death

ଭୋଜି କରିବାକୁ ଯାଇଥିବା ବେଳେ କୁଆଖାଇ ନଦୀରେ ବୁଡି ୪ ଛାତ୍ର ମୃତ । ଏଭଳି ଅଘଟଣ ଘଟିଛି ବାଲିଅନ୍ତା ଥାନା ନିକଟ ବଇଁଚୁଆ ଧବଳାହାର ନିକଟରେ । ଗତକାଲି ଅପରାହ୍ଣରେ ୪ ଜଣ ଛାତ୍ର ନଦୀରେ ବୁଡି ଯାଇଥିଲେ । ସେମାନଙ୍କ ମଧ୍ୟରୁ ୨ ଛାତ୍ରଙ୍କ ମୃତଦେହ ଗତକାଲି ଉଦ୍ଧାର କରାଯାଇଥିବା ବେଳେ ଆଜି ସକାଳୁ ୨ ଛାତ୍ରଙ୍କ ମୃତଦେହ ଦମକଳ ବାହିନୀ ଉଦ୍ଧାର କରିଛି । ମୃତ ଛାତ୍ରମାନେ ହେଲେ ଝାଡ଼ଖଣ୍ଡ ଜାମ୍ସେଦପୁରର ଆରିଆନ୍ ମିଶ୍ର(୨୫) ଓ କଟକର କୁମାର ଅବିନାଶ, ବାଲେଶ୍ବରର ରୋହିତ ପରିଡ଼ା(୨୪) ଏବଂ କଟକ ବାଲିକୁଦାର ପ୍ରତୀକ ଧଳସାମନ୍ତ(୨୩) । ଭାଗ୍ୟବଶତଃ ସେମାନଙ୍କ ମଧ୍ରୁ ଜଣେ ବଞ୍ଚିଯାଇଛନ୍ତି ।

ସ୍ଥାନୀୟ ଲୋକଙ୍କ କହିବା ଅନୁସାରେ ଗତକାଲି ଅଟଳାସ୍ଥିତ ଏକ ଘରୋଇ ଶିକ୍ଷାନୁଷ୍ଠାନର ୯ ଜଣ ଛାତ୍ର ଧବଳାହାର ନିକଟସ୍ଥ ନଦୀପଠା ଜଙ୍ଗଲ ଭିତରେ ଭୋଜି କରୁଥିଲେ । ଭୋଜି ସରିବା ପରେ ସେମାନଙ୍କ ମଧ୍ୟରୁ ୪ ଛାତ୍ର କଲେଜକୁ ଫେରିଯାଇଥିଲେ ଓ ଅନ୍ୟ ୫ ଜଣ କୁଆଖାଇ ନଦୀରେ ଗାଧୋଇବାକୁ ରହି ଯାଇଥିଲେ । ତେବେ ନଦୀର ଗଭୀରତା ଅଧିକ ଥବବା ସେମାନେ ଜାଣିପାରିନଥିଲେ । ଫଳରେ ଅସାବଧାନତାବଶତଃ ଆଗପଛ ହୋଇ ପାଣିକୁ ଯିବା ବେଳେ ଗଭୀର ଜଳ ଗଣ୍ଡରେ ପଡିଯାଇଥିଲେ । ସେମାନେ ପହଁରା ଜାଣିନଥିବାରୁ ପାଣିର ପ୍ରଖର ସ୍ରୋତରେ ଭାସି ଯାଇଥିଲେ । ସେମାନେ ବୁଡି ଯାଉଥିବାର ଦେଖି ଜଣେ ଛାତ୍ର ଚିତ୍କାର କରି ଡାକିବାରୁ ନିକଟରେ ନଦୀରେ ମାଛ ଧରୁଥିବା କିଛି ଲୋକ ଧାଇଁ ଆସି ଖୋଜା ଖୋଜି କରି ୨ ଛାତ୍ରଙ୍କୁ ପାଣିରୁ କାଢି ଆଣିଥିଲେ ମଧ୍ୟ ସେମାନଙ୍କ ମୃତ୍ୟୁ ହୋଇସାରିଥିଲା ।

ପରେ କିଛି ସ୍ଥାନୀୟ ଯୁବକ ମାଛ ଧରାଳିଙ୍କ ସହ ମିଶି ଅନ୍ୟ ୨ ଜଣଙ୍କୁ ଖୋଜା ଖୋଜି କରିଥିଲେ ମଧ୍ୟ ସେମାନଙ୍କୁ ପାଇନଥିଲେ । ଖବର ପାଇ ବାଲିଅନ୍ତା ଅଗ୍ନିଶମ ବାହିନୀ ଓ ପୁଲିସ ସେଠାରେ ପହଞ୍ଚିଥିଲେ। ଅଗ୍ନିଶମ ବାହିନୀ ପ୍ରାୟ ୨ ଘଣ୍ଟା କାଳ ଖୋଜିଥିଲେ ବି ନିଖୋଜ ଛାତ୍ରଦ୍ବୟଙ୍କ ପତ୍ତା ମିଳିନଥିଲା। ଆଜି ସକାଳୁ ଦମକଳ ବାହିନୀ ଦୁଇ ଛାତ୍ରଙ୍କ ମୃତଦେହ ନଦୀରୁ ଉଦ୍ଧାର କରିଥିଲେ ।

