ତେଲେଙ୍ଗାନା ଓ ଆନ୍ଧ୍ରପ୍ରଦେଶରେ ପ୍ରବଳ ବର୍ଷା ଯୋଗୁଁ ବନ୍ୟା ପରିସ୍ଥିତି ଦେଖାଦେଇଛି। ଭୟଙ୍କର ବନ୍ୟାରେ ଜୀବନହାନୀ ଓ ବ୍ୟାପକ ବାଧା ସୃଷ୍ଟି ଦେଖାଯାଇଛି। ଗତ କିଛି ଦିନ ଧରି ଉଭୟ ରାଜ୍ୟରେ ଲଗାଣ ବର୍ଷା ଯୋଗୁଁ ଲୋକେ ଜୀବନ ସହିତ ସଂଘର୍ଷ କରୁଛନ୍ତି, ଯାହା ଫଳରେ ନଦୀଗୁଡିକ ଫୁଲିବା ସହ ହାଇଦ୍ରାବାଦ ଏବଂ ବିଜୟୱାଡା ଭଳି ସହର ସମେତ ବିଶାଳ ଅଞ୍ଚଳ ଜଳମଗ୍ନ ହୋଇଛି। ରବିବାର ହାଇଦ୍ରାବାଦ ସମେତ ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ଜାରି ରହିଥିବା ବେଳେ ତେଲେଙ୍ଗାନାରେ ପୃଥକ ବର୍ଷାଜନିତ ଘଟଣାରେ ୯ ଜଣଙ୍କ ମୃତ୍ୟୁ ଘଟିଛି। ଆନ୍ଧ୍ର ପ୍ରଦେଶରେ ବର୍ଷାଜନିତ ମୃତ୍ୟୁ ୮ରେ ପହଞ୍ଚିଛି। ଆନ୍ଧ୍ର ପ୍ରଦେଶରେ ୧୭ ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇଛି। ତେଲେଙ୍ଗାନା ଓ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ ଏବଂ ଏନ ଚନ୍ଦ୍ରବାବୁ ନାଇଡୁ ଜରୁରୀକାଳୀନ ବୈଠକ କରି ପରିସ୍ଥିତିର ଆକଳନ କରିବା ସହ ଉଦ୍ଧାର କାର୍ଯ୍ୟରେ ସମନ୍ୱୟ ରକ୍ଷା କରିଛନ୍ତି। ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହ ମଧ୍ୟ ଏହି ଦୁଇ ମୁଖ୍ୟମନ୍ତ୍ରୀଙ୍କ ସହ କଥା ହୋଇ କେନ୍ଦ୍ରରୁ ସମ୍ପୂର୍ଣ୍ଣ ସହାୟତା ପଠାଇବେ ବୋଲି ପ୍ରତିଶ୍ରୁତି ଦେଇଛନ୍ତି। ପ୍ରବଳ ବର୍ଷା ଓ ଅନେକ ସ୍ଥାନରେ ଟ୍ରାକ୍ରେ ପାଣି ଜମି ରହିଥିବାରୁ ୯୯ଟି ଟ୍ରେନ୍ ବାତିଲ ହୋଇଥିବା ବେଳେ ୪ଟି ଆଂଶିକ ବାତିଲ ହୋଇଥିବା ବେଳେ ୫୪ଟି ଟ୍ରେନ୍ ଗତିପଥ ପରିବର୍ତ୍ତନ କରାଯାଇଛି ବୋଲି ଦକ୍ଷିଣ କେନ୍ଦ୍ରୀୟ ରେଳବାଇ (ଏସ୍ସିଆର) ପକ୍ଷରୁ କୁହାଯାଇଛି।
Naxatra News is now on Whatsapp
Join and get latest news update delivered to you via whatsapp
Join Now
