BHUBANESWAR

BBSR_FIRE_PKG

ଭୁବନେଶ୍ୱର: ତିନିଦିନ ହେଲା ମଞ୍ଚେଶ୍ୱର ଥାନା  ଅନ୍ତର୍ଗତ ରୋକଟ ଗାଁରେ ନିଆଁ ।  ଗ୍ରାମବାସୀ ଓ ଦମକଳ ବାହିନୀ ମିଳିତ ଉଦ୍ୟମରେ ନିଆଁ  ଲିଭାଇବାକୁ ଚେଷ୍ଟା କରି ମଧ୍ୟ ଲିଭୁନି ନିଆଁ। କେବଳ ଘରେ ନୁହେଁ ଗଛ ଆଉ ପାଳ ଗଦାରେ ବି ଲାଗୁଛି ନିଆଁ। ଏମିତିକି କଞ୍ଚା ଗଛରେ ବି ନିଆଁ ଲାଗି ଯାଉଛି । ଲୋକେ ବାହାରକୁ ବି ଯାଉନାହାନ୍ତି । କାରଣ କୌଣସି ମୁହୁର୍ତ୍ତରେ ବି ସେମାନଙ୍କ ଘରେ ନିଆଁ ଲାଗିଯିବାର ଭୟ ରହୁଛି ସ୍ଥାନୀୟ ପରିସ୍ଥିତି ଦେଖି ଦୁଇଟି ଦମକଳ ଗାଡ଼ି ସହ ଅଗ୍ନିଶମ ବାହିନୀର କର୍ମଚାରୀ ଉପସ୍ଥିତ ଅଛନ୍ତି।

ଆକସ୍ମିକ ଭାବେ ଲାଗୁଛି ନିଆଁ। ଆତଙ୍କରେ ଗ୍ରାମବାସୀ।  ବିତିଗଲାଣି 3 ଦିନ l ହେଲେ ଏବେ ଯାଏଁ ନିଆଁ ଲାଗିବାର କାରଣ ଅସ୍ପଷ୍ଟ ରହିଛି । ଏଭଳି  କିଛି  ଦୃଶ୍ୟ  ଦେଖିବାକୁ ମିଳିଛି ରାଜଧାନୀ ଉପକଣ୍ଠ ମଞ୍ଚେଶ୍ୱର ଥାନା ଅନ୍ତର୍ଗତ ରୋକଟ ଗ୍ରାମରେ l କ୍ରମାଗତ ଅଗ୍ନିକାଣ୍ଡ ଯୋଗୁ ଆତଙ୍କରେ ଅଛନ୍ତି ଗ୍ରାମବାସୀ। ଦୁଇଦିନ ହେବ ଗ୍ରାମରେ ପ୍ରତ୍ୟେକ ଜାଗାରେ ନିଆଁ ଲାଗୁଛି। ଏମିତିକି ପ୍ରତି ଅଧଘଣ୍ଟା ବ୍ୟବଧାନରେ ପାଳଗଦାରୁ ଘରକୁ ଡେଉଁଛି ନିଆଁ।  ବାରମ୍ବାର ନିଆଁ ଲାଗୁଥିବା ଯୋଗୁ ଅଗ୍ନିଶମ ବାହିନୀର କର୍ମଚାରୀମାନେ ଏବଂ ଗ୍ରାମବାସୀ ଘଟଣାସ୍ଥଳରେ  ଜଗି ରହିଛନ୍ତି।

ବିଜ୍ଞାନ ଯୁଗରେ ଅତ୍ୟଧିକ ତାପମାତ୍ରା ଯୋଗୁ ଏପରି ଅଗ୍ନିକାଣ୍ଡ  ଘଟିବାର ସନ୍ଦେହ କରାଯାଉଥିବା  ବେଳେ ଗ୍ରାମଦେବୀ ଙ୍କ କୋପରୁ ଏଭଳି  ଘଟୁଛି  ବୋଲି ପ୍ରତିକ୍ରିୟା ରଖିଛନ୍ତି କିଛି ଗ୍ରାମବାସୀ l ହଠାତ  ନିଆଁ ପିଣ୍ଡୁଳା ସଦୃଶ୍ୟ ଆସୁଛି  ଏବଂ ପାଳଗଦା  ଜଳାଇ ଦଉଚି ଯାହାକୁ ନେଇ ଏବେ ଚିନ୍ତାରେ ସମସ୍ତେ l

BBSR_HERITAGE DAY

ଭୁବନେଶ୍ୱର: ଆଜି ହେଉଛି ବିଶ୍ଵ ଐତିହ୍ୟ ଦିବସ। ଐତିହ୍ୟ ଗୁଡିକୁ ସୁରକ୍ଷା ଦେବା ପାଇଁ ରାଜ୍ୟ ସରକାର ବିଭିନ୍ନ ପଦକ୍ଷେପ ଗ୍ରହଣ କରିବା ସହ ସଚେତନତା କାର୍ଯ୍ୟକ୍ରମ ଆୟୋଜନ କରୁଛନ୍ତି। କିନ୍ତୁ ଆଜିର ଆଧୁନିକୀକରଣ ସମାଜରେ ସୋନ୍ଦର୍ଯ୍ୟକରଣ ନାଁ ରେ ବଳି ପଡ଼ି ଯାଉଛି ରାଜଧାନୀର ଅନେକ ଐତିହ୍ୟ କୀର୍ତ୍ତି ।

 ମନ୍ଦିର ମାଳିନୀ ଓଡ଼ିଶାର ରାଜଧାନୀ। ଅନେକ ପୁରୁଣା ମନ୍ଦିର ଥିବା ବେଳେ ରହିଛି ବହୁ ପୁରାତନ ବର୍ଷ ର ଐତିହ୍ୟ କୀର୍ତ୍ତି। ଏକାମ୍ର କ୍ଷେତ୍ର ରାଜଧାନୀ ଭୁବନେଶ୍ବରର ଐତିହ୍ୟକୁ ସମୃଦ୍ଧ କରେ। କିନ୍ତୁ ବର୍ତ୍ତମାନ ସୌନ୍ଦର୍ଯ୍ୟକରଣ ନା ରେ ବଳି ପଡିଯାଉଛି ଅନେକ ଐତିହ୍ୟ କୀର୍ତ୍ତି । ଏକାମ୍ର କ୍ଷେତ୍ରରେ ଅନେକ ଛୋଟ ବଡ଼ ମନ୍ଦିର ଥିବା ବେଳେ ସେଥିମଧରୁ ମେଘେଶ୍ଵର ଓ ବ୍ରହ୍ମେଶ୍ୱର ମନ୍ଦିର ଅନ୍ୟତମ। ବହୁ ପ୍ରାଚୀନ କାଳରୁ ଏହି ଦୁଇ ପ୍ରାଚୀନ ଐତିହ୍ୟ କୀର୍ତ୍ତିକୁ ଦେଖିବା ଲାଗି ବହୁ ସ୍ଥାନରୁ ଲୋକ ଆସିଥାନ୍ତି। କିନ୍ତୁ ଐତିହ୍ୟ କୀର୍ତ୍ତି ଗୁଡିକ ଅବହେଳିତ ଅବସ୍ଥାରେ ଥିବାରୁ ପର୍ଯ୍ୟଟକ ତ ଦୂର ର କଥା ଅଧିକାଂଶ ସମୟରେ ଠାକୁର ମଧ୍ୟ ପୂଜା ପାଇ ନଥାନ୍ତି। ସବୁ ଠାରୁ ବଡ଼କଥା ବର୍ଷା ଦିନ ହେଲେ ମନ୍ଦିର ମଧ୍ୟକୁ ସହରର ନାଳ ନର୍ଦ୍ଦମା ପାଣି ପଶି ଜମି ରହିଥାଏ ।

