death

  • ଗଛରେ ପିଟିହେଲା ପିକ୍ଅପ୍ ଭ୍ୟାନ, ଡ୍ରାଇଭର ମୃତ

    ମାଲକାନାଗିରି: ଭାରସାମ୍ୟ ହରାଇ ଗଛରେ ପିଟିହେଲା ପିକ୍ଅପ୍ ଭ୍ୟାନ । ଘଟଣା ସ୍ଥଳରେ ଡ୍ରାଇଭର ମୃତ୍ୟୁ । ଏପରି ମର୍ମନ୍ତୁଦ ସଡକ ଦୁର୍ଘଟଣା ଦେଖିବାକୁ ମିଳିଛି ମାଲକାନାଗିରି ଜିଲ୍ଲା ନାୟକଗୁଡା ନିକଟରେ । ଗାଡିଟି ଦୁର୍ଘଟଣାରେ ସଂପୂର୍ଣ୍ଣ ଭାଙ୍ଗି ଯାଇଥିବାବେଳେ ଗାଡିରୁ ଡ୍ରାଇଭରଙ୍କ ମୃତଦେହ ଉଦ୍ଧାର ଚାଲିଛି ।

    ସୂଚନା ଅନୁଯାୟୀ, ପିକ୍ଅପ୍ ଭ୍ୟାନଟି ମାଲକାନାଗିରି ରୁ ଜୟପୁର ଅଭିମୁଖେ ଯାତ୍ରା କରୁଥଲା । ଗାଡିଟି ଦ୍ରୁତଗତିରେ ଥିବାରୁ ଭାରସାମ୍ୟ ହରାଇ ଏକ ଗଛରେ ପିଟି ହୋଇଯାଇଥିଲା । ଏବଂ ଭାଙ୍ଗି ଚୁରମାର ହୋଇଯାଇଥିଲା ।  ଘଟଣା ବିଷୟରେ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ ଏବଂ ଡ୍ରାଇଭରକୁ ଉଦ୍ଧାର କରିବାକୁ ଚେଷ୍ଟା କରିଥିଲେ ହେଁ କୌଣସି ସଫଳତା ମିଳିନଥିଲା । ଶେଷରେ ପୋଲିସ ସେଠାରେ ପହଞ୍ଚି ଉଦ୍ଧାର କାର୍ଯ୍ୟକୁ ଜାରିରଖିଛି । ସୂଚନାଯୋଗ୍ୟ ଡ୍ରାଇଭରଙ୍କୁ ଗାଡିରୁ ବାହାର କରିବା ପାଇଁ କଟର ମେସିନର ବ୍ୟବହାର କରାଯାଉଛି ।

    ଗାଡିଟି ଦୁର୍ଘଟଣାଗ୍ରସ୍ଥ କାହିଁକି ହେଲା । ଡ୍ରାଇଭର ନିଶାସକ୍ତ ଥିଲେ କି ଅବା ଗାଡିର ବ୍ରେକଫେଲ ହୋଇଥିଲା । ଏହା ପୋଷ୍ଟମୋର୍ଟମ ହେବାପରେ ଜଣାପଡିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।  

  • ହାତୀ ଆକ୍ରମଣରେ ମହିଳା ମୃତ

    ଖୋର୍ଦ୍ଧା: ମର୍ଣ୍ଣିଂୱାର୍କ କରିବା ବେଳେ ହାତୀ ଆକ୍ରମଣ । ଆକ୍ରମଣରେ ଜଣେ ମହିଳା ଗୁରୁତର ଥିବାବେଳେ ଅନ୍ୟ ଜଣଙ୍କର ମୃତ୍ୟୁ ଘଟିଛି । ଏପରି ଦୃଶ୍ୟ ଦେଖିବାକୁ ମିଳିଛି ଖୋର୍ଦ୍ଧା ଟାଉନ ଥାନା ଅଧୀନ ପାନବରଜ ଗ୍ରାମରେ । ମୃତକ ମହିଳା ଜଣକ ହେଲେ କିରଣବାଳା ମଙ୍ଗରାଜ

