କୋଣଠେସା ବିଜେପି ନେତା ହତାଶିଆ ବିବୃତି ଦେଉଛନ୍ତି: ବିଜେଡି

Spread the love

ଭୁବନେଶ୍ୱର : ରାଜ୍ୟ ରାଜନୀତିରେ ନିଜ ଦଳ ଦ୍ୱାରା କୋଣଠେସା ହୋଇଥିବା ରାଜ୍ୟ ବିଜେପିର ଜଣେ ବରିଷ୍ଠ ନେତା କିଭଳି ଈର୍ଷାନ୍ୱିତ ଓ ନିରାଶହୋଇ ପଡିଛନ୍ତି ତାହା ଆଜି ସେ ଦେଇଥିବା ବିବୃତିରୁ ଜଣାପଡି ଯାଉଛି ବୋଲି କହିଛନ୍ତି ବିଜେଡି ସାଂସଦ ଡକ୍ଟର ସସ୍ମିତ ପାତ୍ର ।

ଡକ୍ଟର ପାତ୍ର ଟୁଇଟ୍ କରି ପ୍ରଶ୍ନ କରିଛନ୍ତି ଯେ ଯେତେବେଳେ ରାଜ୍ୟ ସରକାର ଭଲ କାମ କରୁଛନ୍ତି ଏବଂ ଲୋକଙ୍କ ନିକଟରେ ପହଂଚୁଛନ୍ତି ସେତେବେଳେ ଏହି ନେତା ଜଣଙ୍କ କାହିଁକି ଭୟଭୀତ ହେଉଛନ୍ତି ଓ ଈର୍ଷା କରୁଛନ୍ତି? ଏହି ନେତା କହିପାରିବେକି ଗତ କିଛି ବର୍ଷ ମଧ୍ୟରେ ଓଡିଶାରେ କେତୋଟି କେନ୍ଦ୍ରୀୟ ବିଦ୍ୟାଳୟ, କେନ୍ଦ୍ରୀୟ ବିଶ୍ୱବିଦ୍ୟାଳୟ ଏବଂ ସେଂଟ୍ରାଲ୍ଇନଷ୍ଟିଚ୍ୟୁସନ୍ ଅଫ୍ ଏମିନେନ୍ସ ପ୍ରତିଷ୍ଠା କରାଯାଇଛି?

ଗତ ନଅ ବର୍ଷ ମଧ୍ୟରେ ସମ୍ବଲପୁରରୁ କଟକ ଏବଂ ଡୁବୁରୀରୁ ଚଣ୍ଡିଖୋଲ ପର୍ଯ୍ୟନ୍ତ ଜାତୀୟ ରାଜପଥ ଅତ୍ୟନ୍ତ ଖରାପ ଅବସ୍ଥାରେ ରହିଛି । ଏହି ଜାତୀୟ ରାଜପଥ ଗୁଡିକର ନିର୍ମାଣ ସାରିବା ପାଇଁ ଏହି ନେତା ଜଣଙ୍କ କ’ଣ କରିଛନ୍ତି? ଏହା ବଦଳରେ ଏହି ନେତା ଓଡ଼ିଶାର ଲୋକଙ୍କୁ ଆଇନହୀନ ବୋଲି କହି ଅପମାନିତ କରନ୍ତି ଏବଂ ଓଡିଶା ବିଜେପିରେ ଥିବା ତାଙ୍କରି ନେତାମାନେ ମିଶନ ଶକ୍ତିର ମହିଳା ଏସଏଚଜି ସଦସ୍ୟ ତଥା ସାଧାରଣ ଜୀବନରେ କାମ କରିବାକୁ ଚାହୁଁଥିବା ମହିଳାମାନଙ୍କୁ ଅପମାନିତ କରନ୍ତି ।

ତାଙ୍କ ଦଳର ପୂର୍ବତନ ରାଜ୍ୟ ସଭାପତି ସମୀର ମହାନ୍ତିଙ୍କ କିଛି ଟୁଇଟ ମଧ୍ୟ ଅତ୍ୟନ୍ତ ହାସ୍ୟାସ୍ପଦ ଅଟେ ।ସେ ହୁଏତ ଜାଣିନଥିବେ ଆଜି ତାଙ୍କ ଟୁଇଟର ହ୍ୟାଣ୍ଡେଲରେ କ’ଣ ଟୁଇଟ କରାଯାଇଛି । ଆମେ ଶୁଣୁଛୁ ଯେ ଏହି ଟୁଇଟ୍ର ହ୍ୟାଣ୍ଡେଲର ପାସୱାର୍ଡ ତାଙ୍କ ପାଖରେ ନାହିଁ ଏବଂ ଏହି ନେତାଙ୍କ ଦ୍ୱାରା ଯାହା ସ୍କ୍ରିପ୍ଟ ହେଉଛି ତାହା ଶ୍ରୀ ମହାନ୍ତିଙ୍କ ଟୁଇଟର ହ୍ୟାଣ୍ଡଲରେ ପୋଷ୍ଟ କରାଯାଉଛି ବୋଲି ଡକ୍ଟର ପାତ୍ର କହିଛନ୍ତି ।

Leave a Reply

Your email address will not be published. Required fields are marked *