ଐତିହ୍ୟ ଗୁଡିକ କୁ ସୁରକ୍ଷା ଦେବା ପାଇଁ ରାଜ୍ୟ ସରକାର ବିଭିନ୍ନ ପଦକ୍ଷେପ ଗ୍ରହଣ କରିବା ସହ ସଚେତନତା କାର୍ଯ୍ୟକ୍ରମ କରୁଛନ୍ତି। କିନ୍ତୁ ତାହା କେବଳ କାଗଜ କଲମରେ ସିମୀତ ରହିଯାଉଛି। ଅନ୍ୟପଟେ ସୋନ୍ଦର୍ଯ୍ୟକରଣ ଲାଗି ଭୁବନେଶ୍ୱରରେ ଅନେକ ପ୍ରାଚୀନ କୀର୍ତ୍ତି ମାଟିରେ ମିଶିଯିବାକୁ ବସିଲାଣି ବୋଲି ପରିବେଶବିତ ମାନେ ଅଭିଯୋଗ କରିଛନ୍ତି । ଏନେଇ ଏସଆଇ ଅଧୀକ୍ଷକ ସୁଶାନ୍ତ କର କହିଛନ୍ତି ଖୁବ ଶୀଘ୍ର ସେଠାରେ ଡ୍ରେନେଜ୍ ସିଷ୍ଟମକୁ ପରିବର୍ତନ କରିଦିଆଯିବ। ଏଥିଲାଗି ରାଜ୍ୟ ସରକାରଙ୍କୁ ଚିଠି ଲେଖିବା ସହ ବିଏମସି ଓ ବିଡ଼ିଏ କୁ ମଧ୍ୟ ଜଣାଇ ଦିଆଯାଇଛି।

