JAMMUKASHMIR

  • ଧାରା ୩୭୦ ଉଚ୍ଛେଦକୁ ପୂରିଲା ୩ ବର୍ଷ

    ଜାମ୍ମୁ-କାଶ୍ମୀରୀରୁ ଧାରା ୩୭୦ ଉଚ୍ଛେଦକୁ ଆଜି ୩ ବର୍ଷ ପୂରିଛି। ଧାରା ଉଚ୍ଛେଦ କରିବା ସହିତ କେନ୍ଦ୍ର ସରକାର ରାଜ୍ୟକୁ ଦୁଇଟି କେନ୍ଦ୍ରଶାସିତ ଅଞ୍ଚଳରେ ବିଭକ୍ତ କରିଥିଲେ। ୩୭୦ ଧାରା ହଟିବା ପରେ ଆତଙ୍କବାଦୀ ଆକ୍ରମଣରେ ହ୍ରାସ ଘଟିଛି। ଏହା ସହିତ ଆଇନ ଶୃଙ୍ଖଳା ପରିସ୍ଥିତିରେ କୌଣସି ସାଧାରଣ ନାଗରିକ ବା ଯବାନମାନଙ୍କର ମୃତ୍ୟୁ ହୋଇନାହିଁ। ଆତଙ୍କବାଦୀ ଆକ୍ରଣରେ ମଧ୍ୟ ସାଧାରଣ ଲୋକଙ୍କ ମୃତ୍ୟୁ ସଂଖ୍ୟା ହ୍ରାସ ପାଇଛି।

    ଧାରା ୩୭୦ ଉଚ୍ଛେଦ ହେବା ପୂର୍ବରୁ ଏବଂ ଏହା ପରେ ୩ ବର୍ଷର ତଥ୍ୟକୁ ଆଧାର କରି ଜାମ୍ମୁ କାଶ୍ମୀର ପୋଲିସ ସୂଚନା ଦେଇଛି ଯେ, କାଶ୍ମୀର ଅଞ୍ଚଳରେ ଆତଙ୍କବାଦୀଙ୍କ ଆକ୍ରମଣ ହ୍ରାସ ପାଇଛି। ପୋଲିସ ଏହି ଘଟଣାକୁ ୬ଟି ଭାଗରେ ବିଭକ୍ତ କରିଛି।

    ଏଥିରେ ଆଇନ ଏବଂ ଶୃଙ୍ଖଳା ଅନୁଯାୟୀ, ଯେଉଁଠାରେ ୫ ଅଗଷ୍ଟ ୨୦୧୬ ରୁ ନେଇ ୪ ଅଗଷ୍ଟ ୨୦୧୯ ମଧ୍ୟରେ ଘଟିଥିବା ଘଟଣା ୩୬୮୬ ଟି ପଞ୍ଜିକୃତ ରହିଛି। ସେହିପରି ୫ ଅଗଷ୍ଟ ୨୦୧୯ ରୁ ୪ ଅଗଷ୍ଟ ୨୦୨୨ ମଧ୍ୟରେ ମାତ୍ର ୪୮୩ଟି ଘଟଣା ପଞ୍ଜିକୃତ ହୋଇଛି। ଏହା ବ୍ୟତୀତ ଧାରା ୩୭୦ ରଦ୍ଦ ହେବାର ତିନି ବର୍ଷ ପୂର୍ବରୁ ୧୨୪ ଜଣ ସାଧାରଣ ନାଗରିକଙ୍କର ମୃତ୍ୟୁ ହୋଇଥିବା ବେଳେ ୬ଜଣ ଯବାନଙ୍କ ମୃତ୍ୟୁ ହୋଇଥିଲା ସ୍ୱତନ୍ତ୍ର ସ୍ଥିତି ହଟାଯିବା ପରେ କୌଣସି ନାଗରିକଙ୍କର ବା ଯବାନଙ୍କର ମୃତ୍ୟୁ ହୋଇନାହିଁ।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