ଢେଙ୍କାନାଳ: ଯାତ୍ରା ଦେଖିବାକୁ ଯାଇଥିବା ବାଳକ କୂଅରେ ପଡି ମୃତ୍ୟୁ । ଏପରି ଅଭାବନୀୟ ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ଅଧୀନ ସରଦେଇପୁର ଗ୍ରାମରେ । ମୃତ ବାଳକ ତାଙ୍କ ମାମୁଁ ଘର ଗ୍ରାମକୁ ଯାତ୍ରା ଦେଖି ଯାଇଥିବାବେଳେ ଘଟିଥିଲା ଏ ଅଘଟଣ । ମୃତ ବାଳକ ଜଣକ ହେଇଛନ୍ତି ଶୁଭମ ।

ସୂଚନା ଅନୁଯାୟୀ, ଶୁଭମ କାଲି ନିଜ ମାମୁଁଘର ଗ୍ରାମକୁ ଯାତ୍ରା ଦେଖିବାକୁ ଯାଇଥିଲେ । ଯାତ୍ରା ମଝିରେ ଶୁଭମ ପରିସ୍ରା କରିବାକୁ ଆସି ଅସାବଧାନତା ଯୋଗୁ କୂଅରେ ପଡିଯାଇଥିଲେ । ସେ ଫେରିନଥିବାର ଦେଖି ବିଳମ୍ବିତ ରାତିରେ ଲୋକ ବହୁତ ଖୋଜା ଖୋଜି କଲେ ।  ପରେ ସେମାନେ ଶୁଭମକୁ କୂଅ ଭିତରେ ଦେଖିବାକୁ ପାଇଥିଲେ । ସ୍ଥାନୀୟ ଲୋକଙ୍କ ସହାୟତାରେ ଶୁଭମର ମୃତ ଶରୀରକୁ କୂଅ ଭିତରୁ ବାହାରକୁ ବାହାର କରାଯାଇଥିଲା । ସୂଚନା ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ବ୍ୟବଚ୍ଛେଦ ପାଇଁ କାମାକ୍ଷାନଗର ଡାକ୍ତରଖାନା ପଠାଇଥିଲା ।

ଶୁଭମ ମୃତ୍ୟୁ ଖବରରେ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଠି ହୋଇଛି ।

ଅନୁଗୁଳ: ଅନୁଗୋଳ ଜିଲ୍ଲାରେ  ହାତୀ ଆତଙ୍କ । ହାତୀ ଆକ୍ରମଣରେ ଦୁଇ ଜଣ ମହିଳାଙ୍କର ମୃତ୍ୟୁ ଘଟିଛି । ମୃତକ ମହିଳା ଦୁଇ ହେଲେ ମୂଳି ପ୍ରଧାନ ଓ ଗୌରୀ ରାଉଳ ।

ସୂଚନା ଅନୁସାରେ ବଡ଼କନ୍ତକୁଳ ଗାଁର ଦୁଇଜଣ  ମହିଳା ମୁନି ପ୍ରଧାନ ଓ ଗୌରୀ ରାଉଳ ଆଜି ଭୋରରୁ ଗାଁ ମୁଣ୍ଡ ଆମ୍ବତୋଟା କୁ ଆମ୍ବ ଗୋଟାଇବାକୁ ଯାଇଥିଲେ । ଆମ୍ବ ଗୋଟାଉଥିବା ବେଳେ ହଠାତ ହାତୀଟି ସେମାନଙ୍କୁ ଆକ୍ରମଣ କରିଥିଲା । ଫଳରେ ମୁନି ଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିବାବେଳେ ଗୁରୁତର ଅବସ୍ଥାରେ  ଗୌରୀଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି ।   ଘଟଣାକୁ ନେଇ ଗ୍ରାମବାସୀଙ୍କ  ମଧ୍ୟରେ ଅସନ୍ତୋଷ ଦେଖାଦେଇଥିଲା । ଲୋକେ ମୃତକଙ୍କ ପରିବାରକୁ କ୍ଷତି ପୂରଣ ସହ ଦନ୍ତାଙ୍କୁ ସେହି ଅଞ୍ଚଳରୁ ଘେଉଡାଇବାକୁ ଦାବି କରିଥିଲେ । ଦୁର୍ଘଟଣା ପାଇଁ ଲୋକେ ସିଧାସଳଖ ବନ ବିଭାଗକୁ ଦାୟୀ କରିଥିଲେ । ସୂଚନା ପାଇ ବନ ବିଭାଗ ସେଠାରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ । ଓ ସରକାରଙ୍କ ନିୟମ ଅନୁସାରେ ମୃତକଙ୍କ ପରିବାରକୁ କ୍ଷତି ପୂରଣ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି  ।