13/04/23

() କ୍ୟୁ-ନେଟ୍। ଲୋକଙ୍କୁ ଲକଜରି ପ୍ରଡକ୍ଟ ବିକ୍ରି ସହ ଚେନ୍ ସିଷ୍ଟମରେ ଯୋଡ଼ିବାକୁ ପ୍ରୟାସ କରିଥିଲା। ଆଉ ଲାଭ ଦେଖାଇ ଲୋଭର ବଶବର୍ତ୍ତୀ କରିଥିଲା। କେତେ ଯେ ନିବେଶକାରୀ ଫସିଲେ, ତାହାର ସୀମା ନାହିଁ। ଏବେ କ୍ୟୁ ନେଟ୍ ବିରୁଦ୍ଧରେ ନିବେଶକାରୀ ଆଇନଗତ ଫାଇଟ୍ କରୁଛନ୍ତି। ଅନୁରୂପ ଭାବରେ ଓଡ଼ିଶାରେ କ୍ୟୁ-ନେଟ୍ ଢାଞ୍ଚାରେ ୪ ବର୍ଷ ତଳେ ମୁଣ୍ଡ ଟେକିଥିଲା ଆଲିଆଞ୍ଜ ମଲଟିନାସନାଲ ହୋଲଡିଂ। ଏହାର ମାର୍କେଟିଂ ଦାୟିତ୍ୱ ନେଇଥିଲା ରେଭାଟାଜ୍ ଗ୍ଲୋବାଲ୍। ଏଥିରେ ବି ମୁଖ୍ୟ କାର୍ପଟଦାର ଥିଲେ ରାଜୀବ ଦାସ, ସୋନିଆ ତ୍ରିପାଠୀ ଓ ତାଙ୍କ ସହଯୋଗୀ। ଏବେ ଏହି କମ୍ପାନୀ କ୍ୟୁ-ନେଟ୍ ଭଳି ଛୁ। ଦେଖନ୍ତୁ ଏହି ରିପୋର୍ଟରେ। ଆଲିଆଞ୍ଜ ଇଣ୍ଟର ନାସନାଲ ହୋଲଡିଂର ଫ୍ଲାଗସିପ୍ ବ୍ରାଣ୍ଡ୍ ସେଲୋଜିଆ। ଓଡ଼ିଶା ମାର୍କେଟରେ ପ୍ରବେଶ କରିଥିଲା ନଭେମ୍ୱର ୧୫, ୨୦୧୯ରେ। ଆଉ ଓଡ଼ିଶାରେ ଏହାର ମାର୍କେଟିଂ ଦାୟିତ୍ୱ ନେଇଥିଲା ରେଭାଟାଜ୍ ଗ୍ଲୋବାଲ୍ ପ୍ରାଇଭେଟ୍ ଲିମିଟେଡ୍। ମେ ଫେୟାର ହୋଟେଲରେ ବଡ଼ ଜାକଜମକରେ ଏହାର ପ୍ରଡକ୍ଟ ଲଞ୍ଚ୍‌ର ଶୁଭାରମ୍ଭ ହୋଇଥିଲା। ଓଲିଉଡ୍ ଅଭିନେତ୍ରୀ ଅନୁ ଚୌଧୁରୀ ଏହାର ଓଡ଼ିଶାର ବ୍ରାଣ୍ଡ୍ ଆମ୍ୱାସାଡର ସାଜିଥିଲେ। ବଡ଼ କଥା ଥିଲା କି, ରେଭାଟାଜ୍ ଗ୍ଲୋବାଲ୍ କମ୍ପାନୀର ନିର୍ଦେଶକ ବି ରାଜୀବ ଦାସ। ତାଙ୍କ ସହଯୋଗୀ ବିକ୍ରମ ସାହୁଙ୍କ ସହ ଏହି କମ୍ପାନୀ ଖୋଲିଥିଲେ ରାଜୀବ। କାର୍ଯ୍ୟକ୍ରମରେ ଉପସ୍ଥିତ ଥିଲେ ରାଜୀବଙ୍କ ପତ୍ନୀ ସୋନିଆ ତ୍ରିପାଠୀ। କମ୍ପାନୀର ବ୍ରାଣ୍ଡ୍ କସମେଟିକ୍ସ, ଫୁଡ୍ ଆଇଟମ୍ ଓ ପ୍ରଡକ୍ଟ ବାବଦରେ ନିବେଶକଙ୍କୁ ବୁଝାଇଥିଲେ ରାଜୀବ ଓ ବିକ୍ରମ। ନାଚଗୀତରେ କମ୍ପୁଥିଲା ପରିବେଶ। ଇଏ ହେଉଛି ସେଇ ରେଭାଟାଜ ଗ୍ଲୋବାଲ କମ୍ପାନୀ। ଯାହାକୁ ଗୁଗଲରେ ସର୍ଚ୍ଚ କଲେ ଏବେ ଅସ୍ଥାୟୀ ବନ୍ଦ ବୋଲି ଦେଖିବେ। ଯେଉଁ ଠିକଣା ବି ଦିଆଯାଇଛି, ସେଠି ଏହାର କୌଣସି ଚିହ୍ନବର୍ଣ୍ଣ ନାହିଁ। ଆଉ ୪ ବର୍ଷ ତଳେ ଲୋକଙ୍କୁ କଥା ଦିଆଯାଇଥିଲା କି, ଦେଶର ୧୦ଟି ରାଜ୍ୟରେ ଏହାର ପ୍ରଡକ୍ଟ ଲଞ୍ଚ ହେବାକୁ ଯାଉଛି। ତେଲେଙ୍ଗାନା ପରେ ଓଡ଼ିଶା ହେଉଛି ଦ୍ୱିତୀୟ ରାଜ୍ୟ, ଯେଉଁଠି ଏହି ପ୍ରଡକ୍ଟର ବଜାର ପ୍ରବେଶ ହୋଇଥିଲା ଆଉ ଓଡ଼ିଶାରେ ବଜାର ଦାୟିତ୍ୱ ନେଇଥିଲା ରେଭାଟାଜ୍। ଲୁମେକ୍ସ ନାଁରେ ନିବେଶକଙ୍କୁ ଲୁଟି ଏବେ ରାଜୀବ ସୋନିଆ ଫେରାର୍। ପୁଣି ରେଭାଟାଜ୍ ଗ୍ଲୋବାଲ୍ ନାଁରେ ସଂସ୍ଥା ଗଢ଼ି ଲୋକଙ୍କ ବିଶ୍ୱାସରେ ବିଷ ଦେଇ ଲୁଟିଲେ ରାଜୀବ ଓ ତାଙ୍କ ସହଯୋଗୀ। କାରଣ ଲୁମେକ୍ସରୁ ରେଭାଟାଜ୍ ଗ୍ଲୋବାଲ କମ୍ପାନୀକୁ ୧ କୋଟି ୭୨ ଲକ୍ଷ ଟଙ୍କା ଟ୍ରାନ୍ସଫର ହୋଇଛି। ଆଉ ଏହି ଅର୍ଥ ନିବେଶକଙ୍କର। ନିବେଶକଙ୍କ ଅର୍ଥରେ ନିବେଶକଙ୍କୁ ଭୂଆଁ ବୁଲାଇବା ଥିଲା ଯେମିତି ଏ ସବୁ ଗ୍ରୁପର କାରସାଦି। ଆଉ ଏହି ଅର୍ଥରେ ହିଁ ମେ ଫେୟାର ହୋଟେଲରେ ଏତେ ବଡ଼ ଧରଣର କାର୍ଯ୍ୟକ୍ରମ କରାଯାଇଥିଲା। ତେବେ ୪ ବର୍ଷ ବିତିଗଲାଣି। ଆଉ କେଉଁଠି ବି ଏହି ସଂସ୍ଥାର ପ୍ରଡକ୍ଟ ଆଉ କେଉଁଠି ଲଞ୍ଚ୍ ହେବାର ଖୋଜଖବର ନାହିଁ କାହା ପାଖରେ। ବିଭିନ୍ନ ଶ୍ରେଣୀର ଗ୍ରାହକଙ୍କ କିଣିବା କ୍ଷମତାକୁ ଦୃଷ୍ଟିରେ ଦେଖି ବଜାରପ୍ରବେଶ ହୋଇଥିଲା। ଯେମିତି ତେଲେଙ୍ଗାନାରେ କ୍ୟୁ–ନେଟ୍ ର କାୟାରେ ମାତିଥିଲେ ଲୋକେ। ଆଉ ଠକାମୀରେ ପଡ଼ିବା ପରେ ଏବେ ଆଇନଗତ ଲଢ଼େଇ ଲଢ଼ୁଛନ୍ତି। ଏବେ ପୀଡ଼ିତମାନେ ଏହାର ଏସଆଇଟି ତଦନ୍ତ ଦାବି କରୁଛନ୍ତି। ମୁଖ୍ୟମନ୍ତ୍ରୀ ଚନ୍ଦ୍ରଶେଖର ରାଓଙ୍କୁ ନିବେଦନ କରିଛନ୍ତି, ଏତେ ବଡ଼ ଧରଣର ଆର୍ଥିକ ଅନିୟମିତତାର ଯାଞ୍ଚ ଲାଗି ସ୍ୱତନ୍ତ୍ର ଏସଆଇଟି ହେଉ। ଏହା ସହ ଏହାର ବ୍ରାଣ୍ଡ୍ ଆମ୍ୱାସାଡର ସାଜିଥିବା ସାନିଆ ମୀର୍ଜାଙ୍କୁ ଏଥିରୁ ହଟାଯାଉ ବୋଲି ଦାବି କରିଛନ୍ତି ନିବେଶକାରୀ। କାରଣ ସାନିଆ ହିଁ କ୍ୟୁ-ନେଟ୍ କୁ ପ୍ରମୋଟ କରିଥିଲେ। କ୍ୟୁ–ନେଟ୍ ଏକ ଚେନ୍ ସିଷ୍ଟମ। ଆଉ ଏହାର ମାୟାରେ ପକାଇବାକୁ ଅନେକ ସେଲିବ୍ରିଟିଙ୍କୁ ଆଣି ମୋହରା କରିଥିଲା କ୍ୟୁ-ନେଟ୍। ହଜାର ହଜାର ଯୁବକ, ମହିଳା ଓ ଅବସରପ୍ରାପ୍ତ କର୍ମଚାରୀଙ୍କ ଅର୍ଥ ନେଇ ଛୁ ମାରିଥିଲା ଏହି ଠକ ନେଟଓ୍ୱର୍କ। ଗଲା ଜାନୁଆରୀ ମାସରେ କ୍ୟୁ–ନେଟ୍ ସଂପୃକ୍ତିରେ ଇଡି ୩୬ଟି ବ୍ୟାଙ୍କ ଆକାଉଣ୍ଟରେ ଥିବା ୯୦ କୋଟିରୁ ଅଧିକ ଟଙ୍କା ଅଚଳ କରିଦେଇଛି। କ୍ୟୁ-ନେଟ ର ମାଷ୍ଟର ଫ୍ରାଞ୍ଚାଇଜ୍ ଭିହାନ ଡାଇରେକ୍ଟ ସେଲିଂ ଇଣ୍ଡିଆର ଅନେକ କମ୍ପାନୀ, ବ୍ୟକ୍ତିବିଶେଷ ଓ ପ୍ରୋପ୍ରାଇଟରଙ୍କ ବ୍ୟାଙ୍କ ଆକାଉଣ୍ଟକୁ ସିଜ୍ କରିଥିଲା। ମୁମ୍ୱାଇ, ବେଙ୍ଗାଲୁରୁ ଓ ଚେନ୍ନାଇରେ ତନାଘନା କରିଥିଲା ଇଡ଼ି। ୨୦୧୪ରେ କ୍ୟୁ–ନେଟ୍ ୪୨୫ କୋଟି ଟଙ୍କାର ବଡ଼ ଧରଣର ଆର୍ଥିକ ଅନିୟମିତତାକୁ ନେଇ ମାମଲା ରୁଜୁ କରିଥିଲା ଇଡି। ୨୦୧୯ ଅଗଷ୍ଟରେ କର୍ପୋରେଟ ମନ୍ତ୍ରଣାଳୟ ଓ କଞ୍ଜୁମର ଆଫାୟାର୍ସ ମନ୍ତ୍ରଣାଳୟ ପିଟିସନ ଦାଖଲ ସହ ୧୨ ଜଣଙ୍କ ବିରୁଦ୍ଧରେ ଲୁକ୍ ଆଉଟ୍ ନୋଟିସ ବି ଜାରି କରିଥିଲା। କ୍ୟୁ–ନେଟ୍ କୁ ରେଭାଟାଜ୍ ଗ୍ଲୋବାଲ୍ ସହ ତୁଳନା କରିବା କେତେଦୂର ଯୁକ୍ତିଯୁକ୍ତ। ଏ ପ୍ରଶ୍ନର ଉତ୍ତର ହେଉଛି ବିଲକୁଲ ଯୁକ୍ତିଯୁକ୍ତ। କାରଣ ରେଭାଟାଜ୍ ଗ୍ଲୋବାଲ କମ୍ପାନୀ ଭଳି ଅନେକ ଠକ କମ୍ପାନୀ ଗଢ଼ିଥିଲେ ରାଜୀବ ଓ ତାଙ୍କ ସହଯୋଗୀ। ଲୁମେକ୍ସର କାରସାଦିକୁ ଗୋଟିଏ ପଟେ ରାଜନୀତି ଉଠୁଛି ପଡ଼ୁଛି। ଆଉ ଅଭିଯୁକ୍ତଙ୍କୁ କେବେ ଧରିବ ଓ ଘାଣ୍ଟିବ ତଦନ୍ତକାରୀ ସଂସ୍ଥା ବୋଲି ଏ ପ୍ରଶ୍ନର ଉତ୍ତର ଏ ଯାଏ ମିଳିନି। ତଥାପି ନିବେଶକାରୀ ନିଶ୍ଚିତ। ନ୍ୟାୟ ମିଳିବ। କିନ୍ତୁ ମନରେ ବି ସନ୍ଦେହ। ଆଉ କେତେ ଦିନ। ଅଭିଯୁକ୍ତଙ୍କ ଟେର୍ ପାଉନି ପୁଲିସ ନା ଅଭିଯୁକ୍ତଙ୍କୁ ଆଣିବାକୁ ପୁଲିସ ପାଖରେ ବାଟ ନାହିଁ। କାରଣ କଥାରେ ଅଛି, ବିଳମ୍ୱିତ ନ୍ୟାୟ କାହା ପାଇଁ। ଅଭିଯୁକ୍ତ ଯଦି ବେଫିକର ହୋଇ ବୁଲିବେ। ଆଉ ତଦନ୍ତ ବିଳମ୍ୱ ହେଲେ ନା ପ୍ରମାଣ ଥିବ ନା ହରାଇଥିବା ଟଙ୍କା ପାଇବେ  ନିବେଶକାରୀ। କ୍ୟୁ–ନେଟ୍ ଭଳି ପୋଞ୍ଜି ସ୍କାମ୍‌ ଚହଳ ପକାଇସାରିଛି ଦେଶରେ। ଆଉ ଓଡ଼ିଶାରେ ଧୃତ ରାଜୀବ, ସୋନିଆ ଓ ତାଙ୍କର ସହଯୋଗୀଙ୍କ କାରନାମାର ଗୋଟି ଗୋଟି କରି ଚିଠା, ପ୍ରମାଣ ଓ ଦସ୍ତାବିଜ୍ ଖୋଲା ବହି ଭଳି ରହିଛି। ଅଥଚ ଏମାନେ ମୁକୁଳା। ଅଭିଯୋଗକାରୀ ଅନିଶ୍ଚିତତା ଭିତରେ।

