flood situation

ଭୁବନେଶ୍ୱର: ବନ୍ୟା ଦୁର୍ଦ୍ଦଶାକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଲା ବିଜେପି। ସରକାର ବନ୍ୟା ଜଳ ପରିଚାଳନା ଓ ରିଲିଫ ବଣ୍ଟନରେ ବଡ଼ ଭୁଲ କରିଛନ୍ତି ବୋଲି ପ୍ରେସମିଟ ଜରିଆରେ ଅଭିଯୋଗ କରିଛି ବିଜେପି। ତେଣୁ ମୁଖ୍ୟମନ୍ତ୍ରୀ ଓଡ଼ିଶାବାସୀଙ୍କୁ କ୍ଷମା ପ୍ରାର୍ଥନା କରନ୍ତୁ ବୋଲି କହିଛନ୍ତି ବିଜେପି ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ। ସେପଟେ ମୁଖ୍ୟମନ୍ତ୍ରୀଙ୍କ ମଣିଷ ପଣିଆ ନାହିଁ ବୋଲି କହିଛନ୍ତି ମନମୋହନ ସାମଲ। ବିଭିନ୍ନ ବନ୍ୟାଞ୍ଚଳ ବିଜେପି ଟିମ ବୁଲି ସ୍ଥିତି ଅନୁଧ୍ୟାନ କରିବା ସହ ଲୋକଙ୍କ ସମସ୍ୟା ନେଇ ରାଜ୍ୟ ସଭାପତି ସମୀର ମହାନ୍ତିଙ୍କୁ ଅଭିଯୋଗ ପତ୍ର ଦେଇଛି ବିଜେପି ଟିମ।

ଇସଲାମବାଦ: ପାକପିସ୍ତାନରେ ପ୍ରଳୟଙ୍କାରୀ ବର୍ଷା। ସିନ୍ଧୁନଦୀରେ ଜଳସ୍ଥର ବୃଦ୍ଧି ଫଳରେ ପାକିସ୍ତାନର ଅନେକ ଅଞ୍ଚଳରେ ବନ୍ୟା ପାଣିରେ ଉବୁଟୁବୁ। ତେବେ ବନ୍ୟା ପ୍ରଭାବରେ ଏକ ହଜାର ଲୋକଙ୍କ ମୃତ୍ୟୁ ହୋଇବା ପାକିସ୍ତାନ ବନ୍ୟା ପରିଚାଳନ ବିଭାଗ ପକ୍ଷରୁ ସୂଚନା। ତେବେ ମୃତକଙ୍କ ମଧ୍ୟରେ ୩୪୩ ଶିଶୁ ଥିବା ସୁଚନା ରହିଛି। ପାକିସ୍ତାନର ବେଲୁଚିସ୍ତାନରେ   ଅନେକ ଅଞ୍ଚଳ ଲଗାଣ ବର୍ଷା ଏବଂ ବନ୍ୟାରେ ପ୍ରଭାବିତ ଥିବା ବେଳେ ୩୦ ଲକ୍ଷରୁ ଅଧିକ ଲୋକ ଏହି କୋପରେ ହନ୍ତସନ୍ତ ହେଉଛନ୍ତି। ଏନଡିଏମଏ ପକ୍ଷରୁ ଉଦ୍ଧାର କାର୍ଯ୍ୟ ଜାରୀ ରହିଛି।

କଟକ: ବନ୍ୟା ବିପନ୍ନଙ୍କୁ ମିଳିପାରିଲା ନାହିଁ ରିଲିଫ। ଯାହାକୁ ନେଇ ଉତ୍ୟକ୍ତ ବନ୍ୟା ବିପନ୍ନ। ଏନେଇ ପଂଚାୟତ କାର୍ଯ୍ୟାଳୟରେ ତାଲା ପକାଇଛନ୍ତି ବନ୍ୟା ବିପନ୍ନ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ବାଙ୍କୀ ଡମପଡା ବ୍ଲକ ଗୋପାଳପୁର ପଂଚାୟତରେ। ସୂଚନା ଅନୁଯାୟୀ,  ବନ୍ୟାକୁ ୧୨ ଦିନରୁ ଉର୍ଦ୍ଧ୍ୱ ସମୟ ବିତିଯାଇଥିଲେ ମଧ୍ୟ ୯ ନମ୍ବର ୱାର୍ଡର ବନ୍ୟା ବିପନ୍ନଙ୍କୁ ଦିଆଯାଇ ନାହିଁ ରନ୍ଧା କୀ ଶୁଖିଲା ଖାଦ୍ୟ। ଯାହାକୁ ବିରୋଧ କରି ଉତ୍ୟକ୍ତ ୱାର୍ଡ ବାସିନ୍ଦା ଗ୍ରାମ ପଂଚାୟତରେ ମୁଖ୍ୟ କାର୍ଯ୍ୟାଳୟରେ ଅନିର୍ଦ୍ଧିଷ୍ଟ କାଳ ପାଇଁ ତାଲା ପକାଇଛନ୍ତି ଗ୍ରାମବାସୀ।