କଳାହାଣ୍ଡି: ବିଜୁ ଏକ୍ସପ୍ରେସ ଓ୍ଵେ  ଧର୍ମଗଡ଼ ଥାନା ଗଡିଆଯୋର ନିକଟରେ ଦୁଇ ବାଇକ ମୁହାଁମୁହିଁ ଧକ୍କା।  ଜଣକ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ଧକ୍କା ଦେଇଥିବା ବାଇକ ଘଟଣା ସ୍ଥଳରୁ  ଫେରାର ରହିଛି।  

ସୁଚନା ଅନୁଯାୟୀ ଧର୍ମଗଡ଼ ବ୍ଳକ ତେଣ୍ଡାପାଲି ପଞ୍ଚାୟତ ସାନକେନ୍ଦୁଗୁଡା ଗ୍ରାମର ସୁକଦାସ ତାଣ୍ଡି ଓ ତାଙ୍କ ଜ୍ବାଇଁ ଗଣେଷ ଛତ୍ରିଆ ଏକ ବାଇକ ଯୋଗେ ଧର୍ମଗଡ଼ ପଟୁ ନିଜ ଗାଁ କୁ ଫେରୁଥିବା ସମୟରେ ଗଡିଆଯୋର ଠାରେ ଅନ୍ୟ ଏକ ବାଇକ ତାଙ୍କୁ ଧକ୍କା ଦେଇଥିଲା। ଧକ୍କା ଫଳରେ ସୁକଦାସ ଏବଂ ଗଣେଶ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲେ। ମୁଣ୍ଡରେ ଗଭୀର ଆଘାତ ଲାଗିଥିବାରୁ ଘଟଣାସ୍ଥଳରେ ହିଁ ସୁକଦାସଙ୍କ ମୃତ୍ୟୁ ହୋଇଥିବା ବେଳେ ଗଣେଶଙ୍କ ଅବସ୍ଥା ଗୁରୁତର ରହିଛି। ଗଣେଷଙ୍କୁ ଆମ୍ଵୁଲାନ୍ସ ଯୋଗେ ପ୍ରଥମେ ଧର୍ମଗଡ଼ ଉପଖଣ୍ଡ ପରେ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ଦୁର୍ଘଟଣା ପରେ ଅନ୍ୟ ବାଇକ ଚାଳକ ଫେରାର ମାରିଛି । ଅନ୍ୟପଖେ ପୋଲିସ ଘଟଣା ସ୍ଥଳରେ ପହିଞ୍ଚି ଘଟଣାର ଛାନଭିନ ଆରମ୍ଭ କରିଛି ।

TRILOCHNA KANUNGO DEATH_PKG

 ()ଆଉ ନାହାନ୍ତି ପୂର୍ବତନ ସାଂସଦ, ବିଶିଷ୍ଟ ଶିକ୍ଷାବିତ ତଥା ଅର୍ଥନୀତିଜ୍ଞ ତ୍ରିଲୋଚନ କାନୁନଗୋ। ୮୩ ବର୍ଷ ବସୟରେ ତାଙ୍କର ନିଧନ ହୋଇଯାଇଛି । ଚିକିତ୍ସିତ ଅବସ୍ଥାରେ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ତାଙ୍କର ମୃତ୍ୟୁ ହୋଇଛି । ତାଙ୍କ ମରଶରୀରକୁ ଗାର୍ଡ ଅଫ ଅନର ପ୍ରଦାନ କରାଯାଇଛି । ତେବେ ତାଙ୍କ ମୃତ୍ୟୁକୁ ନେଇ ସବୁଠି ଶୋକର ଛାୟା ଖେଳିଯାଇଛି । ଆସନ୍ତା ରବିବାର ଦିନ କଟକ ଜିଲ୍ଲା ବଡ଼ମୂଳେଇ ଗ୍ରାମ ଶ୍ମଶାନରେ ଶେଷକୃତ୍ୟ ସମ୍ପନ୍ନ କରାଯିବ ।