ଭୁବନେଶ୍ୱର: ଭୁବନେଶ୍ୱର ଷ୍ଟେସନରୁ ଜବତ ହୋଇଛି ବିସ୍ଫୋରକ ସାମଗ୍ରୀ । ଯାହାକୁ ନିଷ୍କ୍ରିୟ କରିଛନ୍ତି ବମ୍ ସ୍କ୍ୱାର୍ଡ । ବିସ୍ଫୋରକ ପଦାର୍ଥକୁ  ନଦୀ ରେ ପକାଇ ନିଷ୍କ୍ରିୟ କରାଯାଇଥିବା ସୂଚନା ।

ଖବର ଅନୁଯାୟୀ ବୁଧୁବାର ରାତିରେ କୋଣାର୍କ ଏକ୍ସପ୍ରେସ୍ ମୁମ୍ୱାଇରୁ ଭୁବନେଶ୍ୱର ଆସି 2 ନମ୍ବର ପ୍ଲାଟଫର୍ମରେ ରହିଥିଲା । ଭୋର ସମୟରେ ଟ୍ରେନ ସଫେଇ କର୍ମଚାରୀ ଟ୍ରେନ ସଫାକରିବା ବେଳେ ଟ୍ରେନରେ କିଛି ବହି ରଖାଯାଇଥିବା ଦେଖିବାକୁ ପାଇଥିଲେ । ଯେଉଁଥିରୁ ଧୁଆଁ ବାହାରୁଥିଲା । କର୍ମଚାରୀ ମାନେ ସନ୍ଦେହ କରି ସଙ୍ଗେ ସଙ୍ଗେ ଜିଆରପି ପୋଲିସ କୁ ଜଣାଇଥିଲେ । ଏବଂ ପରେ ଜିଆରପି ପୋଲିସ ବମ୍ ସ୍କ୍ୱାର୍ଡକୁ ଜଣାଇବା ସହ ସନ୍ଧାନକାରୀ କୁକୁର ଆଣିଥିଲେ।

ବମ୍ ନିଷ୍କ୍ରିୟକାରୀ ଅଧିକାରୀ ଏହାକୁ ଦେଖି ଏହା ବିସ୍ଫୋରକ ସାମଗ୍ରୀ ବୋଲି ଜାଣିପାରିଲେ । ଏବଂ ଅତି ସାବଧାନର ସହ ଏହାକୁ ଟ୍ରେନରୁ ବାହାରକରି ନଦୀରେ ପକାଇ ଦେଇଥିଲେ । ଯେଉଁଠାରେ ଏହା ନିଷ୍କ୍ରୟ ହୋଇଥିଲା ।

ଏହାକୁନେଇ ଭୁବନେଶ୍ୱର ଆରପିଏଫ ଥାନାରେ ଏକ ମାମଲା ରୁଜୁକରି ତଦନ୍ତ ଆରମ୍ଭ କରାଯାଇଛି । ତେବେ ଏହି ସାମଗ୍ରୀ କେଉଁ ଉଦ୍ଧେଶ୍ୟରେ କେଉଁଠାରୁ ଅଣାଯଇଥିଲା ତାହା ଏପର୍ଯ୍ୟନ୍ତ ଅସ୍ଫଷ୍ଟ ରହିଛି ।  

