durga puja

  • ମା ବିରଜାଙ୍କ ପୀଠରେ ଲାଖବିନ୍ଧା ପର୍ବ

    ଯାଜପୁର: ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜାଙ୍କ ପୀଠରେ ନିଶାର୍ଦ୍ଧ ରାତ୍ରରେ ଲାଖବିନ୍ଧା ପର୍ଵ ଅନୁଷ୍ଠିତ। ଗତକାଲି ଅପରାହ୍ନରେ ନବଦିନାତ୍ମକ ରଥଯାତ୍ରାର ପରିସମାପ୍ତ ହୋଇଛି। ରଥଯାତ୍ରା ସମାପ୍ତ ପରେ ରାତ୍ରିରେ ରଥ ଉପରେ ଯଥା ରୀତିନୀତି ପୂଜାର୍ଚ୍ଚନା ହେବା ପରେ ଲାଖବିନ୍ଧା ପର୍ବ ଆରମ୍ଭ ହୋଇଥିଲା। ଘଣ୍ଟଘଣ୍ଟା ସଂକୀର୍ତ୍ତନ ସହ ଏକ ବିରାଟ ପଟୁଆରେ ମାଆଙ୍କ ବିଜେପ୍ରତିମା କୁ ଲାଖବିନ୍ଧା ପଡିଆକୁ ନିଆଯାଇ ସେଠାରେ ପୂଜାର୍ଚ୍ଚନା ହେବା ପରେ ସମାଜରୁ ପାପ ନାଶ କରିବା ଉଦ୍ଦେଶ୍ୟରେ ଚତୁର୍ଦିଗକୁ ସର କ୍ଷେପଣ କରାଯାଇଥିଲା। ପରେ ନଅରପଦା ଦେଇ ମାଙ୍କ ବିଜେପ୍ରତିମାକୁ ଅଣାଯାଇ ମନ୍ଦିର ପ୍ରବେଶ କରାଯାଇଛି। ଏନେଇ ମନ୍ଦିର ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିଲା। ଆଜି ମାଙ୍କ ବିଜୟା ଦଶମୀ ପାଳିତ ହେବ।

  • ଆଜି ମାଆଙ୍କ ମଣ୍ଡପରେ ସପ୍ତମୀ ପୂଜା

    ଭୁବନେଶ୍ୱର: ଧାରା ପୃଷ୍ଠ ରେ ଅବତରଣ କରିଛନ୍ତି ମାଆ ଦୁର୍ଗା। ବିଭିନ୍ନ ସ୍ଥାନରେ ମାଆଙ୍କ  ପୂଜା ଆରମ୍ଭ ହୋଇଯାଇଛି। କେଉଁଠି ନବରାତ୍ର ପୂଜା ତ ଆଉ କେଉଁଠି ଷଷ୍ଠୀ ଠାରୁ ଦୁର୍ଗା ପୂଜା ଅର୍ଚ୍ଚନା ଚାଲିଛି। କେଉଁଠି ପରମ୍ପରାରେ ଦଣ୍ଡିଆ ନୃତ୍ୟ ହେଉଛି ତ ଆଉ କେଉଁଠି ମନ୍ତ୍ର  ଧୋନିରେ ପ୍ରକମ୍ପିତ ପୂଜା ମଣ୍ଡପ।

    ଆଜି ମାଆଙ୍କ ମଣ୍ଡପରେ ସପ୍ତମୀ ପୂଜା ଚାଲିଥିବା ବେଳେ ପ୍ରତ୍ୟେକ ଶକ୍ତି ପୀଠ ମାନଙ୍କରେ ମହାଅଷ୍ଟମୀ ପୂଜା ଅନୁଷ୍ଠିତ ହୋଇଛି। ମାଙ୍କ ପୂଜାକୁ ନେଇ ଉତ୍ସବ ମୂଖର ଗାଁ ଠାରୁ ସହର। ତେବେ ସମସ୍ତ ଶକ୍ତିପୀଠ ଗୁଡିକରେ  ମାଙ୍କ ଦର୍ଶନ ପାଇବା ପାଇବା ପାଇଁ କୋଣ ଅନୁକୋଣରୁ ଆସିଥିବା ଭକ୍ତଙ୍କ ଭିଡ ଦେଖିବାକୁ ମିଳିଛି। ପୂଜାମଣ୍ଡପରେ ସନ୍ଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରିଛି ପୂଜା କମିଟି। ପୂଜାକୁ ଦୃଷ୍ଟିରେ ରଖି ସମସ୍ତ ସହରାଞ୍ଚଳରେ ପ୍ରଶାସନ ତରଫରୁ ବ୍ୟାପକ ବ୍ୟବସ୍ଥା ମଧ୍ୟ କରାଯାଇଛି।