ଆଉ ନାହାନ୍ତି ପୂର୍ବତନ ସାଂସଦ, ବିଶିଷ୍ଟ ଶିକ୍ଷାବିତ ତଥା ଅର୍ଥନୀତିଜ୍ଞ ତ୍ରିଲୋଚନ କାନୁନଗୋ। ୮୩ ବର୍ଷ ବସୟରେ ତାଙ୍କର ନିଧନ ହୋଇଯାଇଛି । ବ୍ରେନଷ୍ଟୋକରେ ଆକ୍ରାନ୍ତ ହୋଇ ଗତ ମାର୍ଚ୍ଚ ୩୦ତାରିଖରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଥିଲେ । ଚିକିତ୍ସିତ ଅବସ୍ଥାରେ ସେ ଶୁକ୍ରବାର ସକାଳ ୭ଟାରେ ଆଖି ବୁଜିଛନ୍ତି । ତାଙ୍କ ମୃତ୍ୟୁକୁ ନେଇ ସବୁଠି ଶୋକର ଛାୟା ଖେଳିଯାଇଛି । ଅନ୍ୟପଟେ ବିଧାନସଭା ପରିସରରେ ପୂର୍ବତନ ସାଂସଦ ତ୍ରିଲୋଚନ କାନୁନଗୋଙ୍କ ମରଶରୀରକୁ ଦିଆଯାଇଛି ଗାର୍ଡ଼ ଅଫ ଅନର । ବାଚସ୍ପତିଙ୍କ ସହିତ ଅନେକ ବରିଷ୍ଠ ନେତା ତାଙ୍କର ଶେଷ ଦର୍ଶନ କରିଥିଲେ। ଏହାପରେ ତାଙ୍କ ମରଶରୀରକୁ କଟକ ମହାନଗର ନିଗମ ର ବିଜୁ ଭବନ କୁ ନିଆଯାଇଥିଲା । ସେଠାରେ କଟକ ଜିଲ୍ଲାପାଳ,ସିଏମସି କମିଶନର, ମେୟର, ଡେପୁଟି ମେୟର, ପୂର୍ବତନ ବିଧାୟକ ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ପରେ କଟକ ଶେଖ ବଜାର ଘରକୁ ନିଆଯାଇ ଥିବା ବେଳେ ସେଠାରେ ବନ୍ଧୁବାନ୍ଧବ ଙ୍କ ଠାରୁ ଆରମ୍ଭ କରି ଆତ୍ମୀୟସ୍ୱଜନ ସ୍ବର୍ଗତ କାନୁନଗୋ ଙ୍କ ଶେଷ ଦର୍ଶନ କରିଥିଲେ । ଏହାପରେ ଅଡଶପୁରସ୍ଥିତ ୟୁଏନ କଲେଜର ଅଭିମୁଖେ ମୃତଦେହ ନିଆଯାଥିଲା। ସେଠାରେ ଶୁକ୍ରବାର ଓ ଶନିବାର ଦୁଇଦିନ ଧରି ମର ଶରୀରକୁ ଶେଷ ଦର୍ଶନ ପାଇଁ ରଖାଯାଇଛି । ଏବଂ ବିଦେଶରେ ଥିବା ଝିଅ ଜ୍ୱାଇଁ ଆସିବା ପରେ ଆସନ୍ତା ରବିବାର ଦିନ କଟକ ଜିଲ୍ଲା ବଡ଼ମୂଳେଇ ଗ୍ରାମ ଶ୍ମଶାନରେ ଶେଷକୃତ୍ୟ ସଂମ୍ପନ୍ନ କରାଯିବ ବୋଲି ସ୍ବର୍ଗତ କାନୁନଗୋ ଙ୍କ ଭାଇ ପଞ୍ଚାନନ କାନୁନଗୋ ସୂଚନା ଦେଇଛନ୍ତି ।

ତେବେ ଓଡିଶାର ବେଶ ପରିଚିତ ଚେହେରା ଥିଲେ ତ୍ରିଲୋଚନ କାନୁନଗୋ । ସେ 1940 ମସିହା ନଭେମ୍ବର 24 ତାରିଖରେ କଟକ ଜିଲ୍ଲା ବଡ଼ମୂଳେଇ ଗ୍ରାମରେ ଜନ୍ମଗ୍ରହଣ କରିଥିଲେ । ରାଜ୍ୟ ଅର୍ଥ କମିଶନର ଅଧ୍ୟକ୍ଷ ଭାବେ ମଧ୍ୟ ସେ କାର୍ଯ୍ୟ କରିଥିଲେ । ଜଗତସିଂହପୁର ଲୋକସଭା ଆସନରୁ ସେ 1999 ମସିହାରେ ବିଜୁ ଜନତା ଦଳ ଟିକେଟରେ ନିର୍ବାଚିତ ହୋଇଥିଲେ । ସେ 3 ଥର ବିଧାୟକ ଓ ଥରେ ସାଂସଦ ନିର୍ବାଚିତ ହୋଇଥିଲେ । କଟକ ଅଡ଼ଶପୁର ୟୁଏନ କଲେଜର ପରିଚାଳନା ସମିତିର ସେ ଅଧ୍ୟକ୍ଷ ଭାବେ ଭୂମିକା ନିର୍ବାହ କରୁଥିଲେ । ତ୍ରିଲୋଚନ କାନୁନଗୋଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଶୋକବ୍ୟକ୍ତ କରିଛନ୍ତି ।