  • ପୁଲୱାମାରେ ଆତଙ୍କବାଦୀ ଆକ୍ରମଣ

    ଜାମ୍ମୁ କାଶ୍ମୀରର ପୁଲୱାମାରେ ଆତଙ୍କବାଦୀ ଆକ୍ରମଣ ହୋଇଛି। ଏହି ଆତଙ୍କବାଦୀଙ୍କ ଆକ୍ରମଣରେ ସିଆରପିଏଫ ର ଜଣେ ଏଏସଆଇ ସହିଦ୍ ହୋଇଥିବା ସୂଚନା ମିଳିଛି। ସେନା କର୍ମଚାରୀ ଏବଂ ସୁରକ୍ଷା ବାହିନୀ ସମଗ୍ର ଅଞ୍ଚଳକୁ ପୂରା ଅକ୍ତିଆର କରି ରଖିଛନ୍ତି। ଆତଙ୍କବାଦୀମାନଙ୍କୁ ଧରିବା ପାଇଁ ସୁରକ୍ଷା ବାହିନୀ ପକ୍ଷରୁ ବ୍ୟାପକା ବ୍ୟବସ୍ତା କରାଯାଇଛି।

    କୁହାଯାଉଛି ଯେ, ସେହି ଅଞ୍ଚଳରେ ସ୍ଥାନୀୟ ପୋଲିସ ଓ ସିଆରପିଏଫ ୟବାନମାନେ ଚେକିଂ ପୋଷ୍ଟରେ ଚେକିଂ ଜାରି ରଖିଥିଲେ। ଏହି ସମୟରେ ଆତଙ୍କବାଦୀମାନେ ହଠାତ୍ ସେଠାକୁ ଆସି ଆକ୍ରମଣ କରିଥିଲେ। ଏହି ଘଟଣା ଗୋଙ୍ଗୁ କ୍ରସିଙ୍ଗ ଅଞ୍ଚଳରେ ହୋଇଥିବା ସୂଚନା ମିଳିଛି।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ 

  • ଭୂକମ୍ପରେ ଥରିଲା ଜମ୍ମୁ-କାଶ୍ମୀର

    ଭୂକମ୍ପରେ ଥରିଲା ଜମ୍ମୁ-କାଶ୍ମୀର। ପ୍ରବଳ ବର୍ଷା ପରେ ଏଠାରେ ଭୂକମ୍ପ ହୋଇଥିଲା। ତେବେ ଏଥିରେ କାହାରି କ୍ଷୟକ୍ଷତି ହୋଇନଥିବା ଜଣାପଡିଛି। ଜମ୍ମୁ-କାଶ୍ମୀରର ଅନକେ ସ୍ଥାନରେ ଭୂକମ୍ପର ଝଟକା ଅନୁଭୂତ ହୋଇଥିବା ବେଳେ ଏହାର ତୀବ୍ରତା ୪.୫ ବୋଲି ଜଣାପଡିଛି। ଏହାର କେନ୍ଦ୍ରସ୍ଥଳୀ ପାକିସ୍ତାନ ବୋଲି ଅନୁମାନ କରାଯାଉଛି।
    ସେପଟେ ଅମରନାଥ ଯାତ୍ରା ବେଳେ ଶୁକ୍ରବାର ବାଦଲଫଟା ବର୍ଷା ହୋଇଥିଲା। ଏଥିରେ ବହୁ ଶ୍ରଦ୍ଧାଳୁ ନିଖୋଜ ହୋଇଯାଇଥିବା ବେଳେ ୧୫ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି। ପୋଲିସ, ଏନଡିଆରଏଫ, ଏସଡିଆରଏଫ ଟିମ ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ତେବେ ପ୍ରଶାସନ ପକ୍ଷରୁ ହେଲପ ଲାଇନ ନମ୍ୱର ଜାରି କରାଯାଇଛି। ସେହିପରି ୧୫୦୦୦ ତୀର୍ଥଯାତ୍ରୀ ଅମରନାଥଙ୍କ ପବିତ୍ର ଗୁମ୍ଫା ନିକଟରୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇଛି।
    ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ

Back to top button