୱେବ୍ ପୋର୍ଟାଲ (URLlink: https://deb.uec.ac.in/ and https://deb.uec.ac.in/StudentDebld) ରେ ଏକ ଅନନ୍ୟ ଡିଇବି-ଆଇଡି ସୃଷ୍ଟି କରିବା ପାଇଁ ସେମାନଙ୍କ ଏକାଡେମିକ୍ ବ୍ୟାଙ୍କ ଅଫ୍ କ୍ରେଡିଟ୍ (ଏବିସି)-ଆଇଡିରେ ପଞ୍ଜୀକରଣ କରିପାରିବେ ।

Naxatra News is now on Whatsapp

Join and get latest news update delivered to you via whatsapp

Join Now