ପୁରୀ ଜିଲ୍ଲା ବ୍ରହ୍ମଗିରି ଥାନା ଅନ୍ତର୍ଗତ ତିଆରପାରି ଗାଁ ରେ ଏକ ଯୁବକଙ୍କୁ ପିଟି ପିଟି ହତ୍ୟା କରାଯାଇଥିବା ଦେଖିବାକୁ ମିଳିଛି। ମୃତ ଯୁବକ ହେଲେ ସେହି ଗାଁର ନକୁଳ ସାମଲ। ଗତକାଲି ବିଳମ୍ବିତ ରାତିରେ ସେହି ଗ୍ରାମର ଏକ ପରିବାର ର କିଛି ଲୋକ ନକୁଳକୁ ପିଟି ପିଟି ମାରିଦେବା ସହ ମୃତ ଦେହକୁ ମୃତକଙ୍କ ଦୁଆର ମୁହଁରେ ବସାଇ ଦେଇଥିବା ଦେଖିବାକୁ ମିଳିଛି। ମୃତକ ନକୁଳ ସାମଲଙ୍କର ସେହି ଗାଁର ଅନ୍ୟ ଏକ ପରିବାର ସହ ଗତକାଲି ଝଗଡା ହୋଇଥିଲା। ଏହି ଝଗଡାକୁ କେନ୍ଦ୍ରକରି ରାତିରେ ହତ୍ୟା କରିଛନ୍ତି ବୋଲି ନକୁଳର ମା ବିଶିକା ସାମଲ ଅଭିଯୋଗ କରିଛନ୍ତି। ବ୍ରହ୍ମଗିରି ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ସାଇଁଟିଫିକ ଟିମ ଆସିବା ପରେ ଅଧିକ ତଦନ୍ତ କରାଯିବ ବୋଲି ପୋଲିସ ସୂଚନା ଦେଇଛି। ହତ୍ୟା କରିଥିବା ବ୍ୟକ୍ତିଙ୍କୁନ ବାନ୍ଧିବା ପର୍ଯ୍ୟନ୍ତ ମୋ ପୁଅର ମୃତ ଦେହ ଛାଡିବିନି ବୋଲି କହିଛନ୍ତି ମୃତକଙ୍କ ପରିବାର ଲୋକେ। ଘଟଣା ସ୍ଥଳରେ ପୋଲିସ ପହଞ୍ଚିବା ପରେ ଲୋକେ ଶାନ୍ତ ହୋଇଛନ୍ତି । କିନ୍ତୁ ପରିବାର ଲୋକେ ଅଭିଯୁକ୍ତ ମାନଙ୍କୁ ଗିରଫ ନ କରିବା ପର୍ୟ୍ୟନ୍ତ ମୃତ ଦେହ ଛାଡ଼ିବେ ନି ବୋଲି ଜିଦ୍ ଧରିଛନ୍ତି ପରିବାର ଲୋକେ।
Naxatra News is now on Whatsapp
Join and get latest news update delivered to you via whatsapp
Join Now