BBSR FOUNDATION DAY VS APARAJITA..PKG..PRADEEP/BBSR

() ରାଜଧାନୀର ପ୍ରତିଷ୍ଠା ଦିବସ। ୭୬ ବର୍ଷରେ ପାଦ ଥାପିଲା ରାଜଧାନୀ। ଏହାକୁ ନେଇ ପୁରା ଭୁବନେଶ୍ୱରରେ ଉତ୍ସବମୁଖର ପରିବେଶ ସୃଷ୍ଟି ହୋଇଛି। ହେଲେ ଗଲା ବର୍ଷ ଭଳି ଏଥର ବି ପ୍ରତିଷ୍ଠା ଦିବସକୁ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କୁ ନିମନ୍ତ୍ରଣ ମିଳିଲାନି। ଯାହାକୁ ନେଇ ପୁଣି ଥରେ ତେଜିଛି ଆରୋପ ପ୍ରତ୍ୟାରୋପ ରାଜନୀତି।

ଭୁବନେଶ୍ୱରର ପ୍ରତିଷ୍ଠା ଦିବସ। ୭୬ ବର୍ଷରେ ପାଦ ଥାପିଛି ରାଜଧାନୀ। ୭୫ତମ ପ୍ରତିଷ୍ଠା ଦିବସକୁ ବେଶ୍ ଜାକଜମକରେ ପାଳିତ ହେଲା। ସକାଳୁ ସଂଧ୍ୟା ପର୍ଯ୍ୟନ୍ତ ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଛାତ୍ରଛାତ୍ରୀଙ୍କ ଚିତ୍ତାକର୍ଷକ ଓ ବେସାମରିକ ପ୍ୟାରେଡ, ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା। ହେଲେ ଗଲାବର୍ଷ ଭଳି ଏଥର ବି କେଁ ରହିଲା। ରାଜଧାନୀ ପ୍ରତିଷ୍ଠା ଦିବସ ସମାରୋହକୁ ଡକାଗଲାନି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କୁ। ନିମନ୍ତ୍ରଣ ପତ୍ରରେ ନାଁ ହିଁ ନଥିଲା ଗଲାବର୍ଷ ଭଳି। ଏହାକୁ ଦେଖି ବୁଧବାର ସଂଧ୍ୟାରେ ହିଁ ଅପରାଜିତା ଟ୍ୱିଟ୍ ଯୋଗେ କ୍ଷୋଭ ଝାଡ଼ିସାରିଥିଲେ। ଏହା ଭୁବନେଶ୍ୱର ବାସିନ୍ଦାଙ୍କୁ ଅପମାନ ନୁହେଁ କି। ଏହା ଉଦ୍ଦେଶ୍ୟମୂଳକ ନୁହେଁ କି ବୋଲି ପଚାରିଥିଲେ ଅପରାଜିତା। ଆଉ ପ୍ରତିଷ୍ଠା ଦିବସ ସମାରୋହ ମଞ୍ଚରେ ଉପସ୍ଥିତ ଅତିଥିଙ୍କ ଭିତରେ ଅପରାଜିତାଙ୍କ ନିମନ୍ତ୍ରଣ ବିବାଦକୁ ନେଇ ଭିନ୍ନ ମତ ଦେଖାଯାଇଥିଲା। ମନ୍ତ୍ରୀ ଅଶୋକ ପଣ୍ଡା କହିଛନ୍ତି, ବିକାଶକୁ ସ୍ୱାଗତ କରନ୍ତୁ ଅପରାଜିତା। ସବୁ କଥାରେ ଦୋଷତୃଟି ଖୋଜିବା କାମଳତାର ପରିଚୟ। ସାଂସଦଙ୍କ ନାଁ କାହିଁକି ନିମନ୍ତ୍ରଣ କାର୍ଡରେ ନାହିଁ, ସେ କଥା ପ୍ରତିଷ୍ଠା ଦିବସର ଆୟୋଜକ କି ସଂଯୋଜକ କହିପାରିବେ। କିନ୍ତୁ ବାଡ଼ି ଭାଙ୍ଗିବନି କି ସାପ ମରିବନି ନ୍ୟାୟରେ ମତ ଦେଇଛନ୍ତି ବିଧାୟକ ସୁର ରାଉତରାୟ। ଅବଶ୍ୟ ସରକାରଙ୍କ ଦୋଷ ଦୁର୍ବଳତାକୁ ପଦାରେ ପକାଇ ଦେଇଛନ୍ତି ରାଜଧାନୀ ପ୍ରତିଷ୍ଠା ଦିବସ କମିଟି ସଭାପତି। କୁଆଡ଼େ ସାଂସଦଙ୍କୁ ଉଦ୍ଦେଶ୍ୟମୂଳକ ଭାବେ ଡକାଗଲାନି ବୋଲି କହିବା ସହ ଏପରିକି ନିମନ୍ତ୍ରଣ କାର୍ଡ ଦେବାକୁ ମେୟର ମନା କରିଦେଇଥିଲେ ବୋଲି କହିଛନ୍ତି ସଭାପତି ପ୍ରଦୋଷ ପଟ୍ଟନାୟକ।

ସେପଟେ ଅପରାଜିତା କହିଛନ୍ତି, କାର୍ଯ୍ୟକ୍ରମକୁ ନିମନ୍ତ୍ରଣ କରାନଯିବା ପଛରେ ରାଜ୍ୟ ସରକାରଙ୍କ ଚିରତ୍ର ଓ ସଂସ୍କାରକୁ ଦର୍ଶାଉଛି। ଏହା ସରକାରଙ୍କ ଅହଙ୍କାର। ଗଲାବର୍ଷ ବି ଏ ସନ୍ଦର୍ଭରେ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ। ହେଲେ କିଛି ସୁଫଳ ମିଳିଲାନି। ସାମ୍ୱିଧାନିକ ପଦବୀର ବାରମ୍ୱାର ଅପମାନ ହେତୁ ଆଗାମୀ ଦିନରେ ଆଇନର ଆଶ୍ରୟ ନେବେ ବୋଲି ଧମକ ଦେଇଛନ୍ତି ଅପରାଜିତା।

ପ୍ରତିଷ୍ଠା ଦିବସରେ ସାଂସଦଙ୍କୁ ନିମନ୍ତ୍ରଣ କରାଗଲାନି। ଗଲା ବର୍ଷ ଭଳି ଅନୁରୂପ ଘଟଣା ଘଟିଲା। ତେବେ ଅପରାଜିତାଙ୍କ ପ୍ରତି ଏଭଳି ମନୋଭାବ ପଛର ରହସ୍ୟ କଅଣ। ଏମିତିରେ ଗଲା ଥର ଅପରାଜିତାଙ୍କୁ ଅପମାନ ଘଟଣାରେ ତାଙ୍କ ଦଳ ପାଟି ଫିଟାଇନଥିଲା।

