ଅଧାରାସ୍ତାରେ ଅଟକିଲା କନ୍ୟାକୁମାରୀ ସୁପର ଫାଷ୍ଟ ଟ୍ରେନ୍। ଭଦ୍ରକ ଜିଲ୍ଲାର ରାନ୍ଦିଆ ବାଉଦପୁର ଷ୍ଟେସନ୍ ନିକଟରେ ଅଟକିଛି ପୁରୀ-ବାଙ୍ଗିରିପୋଷୀ ଟ୍ରେନ୍। ପ୍ରାୟ ଦୁଇ ଘଣ୍ଟା ଧରି ଟ୍ରେନ୍ଟି ଅଧା ବାଟରେ ଅଟକି ରହିଥିଲା। ଯାନ୍ତ୍ରିକ ତ୍ରୁଟି ଯୋଗୁ ଟ୍ରେନ ଅଟକିଥିବା ନେଇ ସୂଚନା ଦେଲେ ରେଳ ବିଭାଗ କର୍ମଚାରୀ। ସୂଚନା ଅନୁଯାୟୀ, ଆଜି ସକାଳେ ପୁରୀରୁ ବାଙ୍ଗିରିପୋଷୀ ଅଭିମୁଖେ ଯାଉଥିଲା ଏହି ସୁପରଫାଷ୍ଟ ଟ୍ରେନ୍। ହେଲେ ବାଉଦପୁର ଷ୍ଟେସନ ନିକଟରେ ହଠାତ୍ ଟ୍ରେନ୍ରେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା। ଯାହାଫଳରେ ଟ୍ରେନ୍ଟି ସେହି ସ୍ଥାନରେ ହିଁ ଅଟକାଯାଇଥିଲା । ତେବେ ଟ୍ରେନ୍ଟି ଅଧାବାଟରେ ଅଟକି ଥିବାରୁ ଭଦ୍ରକରୁ ଏକ ଇଞ୍ଜିନକୁ ପଠାଇଛି। ଅନ୍ୟପଟେ ସେହି ରୁଟ୍ରେ ଅନେକ ଟ୍ରେନ୍ର ଗତିପଥରେ ପରିବର୍ତ୍ତନ କରାଯାଇଛି। ଏହାସହିତ ଯାନ୍ତ୍ରିକ ତ୍ରୁଟିକୁ ନେଇ ଅଧିକ ତଦନ୍ତ କରୁଛି ରେଳବିଭାଗ।
Naxatra News is now on Whatsapp
Join and get latest news update delivered to you via whatsapp
Join Now