accident

  • ବାଇକ ଧକ୍କାରେ ଶିକ୍ଷୟତ୍ରୀ ମୃତ୍ୟୁ

    କନ୍ଧମାଳ: ବାଇକ ସହ ସ୍କୁଟି ମୁହାଁମୁହିଁ ଧକ୍କା। ଘଟଣାରେ ୨ଜଣ ମହିଳାଙ୍କ ମୃତ୍ୟୁ। କନ୍ଧମାଳ ଜିଲ୍ଲା ବାଲିଗୁଡା ନିଲୁଙ୍ଗିଆ ଗାଁରେ ଅଭାବନୀୟ ଘଟଣା। ଜଣେ ଶିକ୍ଷୟତ୍ରୀ ଓ ଜଣେ ମହିଳା କ୍ଲର୍କ ସ୍କୁଲକୁ ଯାଉଥିବା ବେଳେ ସାମ୍ନା ପଟୁ ଜୋରରେ ଧକ୍କା ଦେଇଥିଲା ବାଇକ। ତେବେ ଆହତମାନଙ୍କୁ ସ୍ଥାନୀୟ ସରକାରୀ ଡ଼ାକ୍ତରଖାନାରେ ଭର୍ତି କରାଯାଇଥିଲା। ତେବେ ଉଭୟଙ୍କ ଚିକିତ୍ସା ସମୟରେ ମୃତ୍ୟୁ ହୋଇଥିବା ଜଣାପଡିଛି। ତେବେ ବାଇକ ଚାଳକ ସାମାନ୍ୟ ଆହତ ଥିବା ଜଣାପଡିଛି। ଦୁର୍ଘଟଣାରେ ମୃତ ମହିଳାମାନେ ଲିଙ୍ଗାଗଡ କନ୍ୟାଶ୍ରମ ସ୍କୁଲର ଶିକ୍ଷୟତ୍ରୀ ପ୍ରଦିପ୍ତା ସାହୁ, ଅନ୍ୟଜଣେ ସ୍ଥାନୀୟ ମାଲିକାପଡ଼ି ପଞ୍ଚାୟତ କୁପାଗୁଡ଼ା ଗାଁର ବିମଳା ପ୍ରଧାନ। ସ୍ଥାନୀୟ ପୋଲିସ ପହଞ୍ଚି ଗାଡିକୁ ଜବତ କରବା ସହ ମୃତଙ୍କ ଶବ ବ୍ୟବଚ୍ଛେଦ ପାଇଁ ପଠାଇଛନ୍ତି। ଏନେଇ ପୋଲିସ ତଦନ୍ତ କରୁଛି।  

  • ସଡକ ଦୁର୍ଘଟଣା ଜଣେ ମୃତ, ଦୁଇ ଗୁରୁତର

    ଭୁବନେଶ୍ୱର: ଭୁବନେଶ୍ୱର କଳ୍ପନା ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା। ଦୁର୍ଘଟଣାରେ ଜଣେ ମୃତ, ଦୁଇ ଜଣ ଗୁରୁତର। ଗୁରୁତରମାନଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ଦୁର୍ଘଟଣା ପରେ ଘଟଣା ସ୍ଥଳରେ ଉତ୍ତେଜନା ଦେଖିବାକୁ ମିଳିଥିଲା। ତେବେ ପୋଲିସ ସେଠାକାର ସ୍ଥାନୀୟ ଲୋକଙ୍କୁ ବୁଝାସୁଝା କରି ଉତ୍ତେଜନାକୁ ଆୟତ୍ତକୁ ଆଣିଥିଲା। ସୂଚନା ଅନଯାୟୀ, ରାଜମହଲ ଛକ ପଟୁ କଳ୍ପନା ଆଡ଼କୁ ଦ୍ରୁତ ଗତିରେ ଆସୁଥିବା ଏକ ଗ୍ରାଣ୍ଡ ଆଇଟେନ ଗାଡି ରାସ୍ତା କଡ଼ରେ ବିକ୍ରି କରୁଥିବା ଏକ କଦଳୀ ଦୋକାନୀକୁ ଧକ୍କା ଦେଇଥିଲା। ଘଟଣା ସ୍ଥଳରେ ହିଁ କଦଳୀ ଦୋକାନୀର ମୃତ୍ୟୁ ହୋଇଥିବା ଜଣାପଡିଛି। ଏନେଇ ପୋଲିସ ତଦନ୍ତ ଜାରି ରଖିଛି। 

