ପଦଯାତ୍ରାରେ ଅନନ୍ତ ଅମ୍ୱାନୀ। ଜାମନଗରରୁ ଦ୍ୱାରକା ଯାଏଁ ୧୪୦ କିଲୋମିଟର ପଦଯାତ୍ରାରେ ବାହାରିଛନ୍ତି ଅନନ୍ତ। ଦୈନିକ ୧୦ରୁ ୧୨ କିଲୋମିଟର ଚାଲୁଛନ୍ତି ଅନନ୍ତ। ଯାତ୍ରା ଭିତରେ ରାସ୍ତାରେ ପଡ଼ୁଥିବା ବଡ଼ ମନ୍ଦିରରେ ଦର୍ଶନ ଓ ପୂଜାର୍ଚ୍ଚନା ବି କରୁଛନ୍ତି। ରିଲାଏନ୍ସ ଇଣ୍ଡଷ୍ଟ୍ରିଜ ଅଧ୍ୟକ୍ଷ ମୁକେଶ ଅମ୍ୱାନୀଙ୍କ ସାନ ପୁଅ ଅନନ୍ତଙ୍କ ଏଭଳି ପଦଯାତ୍ରାକୁ ନେଇ ସବୁଠି ଚର୍ଚ୍ଚା। ପଦଯାତ୍ରାର ୫ ଦିନ ବିତିଗଲାଣି। ପଦଯାତ୍ରା ଅବସରରେ ଯୁବ ସମାଜକୁ ସନ୍ଦେଶ ବି ଦେଇଛନ୍ତି ଅନନ୍ତ। ସନାତନ ଧର୍ମ ପ୍ରତି ଆସ୍ଥା ରଖିବାକୁ ବାର୍ତ୍ତା ଦେବାକୁ ଚାହୁଁଛନ୍ତି ଅନନ୍ତ। ଭଗବାନଙ୍କ ଆଶୀର୍ବାଦରୁ ତାଙ୍କୁ ଶକ୍ତି ମିଳୁଛି। ଯଦି ଭଗବାନ ସାଥିରେ ଅଛନ୍ତି, ତା ହେଲେ କୌଣସି ଚିନ୍ତା କରିବାକୁ ପଡ଼ିବନି। ଚଳିତ ମାସ ୧୦ ତାରିଖରେ ଅନନ୍ତଙ୍କ ଜନ୍ମଦିନ ପଡୁଛି। ଜନ୍ମଦିନ ପାଳିବା ପୂର୍ବରୁ ଭଗବାନ ଦ୍ୱାରକାଧୀଶଙ୍କ ଆଶୀର୍ବାଦ ଲଭିବା ଉଦେଶ୍ୟରେ ଅନନ୍ତ ଏହି ପଦଯାତ୍ରା କରୁଛନ୍ତି। ୫ ଦିନରେ ୬୦ କିଲୋମିଟର ଯାତ୍ରା କରିସାରିଲେଣି ଅନନ୍ତ। ପଦଯାତ୍ରା ଅବସରରେ ଚିକେନ୍ ସେଣ୍ଟର ଯାଉଥିବା ୨୫୦ କୁକୁଡାକୁ ଦୁଇଗୁଣା ଦର ଦେଇ କିଣିଛନ୍ତି ଅନନ୍ତ। ଆଉ ସବୁ କୁକୁଡ଼ାକୁ ମୁକ୍ତ କରିଦେଇଥିଲେ।
Naxatra News is now on Whatsapp
Join and get latest news update delivered to you via whatsapp
Join Now
