ମର୍ମନ୍ତୁଦ ସଡ଼କ ଦୁର୍ଘଟଣା, ୩ ଗୁରୁତର । ବେଗୁନିଆ ଦେଇ ଯାଇଥିବା ଖୋର୍ଦ୍ଧା ବଲାଙ୍ଗୀର ୫୭ ନମ୍ବର ଜାତୀୟ ରାଜପଥର ଚକାପଦା ବଜାରରେ ସଡ଼କ ଦୁର୍ଘଟଣା। ଘଟଣାରେ ୪ ବାଇକ ସାଇକେଲ ସହିତ ୭ ଆହତ ହୋଇଛନ୍ତି। ରବିବାର ସକାଳ ୧୦ ଟା ସମୟରେ ଭୁବନେଶ୍ୱରରୁ ନୟାଗଡ ଆଡେ ଯାଉଥିବା ଏକ କାର ଦ୍ରୁତ ଗତିରେ ଯାଉଥିବା ବେଳେ ଭାରସାମ୍ୟ ହରାଇ ରାସ୍ତା କଡ଼କୁ ମାଡି ଯାଇଥିଲା । ଫଳରେ ରାସ୍ତା କଡରେ ଠିଆ ହୋଇଥିବା ୩ ଜଣ ଗୁରୁତର ହୋଇଥିବା ବେଳେ ଆଉ ଚାରି ଜଣ ସାମାନ୍ୟ ଆହତ ହୋଇଥିଲେ। ଏଥି ସହିତ ରାସ୍ତା କଡରେ ଥିବା ସାଇକେଲ, ବାଇକ ଭାଙ୍ଗିରୁଜି ଯାଇଛି। ଆହତଙ୍କୁ ଖୋର୍ଦ୍ଧା ମେଡିକାଲ ପଠା ଯାଇଥିବା ବେଳେ ଘଟଣା ସ୍ଥଳରେ କିଛି ସମୟ ଧରି ଉତ୍ତେଜନା ସୃଷ୍ଟି ହୋଇଥିଲା। ଲୋକମାନେ ଆହତଙ୍କୁ କ୍ଷତି ପୂରଣ ଦାବି କରି ରାସ୍ତା ଅବରୋଧ କରିଥିଲେ। ବେଗୁନିଆ ପୋଲିସ ବୁଝାସୁଝା ପରେ ରାସ୍ତା ରୋକ ହଟିଛି। ତେବେ ଗାଡି ଏବଂ ଚାଳକଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି ବଗୁନିଆ ପୋଲିସ ।
Naxatra News is now on Whatsapp
Join and get latest news update delivered to you via whatsapp
Join Now