  • ଅଟୋ ଓଲଟି ୩ ଗୁରୁତର, ଦଶ ଆହତ

    କନ୍ଧମାଳ: ଭାରସାମ୍ୟ ହରାଇ ଓଲଟିଲା ଓଭରଲୋଡ ଅଟୋ। ଅଟୋ ଓଲଟି ୩ ଗୁରତର ଦଶରୁ ଅଧିକ ଆହତ। ବାଲିଗୁଡା ଥାନା ମିଡିଆକିଆ ଗ୍ରାମ ଗଡ଼ମାହା ଘାଟିରେ ଗୋଟିଏ ଅଟୋ ଭରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଛି। ତେବେ ଅଟୋରେ ଯାତ୍ରୀ ଭର୍ତ୍ତି ଥିବାରୁ ଏହି ଦୁର୍ଘଟଣା ଘଟିଛି। ଆହତ ହୋଇଥିବା ସମସ୍ତ ଯାତ୍ରୀଙ୍କୁ ବାଲିଗୁଡା ଉପଖଣ୍ଡ ଚିକିତ୍ସାଳୟରେ ଭତ୍ତି କରାଯାଇଛି। ସେଠାରେ ୩ ଜଣଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହୋଇଥିବାରୁ ଜିଲ୍ଲା ଚିକିତ୍ସାଳୟ ଫୁଲବାଣୀକୁ ସ୍ଥାନାନ୍ତରିତ କରାଯାଇଛି। ଅଟୋଟି ମିଡିଆକି ରୁ ବାଲିଗୁଡା ଅଭିମୁଖେ ଯାତ୍ରା କରୁଥିବା ବେଳେ ଦୁର୍ଘଟଣା ଘଟିଛି। ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।

  • ବ୍ରିଜରୁ ଖସିଲା ଟ୍ରକ

    କଟକ: କଟକ କାଠଯୋଡ଼ି ନଦୀ ବ୍ରିଜ ନିକଟରେ ଅଘଟଣ। ଭାରସାମ୍ୟ ହରାଇ ନଦୀ ମଧ୍ୟକୁ ମାଡିଗଲା ମାଛ ବୋଝୋଇ ଟ୍ରକ। ଆନ୍ଧ୍ରରୁ ଟାଟା ଅଭିମୁଖେ ମାଛ ନେଇ ଯାଉଥିବା ବେଳେ ଘଟିଛି ଅଘଟଣ। ପ୍ରାଥମିକ ତଦନ୍ତରୁ କୌଣସି ମୃତାହତ ଖବର ମିଳିନଥିବା ବେଳେ ଟ୍ରକଟିର କ୍ଷତି ହୋଇଥିବା ଜଣାପଡିଛି। ଉଭୟ ଟ୍ରକ ଡ୍ରାଇଭର ଓ ହେଲ୍ପରଙ୍କର କୌଣସି କ୍ଷୟକ୍ଷତି ହୋଇନାଥିବା ଜଣାପଡିଛି। ତେବେ ମାଛ ପେଟି ଗୁଡିକ ଅନଲୋଡ଼ ସରିବା ପରେ ହିଁ ୨୦ଫୁଟ ତଳେ ଥିବା ଟ୍ରକ ଟିକୁ ଉଦ୍ଧାର କରାଯିବ । ଷ୍ଟ୍ରେରିଂ ଫେଲ ହୋଇଯିବାରୁ ଗାଡିଟି ନିୟନ୍ତ୍ରଣ ହରାଇଥିବା କହିଛନ୍ତି ଟ୍ରକ ଡ୍ରାଇଭର ।