    ସୂଚନା ଅନୁଯାୟୀ ସୋମବାର ସକାଳେ କିରଣବାଳା ଅନ୍ୟଜଣେ ମହିଳାଙ୍କ ସହ ମର୍ଣ୍ଣିଂୱାର୍କ କରିବାକୁ ଯାଇଥିଲେ । ସେମାନେ ପାନବରଜ ଖେଳପଡିଆ ନିକଟରେ ଯାଉଥିବାବେଳେ ହଠାତ ସେମାନଙ୍କ ସାମ୍ନାକୁ ଏକ ହାତୀ ଚାଲିଆସିଥିଲା । ସେମାନେ କୌଣସି ମତେ ସେଠାରୁ ପଳେଇ ଯିବାକୁ ଚେଷ୍ଟା କରୁଥିବା ସମୟରେ କିରଣବାଳାକୁ ହାତୀ ଟେକି କଚାଡିଦେଇ ଚକଟି ଦେଇଥିଲା । ଫଳରେ ଘଟଣାସ୍ଥଳରେ କିରଣବାଳାଙ୍କର ମୃତ ହୋଇଯାଇଥିଲା ।

    ଅନ୍ୟ ମହିଳାଜଣକ ହାତୀ ଆକ୍ରମଣରେ ଗୁରୁତର ଆହତ ହୋଇଥିଲେ ପରେ ସେଠାରୁ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଉକ୍ତ ଘଟଣା ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି କରିଛି ।

  • ସ୍କୁଲ ଗେଟ ପଡି 7 ବର୍ଷୀୟ ନାବାଳକ ମୃତ୍ୟୁ

     କଟକ: ସ୍କୁଲର ଗେଟ ପଡି ଜଣେ ନାବାଳକ ମୃତ୍ୟୁ । ଏପରି ଘଟଣା ଦେଖିବାକୁ ମିଳିଛି କଟକ ଜିଲ୍ଲା ଆଠଗଡ ବ୍ଲକ ଅନ୍ତର୍ଗତ ଆଙ୍କୁଲା ସତ୍ୟବାଦୀ ନୋଡାଲ ୟୁପି ସ୍କୁଲରେ । ମୃତକ ଜଣକ ହେଲେ ସତ୍ୟବାଦୀର ଅଞ୍ଚଳର ଚିକୁ ନାୟକ ।

    ମିଳିଥିବା ସୂଚନା ଅନୁଯାୟୀ ଚିକୁ ପ୍ରତିଦିନ ସ୍କୁଲ ପରିସର ଭିତରେ ଖେଳାଖେଳି କରନ୍ତି । ଶୁକ୍ରବାର ମଧ୍ୟ ସେ ସ୍କୁଲ ଗେଟ ନିକଟରେ ଖେଳୁଥିଲେ । କିନ୍ତୁ ହଠାତ ଗେଟଟି ତାଙ୍କ ଉପରେ ଖସି ପଡିଥିଲା । ଚିକୁ ଗେଟ ତଳେ ଚାପିହୋଇ ଯିବାରୁ ସେ ଗୁରୁତର ଆହତ ହୋଇଯାଇଥିଲେ । ତେବେ ଆହତ ଅବସ୍ଥାରେ ସ୍ଥାନୀୟ ଲୋକେ ନାବାଳକ ଜଣକୁ ଆଠଗଡ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ।  ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

    ଘଟଣା ସ୍ଥଳରେ ପୋଲିସ ପହଞ୍ଚି ଏକ ଅପମୃତ୍ୟୁ ମାମଲା ରୁଜୁ କରିଛି । ଏବଂ ଘଟଣାର ତଦନ୍ତ ଆରମ୍ଭ ଆରମ୍ଭ କରିଛି । ସ୍କୁଲ ଗେଟଟି କିପରି ପଡିଲା , ଗେଟଟି ଠିକ ଭାବରେ ଲାଗିଥିଲା କି ନାହିଁ ,ଗେଟଟି କଳଙ୍କି ଖାଇଥିଲା କି ଯଦି କଳଙ୍କି ଖାଇଥିଲା ସ୍କୁଲର ପ୍ରଧାନ ଶିକ୍ଷକ ଏସମ୍ପର୍କରେ କାହିଁକି ନଜର ଦେଉନଥିଲେ । ଏନେଇ ପୋଲିସ ତଦନ୍ତ ଆରମ୍ଭ କରିଛି । ଏପଟେ ନାବାଳକର ମୃତ୍ୟୁରେ  ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