ନବକିଶୋର ସାହୁଙ୍କ ରିପୋର୍ଟ

BBSR_CAPITAL _FOUNDATION DAY _ PKG

() ଆସନ୍ତାକାଲି ରାଜଧାନୀ ପାଳିବ 75 ତମ ପ୍ରତିଷ୍ଠା ଦିବସ l ପ୍ରଥମ ଥର ପାଇଁ ପ୍ରତିଷ୍ଠା ଦିବସର ଦାୟିତ୍ଵ ନିର୍ବାହ କରୁଛି ବିଏମସି l ପ୍ରତିଷ୍ଠା ଦିବସ ଅବସରରେ ସଜେଇ ହୋଇଛି ରାଜଧାନୀର କୋଣ ଅନୁକୋଣ l ଚଳିତ ବର୍ଷ 13,14,15 ତିନି ଦିନ ଧରି ଚାଲିବ ସାଂସ୍କୃତିକ କାର୍ଯ୍ୟକ୍ରମ l ଚଳିତ ବର୍ଷ ପ୍ରଥମ ଥର ପାଇଁ ରାଜଧାନୀ ପ୍ରତିଷ୍ଠା ଦିବସରେ ଯୋଗଦେବେ ମୂଖ୍ୟମନ୍ତ୍ରୀ ନବୀନ ପଟ୍ଟନାୟକ l

ରାଜଧାନୀକୁ ପୁରିଛି ୭୫ ବର୍ଷ। ଏହି 75 ବର୍ଷ ଭିତରେ ବଦଳିଛି ରାଜଧାନୀର ରୂପରେଖ l ସ୍ମାଟ ସିଟି ରୂପେ ଘୋଷିତ ହେବା ପରେ ପ୍ରକୃତି ଓ ପାହାଡ ଘେରା ରାଜଧାନୀ ପରିଣତ ହୋଇଛି କଂକ୍ରିଟ ରାଜଧାନୀରେ l ମନ୍ଦିର ମାଳିନୀ ଭୁବନେଶ୍ୱରରେ ଦଣ୍ଡାୟମାନ ହୋଇଛି ବିଶାଳ କମ୍ପାନୀ ଓ ବଡ ବଡ ସପିଙ୍ଗ ମଲ l ଗାଡି ମୋଟର ସଂଖ୍ୟା ବଢିବା ସହ ରାଜଧାନୀବାସୀଙ୍କ ଜୀବନ ଧାରଣର ମାନ ମଧ୍ୟ ବୃଦ୍ଧି ପାଇଛିl ଶାନ୍ତ ସରଳ ରାଜଧାନୀ ପରିଣତ ହୋଇଛି ବ୍ୟସ୍ତବହୁଳ ରାଜଧାନୀରେ l ଅନ୍ୟପଟେ ପ୍ରତିଷ୍ଠା ଦିବସ ପାଇଁ ଆରମ୍ଭ ହୋଇଛି ପ୍ରସ୍ତୁତି l ସ୍କୁଲ ପିଲାଙ୍କ ସହ କନେଷ୍ଟବଲ ଫୋର୍ସ , ସ୍କେଟିଂ ଓ ବାଇକ ରାଲି ର ମାର୍ଚିଂ ମଧ୍ୟ ଦେଖିବକୁ ମିଳିଛି l

ବର୍ଷ ପରି ଚଳିତ ବର୍ଷ 13 ଟି କ୍ୟଟେଗୋରି ରେ ରାଜଧାନୀ ଗୌରବ ସମ୍ମାନ ପ୍ରଦାନ କରାଯିବ l ଚଳିତ ବର୍ଷ ଏହି କ୍ୟଟେଗୋରି ରୁ ବେଷ୍ଟ ପୋଷ୍ଟମାଷ୍ଟର କୁ ହଟାଇ ବେଷ୍ଟ ଷ୍ଟାର୍ଟପ ପୁରସ୍କାର ପ୍ରଦାନ କରାଯିବ l ବିଭିନ୍ନ ବରିଷ୍ଠ ନାଗରିକ ମାନେ ମଧ୍ୟ ଯୋଗଦେଇ ପୁରାତନ ଓ ନୂତନ ରାଜଧାନୀ ସମ୍ବନ୍ଧରେ ନିଜର ଅନୁଭୂତି ପ୍ରକାଶ କରିବେ l ଚଳିତବର୍ଷ ମୁଖ୍ୟମନ୍ତ୍ରୀ ମୁଖ୍ୟଅତିଥି ଭାବେ ଯୋଗ ଦେବାର କାର୍ଯ୍ୟକ୍ରମ ରହିଛି । 

ଅନ୍ୟପଟେ ଆସନ୍ତାକାଲିକୁ ଉତ୍କଣ୍ଠାର ସହ ଅପେକ୍ଷା କରି ରହିଛନ୍ତି ପ୍ରତ୍ୟେକ ରାଜଧାନୀବାସୀ l

ଜ୍ୟୋତି ମଞ୍ଜରୀ ସାହୁଙ୍କ ରିପୋର୍ଟ

ଭୁବନେଶ୍ୱର: ରାଜଧାନୀରେ ରାତି ଅଧିଆ ମାତିଛନ୍ତି ଲୁଟେରା । ଫୁଲ ତୋଳିବାକୁ ବାହାରୁଥିବା ବ୍ୟକ୍ତିଙ୍କୁ କରୁଛନ୍ତି ଲୁଟ । ଜଣେ ମହିଳାଙ୍କୁ ଲୁଟ ହୋଇଥିବା ପୂରା ଦୃଶ୍ୟ ସିସିଟିଭିରେ ହୋଇଛି କଏଦ । ତେବେ ଘଟଣାଟି ଦେଖିବାକୁ ମିଳିଛି  ଲକ୍ଷ୍ମୀ ସାଗର ଥାନା ଅଧୀନ ଓସ୍କାର ଅଞ୍ଚଳରେ । ପୋଲିସ ମାମଲା ରଜୁ କରି ଆରମ୍ଭ କରିଛି ତଦନ୍ତ ।

ମିଳିଥିବା ସୂଚନା ଅନୁଯାୟୀ, ରବିବାର ରାତି ପ୍ରାୟ 3.20 ସମୟରେ ଜଣେ ମହିଳା ଫୁଲ ତୋଳିବା ପାଇଁ ନିଜ ଘରୁ ବାହାରକୁ ଯାଇଥିଲେ । ସେ ଫୁଲ ତୋଳିବାର ଦେଖି ଜଣେ ଦୁର୍ବୃତ୍ତ ତାଙ୍କୁ ହଠାତ୍ ଗୋଡାଇଥିଲା । ମହିଳା ଜଣକ ଦୌଡି ପଳାଉଥିଲେ । କିନ୍ତୁ ହଠାତ ସେ ପଡିଯାଇଥିଲେ । ମହିଳା ଜଣକ ପଡିଯିବା ପରେ ଦୁର୍ବୃତ୍ତ ତାଙ୍କ ଉପରେ ମାଡି ବସି ତାଙ୍କ ବେକରେ ଲାଗିଥିବା ସୁନା ଚେନକୁ ଟାଣି ନେଇଯାଇଥିଲା । ଏନେଇ ମହିଳା ଲକ୍ଷ୍ମୀ ସାଗର ଥାନାରେ ଲିଖିତ ଅଭିଯୋଗ କରିଥିଲେ ।