ତେବେ ତ୍ରିଲୋଚନ କାନୁନଗୋଙ୍କ ମୃତ୍ୟୁରେ ସବୁଠି ଶୋକର ଛାୟା ଖେଳିଯାଇଛି । ତ୍ରିଲୋଚନ କାନୁନଗୋ କଟକ ପୌରପାଳିକାର ଅଧ୍ୟକ୍ଷ ଭାବେ କାର୍ଯ୍ୟ କରି ବେଶ ଲୋକପ୍ରିୟତା ହାସଲ କରିଥିଲେ ।

ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ…

SAHID ODIA JAWAN..PKG

() ଆତଙ୍କାବାଦୀଙ୍କ ଗ୍ରେନେଡ୍ ମାଡ଼ରେ ସେନା ଟ୍ରକ୍ ଜଳିଯିବାରୁ ୫ ଯବାନ ଶହୀଦ ହୋଇଛନ୍ତି। ଶହୀଦ ଯବାନଙ୍କ ଭିତରେ ଅଛନ୍ତି ଓଡ଼ିଶାର ଦେବାଶିଷ ବିଶ୍ୱାଳ। ପୁରୀ ଜିଲ୍ଲା ସାକ୍ଷୀଗୋପାଳ ଥାନା ଅନ୍ତର୍ଗତ ଅଳଗୁମ ପଞ୍ଚାୟତ ଖଣ୍ଡାୟତସାହିର ଦେବାଶିଷଙ୍କ ବିୟୋଗ ଖବର ପାଇ ଗାଁ ପୁରା ସ୍ତବ୍ଧ। ଶୋକାକୁଳ ପରିବେଶ ଭିତରେ ଶହୀଦ ଦେବାଶିଷ ଅମର ରହେ ଓ ଭାରତ ମାତା କି ଜୟ ଧ୍ୱନିରେ କିନ୍ତୁ କମ୍ପିଥିଲା ଗାଁ ଦାଣ୍ଡ। ୪ ମାସର ଶିଶୁ କନ୍ୟାକୁ ଛାଡ଼ି ଆରପାରିକୁ ଚାଲିଯାଇଛନ୍ତି ଦେବାଶୀଷ।

ଜମ୍ମୁ କଶ୍ମୀରର ପୁଞ୍ଚରେ ସେନା ଟ୍ରକ ଉପରେ ଗ୍ରେନେଡ୍ ମାଡ଼ କରି ଜାଳିଦେଲେ ଆତଙ୍କବାଦୀ। ଆଉ ଏଥିରେ ଶୀହଦ ହୋଇଥିବା ୫ ଯବାନଙ୍କ ଭିତରେ ଅଛନ୍ତି ଓଡ଼ିଶାର ଦେବାଶିଷ ବିଶ୍ୱାଳ। ପୁରୀ ଜିଲ୍ଲା ଅଳଗୁମ ପଞ୍ଚାୟତ ଖଣ୍ଡାୟତସାହିର ଦେବାଶିଷଙ୍କ ବିୟୋଗ ଖବର ପାଇ ପୁରା ଗାଁ ସ୍ତବ୍ଧ। ପରିବାର ଲୋକଙ୍କ ଆଖିରୁ ଲୁହ ଶୁଖୁନି। ବାହୁନି ବାହୁନି କାନ୍ଦୁଛନ୍ତି ପୁରା ପରିବାର। ଚେତା ଶୂନ୍ୟ ହୋଇପଡ଼ୁଛନ୍ତି ପରିବାରବର୍ଗ। ସମସ୍ତଙ୍କ ମୁହଁରେ ଦେବାଶିଷଙ୍କୁ ଅକାଳରେ ହରାଇବାର ବ୍ୟଥା ବାରି ହୋଇପଡ଼ୁଥିଲା। କିନ୍ତୁ ଦେଶ ପାଇଁ ବୀରଗତିକୁ ପ୍ରାପ୍ତ ହୋଇଥିବା ଦେବାଶୀଷ ଅମର ରହେ ଓ ଭାରତ ମାତା କି ଜୟ ଧ୍ୱନିରେ ପୁରା କମ୍ପମାନ ହେଉଥିଲା ପରିବେଶ।

୨୦୨୨ ଅକ୍ଷୟ ତୃତୀୟାରେ ବିଷ୍ଣୁପୁର ପଞ୍ଚାୟତ ବନ୍ଧୁ ଗାଁର ସୁଶ୍ରୀ ସଙ୍ଗୀତାଙ୍କୁ ବିବାହ କରିଥିଲେ ଦେବାଶୀଷ। ତାଙ୍କର ଏକ ୪ ମାସର ଶିଶୁ କନ୍ୟା ଅଛି। ଆଉ ଦିନକ ପରେ ବିବାହ ବାର୍ଷିକୀ ପାଳିଥାଆନ୍ତେ ଦେବାଶୀଷ ଓ ସଙ୍ଗୀତା। ଗଲା ଜାନୁଆରୀରେ ଗାଁକୁ ଆସିଥିଲେ ଝିଅର ଏକୋଇଶିଆ କରିବାକୁ। ଦେବାଶିଷ ପୁଣି କେବେ ଛୁଟିରେ ଆସିବେ ଗାଁକୁ, ତାକୁ ନେଇ ଅପେକ୍ଷାରତ ପରିବାରକୁ ଏମିତି ଦୁଃଖ ଖବର ମିଳିବ, ତାହା କିଏ ବା ଜାଣିଥିଲା। କିନ୍ତୁ ଦେଶ ପାଇଁ ଦେବାଶିଷଙ୍କ ଭଳି ବୀରଙ୍କ ବିୟୋଗ ଓ ତାଙ୍କ ବଳିଦାନ ବ୍ୟର୍ଥ ଯିବନି। ଶହୀଦ ଦେବାଶୀଷ ରାଷ୍ଟ୍ରୀୟ ରାଇଫଲ୍ସରେ ନିୟୋଜିତ ଥିଲେ।

