ସାରା ଦେଶରେ ‘ପୁଷ୍ପା-୨’ ର କ୍ରେଜ୍ । ଡିସେମ୍ବର ୫ ଅର୍ଥାତ ଫ୍ରାଇଡେରେ ରିଲିଜ ହେବାକୁ ଯାଉଛି ବହୁ ପ୍ରତିକ୍ଷିତ ଫିଲ୍ମ ‘ପୁଷ୍ପା-୨’ । ଆଉ ରିଲିଜ ପୂର୍ବରୁ ଆଡଭାନ୍ସ ବୁକିଂରେ ଅନେକ ହିନ୍ଦୀ ଓ ତେଲୁଗୁ ସିନେମାର ରେକର୍ଡ ଭାଙ୍ଗିଛି ଏହି ଚଳଚ୍ଚିତ୍ର । ଆଡଭାନ୍ସ ବୁକିଂରେ ଫିଲ୍ମର କଲେକ୍ସନ ୫୨.୭୪ କୋଟି ଟପିଛି । ଇଣ୍ଡଷ୍ଟ୍ରି ଟ୍ରାକର ସାକ୍ନିନ.କମ ଅନୁସାରେ ଭାରତରେ ଅଦ୍ୟାବଧି ଆଡଭାନ୍ସ ଟିକେଟ ବୁକିଂରେ ଫିଲ୍ମର ଆୟ ୩୫.୧୭ କୋଟି ଟପିଛି । ତେଲୁଗୁ, ତାମିଲ , କନ୍ନଡ, ମାଲାୟାଲମ ସମେତ ୨ଡି ୩ଡି ୪ଡିମ୍ୟାକ୍ସରେ ହିନ୍ଦୀସଂସ୍କରଣରେ ଫିଲ୍ମ ଏହି ଆୟ କରିଛି । ଆମେରିକାରେ ପ୍ରତ୍ୟଙ୍ଗିରା ସିନେମାଜ ଅନୁସାରେ ଆଡଭାନ୍ସ ବୁକିଂରେ ଏହା ୧୭.୫୭ କୋଟି କଲେକ୍ସନ କରିଛି । ଭାରତ ଓ ଆମେରିକାର ଆଡଭାନ୍ସ ବୁକିଂରୁ ଫିଲ୍ମର ମୋଟ ୫୨.୫୦ କୋଟି କଲେକ୍ସନ ହୋଇଛି । ପ୍ରଥମଦିନ ପୁଷ୍ପା-୨ ବକ୍ସ ଅଫିସ କଲେକ୍ସନ ୨୫୦ କୋଟି ହେବ ବୋଲି ଆଶା କରାଯାଉଛି ।
Naxatra News is now on Whatsapp
Join and get latest news update delivered to you via whatsapp
Join Now