ଅଭିଯୋଗ ଅନୁଯାୟୀ ପୋଲସ ଉକ୍ତ ଜାଗାରେ ଥିବା ସିସିଟିଭିକୁ ଫୁଟେଜକୁ  ଆଧାର କରି  ତଦନ୍ତ ଆରମ୍ଭ କରିଛି ।

() ସମଗ୍ର ଦେଶରେ ୭୪ ତମ  ସାଧାରଣତନ୍ତ୍ର ଦିବସ ପାଳିତ ହୋଇଛି l ଦିଲ୍ଲୀରୁ ପଲ୍ଲୀ ସଜେଇ ହୋଇଛି ତ୍ରିରଙ୍ଗାର ରଙ୍ଗରେ। ରାଜଧାନୀ  ଭୁବନେଶ୍ୱରର ଗାନ୍ଧୀ ମାର୍ଗ ହୋଇ ଉଠିଥିଲା ଚଳଚଞ୍ଚଳ l ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସରେ ବ୍ରାସବ୍ୟାଣ୍ଡ ତାଳେ  ତାଳେ 50 ଟ୍ରୁପ କରିଥିଲେ  ପରେଡ ପ୍ରଦର୍ଶନ। ସେପଟେ ପୋଲିସ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ, ସାହାସିକତା କାର୍ଯ୍ୟ ଓ ବିଶିଷ୍ଟ ସେବା ପାଇଁ ୩୪ ଜଣ ପୋଲିସ ଅଫିସର  ପାଇଛନ୍ତି ମେଡାଲ l

ଦୀର୍ଘ ଦୁଇ ବର୍ଷ ପରେ କରୋନା କଟକଣା ମୁକ୍ତ ସାଧାରଣତନ୍ତ୍ର ଦିବସ ପାଳିତ ହୋଇଛି l ଏଥିପାଇଁ ଦୁଲୁକିଥିଲା ଗାନ୍ଧୀମାର୍ଗ । ଏହି ଉତ୍ସବରେ ମୁଖ୍ୟ ଅତିଥି ଭାବେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଓ ସମ୍ମାନିତ ଅତିଥି ଭାବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ପତାକା  ଉତ୍ତୋଳନ କରିଥିଲେ। ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପରେଡରେ ବ୍ରାସବ୍ୟାଣ୍ଡ ତାଳେ  ତାଳେ 50 ଟ୍ରୁପ କରିଥିଲେ  ପରେଡ ପ୍ରଦର୍ଶନ l  ଏହାର ନେତୃତ୍ୱ ନେଇଥିଲେ କେସିଙ୍ଗା SDPO ୟସ ପ୍ରତାପ ଶ୍ରୀମାଲ । ପ୍ରଥମ ଥର ପାଇଁ ଆନ୍ଧ୍ରପ୍ରଦେଶର ଏକ ପୋଲିସ ଟ୍ରୁପ ମଧ୍ୟ ପରେଡରେ ସାମିଲ ହୋଇଛନ୍ତି। ଏହା ବ୍ୟତୀତ ବାଇକରେ ଡେ଼ୟାର ଡେଭିଲ ଦୁଃସାହସିକ କଳା ପ୍ରଦର୍ଶନ କରିବା ସହ ଓଡିଶା ସ୍କେଟିଂ ଏକାଡେମୀ ତରଫରୁ  କରାଯାଇଥିଲା  ଚିତାକର୍ଷକ ପ୍ରଦର୍ଶନ l

ଅନ୍ୟପଟେ ଲୋକସେବା କନଭେନସନ ସେଣ୍ଟରରେ ଆୟୋଜିତ ହୋଇଥିଲା ବା ରାଜ୍ୟସ୍ତରୀୟ ପୋଲିସ ପଦକ ପ୍ରଦାନ ଉତ୍ସବ। ଏଥିରେ ମୁଖ୍ୟ ଅତିଥି ଭାବେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଓ ସମ୍ମାନିତ ଅତିଥି ଭାବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇଥିଲେ। ପୋଲିସ ସେବା କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ, ସାହାସିକତା ଓ ବିଶିଷ୍ଟ ସେବା ପାଇଁ ୩୪ ଜଣ ପୋଲିସଙ୍କୁ ମେଡାଲ ପ୍ରଦାନ କରାଯାଇଥିଲା।  ବିଶିଷ୍ଟ ସେବା ପାଇଁ ରାଷ୍ଟ୍ରପତି ପୋଲିସ ପଦକ ପାଇଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ଓ ସିକ୍ୟୁରୀଟି wing ଏସପି ସରୋଜ କୁମାର ମହାପାତ୍ର।  ସେହିଭଳି ସାହାସିକତା ପାଇଁ ଦୁଇ ଜଣ SOG କମାଣ୍ଡୋ କୁମାର କର୍ମୀ ଓ ପୀତବାସ ପାଣ୍ଡେଙ୍କୁ ପୁରସ୍କୃତ କରାଯାଇଛି।  ଉଲ୍ଲେଖନୀୟ ସେବା ପାଇଁ ୧୦ ଜଣଙ୍କୁ ପୋଲିସ ପଦକ ପ୍ରଦାନ କରାଯାଇଛି l

ସ୍ୱରୂପା ମହାପାତ୍ରଙ୍କ ରିପୋର୍ଟ

() ଆସୁଛି ନୂଆ ବର୍ଷ l ସମସ୍ତଙ୍କ ମନରେ ନୂଆ ଆଶା, ନୂଆ ଉତ୍ସାହ l  ଚଳଚଂଚଳ ଗାଁ ଠୁ ସହର l ନୂଆବର୍ଷକୁ ସ୍ବାଗତ କରିବା ପାଇଁ ସବୁଠି ଆରମ୍ଭ ହେଲାଣି ପ୍ରସ୍ତୁତି l 0 ନାଇଟ ସେଲିବ୍ରେଶନ ପାଇଁ ସବୁଠି ଆରମ୍ଭ ହେଲାଣି କାଉଣ୍ଟଡ଼ାଉନ l ଚିକମିକ୍ ଲାଇଟ ସାଙ୍ଗକୁ ରଙ୍ଗ ବେରଙ୍ଗ ବେଲୁନରେ ଚାଲିଛି ସାଜସଜ୍ଜା l

ପୁରୁଣା ବର୍ଷକୁ ବିଦାୟ ଦେଇ ନୂଆ ବର୍ଷକୁ ସ୍ବାଗତ କରିବା ପାଇଁ ରାଜଧାନୀ ଭୁବନେଶ୍ଵରର ବିଭିନ୍ନ ହୋଟେଲ ଓ କ୍ଳବ୍ ସଜେଇ ହେଲାଣି ରଙ୍ଗ ବେରଙ୍ଗୀ ଆଲୋକରେ l ନାଚ ଗୀତ କାର୍ଯ୍ୟକ୍ରମ ସହ ବିଭିନ୍ନ ହୋଟେଲରେ ଫୁଡ କୋର୍ଟର ବ୍ୟବସ୍ଥା ମଧ୍ୟ କରାଯାଇଛି l ଏଥିସହ ଲୋକଙ୍କ ସୁରକ୍ଷା ପାଇଁ ମଧ୍ୟ ହୋଟେଲ ଗୁଡିକ ପକ୍ଷରୁ ବ୍ୟାପକ ଅୟୋଜନ କରଯାଇଛି l