  • ମଶାବତୀ ଧୁଆଁରେ ଛଅ ମୃତ

    ନୂଆଦିଲ୍ଲୀ: ମଶା ଧୁଆଁରେ ଚାଲିଗଲା ଛଅ ଜୀବନ । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ରାଜଧାନୀ ଦିଲ୍ଲୀର ଶାସ୍ତ୍ରୀ ପାର୍କ ନିକଟରେ । ମଶା ଦାଉରୁ ରକ୍ଷା ପାଇଁ ମଶାବତୀ ଲଗାଇ ଶୋଇଥିବା ବେଳେ ଶ୍ୱାସରୁଦ୍ଧ ହୋଇ ଚାଲିଗଲା ଗୋଟିଏ ପରିବାରର ଛଅ ଜୀବନ ।

    ସୂଚନା ମୁତାବକ ସବୁଦିନ ଭଳି ଗୁରୁବାର ରାତିରେ ଉକ୍ତ ପରିବାର ମଶାଧୂପ ଦେଇ ଶୋଇଥିଲେ । କିନ୍ତୁ କୌଣସି କାରଣରୁ ମଶାଧୂପଟି ଗଦି ଉପରେ ପଡିଯାଇଥିଲା ଫଳରେ ଗଦିରେ ନିଆଁ ଲାଗିଯାଇଥିଲା । ଏଠାରୁ ନିର୍ଗତ ବିଷାକ୍ତ ଧୁଆଁରେ ପରିବାର ସମସ୍ତ ଅଚେତ ହୋଇଯାଇଥିଲେ ଏବଂ କେହି କିଛି ଜାଣିପାରିନଥିଲେ ।

    ନିର୍ଗତ ଧୁଆଁ ପରେ ନିଆଁରେ ପରିଣତ ହୋଇ ସଂପୂର୍ଣ୍ଣ ଘରେ ଲାଗିଯାଇଥିଲା । ତେବେ ଆଜି ସକାଳେ ଶାସ୍ତ୍ରୀ ପାର୍କର ମାଛ ମାର୍କେଟ ନିକଟରେ ଥିବା ମଜାର ୱାଲା ରୋଡର ଏକ ଘରେ ନିଆଁ ଲାଗିଥିବା କଥା ପୋଲିସ କୁ ସୂଚନା ମିଳିଥିଲା । ପୋଲିସ ସୂଚନାପରେ ଘଟଣା ସ୍ଥଳରେ ପହଞ୍ଚି ଉକ୍ତ ଘରୁ 9 ଜଣଙ୍କୁ ଉଦ୍ଧାର କରିଥିଲା ଏବଂ ତୁରନ୍ତ ଜାଗ ପ୍ରବେଶ ଚନ୍ଦ୍ର ହସ୍ପିଟାଲକୁ ଚିକିତ୍ସା ପାଇଁ ପଠାଇଥିଲା ।

    ଯେଉଁଠାରେ ଡାକ୍ତର 6 ଜଣକୁ ମୃତ ଘୋଷଣା କରିଥିଲେ । ମୃତକଙ୍କ ମଧ୍ୟରେ ଜଣେ ମହିଳା ଆଉଜଣେ ଦେଢ ବର୍ଷର ଶିଶୁଥିବା ଜଣାପଡିଛି  । ତେବେ ପରିବାରର ଦୁଇଜଣ ଏବେ ଚିକତ୍ସାଧୀନ ଅବସ୍ଥାରେ ଅଛନ୍ତି ଏବଂ ଅନ୍ୟ ଜଣକୁ ଡିସଚାର୍ଜ କରାଯାଇଛି ।

  • ରାମ ନବମୀରେ ଘଟିଲା ଅଘଟଣ

    ଇନ୍ଦୋର: ରାମ ନବମୀରେ ପ୍ରଭୁ ଶ୍ରୀରାମଙ୍କ ଦର୍ଶନ ବେଳେ ଭୁଶୁଡିଲା କୁଅର ଛାତ । ଫଳରେ ସେହି ଛାତ ଉପରେ ଥିବା ବହୁ ଶ୍ରଦ୍ଧାଳୁ କୁଅ ଭିତରେ ପଡିବାରୁ ୧୩ ଜଣଙ୍କ ମୃତ୍ୟୁ ହୋଇଛି। ୮ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି। ଏପରି ଦୃଶ୍ୟ ଦେଖିବାକୁ ମିଳିଛି ମଧ୍ୟପ୍ରଦେଶ ଇନ୍ଦୋର ପଟେଲ ନଗରରେ । ଏଠାରେ ଥିବା ବେଲେଶ୍ୱର ମହାଦେବଙ୍କ ଝୁଲେଲାଲ ମନ୍ଦିରର ଛାତ ଭୁଷୁଡି ପଡିବାରୁ ଶ୍ରଦ୍ଧାଳୁ ମାନେ କୁଅରେ ପଡିଯାଇଥିବା ସୂଚନା ରହିଛି।

