ଭୁବନେଶ୍ୱର: ଜୟ ନାରାୟଣ ମିଶ୍ର ଓ ପୋଲିସ ବିବାଦ ଦିନକୁ ଦିନ ତେଜିବାକୁ ଲାଗିଛି । ଏହି ବିବାଦ ନିଆଁରେ ଘିଅ ଢାଳିଥିବା ଅରୂପଙ୍କୁ ଘେରିବାକୁ ଚେଷ୍ଟା କରିଛି ବିଜେପି । ଏମିତି କି ଅରୂପଙ୍କ ବିରୋଧରେ ପଦଯାତ୍ରା କରି କ୍ୟାପିଟାଲରେ ଥାନାରେ ଏତଲା ଦେଇଛି ଦଳ। ଏପଟେ ବିଜେପି ଦଳରୁ ମଧ୍ୟ ଜୟ ନାରାୟଣଙ୍କ ବିରୋଧରେ ତେଜିଲାଣି ଅସନ୍ତୋଷର ସ୍ୱର ।
କେତେ ଠିକ୍ ଜୟ ନାରାୟଣ । ସମ୍ୱଲପୁରରେ ନେତା-ପୁଲିସ ବିବାଦ ଏବେ ନିଇତି ନୂଆ ମୋଡ଼ ନେବାକୁ ବସିଛି। ଜୟନାରାୟଣଙ୍କୁ ବିଜେଡି ନେତା ଅରୂପଙ୍କ ପରୋକ୍ଷ ଧମକର ପ୍ରତିଫଳନ ସ୍ୱରୂପ ଅରୁପଙ୍କ ନାଁରେ ବିଜେପି ଥାନାରେ ଏତଲା ଦେଇଛି । ଜୟ ନାରାୟଣଙ୍କୁ ବିଜେଡି ନେତା ଅରୂପ ପଟ୍ଟନାୟକଙ୍କ ଧମକ ଥିଓରୀ ଘଟଣାକୁ ଅଧିକ ରୋଚକ କରିଛି। ଯାହାକୁ ବିଜେପି ବିଧାୟକମାନେ ପ୍ରତିବାଦ କରି ରାଜଭବନରେ ରାଜ୍ୟପାଳଙ୍କ ଉଦ୍ଦେଶ୍ୟରେ ଦାବି ପତ୍ର ଦେଇଥିଲେ । ଜୟନାରାୟଣଙ୍କୁ ସୁରକ୍ଷା ଦେବାକୁ ଦାବି କରିଛନ୍ତି। ଏହସହ ସେଠାରୁ ଏକ ପଦଯାତ୍ରା କରି କ୍ୟାପିଟାଲ ଥାନାକୁ ଯାଇ ସେଠାରୁ ଅରୂପଙ୍କ ବିରୋଧରେ ଏଫଆଇଆର ଦେବାସହ ତାଙ୍କର ଗିରଫ ଦାବି କରିଛନ୍ତି । ସେପଟେ ଅରୂପଙ୍କ ଚାକିରି କ୍ୟାରିଅରେ ଅନେକ କଳା ଦାଗ ଥିବା କହି କଟାକ୍ଷ କରିଛନ୍ତି ଜୟ ନାରାୟଣ ।
ଏପଟେ ଦଳ ଭିତରୁ ମଧ୍ୟ ଜୟ ନାରାୟଣଙ୍କୁ ନେଇ ବିରୋଧର ସ୍ୱର ଦେଖିବାକୁ ମିଳିଛି । ଗୁରୁବାର ଭୁବନେଶ୍ୱର ସାଂସଦ ବିରୋଧି ଦଳ ନେତା ଏ ନେଇ ଅନୁତପ୍ତ ଥିବା କହିଥିବା ବେଳେ ଜୟ ନାରାୟଣ ମିଶ୍ର କହିଛନ୍ତି ସାଂସଦ ମାଡାମ କିଛି ନ ବୁଝି ଏପରି ମନ୍ତବ୍ୟ ଦିଅନ୍ତୁ ନାହିଁ । ଏବେ ସମ୍ୱଲପୁର ସାଂସଦ ନୀତେଶ ଗଙ୍ଗଦେବଙ୍କ ପତ୍ନୀ ରାଣୀ ଅରୁନ୍ଧତି ମଧ୍ୟ ଏହାକୁ ନିନ୍ଦା କରିଛନ୍ତି ।
ସେପଟେ ଉଭୟ ବିଜେପି ଓ ବିଜେଡିର ଯୁବ ଓ ଛାତ୍ରମୋର୍ଚ୍ଚା ଏ ବିବାଦକୁ ନେଇ ମୁହାଁମୁହିଁ ହୋଇଛନ୍ତି। ତିନି ଦିନ ଧରି ପ୍ରତି ବିଧାନସଭା କ୍ଷେତ୍ରରେ ମୁଖ୍ୟମନ୍ତ୍ରୀଙ୍କ କୁଶପୁତ୍ତଳିକା ଦାହ ଆଜିଠୁ ଅଭିଯାନ ଆରମ୍ଭ ସହ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛି ବିଜେପି ଯୁବମୋର୍ଚ୍ଚା। ଆଉ କାଉଣ୍ଟରରେ ଛାତ୍ର ବିଜେଡି କହିଛି, ଉଭୟ ଜୟନାରାୟଣ ଓ ଇରାଶିଷ ଅଭ୍ୟାସଗତ ଅପରାଧୀ। ଉଭୟ ହତ୍ୟା ଭଳି ସଙ୍ଗୀନ ଅଭିଯୋଗରେ ଗିରଫ ହୋଇ ଜାମିନରେ। ବିଜେପି ନେତାଙ୍କ ଆଚରଣ ଓ ଉଚ୍ଚାରଣ ସବୁ ଦେଖୁଛନ୍ତି। ଏଭଳି ବିବାଦ ଆଗକୁ କି ମୋଡ଼ ନେଉଛି ଦେଖିବାର କଥା।
ଜ୍ୟୋତିମଞ୍ଜରୀ ସାହୁଙ୍କ ସହ ନବ କିଶୋର ସାହୁଙ୍କ ରିପୋର୍ଟ
Naxatra News is now on Whatsapp
Join and get latest news update delivered to you via whatsapp
Join Now