  • ଆଜି ମଣ୍ଡପରେ ଷଷ୍ଠୀ

    ଭୁବନେଶ୍ୱର: ଚାଲିଛି ଶାରଦୀୟ ପାର୍ବଣ ପୂଜା। ଏନେଇ ଉତ୍ସବ ମୁଖର ଗାଁ ଠୁ ସହର। ମୂଳାଷ୍ଟମୀ ଠାରୁ ଚାଲିଛି ମାଙ୍କ ଷୋଡସ ଉପଚାର ପୂଜା। ଏହାସହ ଚାଲିଛି ନବରାତ୍ରୀ ପୂଜା। ନବରାତ୍ରୀ ଷଷ୍ଠ ଦିନରେ ମାଆଙ୍କ କରାଯାଉଛି ପୂଜା ଅର୍ଚ୍ଚନା। ଦୀର୍ଘ ୨ ବର୍ଷ କରୋନା କଟକଣା ପରେ ଚଳିତ ବର୍ଷ ମାଙ୍କ ପୂଜା ବେଶ ଆଡମ୍ୱରରେ ପାଳିତ ହେଉଛି । କେତେକ ପୂଜା ମଣ୍ଡପରେ ମାଙ୍କ ପୂଜାଅର୍ଚ୍ଚନା ଆରମ୍ଭ ହୋଇସାରିଛି।  ଆଉ କେତକ ପୂଜା ମଣ୍ଡପରେ ମାଙ୍କ ପୂଜା ସପ୍ତମି ଠାରୁ ଆରମ୍ଭ ହେବ। ସମସ୍ତ ଶକ୍ତିପୀଠରେ ମାଙ୍କର ଷୋଡସ ଉପଚାର ପୂଜା ହେଉଛି। ସେପଟେ ଜଗତସିଂହପୁର ଜିଲ୍ଲାର ପ୍ରସିଦ୍ଧ ଶକ୍ତିପୀଠ ଝଙ୍କଡବାସୀନି ମା’ଶାରଳାଙ୍କ ପୀଠରେ ସ୍ୱତନ୍ତ୍ର ନିତିକାନ୍ତିରେ ପୂଜାର୍ଚ୍ଚନା କରାଯାଉଛି। ଆଜି ପୀଠରେ ସପ୍ତମୀ ପୂଜା କରାଯାଉଛି। ମା’ଶାରଳାଙ୍କ ଦୈନଦିନ ପୂଜାର୍ଚ୍ଚନା ସହ ଷୋଡଶ ଉପଚାର ପୂଜା କରାଯାଇ ସଂଧ୍ୟାରେ ମା’ଶାରଳା ମହିଷାମର୍ଦ୍ଦିନି ବେଶରେ ଭକ୍ତଶ୍ରଦ୍ଧାଳୁଙ୍କୁ ଦର୍ଶନ ଦେବେ।

    ଅନ୍ୟପଟେ ଶ୍ରୀକ୍ଷେତ୍ରର ଅଧିଷ୍ଠାତ୍ରୀ ଦେବୀ ମା ବିମଳାଙ୍କ ନୀତି କାନ୍ତି ଅନୁସାରେ ବିଭିନ୍ନ ଦେବୀ ପୀଠରେ ଚାଲିଛି ଦେବୀଙ୍କ ଆରାଧନା। ଶ୍ରୀ ମନ୍ଦିର ନିକଟରେ ଥିବା ମା କାକୁଡି ଖାଇ ହେଉଛନ୍ତି ମା ବିମଳାଙ୍କ ପ୍ରତିନିଧି। ତେବେ ଷୋଳ ପୂଜା ସମୟରେ ମହିଳାମାନେ ଶ୍ରୀମନ୍ଦିର ମା ବିମଳାଙ୍କ ଦର୍ଶନ କରିପାରୁନାଥିବାରୁ ଆଜି କାକୁଡି ଖାଇଙ୍କ ନିକଟରେ ମହାସପ୍ତମୀ ପୂଜା କରି ଦର୍ଶନ କରିବେ। ଆଜି ଶ୍ରୀକ୍ଷେତ୍ରର ବିଭିନ୍ନ ପୂଜା ମଣ୍ଡପରେ ଷଷ୍ଠୀ ପୂଜା ଅନୁଷ୍ଠିତ ହେଉଥିବା ବେଳେ ଦେବୀପୀଠ ମାନଙ୍କରେ ପାଳିତ ହେଉଛି ମହା ସପ୍ତମୀ।