    ସୂଚନା ଅନୁସାରେ ଏଠାରେ ଥିବା ଏକ ବଡ କୁଅ ଉପରେ ନିର୍ମିତ ଛାତ ଉପରେ ଚଢି ଶ୍ରଦ୍ଧାଳୁମାନେ ଶ୍ରୀରାମଙ୍କ ଦର୍ଶନ କରୁଥିଲେ । କିନ୍ତୁ ଶ୍ରଦ୍ଧାଳୁଙ୍କ ଅତ୍ୟଧିକ ଭାର ସମ୍ଭାଳିନପାରି ଛାତଟି ଭୁଶୁଡି ପଡିଥିଲା ଯେଉଁଥିରେ 25 ଜଣ ଭକ୍ତ ଏକାସାଙ୍ଗରେ କୁଅରେ ଗଳିପଡିଥିଲେ । ତେବେ ଅଗ୍ନିଶମ ବିଭାଗର ଉଦ୍ଧାର କାର୍ଯ୍ୟ ଚାଲିଥିବାବେଳେ ସ୍ଥାନୀୟ ଲୋକଙ୍କ ସହାୟତାରେ ୮ ଜଣଙ୍କୁ ଉଦ୍ଧାର କରାଯାଇଥିବା ବେଳେ ୧୩ ଜଣଙ୍କ ମୃତଦେହ ଉଦ୍ଧାର ହୋଇଛି ଏବଂ ଅନ୍ୟ ଭକ୍ତ ମାନଙ୍କ ଉଦ୍ଧାର କାର୍ଯ୍ୟ ଜାରି ରହିଛି । ଉଦ୍ଧାର ବ୍ୟକ୍ତିମାନଙ୍କୁ ଆମ୍ବୁଲାନ୍ସ ଯୋଗେ ହସ୍ପିଟାଲକୁ ଭର୍ତ୍ତି କରାଯାଇଥିବା ଜଣାପଡିଛି ।

    ଘଟଣା ସମ୍ପର୍କରେ ମଧ୍ୟପ୍ରଦେଶ ଗୃହମନ୍ତ୍ରୀ ନରୋତ୍ତମ ମିଶ୍ର ସୂଚନା ଦେଇଛନ୍ତି କି, ୧୯ ଜଣଙ୍କୁ ଜୀବନ୍ତ ଉଦ୍ଧାର କରାଯାଇଥିବା ବେଳେ ସେମାନଙ୍କ ମଧ୍ୟରୁ ଅନେକଙ୍କ ଅବସ୍ଥା ଗୁରୁତର ରହିଛି। ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ୧୧ ଜଣଙ୍କ ମୃତଦେହ ଉଦ୍ଧାର ହୋଇଛି।

    ଅନ୍ୟପଟେ ଏହି ଘଟଣାରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଗଭୀର ଶୋକବ୍ୟକ୍ତ କରିଛନ୍ତି ଓ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି। ସେପଟେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଶୋକ ବ୍ୟକ୍ତ କରିବା ସହ ମୃତକଙ୍କ ପିଛା ୫ ଲକ୍ଷ ଟଙ୍କା ଅନୁକମ୍ପା ରାଶି ଓ ଆହତଙ୍କୁ ୫୦ହଜାର ଲେଖା ଘୋଷଣା କରିଛନ୍ତି।  ସଂପୂର୍ଣ୍ଣ ଘଟଣା ଉପରେ ନଜର ରଖିବାକୁ ଇନ୍ଦୋର ଜିଲ୍ଲାପାଳ ଓ କମିଶନରକୁ ପରାମର୍ଶ ଦେବା ସହ ଉଦ୍ଧାର କାର୍ଯ୍ୟ ଜୋର କରିବାକୁ କହିଛନ୍ତି ମୁଖ୍ୟମନ୍ତ୍ରୀ । ଅନେକଙ୍କ ସ୍ଥିତି ଗମ୍ଭୀର ଥିବାରୁ ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି।