  • ଟ୍ରକ ଚାପାରେ ୧୫ ଗୋରୁ ମୃତ, ୩ ଗୁରୁତର

    କେନ୍ଦୁଝର: କେନ୍ଦୁଝରରେ ବେଆଇନ୍  ଗୋରୁ ଚାଲାଣ କରାଯାଉଥିବା ସମୟରେ ଟ୍ରକ ଚାପାରେ ୧୫ ଗୋରୁ ମୃତ ୩ ଗୋରୁ ଗୁରୁତର। ଆଜି ଭୋର ପ୍ରାୟ ସାଢ଼େ ତିନିଟା ସମୟରେ ପ୍ରାୟ ୫୦ ରୁ ୬୦ ଗୋରୁଙ୍କୁ ବେଆଇନ ଭାବେ ବମ୍ବେରୁ କଲିକତା ଯାଉଥିଲା।  ଏହି ସମୟରେ ୪୯ ନଂ ଜାତୀୟ ରାଜପଥରେ ଡଙ୍ଗାପାଣି ଗାଁ ନିକଟରେ ପଛପଟୁ ଆସୁଥିବା ଏକ ଟ୍ରକ ଗୋରୁଙ୍କ ଉପରେ ଚଢିଯାଇଥିଲା । ଦୁର୍ଘଟଣା ଘଟାଇ ଥିବା ଟ୍ରକ ଟିର ଚକା ତଳେ ଏକାଧିକ ଗୋରୁ ଲାଗି ରହିଯିବାରୁ ଟ୍ରକଟି ସେହିଠାରେ ଅଟକି ରହିଯାଇଥିଲା। ଫଳରେ ଟ୍ରକର ଡ୍ରାଇଭର ଓ ହେଲପର ଟ୍ରକ ଛାଡି ଫେରାର ହୋଇ ଯାଇଛନ୍ତି। ସେପଟେ ବେଆଇନ ଗୋ ଚାଲାଣକାରୀ ମାନେ ମଧ୍ୟ ମୃତ ଓ ଆହତ ଗୋରୁଙ୍କୁ  ଛାଡି ପାର ହୋଇ ଯାଇଛନ୍ତି । ଘଟଣା ସ୍ଥଳରେ ପୋଲିସ ଓ ସ୍ଥାନୀୟ ଲୋକେ ପହଞ୍ଚି ମୃତ ଗୋରୁଙ୍କୁ ରାସ୍ତାରୁ ହଟାଇବା ସହ  ଆହତ ଗୋରୁଙ୍କୁ ଚିକିତ୍ସା ସୁବିଧା ଯୋଗାଇ ଦେଇଛନ୍ତି ।

  • ପଛ ସିଟରେ ବି ବେଲ୍ଟ ବାନ୍ଧିବା ହେବ ବାଧ୍ୟତାମୂଳକ

    ନୂଆଦିଲ୍ଲୀ: ସଡକ ଦୁର୍ଘଟଣାରେ ସାଇରସ ମିସ୍ତ୍ରୀଙ୍କ ମୃତ୍ୟୁ ପରେ କାରର ପଛ ସିଟରେ ବି ସିଟ ବେଲ୍ଟ  ଲଗାଇବାର ପ୍ରସଙ୍ଗ ଗୁରୁତ୍ବପୂର୍ଣ୍ଣ ହୋଇଯାଇଛି। ବର୍ତ୍ତମାନ ପର୍ଯ୍ୟନ୍ତର ଯାଞ୍ଚରୁ ଜଣାପଡିଛି କି, ପଛ ସିଟରେ ବସିଥିବା ସାଇରସ ମିସ୍ତ୍ରୀ ଓ ଜାହାଙ୍ଗିର ପଂଡୋଲ ସିଟ ବେଲ୍ଟ ଲଗାଇ ନ ଥିଲେ। ତେଣୁ ଦୁର୍ଘଟଣା ହେବାରୁ ତାଙ୍କୁ ଜୋରଦାର ଝଟକା ଲାଗିଥିଲା ଓ ତାଙ୍କ ମୃତ୍ୟୁ ହୋଇଥିଲା। କିନ୍ତୁ ଆଗରେ ବସିଥିବା ଉଭୟ ବ୍ୟକ୍ତି ବଞ୍ଚିଯାଇଛନ୍ତି।

    ତେବେ କାହିଁକି ସିଟ ବେଲ୍ଟ ପାଇଁ ଆଇନ ରହିଛି ତାକୁ ନେଇ ମୁମ୍ବାଇ ଟ୍ରାଫିକ ଡିସିପି ତିଲକ ରୋଶନ କହିଛନ୍ତି, କାରର ଆଗ ଓ ପଛ ସିଟରେ ବସିଥିବା ସମସ୍ତଙ୍କୁ ବେଲ୍ଟ ବାନ୍ଧିବା ଆବଶ୍ୟକ। ମୋଟର ଭେଇକିଲ ଆକ୍ଟ ସେକ୍ସନ ୧୯୪ ବି୧ ଅନ୍ତର୍ଗତ ୨୦୦ ଟଙ୍କା ଜରିମାନା ବ୍ୟବସ୍ଥା ରହିଛି। କିନ୍ତୁ ଲୋକଙ୍କ ମଧ୍ୟରେ ସଚେତନତା ଅଭାବ ଓ ସାଧାରଣ ଧାରଣା ରହିଛି କି, କେବଳ ଆଗରେ ବସିଥିବା ଲୋକଙ୍କୁ ସିଟ ବେଲ୍ଟ ଲଗାଇବା ଜରୁରୀ।

