ଆର.ଜି କର ମେଡିକାଲ କଲେଜ ଓ ହସ୍ପିଟାଲର ଜଣେ ଟ୍ରେନି ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲା ନେଇ ଆଜି ବିଜେପି ପକ୍ଷରୁ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି। ରାଜ୍ୟ ସଚିବାଳୟ ନୱାଦା ଅଭିମୁଖେ ଛାତ୍ର ସମାଜର ପଦଯାତ୍ରାରେ ଭାଗ ନେଇଥିବା ବ୍ୟକ୍ତିଙ୍କ ଉପରେ ପୁଲିସର କାର୍ଯ୍ୟାନୁଷ୍ଠାନ ପ୍ରତିବାଦରେ ବିରୋଧୀ ବିଜେପି ଏହି ୧୨ ଘଣ୍ଟିଆ ବନ୍ଦ ଡାକରା ଦେଇଛି। ରାଜ୍ୟ ବିଜେପି ସଭାପତି ସୁକାନ୍ତ ମଜୁମଦାର ଏହି ଘୋଷଣା କରିଛନ୍ତି। ସକାଳ ୬ଟାରୁ ବନ୍ଦ ଆରମ୍ଭ ହୋଇଥିବା ବେଳେ ଏହା ସଂଧ୍ୟା ୬ଟା ପର୍ଯ୍ୟନ୍ତ ରାଜ୍ୟବ୍ୟାପୀ ଜାରି ରହିବ ବୋଲି ସେ କହିଛନ୍ତି। ଅନ୍ୟପଟରେ ଶାସକ ତୃଣମୂଳ କଂଗ୍ରେସ ଦାବି କରିଛି ଯେ ଏହି ଧର୍ମଘଟ ଡାକରା ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ ଲୋକଙ୍କ ଦୁଃଖକୁ ଶୋଷଣ କରିବା ଏବଂ ରାଜ୍ୟରେ ଅଶାନ୍ତି ସୃଷ୍ଟି କରିବା ପାଇଁ ଷଡ଼ଯନ୍ତ୍ର କରାଯାଉଛି। ପଶ୍ଚିମବଙ୍ଗ ସରକାର ରାଜ୍ୟବାସୀଙ୍କୁ ଏହି ବନ୍ଦରେ ଯୋଗ ନଦେବାକୁ ଅନୁରୋଧ କରିବା ସହ ସକାଳ ୬ଟାରୁ ଆରମ୍ଭ ହୋଇଥିବା ବନ୍ଦ ଯୋଗୁଁ ସାଧାରଣ ଜନଜୀବନ ଯେପରି ପ୍ରଭାବିତ ନ ହୁଏ ସେଥିପ୍ରତି ପ୍ରଶାସନ ଦୃଷ୍ଟି ଦେବ ବୋଲି କହିଛନ୍ତି। ବିଜେପିର ବନ୍ଦ ଡାକରା ଉପରେ ପ୍ରତିକ୍ରିୟା ରଖି ବରିଷ୍ଠ ଟିଏମସି ନେତା କୁନାଲ ଘୋଷ କହିଛନ୍ତି, ଆମେ ଆରମ୍ଭରୁ କହି ଆସୁଛୁ ଯେ ଛାତ୍ର ସମାଜ ଦ୍ୱାରା ପ୍ରାୟୋଜିତ ନବନା ଅଭିଯାନକୁ ବିଜେପିର ସମର୍ଥନ ରହିଛି।
Naxatra News is now on Whatsapp
Join and get latest news update delivered to you via whatsapp
Join Now