ଗାଁର ଗର୍ବ ଥିଲେ ଦେବାଶୀଷ। ଦେଶ ପାଇଁ ବଳିଦାନ ଦେଲେ। ଆତ୍ମୀୟସ୍ୱଜନ ଓ ବନ୍ଧୁବାନ୍ଧବଙ୍କ ସୁଅ ଛୁଟିଛି ଦେବାଶୀଷଙ୍କ ଘରକୁ। କଅଣ କହି ସାନ୍ତ୍ୱନା ଦେବେ, ତାକୁ ନେଇ ପାଉନାହାନ୍ତି ରାହା। ଏବେ କେବଳ ଅପେକ୍ଷା ଜନ୍ମମାଟିକୁ କେବେ ଫେରୁଛି ବୀରଙ୍କ ପାର୍ଥିବ ଶରୀର।

ସନ୍ତୋଷ ପ୍ରଧାନଙ୍କ ରିପୋର୍ଟ

BBSR_ ADDICTION CENTER _ISSUE_PKG

()ପୁଣି ନିଶା ନିବାରଣ କେନ୍ଦ୍ର ନାଁରେ ଅଭିଯୋଗ। ନିଶା ଛଡାଇବା ବଦଳରେ ପିଟିପିଟି ମାରି ଦେଇଥିବା କହିଲେ ପରିବାର। ମଞ୍ଚେଶ୍ୱର ଥାନା ଅଞ୍ଚଳରେ ଥିବା ନିଶାନିବାରଣ କେନ୍ଦ୍ର ବିରୋଧରେ ଅଭିଯୋଗ ଆସିବା ପରେ ଏବେ ଧଉଳି ଥାନା ଅଞ୍ଚଳରୁ ଆସିଛି ଏଭଳି ସଂଗୀନ  ଅଭିଯୋଗ। ତେବେ ମୃତକ ଜଣକ ହେଲେ ଲକ୍ଷ୍ଣୀସାଗର ଥାନା ଲକ୍ଷ୍ଣୀନାରାୟଣପୁର ସାହିର ବିକ୍ରମ କେଶରୀ ଲେଙ୍କା।ନିଶା ନିବାରଣ କେନ୍ଦ୍ରରେ ଥିବା ବାଥ ରୁମ ରୁ ବିକ୍ରମ ଙ୍କ ଝୁଲନ୍ତା ଅବସ୍ଥାରେ ଉଦ୍ଧାର କରି ମେଡିକାଲ ନିଆଯାଇଥିଲା. ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ.ତେବେ ବିକ୍ରମ ଙ୍କ ଦେହରେ କ୍ଷତ ଚିହ୍ନକୁ ନେଇ ପ୍ରଶ୍ନ ଉଠାଇଛନ୍ତି ମୃତକଙ୍କ ପରିବାର। ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ  ଆଣିଛନ୍ତି। ଏଠି ପ୍ରଶ୍ମ ଉଠୁଛି  ନିଶା ନିବାରଣ କେନ୍ଦ୍ର ନାଁରେ କାହିଁକି ଆସୁଛି ମାଳମାଳ ଅଭିଯୋଗ। କଣ ନିଶା ଛଡାଇବା ଆଳରେ ଦିଆଯାଉଛି କି ଶାରୀରିକ ନିଯ୍ୟାତନା.ନିଶାନିବାରଣ କେନ୍ଦ୍ରକୁ ଗଲା ପରେ ନିଶାଡି ମାନଙ୍କୁ କିଭଳି ବ୍ୟବହାର କରାଯାଉଛି