    ତେବେ ବର୍ତ୍ତମାନ ସାଇରସଙ୍କ ମୃତ୍ୟୁ ଅନେକଙ୍କ ଆଖି ଖୋଲି ଦେଇଛି।ଏହାକୁ ନେଇ ମୁମ୍ବାଇରେ ଏକ ସଚେତନତା ଅଭିଯାନ ଆରମ୍ଭ ହୋଇଛି। ଏଥିସହ ଗତି ନୀୟନ୍ତ୍ରଣ ବି ଜରୁରୀ ହୋଇପଡିଛି।

  • ଅମ୍ବାଜୀ ଦର୍ଶନ ପାଇଁ ଯିବାବେଳେ ଦୁର୍ଘଟଣା, ୬ ମୃତ

    ଆରାବଳୀ: ଗୁଜୁରାଟର ଆରାବଳୀ ଜିଲ୍ଲାରେ ଏକ କାର ମାଡିଯିବାରୁ ୬ ଜଣଙ୍କ ମୃତ୍ୟୁ ହୋଇଥିବା ବେଳ ୭ ଜଣ ଆହତ ହୋଇଛନ୍ତି। ଆରବଳି ଜିଲ୍ଲାର ମାଲପୁରରେ ତୀର୍ଥଯାତ୍ରୀଙ୍କ ଉପରେ କାର ମାଡି ଯିବାକୁ ଏପରି ଅଘଟଣ ଶୁକ୍ରବାର ସକାଳୁ ଘଟିଛି। ଅମ୍ବାଜୀ ମନ୍ଦିରକୁ ଦର୍ଶନ ପାଇଁ କିଛି ତୀର୍ଥଯାତ୍ରୀ ଯାଉଥିବା ବେଳେ ଏହି ଅଘଟଣ ଘଟିଥିବା ପୁଲିସ ସୂଚନା ଦେଇଛି।

    ଶୁକ୍ରବାର ସକାଳୁ ଆରାବଳୀର କ୍ରିଷ୍ଣାପୁର ପଟିଆ ନିକଟରେ କିଛି ଯାତ୍ରୀ ବନସ୍କଣ୍ଠ ଜିଲ୍ଲାର ଅମ୍ବାଜୀ ମନ୍ଦିରକୁ ଦର୍ଶନ ପାଇଁ ଚାଲି ଚାଲି ଯାଉଥିଲେ। ସେହି ରାସ୍ତା ଦେଇ ଯାଉଥିବା କାରର ଡ୍ରାଇଭର ହଠାତ୍ କାର ଉପରୁ ନିୟନ୍ତ୍ରଣ ହରାଇବସିଥିଲେ, ଫଳରେ କାର ଲୋକଙ୍କ ଉପରେ ମାଡି ଯାଇଥିଲା।

    ଏହି ଦୁର୍ଘଟଣାରେ ୬ ଜଣଙ୍କ ମୃତ୍ୟୁ ହୋଇଥିଲା ଓ ୭ ଜଣ ଆହତ ହୋଇଥିଲେ। ଆହତମାନଙ୍କୁ ସଙ୍ଗେ ସଙ୍ଗେ ମୋଡାସା ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା ଚାଲିଛି। ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଘଟଣାରେ ଶୋକ ବ୍ୟକ୍ତ କରିବା ସହ ମୃତକଙ୍କ ପରିବାରକୁ ୪ ଲକ୍ଷ ଟଙ୍କା  ଲେଖା ଓ ଆହତଙ୍କୁ ୫୦ ହଜାର ଟଙ୍କା ଲେଖା ସହାୟତା ଘୋଷଣା କରିଛନ୍ତି। ଆହତମାନଙ୍କୁ ଆବଶ୍ୟକୀୟ ଚିକିତ୍ସା ଯୋଗାଇ ଦେବାକୁ ଜିଲ୍ଲାପାଳଙ୍କୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।