  • ରେଳ ଲାଇନରେ ପଡିଛି ଅଜଣା ମୃତଦେହ

    ଖୋର୍ଦ୍ଧା: ରେଳ ଧାରଣାରେ ଅଜଣା ମୃତଦେହ । ଘଟଣାଟି ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ରେଳବାଇ ଡିଭିଜନ ମୁକ୍ତେଶ୍ୱର ଷ୍ଟେସନଠାରେ । ତେବେ ମୃତ୍ୟୁ କପରି ହୋଇଛି ଏନେଇ ଲୋକଙ୍କ ମନରେ ସୃଷ୍ଟି ହୋଇଛି ପ୍ରଶ୍ନ ।  ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି ।

    ସୋମବାର ଦିନ ମୁକ୍ତେଶ୍ୱର ଷ୍ଟେସନ ନିକଟରେ ଏକ ଅଜଣା ବ୍ୟକ୍ତିଙ୍କ ମୃତଦେହ ଦେଖିବାକୁ ମିଳିଥିଲା । ଘଟଣା ସ୍ଥଳରେ ଲୋକଙ୍କ ଗହଳି ଚହଳି ମଧ୍ୟ ବଢିଯାଇଥିଲା । ପାରିପାର୍ଶ୍ୱିକ ଘଟଣାକୁ ଦେଖିଲେ ରେଳ ଦୁର୍ଘଟଣା କାରଣରୁ ମୃତ୍ୟୁ ଘଟିଥିବା ଜଣାପଡିଛି ।

    ଖବର ପାଇ ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି । ତେବେ କେଉଁ ଟ୍ରେନର ଧକ୍କାରେ ଏପରି ଦୁର୍ଘଟଣା ଘଟିଛି ତାହା ତଦନ୍ତ ପରେ ଜଣାପଡିବ ବୋଲି ରେଳବାଇ ପୋଲିସ ପକ୍ଷରୁ କୁହାଯାଇଛି । ବିଡମ୍ବନା ବିଷୟ ଏହିକି ଯେ ଏପର୍ଯ୍ୟନ୍ତ ମୃତକଙ୍କ ପରିଚୟ ଅସ୍ପଷ୍ଟ ରହିଛି ।

  • ଆତ୍ମହତ୍ୟା ଉଦ୍ୟମ କରିଥିବା ଜଗଦୀଶଙ୍କ ମୃତ୍ୟୁ

    ନୂଆପଡା: ଗୁରୁବାର ଦିନ ପେଟ୍ରୋଲ ଢାଳି ଆତ୍ମହତ୍ୟା ଉଦ୍ୟମ କରିଥିବା ଜଗଦୀଶ ଆଜି ହସ୍ପିଟାଲରେ ଚିକିତ୍ସିତ ଅବସ୍ଥାରେ ମୃତ୍ୟୁବରଣ କରିଛନ୍ତି । ସେ ଦୀର୍ଘଦିନ ହେଲା ଜମି ବିକ୍ରି ମାମଲାରେ ତହସିଲ ଅଫିସକୁ ଧାଇଁ  ନିରାଶ ହେବା ପରେ ଗତକାଲି ମଧ୍ୟାହ୍ନ ୧ଟା ବେଳେ ନିଜ ଦେହରେ ପେଟ୍ରୋଲ ଢାଳି ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ ।ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଆଜି ବୁର୍ଲା ହସ୍ପିଟାଲରେ ମୃତବରଣ କରିଛନ୍ତି ।