ପରିବାର ଲୋକଙ୍କ କହିବା ଅନୁଯାୟୀ ବିକ୍ରମ ଅତ୍ୟଧିକ ନିଶା ସେବନ କରୁଥିଲେ.ସେଥିପାଇଁ ପରିବାର ଲୋକେ ତାଙ୍କୁ ଧଉଳି ଥାନା ସ୍ଥିତ ଶ୍ରଦ୍ଧା ନିଶାନିବାରଣ କେନ୍ଦ୍ରକୁ ପଠାଇଥିଲେ.ଏଥିପାଇଁ ମାସିକ 10ହଜାର ଟଙ୍କା ଦେବାପାଇଁ ନିଷ୍ପତି ହୋଇଥିଲା. ହେଲେ ଗତ କାଲି ବିକ୍ରମ ଗୁରୁତର ଥିବା ପରିବାର ଲୋକଙ୍କୁ ଜଣାଇଥିଲେ ନିଶାନିବାରଣ କେନ୍ଦ୍ର କତୃପକ୍ଷ.ଖବର ପାଇବା ପରେ ପରିବାର ଲୋକେ ମେଡିକାଲ ଆସି ପହଂଚିଥିଲେ. ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ. ତେବେ ଗତ ଦୁଇ ଦିନ ତଳେ ବିକ୍ରମ ମେଡିକାଲ ଆସିଥିବା ବେଳେ କାହିଁକି ଗତକାଲି ପରିବାର ଲୋକଙ୍କୁ ଜଣା ଗଲା ବୋଲି ପ୍ରଶ୍ନ କରିଛନ୍ତି ବିକ୍ରମ ଙ୍କ ପରିବାର ଲୋକେ. ଏଣୁ ଘଟଣାର ଉଚିତ ତଦନ୍ତ କରି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି ହୋଇଛି.

କାହିଁକି ବାରମ୍ବାର ଘଟୁଛି ଏଭଳି ଘଟଣା. କାର୍ଯ୍ୟାନୁଷ୍ଠାନ ଅଭାବରୁ ଏଭଳି ଘଟଣା ବାରମ୍ବାର ଘଟୁଥିବା ଅଭିଯୋଗ ହୋଇଛି।

ସ୍ୱରୂପା ମହାପାତ୍ର ଙ୍କ ରିପୋର୍ଟ

ନିଶ୍ଟିତକୋଇଲ: ପ୍ରେମରେ ଅସଫଳ ହୋଇ ଜୀବନ ହାରିଲେ ଯୁବତୀ ।  ଏପରି ଆଭାବନୀୟ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ନିଶ୍ଚିତକୋଇଲିର 12 ନମ୍ବର ୱାର୍ଡରେ । ଜୀବନ ହାରିବା ପୂର୍ବରୁ ନିଜ ହ୍ୱାଟସପରେ ଲେଖିଥିଲେ ଦ ଏଣ୍ଡ

ତେବେ  ନର୍ସିଂ ପାଇଁ ଟ୍ରେନିଙ୍ଗ ନେଉଥିବା ଯୁବତୀ ଙ୍କ ଫୋଟ ଓ ଭିଡିଓ ଭାଇରାଲ ପରେ ଆତ୍ନହତ୍ୟା କରିଥିବା ଅଭିଯୋଗ ହେଇଛି । ତେବେ ସେହି ଗ୍ରାମର ଶୁସୀଲ ସେଠୀ ନାମକ ଯୁବକ ଯୁବତୀଙ୍କ ଫୋଟ ଓ ଭିଡିଓ ଭାଇରାଲ କରିଥିଲେ । ଯାହାକୁ ସହିନପାରି ସେ ଆତ୍ମହତ୍ୟା କରିଥିଲେ ।

ଯୁବତୀଙ୍କୁ ଏଭଳି କାଣ୍ଡ ପରେ ତାଙ୍କୁ  ଗୁରୁତର ଅବସ୍ଥାରେ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଯାଇଥିଲା । ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରିବାର ଲୋକଙ୍କ ଅଭିଯୋଗ ଅନୁସାରେ ସୁଶୀଲ ତାଙ୍କୁ ପ୍ରତିଦିନ କଲେଜ ଯିବା ରାସ୍ତା ରେ ବିଭିନ୍ନ କଥା କହି ହଇରାଣ  କରୁଥିଲେ ।ତେବେ ଘଟଣା ପରେ ଉକ୍ତ ଯୁବକ କେଉଁଆଡେ ଗାଏଫ ହୋଇଯାଇଛନ୍ତି ।

ଘଟଣା ପରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

କେଉଁଝର: ସାଙ୍ଗହୋଇ ଗାଧୋଇବାକୁ ଯାଇଥିବା ଯୁବକଙ୍କ ମୃତ୍ୟୁ । ପାଞ୍ଚଜଣ ସାଙ୍ଗଙ୍କ ମଧ୍ୟରୁ 2 ଜଣ ବୁଡିଯାଇଥିଲେ । ଜଣକୁ ଉଦ୍ଧାର କରିବା ବେଳେ ଅନ୍ୟଜଣଙ୍କର ମୃତ୍ୟୁ ଘଟିଛି । ତେବେ ମୃତକ ହେଉଛନ୍ତି ଆନନ୍ଦପୁରର ଆଶିଷ ପୃଷ୍ଟି ।