  • ଅଷ୍ଟ୍ରେଲିଆ: ଦୁର୍ଘଟଣାରେ ପଞ୍ଜାବୀ ସିଙ୍ଗରଙ୍କ ମୃତ୍ୟୁ

    ମେଲବର୍ଣ୍ଣ: ଅଷ୍ଟ୍ରେଲିଆରେ ଏକ ଭୟଙ୍କର ସଡ଼କ ଦୁର୍ଘଟଣାରେ ପ୍ରଖ୍ୟାତ ପଞ୍ଜାବ କଣ୍ଠଶିଳ୍ପୀ ନୀରବରୀ ସିଂହଙ୍କ ମୃତ୍ୟୁ। ବୁଧବାର ଅପରାହ୍ନ ୩.୩୦ରେ ମେଲବର୍ଣ୍ଣ ନିକଟ ବୁଲ୍ଲା-ଡିଗର୍ସ ରେଷ୍ଟ ରୋଡ ନିକଟରରେ ତାଙ୍କ କାରକୁ ଧକ୍କା ଦେଇଥିଲା ଏକ ଗାଡି। ଦୁର୍ଘଟଣା ଏମିତି ଭୟଙ୍କର ଥିଲା କି ଏଥିରେ ନୀରବରୀଙ୍କ କାରର ପାର୍ଟସ୍ ଛିନ୍ନଛତ୍ର ହୋଇ ଏଣେତେଣେ ପଡିଥିଲା। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ସିଙ୍ଗରଙ୍କ କାରକୁ ଧକ୍କା ଦେବା ସହ ଆଉ କିଛି ଗାଡିକୁ ମଧ୍ୟ ଧକ୍କା ଦେଇଥିଲା ସେହି କିଆ  କାରଟି।

    ଦୁର୍ଘଟଣା ଘଟାଇଥିବା କାରର ୨୩ ବର୍ଷୀୟ ଡ୍ରାଇଭରକୁ ପୁଲିସ ଗିରଫ କରିଛି। ଦ୍ରୁତ ବେଗରେ କାର ଚଳାଇ ଯାଉଥିବା ବେଳେ କାର ଉପରୁ ନିୟନ୍ତ୍ରଣ ହରାଇଥିଲା ଅଭିଯୁକ୍ତ। ଫଳରେ ନୀରବରୀଙ୍କ କାର ସହ ଅନ୍ୟ ଦୁଇଟି ଗାଡିକୁ ଧକ୍କା ଦେଇଥିଲା ଦ୍ରୁତଗାମୀ କାର। ଦୁର୍ଘଟଣାଗ୍ରସ୍ତ ଅନ୍ୟ ଏକ ଜିପରେ ଥିବା ଜଣେ ମହିଳାଙ୍କ ସ୍ଥିତି ଗୁରୁର ରହିଛି।

    ନୀରବରୀ ୯ ବର୍ଷ ପୂର୍ବେ ଅଷ୍ଟ୍ରେଲିଆ ଚାଲି ଆସିଥିଲେ। ଅଷ୍ଟ୍ରେଲିଆରେ ତାଙ୍କ ପତ୍ନୀ ଓ ଦୁଇ ସନ୍ତାନ ରହିଛନ୍ତି। ସେ ସୋସିଆଲ ମିଡିଆରେ ବେଶ ଆକ୍ଟିଭ ଥିଲେ ଓ ବହୁ ମୋଟିଭେସନାଲ ଭିଡିଓ ଅପଲୋଡ କରୁଥିଲେ। ତାଙ୍କ ଆକସ୍ମିକ ମୃତ୍ୟୁରେ ତାଙ୍କ ଫ୍ୟାନଙ୍କ ମଧ୍ୟରେ ଖେଳିଯାଇଛି ଦୁଃଖର ଲହରୀ।

  • ଖାଇକୁ ଖସିଲା ଗାଡି: ୭ ମୃତ, ୫ ଆହତ

    ଶ୍ରୀନଗର: ଜମ୍ମୁର କିସ୍ତାବାଡରେ ବଡଧରଣର ଦୁର୍ଘଟଣା।  ଏକ ଟାଟା ସୁମୋ ଖାଇକୁ ଖସି ପଡିବାରୁ ସାତ ଜଣଙ୍କ ମୃତ୍ୟୁ ହୋଇଥିବା ବେଳେ ପାଞ୍ଚ ଜଣ ଆହତ ହୋଇଛନ୍ତି। ଦୁର୍ଘଟଣାର ସୂଚନା ମିଳିବା ପରେ ସ୍ଥାନୀୟ ଲୋକ ଓ ପୁଲିସ ପହଞ୍ଚି ଆହତ ଓ ମୃତକଙ୍କୁ ଉଦ୍ଧାର କରିଛନ୍ତି।