ଏଥିସହ ବେକେରୀ ଓ ଫୁଲ ଦୋକାନ ବି ଚଳଚଞ୍ଚଳ ହୋଇଉଠିଛନ୍ତି l ପୂର୍ବବର୍ଷ ଅପେକ୍ଷା ଚଳିତ ବର୍ଷ ଭଲ ବ୍ୟବସାୟ ହେବ ବୋଲି ଆଶା ପ୍ରକାଶ କରିଛନ୍ତି ବ୍ୟବସାୟୀ। ଫୁଲ ଦୋକାନରେ ଗୋଲାପ, ଲଭେଣ୍ଡର, ଜାସମିନ, ସୂର୍ଯ୍ୟମୁଖୀ ଭଳି ବିଭିନ୍ନ ଫୁଲ ସଜେଇ ହୋଇ ରହିଥିବା ବେଳେ କେକ ଦୋକାନରେ ବ୍ଲାକ ଫରେଷ୍ଟ, ରେଡ୍ ଭେଲଭେଟ, ଗ୍ରୀନ ଆପେଲ, ଚୋକୋ ଚିପ୍ସ ଭଳି କେକର ବେଶ ଚାହିଦା ରହିଛି l ତେବେ ଦୋକାନରେ ଗ୍ରାହକଙ୍କର ବେଶ ଭିଡ ଜମୁଛିl

ଅନ୍ୟପଟେ ସମସ୍ତ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଥିବା ବେଳେ ଏବେ କେବଳ ଗୋଟାଏ ଅପେକ୍ଷା କେତେବେଳେ ନୂଆବର୍ଷ ଆସି ପହଞ୍ଚିବ l

 ଜ୍ୟୋତି ମଞ୍ଜରୀ ସାହୁ

ଭୁବନେଶ୍ବର: ରାଜଧାନୀରେ ନୂତନ ତଥା ସୁବ୍ୟବସ୍ଥିତ ବହୁତଳ ପାର୍କିଂ ବ୍ୟବସ୍ଥା l ଏଣିକି ସୁବିଧା ଓ ସୁରକ୍ଷିତ ଭାବେ ସହରବାସୀ ରଖିପାରିବେ ଗାଡି । ଭୁବନେଶ୍ଵରରେ ସକାଳରୁ ରାତି ଯାଏଁ ମାର୍କେଟ ବିଲ୍ଡିଂ ରେ ଲାଗିରହିଥିବା ଭିଡ଼କୁ ଦୃଷ୍ଟିରେ ରଖି ଏହି ନୂତନ ବହୁତଳ ପାର୍କିଂ ବ୍ୟବସ୍ଥା ଆରମ୍ଭ କରାଯାଇଛି l ତେବେ ଦୁଇ ଗୁଣା ଅଧିକ ପାର୍କିଂ ଫି କୁ ନେଇ ମଧ୍ୟ ଜନସାଧାରଣଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।

ରାଜଧାନୀ ଭୁବନେଶ୍ଵରର ଉନ୍ନତିକରଣରେ ଯୋଡ଼ି ହୋଇଛି ବହୁତଳ ପାର୍କିଂ ବ୍ୟବସ୍ଥା l ରାଜମହଲ ଛକରେ ଏହି ପାର୍କିଂ ବ୍ୟବସ୍ଥା ଆରମ୍ଭ ହୋଇଛି l ପ୍ରତି ଦିନ ଏଠାରେ ଥିବା ମାର୍କେଟ ବିଲ୍ଡିଂକୁ ଆସିଥାଆନ୍ତି । ହେଲେ ପାର୍କିଂର କୌଣସି ସଠିକ ବ୍ୟବସ୍ଥା ନଥିବାରୁ ରାସ୍ତାରେ ଗାଡି ରଖି ମାର୍କେଟ ଯିବାକୁ ବାଧ୍ୟ ହୁଅନ୍ତି । ଏହାଯୋଗୁଁ ରାସ୍ତା ଅବରୋଧ ହୋଇ ଏଜି ଛକରୁ ରାଜମହଲ ଯାଏଁ ସବୁବେଳେ ଟ୍ରାଫିକ ସମସ୍ୟା ମଧ୍ୟ ଦେଖା ଦେଇଥାଏ । ଏମିତିକି ଗାଡି ଚୋରିର ଭୟ ମଧ୍ୟ ରହିଥାଏ । ଏହାସହ ସବୁବେଳେ ଛୋଟବଡ ଦୁର୍ଘଟଣା ଘଟି ଅନେକ ଆହତ ମଧ୍ୟ ହେଉଥିବା ଦେଖିବାକୁ ମିଳିଥାଏ ।

ଡିସେମ୍ବର ୮ ତାରିଖରେ ଏହି ବହୁତଳ ପାର୍କିଂ ବ୍ୟବସ୍ଥା ଆରମ୍ଭ ହେବା ଦ୍ୱାରା ଯାନବାହାନ ଗୁଡ଼ିକ ଏବେ ସୁରକ୍ଷିତ ଅବସ୍ଥାରେ ରହିବା ସହ ରାସ୍ତା ମଧ୍ୟ ଫାଙ୍କା ରହୁଛି । ଯାହାଫଳରେ ଟ୍ରାଫିକ ସମସ୍ୟା ହ୍ରାସ ପାଇଛି । କିନ୍ତୁ ଏସବୁ ମଧ୍ୟରେ ବାଧକ ସାଜୁଛି ପାର୍କିଂର ଦୁଇଗୁଣା ଫି l ବାହାରେ ଗାଡ଼ି ଗୁଡ଼ିକର ପାର୍କିଂ ପାଇଁ ୨୦ ଟଙ୍କା ଦେବାକୁ ପଡୁଥିବା ବେଳେ ଏଠାରେ ୪୦ ଟଙ୍କା ଦେବାକୁ ପଡ଼ୁଛି । ପୁଣି ଏକ ଘଣ୍ଟାରୁ ଅଧିକ ସମୟ ରହିଗଲେ ପାର୍କିଂ ଫି ବାବଦକୁ ୭୦ ଟଙ୍କା ଦେବାକୁ ପଡ଼ୁଛି । ଯାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଜନସାଧାରଣ l ସେପଟେ ଚଢାଦରକୁ ନେଇ ପାର୍କିଂ ମ୍ୟାନେଜରଙ୍କୁ ପଚରାରିବାରୁ ସେ ପ୍ରତିକ୍ରୟା ଦେବାକୁ ମନା କରିଦେଇଥିଲେ ।

ଅନ୍ୟପକ୍ଷେ ଗାଡିଗୁଡିକ ସୁରକ୍ଷିତ ରହି ପାରୁଥିବାରୁ ଖୁସି ପ୍ରକାଶ କରିଛନ୍ତି ଲୋକେ l ହେଲେ ଫି କିଛି ମାତ୍ରାରେ କମିଲେ ଠିକ ହେବ ବୋଲି ସାଧାରଣରେ ମତପ୍ରକାଶ ପାଇଛି ।  

ଜ୍ୟୋତି ମଞ୍ଜରୀ ସାହୁଙ୍କ ରିପୋର୍ଟ