attack on police

  • ଜନ ଆକ୍ରୋଶ: ପୁଲିସକୁ ଗୋଡେଇ ଗୋଡେଇ ପିଟିଲେ ଗ୍ରାମବାସୀ

    ସୀତାମଢି: ବିହାରର ସୀତାମଢିରେ ପୁଲିସକୁ ଗୋଡେଇ ଗୋଡେଇ ପିଟିଲେ ଗ୍ରାମବାସୀ। ସ୍ଥିତି ଏମିତି ହେଲା କି, ଜୀବନ ବିକଳରେ ପୁଲିସକୁ ଘଟଣାସ୍ଥଳରୁ ପଳାୟନ କରିବାକୁ ହୋଇଥିଲା। ପୁଲିସ ଉପରେ ହୋଇଥିବା ଏହି ଆକ୍ରମଣର ଭିଡିଓ ଭାଇରାଲ ହୋଇଛି। ସୀତାମଢିର ପୁପରୀ ଥାନା ଅଧୀନ ଭିଟ୍ଠା ଗାଁର ହୋଇଥିବା ବେଳେ ପୁଲିସ ଗାଡି ମଧ୍ୟ ଲୋକଙ୍କ ଆକ୍ରୋଶରୁ ବର୍ତ୍ତିନଥିବା ଦେଖିବାକୁ ମିଳିଛି। ଭିଡିଓରେ ପୁଲିସ ଓ ପୁଲିସ ବାହନ ଉପରେ ଠେଙ୍ଗା ବାଡିରେ ହେଉଥିବା ଆକ୍ରମଣ ଦୃଶ୍ୟମାନ ହେଉଛି। ତିନି ଦିନ ପୂର୍ବରୁ ହୋଇଥିବା ଏକ ମୃତ୍ୟୁକୁ ନେଇ ବୁଧବାର ଏପରି ଅଭାବନୀୟ ପରିସ୍ଥିତିର ସୂତ୍ରପାତ ହୋଇଛି।

    ସୂଚନା ମୁତାବକ, ତିନି ଦିନ ତଳେ ଭିଟ୍ଠା ଗାଁରେ ସନ୍ଦେହଜନକ ଅବସ୍ଥାରେ ଜଣେ ଯୁବକଙ୍କ ମୃତ୍ୟୁ ହୋଇଥିଲା। କିନ୍ତୁ ଗାଁ ଲୋକେ ଏହାକୁ ହତ୍ୟା ବୋଲି ଅଭିଯୋଗ କରି ହଙ୍ଗାମା ଓ ପ୍ରଦର୍ଶନ କରିଥିଲେ। ରାସ୍ତା ରୋକର ସୂଚନା ମିଳିବା ପରେ ପୁପରୀ ପୁଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବାକୁ ଚେଷ୍ଟା କରିଥିଲା।

    କିନ୍ତୁ ଲୋକେ କିଛି ବୁଝିବା ବଦଳରେ ଓଲଟି ପୁଲିସ ଉପରେ ଆକ୍ରମଣ କରିଥିଲେ ଓ ପୁଲିସ ଗାଡିକୁ ମଧ୍ୟ ଭଙ୍ଗାରୁଜା କରିଥିଲେ। ଲୋକେ ଏମିତି ଆକ୍ରାମକ ରୂପ ଧାରଣ କରିଥିଲେ ଯେ ପୁଲିସକୁ ଘଟଣାସ୍ଥଳରୁ ଦୌଡିବାକୁ ବାଧ୍ୟ କରିଥିଲା।

    ଘଟଣାରେ ପୁଲିସ ୫୪ ଜଣଙ୍କ ନାମରେ ଏଫଆଇଆର ଦାୟର କରି ୧୦ ମହିଳାଙ୍କ ସମେତ ୨୫ ଜଣଙ୍କୁ ଗିରଫ କରିଛି।

  • ବିହାର: ମଦ ମାଫିଆଙ୍କ ଆକ୍ରମଣରେ ପୁଲିସ ଆହତ

    ଭୋଜପୁର: ବିହାରରେ ଅବକାରୀ ଓ ପୁଲିସ ଉପରେ ମଦମାଫିଆଙ୍କ ଅତର୍କିତ ଆକ୍ରମଣ। ଶନିବାର ଦିନ ହୋଇଥିବା ରେଡ ବେଳେ ରାଜ୍ୟର ଏକାଧିକ ସ୍ଥାନରୁ ଏପରି ଖବର ଆସୁଛି। ବହୁ ପୁଲିସ ଗାଡି ମଧ୍ୟ ମଦ ମାଫିଆଙ୍କ ଆକ୍ରମଣରେ କ୍ଷତିଗ୍ରସ୍ତ ହୋଇଛି।

    ନିଷିଦ୍ଧ ମଦ ପ୍ରସ୍ତୁତ ନେଇ ସୂଚନା ମିଳିବା ପରେ ଶନିବାର ଦିନ ଆରହରେ ଅବକାରୀ ବିଭାଗ ଓ ପୁଲିସ ବିଭାଗ ଦ୍ବାରା ଚଢାଉ ହୋଇଥିଲା।  ଜଗଦିଶପୁର ଥାନା ଅଧୀନ ଦୁଲହେଗଞ୍ଜରରେ ଟିମ ଉପରକୁ ମଦ ମାଫିଆ ପଥର ଓ ଇଟା ମାଡ କରିଥିଲେ। ଏହି ଆକ୍ରମଣରେ ୧୧ ଜଣ ପୁଲିସ କର୍ମୀ ଆହତ ହୋଇଥିବା ବେଳେ ଆହତ ମାନଙ୍କୁ ଜଗଦିଶପୁର ସବଡିଭିଜନ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ଆକ୍ରମଣରେ ପୁଲିସର ୪ ଜଣଙ୍‌କୁ ଗିରଫ କରାଯାଇଥିବା ବେଳେ ମଦ ପ୍ରସ୍ତୁତକାରୀ ସାମଗ୍ରୀକୁ ଜବତ କରାଯାଇଛି।

    ସେପଟେ ବିହାରର ଛାପ୍ରାରେ ମଧ୍ୟ ଶନିବାର ମଦ ମାଫିଆଙ୍କ ଆକ୍ରମଣରେ ୩ ଜଣ ପୁଲିସ କର୍ମୀ ଆହତ ହୋଇଛନ୍ତି। ମାସୁମ ଗଞ୍ଜରେ ଚଢାଉ କରି ପୁଲିସ ଫେରୁଥିବା ବେଳେ ଏହି ଆକ୍ରମଣ ହୋଇଥିଲା।

Back to top button