    ଜଗଦୀଶଙ୍କ ମୃତ୍ୟୁ ପାଇଁ ପରିବାର ଲୋକେ ତହସିଲଦାରକୁ ଦାୟୀ କରିଛନ୍ତି । ପରିବାର ଲୋକଙ୍କ ଅଭିଯୋଗ ଅନୁଯାୟୀ, ଦୀର୍ଘ ଦୁଇ ବର୍ଷ ହେବ ଜଗଦୀଶ ଏକ ଜମି ବିକ୍ରି ମାମଲାକୁ ନେଇ ତହସିଲ ଅଫିସ ଦୌଡୁଥିଲେ କିନ୍ତୁ ତହସିଲ ବାବୁ ତାଙ୍କ କାର୍ଯ୍ୟ ନକରି ବାରମ୍ବାର ତାଙ୍କୁ ଅନ୍ୟ ମାନଙ୍କ ଆଗରେ ଅପମାନିତ କରୁଥିଲେ । ଏହାକୁ ନେଇ  କାମ ନହେଲେ ଜଗଦୀଶ ଆତ୍ମହତ୍ୟା ଚେତାବନୀ ମଧ୍ୟ ଦେଇଥିଲେ। କିନ୍ତୁ ତାଙ୍କ କଥା ଶୁଣାଯାଇନଥିଲା ଓ ବାଧ୍ୟ ହୋଇ ଆତ୍ମହତ୍ୟାକୁ ଆପଣେଇ ନେଇଥିଲେ ବୋଲି ପରିବାର ଲୋକେ ଅଭିଯୋଗ କରିଛନ୍ତି  ।

    ପରିବାର ଲୋକଙ୍କ ଅଭିଯୋକକ୍ରମେ ପୋଲିସ ତହସିଲଦାର ଓ ଅତିରିକ୍ତ ତହସିଲଦାରଙ୍କ ବିରୋଧରେ ନୂଆପଡା ଥାନାରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛନ୍ତି । ତହସିଲଦାରଙ୍କୁ ଏ ସମ୍ପର୍କରେ ପଚାରିବାରୁ ସେ ଜଗଦୀଶକୁ ଜାଣି ନଥିବା କଥା କହିଛନ୍ତି ଏବଂ ସେ କଣ ପାଇଁ ଅଫିସ ଆସୁଥିଲେ ସେ ତାହା ବି ଜାଣିନାହାନ୍ତି ବୋଲି ତହସିଲ କହିଛନ୍ତି ।

  • ପୋଖରୀରେ ବୁଡି ଦୁଇ ନାବାଳକ ମୃତ

    ନୂଆପଡା: ଗାଧଉଥିବା ବେଳେ ପୋଖରୀରେ ବୁଡି ଦୁଇ ନାବାଳକଙ୍କ ଚାଲିଯାଇଛି ଜୀବନ  । ଏପରି ଏକ ଦୃଶ୍ୟ ଦେଖିବାକୁ ମିଳିଛି ନୂଆପଡା ଜିଲ୍ଲା ସିନାପାଲି ଥାନା ଅନ୍ତର୍ଗତ ଚୌରା ଗ୍ରାମରେ। ସୂଚନା ମୁତାବକ, ଦୁଇ ସାଙ୍ଗ ସ୍କୁଲ ସାରି ଫେରି ଗାଧେଇବାକୁ ଦିନ 4 ଟା ବେଳେ ପୋଖରୀକୁ ଯାଇଥିଲେ । ସେଠାରେ କୌଣସି କାରଣବଶତଃ ସେମାନେ ପୋଖରୀରେ ବୁଡିଯାଇଥିଲେ। ସ୍ଥାନୀୟ ଲୋକେ ସେମାନଙ୍କୁ ପୋଖରୀରୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଥିଲେ । ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

    ତେବେ ମୃତକ ଦୁଇ ଜଣ ହେଉଛନ୍ତି ବୃଷଭ ବନ୍ଦଛୋର (9) ଓ ହମିତ ବନ୍ଦଛୋର (7)।  ଘଟଣା ପରେ ପରିବାର  ଓ ଚୌରା ଗ୍ରାମରେ ଶୋକର ଛାୟା ଖେଳିଯାଇଛି । ତେବେ ଆଜି ଉଭୟ ନାବାଳକଙ୍କ ମୃତ ଶରୀରକୁ ବ୍ୟବଛେଦ ପାଇଁ ପଠାଯାଇଛି ।

