() ଓଡିଶା ଆସୁଛନ୍ତି ମହାମହିମ ରାଷ୍ଟ୍ରପତି । ଭାରତର ସର୍ବୋର୍ଚ୍ଚ ପଦରେ ବସିବା ପରେ ପ୍ରଥମ ଥର ଓଡିଶା ଗସ୍ତରେ ଆସିବେ ମହାମହିମ । ଏନେଇ ସୁରକ୍ଷା ବ୍ୟବସ୍ଥା କଡାକଡି ହୋଇଛି । ପୋଲିସ, ପ୍ରଶାସନ ସଜାଗ। ରାଷ୍ଟ୍ରପତିଙ୍କ ଗସ୍ତ ପାଇଁ ପ୍ରସ୍ତୁତି ଜୋରଦାର କରାଯାଇଛି । ଏୟାରପୋର୍ଟରେ ସୁରକ୍ଷା ବ୍ୟବସ୍ଥା ଯାଞ୍ଚ କରିଛନ୍ତି ଭୁବନେଶ୍ବର ଡିସିପି।
ଓଡିଶା ଆସୁଛନ୍ତି ମହାମହିମ । ଓଡିଶାରେ ପହଞ୍ଚିବା ପରେ ପ୍ରଥମେ ମହାପ୍ରଭୁଙ୍କ ଦର୍ଶନ ନିମନ୍ତେ ପୁରୀ ଗସ୍ତ କରିବେ । ଏହି ଓଡିଶା ଗସ୍ତ କାଳରେ ସେ ଶିକ୍ଷାଧ୍ୟୟନ କରିଥିବା ସ୍କୁଲକୁ ଯିବାର କାର୍ଯ୍ୟକ୍ରମ ରହିଛି । ଯାହାକୁ ଦୃଷ୍ଟିରେ ରଖି ୟୁନିଟ୨ କ୍ୟାପିଟାଲ ହାଇସ୍କୁଲର ଚାଲିଛି ନବକଳେବର । ଭିତ୍ତିଭୂମିରୁ ଆରମ୍ଭ କରି ସୋନ୍ଦର୍ଯ୍ୟକରଣ ସବୁ କାର୍ଯ୍ୟକୁ ବେଶ ଗୁରୁତ୍ଵ ଦେଇଛନ୍ତି ସରକାର ଓ ଏସବୁକୁ ସୁରୁଖୁରୁରେ ତୁଲାଇବା ପାଇଁ ନିଜର ଶତପ୍ରତିଶତ ଦେଇ ପ୍ରସ୍ତୁତ ହେଲେଣି ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରୀ ମାନେ।
ମହାମହିମ ରାଷ୍ଟ୍ରପତିଙ୍କ ଆଗମନକୁ ବିଦ୍ୟାଳୟର ଛାତ୍ରୀ ଓ ଶିକ୍ଷୟତ୍ରୀଙ୍କ ସହ ସ୍ଥାନୀୟ ଲୋକେ ଉତ୍କଣ୍ଠାର ସହ ଅପେକ୍ଷା କରିଛନ୍ତି l ଆଗମନ ପାଇଁ ବିଦ୍ୟାଳୟରେ ଛାତ୍ରୀ ମାନେ ସ୍ବାଗତ ସଙ୍ଗୀତ, ରାଷ୍ଟ୍ରପତିଙ୍କ ପାଇଁ ବାଲୁକା କଳା, ଚିତ୍ର ଓ ବିଭିନ୍ନ ଜିନିଷ ପ୍ରସ୍ତୁତି ଆରମ୍ଭ କରିଛନ୍ତି l
ଜ୍ୟୋତି ମଞ୍ଜରୀ ସାହୁଙ୍କ ରିପୋର୍ଟ ନକ୍ଷତ୍ର ନ୍ୟୁଜ l
Naxatra News is now on Whatsapp
Join and get latest news update delivered to you via whatsapp
Join Now