    କିସ୍ତାବାଡର ଛାତ୍ରୁ, ଚିନଗାମ ଅଞ୍ଚଳରେ ଏକ ଟାଟା ସୁମୋରେ କିଛି ଲୋକ ଯାତ୍ରା କରୁଥିଲେ।  ହଠାତ୍ ଚାଳକ ଗାଡି ଉପରୁ ନିୟନ୍ତ୍ରଣ ହରାଇବାରୁ ଗାଡିଟି ଖାଇକୁ ଖସିପଡିଛି। ସଙ୍ଗେ ସଙ୍ଗେ ସ୍ଥାନୀୟ ଲୋକ ଓ ପୁଲିସ ଅଧିକାରୀ ଉଦ୍ଧାର କରୁଛନ୍ତି। ଘଟଣା ସ୍ଥଳରେ ହିଁ ୫ ଜଣଙ୍କର ମୃତ୍ୟୁ ହୋଇଥିବା ବେଳେ ହସ୍ପିଟାଲ ଯିବା ବାଟରେ ଅନ୍ୟ ଦୁଇ ଜଣଙ୍କର ମୃତ୍ୟୁ ହୋଇଛି। 

    ଖାଇରୁ ବାହାର କରିବା ପାଇଁ ପୁଲିସ ସେନାର ସହାୟତା ମଧ୍ୟ ନେଉଛନ୍ତି। ଘଟଣାସ୍ଥଳରୁ ୫ ଜଣ ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିବା ଓ ଏକ ମାମଲା ରୁଜୁ ହୋଇଥିବା ଜଣେ ପୁଲିସ ଅଧିକାରୀ ସୂଚନା ଦେଇଛନ୍ତି।

  • ମର୍ମନ୍ତୁଦ ସଡକ ଦୁର୍ଘଟଣା, ୫ ମୃତ

    ଢେଙ୍କାନାଳ: ମର୍ମନ୍ତୁଦ ସଡକ ଦୁର୍ଘଟଣା। ଅଟୋକୁ ଧକା ଦେଲା ଟ୍ରକ। ଏପରି ଅଭାବନୀୟ ଘଟଣା ଦେଖିବାକୁ ମିଳିଛି ଏନଏଚ୍ ୫୩ନଂ ମୁକ୍ତାପଶି ଗ୍ରାମ ନିକଟରେ ଦୁର୍ଘଟଣା। ତେବେ ଏହି ଦୁର୍ଘଟଣାରେ ଜଣେ ନାବାଳକ ସମେତ ୫ ମୃତ୍ୟୁ। ସମସ୍ତ ମୃତକ ହେଲେ କାମାକ୍ଷାନଗର ଥାନା ବାଙ୍ଗୁରା ଗ୍ରାମର ହୋଇଥିବା ସୂଚନା। ତେବେ  ଟ୍ରକ ଚାଳକ ଘଟଣାସ୍ଥଳରୁ ଟ୍ରକ ଛାଡି ଫେରାର ହୋଇଛି। ପରେ ଘଟଣା ସ୍ଥଳରେ ଉତ୍ତେଜନା ଦେଖା ଦେଇଥିବା ସୂଚନା ମିଳିଛି। ମୃତକଙ୍କ ପରିବାର ଲୋକଙ୍କୁ ସହୟତା ରାଶି ଦେବା ପାଇଁ ସରକାରଙ୍କ ପାଖରେ ଦାବି କରିବା ସହ ଟ୍ରକ ଚାଳକକୁ ତୁରନ୍ତ ଗିରଫ କରାଯାଉ ବୋଲି ସ୍ଥାନୀୟ ଲୋକେ ଦାବି କରିଛନ୍ତି। ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ରାଜ୍ୟ ସରକାରଙ୍କ ତରଫରୁ ମୃତକଙ୍କ ପରିବାରକୁ ଏକ ଲକ୍ଷଟଙ୍କାର ରାଶି ଦିଆଯିବ ବୋଲି ରାଜ୍ୟ ସରକାରଙ୍କ ପକ୍ଷରୁ ସୂଚନା ମିଳିଛି। ଘଟଣା ସ୍ଥଳରେ ପୋଲିସ ସ୍ଥାନୀୟ ଲୋକଙ୍କୁ ବୁଝାସୁଝା କରି ଉତ୍ତେଜନାକୁ ଆୟତ୍ତ କରିଥିଲେ।

Back to top button