  • ଭୁଲ ଇଞ୍ଜେକସନ ପାଇ ଯୁବକ ମୃତ୍ୟୁ

    ରାୟଗଡା: ଭୁଲ ଇଞ୍ଜେକସନ ଯୋଗୁଁ ଯୁବକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ଏଭଳି ଅଭାବନୀୟ ଘଟଣା ଘଟିଛି ରାୟଗଡା ଜିଲ୍ଲାର ଚାନ୍ଦିଲି ଥାନା ଅନ୍ତର୍ଗତ ସାନ ଚାନ୍ଦିଲି ଗ୍ରାମରେ। ମୃତ ଯୁବକ ଜଣଙ୍କ ହେଲେ ପ୍ରଶାନ୍ତ କୌଶଲ୍ୟା। ପ୍ରଶାନ୍ତଙ୍କର ପ୍ରଥମେ ମୁଣ୍ଡ ବ୍ୟଥା ସହ ପେଟ ଯନ୍ତ୍ରଣା ହୋଇଥିଲା। ସେ ପରିବାର ଲୋକଙ୍କୁ ଜଣାଇଥିଲେ ଏହାପରେ ତାଙ୍କୁ ଜେକେପୁର ସ୍ଥିତ ବି.ଏ ରାଓ ନନ୍ଦୁବାବୁ କ୍ଲିନିକକୁ ନିଆଯାଇଥିଲା। ସେଠାରେ ତାଙ୍କୁ ଦୁଇଟି ଇଂଜେକସନ ଦିଆଯାଇଥିଲା। କିନ୍ତୁ ଘରକୁ ଯିବା ପରେ ତାଙ୍କର ବାନ୍ତି ହେବ ସହ ଛାତିରେ ଯନ୍ତ୍ରଣା ଅନୁଭବ ହୋଇଥିଲା। ଏହାପରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ତେବେ  ପରିବାର ପକ୍ଷରୁ ଭୁଲ ଇଂଜେକସନ ଯୋଗୁଁ ମୃତ୍ୟୁ ହୋଇଥିବା ଅଭିଯୋଗ ସହ ସେହି କ୍ଲିନିକ ଉପରେ ତଦନ୍ତ କରି କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି।

  • ବାଇକ ଧକ୍କାରେ ଶିକ୍ଷୟତ୍ରୀ ମୃତ୍ୟୁ

    କନ୍ଧମାଳ: ବାଇକ ସହ ସ୍କୁଟି ମୁହାଁମୁହିଁ ଧକ୍କା। ଘଟଣାରେ ୨ଜଣ ମହିଳାଙ୍କ ମୃତ୍ୟୁ। କନ୍ଧମାଳ ଜିଲ୍ଲା ବାଲିଗୁଡା ନିଲୁଙ୍ଗିଆ ଗାଁରେ ଅଭାବନୀୟ ଘଟଣା। ଜଣେ ଶିକ୍ଷୟତ୍ରୀ ଓ ଜଣେ ମହିଳା କ୍ଲର୍କ ସ୍କୁଲକୁ ଯାଉଥିବା ବେଳେ ସାମ୍ନା ପଟୁ ଜୋରରେ ଧକ୍କା ଦେଇଥିଲା ବାଇକ। ତେବେ ଆହତମାନଙ୍କୁ ସ୍ଥାନୀୟ ସରକାରୀ ଡ଼ାକ୍ତରଖାନାରେ ଭର୍ତି କରାଯାଇଥିଲା। ତେବେ ଉଭୟଙ୍କ ଚିକିତ୍ସା ସମୟରେ ମୃତ୍ୟୁ ହୋଇଥିବା ଜଣାପଡିଛି। ତେବେ ବାଇକ ଚାଳକ ସାମାନ୍ୟ ଆହତ ଥିବା ଜଣାପଡିଛି। ଦୁର୍ଘଟଣାରେ ମୃତ ମହିଳାମାନେ ଲିଙ୍ଗାଗଡ କନ୍ୟାଶ୍ରମ ସ୍କୁଲର ଶିକ୍ଷୟତ୍ରୀ ପ୍ରଦିପ୍ତା ସାହୁ, ଅନ୍ୟଜଣେ ସ୍ଥାନୀୟ ମାଲିକାପଡ଼ି ପଞ୍ଚାୟତ କୁପାଗୁଡ଼ା ଗାଁର ବିମଳା ପ୍ରଧାନ। ସ୍ଥାନୀୟ ପୋଲିସ ପହଞ୍ଚି ଗାଡିକୁ ଜବତ କରବା ସହ ମୃତଙ୍କ ଶବ ବ୍ୟବଚ୍ଛେଦ ପାଇଁ ପଠାଇଛନ୍ତି। ଏନେଇ ପୋଲିସ ତଦନ୍ତ କରୁଛି।  

Back to top button