  • ଦୁର୍ଗାପୂଜା ପାଇଁ କମିଶନରେଟ ପୋଲିସର ପ୍ରସ୍ତୁତି ବୈଠକ

    ଭୁବନେଶ୍ବର: ଦୁର୍ଗାପୂଜା ପାଇଁ କମିଶନରେଟ ପୋଲିସର ପ୍ରସ୍ତୁତି ବୈଠକ ଶେଷ। ବୈଠକରେ ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ , ଅତିରିକ୍ତ କମିଶନର ଉମା ଶଙ୍କର ଦାସ ,  ଡିସିପି ପ୍ରତୀକ ସିଂଙ୍କ ସହ ମେୟର ସୁଲୋଚନା ଦାସ , କଂଗ୍ରେସ ବିଧାୟକ ସୁରେଶ ରାଉତରାୟ ଯୋଗ ଦେଇଥିଲେ। ବିଭିନ୍ନ ପୂଜା କମିଟି ର କାର୍ଯ୍ୟକର୍ତା, ସମସ୍ତ ଥାନା ଅଧିକାରୀଙ୍କ ସମେତ ବିଦ୍ୟୁତ ଓ ଅଗ୍ନିସମ ବିଭାଗର ଅଧିକାରୀ ମଧ୍ୟ ଏହି ବୈଠକ ରେ ସାମିଲ ହୋଇଛନ୍ତି । ଦୁଇ ବର୍ଷ ପୂଜା ବନ୍ଦ ଥିବା ଯୋଗୁଁ ଚଳିତ ବର୍ଷ ଅଧିକ ଲୋକଙ୍କ ସମାଗମ ହେବା ଆଶଙ୍କା କରାଯାଉଛି । ପୂଜା ରେ ଅଧିକ ପୋଲିସ ଫୋର୍ସ ମୁତୟନ କରାଯିବା ସହ ଅଷ୍ଟମୀ ଦିନ ମହିଳା ପୋଲିସ ଫୋର୍ସ ମୁତୟନ କରାଯିବ। ଏହାସହ ଡ୍ରେନେଜ ସମଶ୍ୟା ର ସମାଧାନ , ବିଏମସି ପକ୍ଷରୁ ପ୍ରତି ୱାର୍ଡ କୁ ଦିଆଯାଥିବା ସହାୟତା ରାଶି , ସଠିକ ଟ୍ରାଫିକ ବ୍ୟବସ୍ଥା , ବିଦ୍ୟୁତ ପାଇଁ ସିଙ୍ଗିଲ ମିଟର ବ୍ୟବସ୍ଥା , ଓ ଅଗ୍ନିସମ ବିଭାଗ ର ସଠିକ ସହଯୋଗ କରିବାରୁ ପୂଜା କମିଟି ତରଫରୁ ନିବେଦନ କରାଯାଇଥିଲା । ସେହିପରି ଭଷାଣି ବେଳେ ଯେପରି ମେଢ଼ରେ ବିଦ୍ୟୁତ ତାର ନ ଲାଗିବ ତାହାକୁ ଗୁରୁତ୍ୱ ଦିଆଯାଇଛି । ଉଭୟ ପୂଜା ଓ ଭଷାଣି ପାଇଁ ଡିସିପି ଙ୍କ କାର୍ଯ୍ୟାଳୟ ରେ ସିଙ୍ଗଲ ଉଇଣ୍ଡୋ ଵ୍ୟଵସ୍ଥା କରାଯାଇଛି । ୨୦ ରୁ ୨୭ ତାରିଖ ଭିତରେ ପୂଜା କମିଟି ଗୁଡିକ ଏଥିପାଇଁ ଆବେଦନ କରି ଅନୁମତି ନେଇ ପାରିବେ । ସେହିପରି ଭୁବନେଶ୍ୱର ଉପକଣ୍ଠ ରେ ପୂଜା କରୁଥିବା ପୂଜା କମିଟି ଏଡିଏମ ଅଫିସ ରେ ସିଙ୍ଗଲ ଉଇଣ୍ଡୋ ବ୍ୟବସ୍ଥା କରାଯାଇଛି । ବୈଠକ ରେ ମେୟର ସୁଲୋଚନା ଦାସ କହିଛନ୍ତି  ପୂଜା ପୂର୍ବରୁ ରାସ୍ତାଘାଟ ମରାମତି ପାଇଁ ପ୍ରତି ୱାର୍ଡ କୁ ୫ଲକ୍ଷ ଟଙ୍କା ଦିଆଯିବ । ବଡ ବଡ ପୂଜା ମଣ୍ଡପ ରେ ଭ୍ରାମୟମାଣ ଟଏଲେଟ ବ୍ୟବସ୍ଥା କରାଯିବ । ସେହିପରି ଅଳିଆ ଉଠାଇବା ପାଇଁ ସ୍ୱତନ୍ତ୍ର ଭାବେ ଡ଼ଷ୍ଟବିନ ବ୍ୟବସ୍ଥା କରାଯିବ ।ପୂଜା ରେ ସିଙ୍ଗିଲ ୟୁଜ ପ୍ଲାଷ୍ଟିକ କୁ ବ୍ୟାନ କରାଯାଇଛି । ସେହିପରି ସଂସ୍କୃତିକ କାର୍ଯ୍ୟକ୍ରମ ପାଇଁ ରାତି ୧୨ ଟା ପର୍ଯ୍ୟନ୍ତ ଲାଇଟ ଓ ସାଉଣ୍ଡ ପାଇଁ ଅନୁମତି ଦେଇଛି ପୋଲିସ ।

Back to top button