ମିଳିଥିବା ସୂଚନା ଅନୁଯାୟୀ ପାଞ୍ଚ ଯୁବକ ସାଥିହୋଇ ବୈତରଣୀ ନଦୀକୁ ଯାଇଥିଲେ କୌଣସି କାରଣ ବସତଃ ସେମାନଙ୍କ ମଧ୍ୟରୁ ଦୁଇଜଣ ନଦୀରେ ବୁଡିଯାଇଥିଲେ । ଏହାଦେଖି ଆରପାରି କୂଳରେ ଗାଧୋଉଥିବା କିଛି ଯୁବକ ସେମାନଙ୍କୁ ବଞ୍ଚାଇବାକୁ ଆସିଥିଲେ । ଏବଂ ଦୁଇ ଜଣକ ମଧ୍ୟରୁ ଜଣକୁ ବଞ୍ଚାଇବାରେ ସଫଳ ହୋଇଥିଲେ ।

ଭାଗ୍ୟକୁ ଆନନ୍ଦପୁରର ଆଶିଷ ପୃଷ୍ଟିକୁ ସେମାନେ ଉଦ୍ଧାର କରିବାରେ ଅସଫଳ ହୋଇଥିଲେ । ପରେ ଅଗ୍ନିଶମ ବିଭାଗ ଖବର ପାଇ ଆଶିଷ କୁ ନଦୀରୁ ଉଦ୍ଧାର କରିଥିଲେ ଓ ଡାକ୍ତରଖାନାରେ ଭର୍ତ୍ତି କରିଥିଲା । କିନ୍ତୁ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ । ଉକ୍ତ ଘଟଣାରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

ବାଲେଶ୍ୱର: ବସତେଳେ ଚାପିହୋଇ ମହିଳା ମୃତ । ସ୍ୱାମୀ ଆଗରେ ଚାଲିଗଲା ସ୍ତ୍ରୀର ଜୀବନ । ସୂଚନା ମୁତାବକ ମହିଳା ଜଣକ 15 ଦିନ ହେବ ନିଜ ଭଉଣୀ ଘରକୁ ବୁଲିବାକୁ ଯାଇଥିଲେ । ଆଜି ବସରେ ଫେରୁଥିବା ବେଳେ ଘଟିଥିଲା  ଅଘଟଣ । ଏପଟେ ସ୍ତ୍ରୀର ଫେରିବା ବାଟକୁ ବସଷ୍ଟାଣ୍ଡରେ ଅପକ୍ଷା କରିଥିଲା ସ୍ୱାମୀ । ଘରେ ମଧ୍ୟ ମା ର ବାଟଚାହିଁ ବସିଥିଲେ ପୁଅ ଝିଅ । କିନ୍ତୁ ସମସ୍ତଙ୍କ ଆଶା କିଛି ସମୟରେ ମାଟିରେ ମିଶିଗଲା । ଚାହୁଁ ଚାହୁଁ ଚାଲିଗଲା ଜୀବନ ।

ଏଭଳି ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ରେମୁଣା ନିକଟ ଗୋଲେଇ ଛକରେ । ମୃତକ ହେଲେ ସୁକାନ୍ତି ବେହେରା ତାଙ୍କ ଘର ରେମୁଣାର ଖୁଲାସିଗଞ୍ଜରେ ବୋଲି ପ୍ରାଥମିକ ତଦନ୍ତରୁ ଜଣାପଡିଛି ।

ତେବେ ସୁକାନ୍ତି ନିଜ ଭଉଣୀ ଘର ବାଦାମପାହଡକୁ  15 ଦିନ ତଳେ ଯାଇଥିଲେ ଏବଂ ଆଜି ସକାଳେ ନିଜ ପୁତୁରାର ବସରେ ଫେରୁଥିଲେ । ସେ ରେମୁଣାର ଗୋଲେଇ ଛକ ନିକଟରେ ଓଲ୍ଳାଇ ନିଜ ସ୍ୱାମୀଙ୍କ ପାଖକୁ ଆସୁଥିବବେଳେ ସୁକାନ୍ତି ଆସିଥିବା ବସଟି ତାଙ୍କ ଉପରେ ଚଢି ଯାଇଥିଲା ।

ସେଠାରେ ସଙ୍ଗେ ସଙ୍ଗେ ସୁକାନ୍ତିଙ୍କୁ ଡାକ୍ତରଖାନାକୁ ନିଆଯାଇଥିଲା ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣାକୁ ନେଇ ସ୍ଥନୀୟ ଅଞ୍ଚଳରେ ଉତ୍ତେଜନା ଦେଖାଯାଇଥିଲା ।  ପୋଲିସ ସେଠାରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାବୁଝି କରଥିଲା ଏବଂ ଘଟଣାର ତଦନ୍ତ ଆରମ୍ଭ କରିଥିଲା । ସୁକାନ୍ତିଙ୍କ ମୃତ୍ୟୁ ପରେ ତାଙ୍କ ପରିବାରରେ ଶୋକର ଛାୟା ଖେଳିଯାଇଛି ।